樂麵

叫咗个盐鸡白汤拉面，完全得少少咸味，乜香味都冇！已经叫咁浓汤底都咁…然后个面仲要痴埋一旧！劲离谱！食咁多之拉面都未试过咁～拣咗软面面系硬嘅～加配埋杯玫瑰花蜜，同饮紧沐浴露开水冇分别。。最后杯嘢就系饮咗一两啖，个面就系食咗几啖！完全投降放弃…查看更多

行过商场不时见到《乐面》，但感觉又唔似日式嘅拉面店，好奇心下search下呢间公司背景，系一间港式拉面，主打香港嘅酱油、面条，加上鸡白汤底系真熬，唔系用粉开出嚟，令到我有啲兴趣港式嘅拉面有咩唔同。平时食评我系讲食物先，今次我讲价钱先，佢个价钱都好进取，最基本嘅拉面都$98，既然开得呢个价，相信店主对佢嘅拉面好有信心，我亦放心去食呢个本土拉面。我点咗佢个「真熬鸡白汤」，我估唔到系佢个鸡白汤有惊喜，够浓郁，亦带出鸡香味，加上香港制造嘅拉面，估唔到都好出色，同日本拉面一样，可以选择软硬度，面质爽口弹牙，挂上浓郁嘅鸡汤，的确系可以媲美日本嘅拉面。另一个要赞嘅系佢个溏心蛋，好少可会见到可以做到咁靓，佢个溏心可以用perfect嚟形容。我觉得《乐面》可以再嚟试佢唔同嘅菜式，拉面要做到出色唔容易，做到令我赞都唔易，所以呢个拉面系值得加分。我另外叫多个饺子，佢又冇介绍个饺子系咪自己包，味道我觉得正常，煎到啱啱好，一路食其实我都唔系觉得似港式嘢，佢做得好成功，希望佢可以做得更好。…查看更多

今日试咗呢个系叉烧滑蛋嘅煲仔肠粉，正确学名系港系秘抽蜜汁叉烧珍宝滑蛋炒肠粉。个底其实系豉油王炒肠粉，叉烧10分弹牙，滑蛋10分嫩滑，上碟速度快过煲仔饭，又落单到上枱都系大约5分钟内嘅事，相当有效率。佢嘅缺点系太热辣辣，冬天嘅话应该冇得弹！其实一年四季都啱食，所以都推介嘅！…查看更多

呢间嘅拉面 只适合唔钟意食日本拉面嘅人可以一试🫠系一间充满香港特色嘅餐厅(拉面店)试咗花雕醉鸡汤🍜个花雕令到碗面偏酸😢 可能就咁鸡白汤会好啲嗌咗酱油清汤🍜个味道系蒸鱼鼓油味😂 加埋啲葱就好似食紧蒸鱼豉油浸面咁😂😂仲食咗个虾多士🍤🍞味道一般，口感偏油喜欢试新嘢 想要惊喜嘅人可以一试😂😂难怪路过嘅时候餐厅入面一个食客都冇🥲食咗成餐饭一个钟都只系有一个食客入咗嚟😂佢除咗面都有砂煲饭，不过今次就冇试到🙂‍↔️面系咁嘅质素嘅话，都唔需要试饭🫠…查看更多

我食过好多间拉面店，佢系我喺香港食过最难食嘅拉面。。。我叫鸡白汤拉面，男朋友嗌鸡扒煲仔饭，两样嘢都好难食。拉面个汤底完全冇鸡味可言 得个咸字，面个质地超硬 啲葱同配料嘅份量就嚟多过碗面，三种肉嘅肉质都唔太好。煲仔饭完全冇饭焦豉油亦都冇味，等咗成半小时，结果上到嚟旧鸡扒细到傻 味道亦都好普通。讲真，每样嘢百几蚊，九十几至百几蚊嘅拉面有好多其他选择，好食过佢好多。唔明白点解间餐厅依然高朋满座 店家真系有好大进步空间。…查看更多