烏蠅館 (九龍中心大廈)

营业中

休息中

天氣濕濕立立，最啱就食吓辣嘢去下濕。咁啱朋友仔又係一個「麻辣控」。 呢晚一於去出名食辣嘅「烏蠅館」試吓師傅嘅手勢！由iSquare行過去大概5分鐘就到達餐廳，橙橙紅紅嘅裝飾好吸晴👀 嚟得幫襯，梗係要食辣啲🤭 呢晚我哋點咗幾個小食同烤魚，一於辣爆佢！✨風味小食蒜泥白肉 - 半肥瘦嘅白肉配合餐廳特製醬汁，味道唔會太辣，但係入口就非常惹味紅油皮蛋 - 香辣嘅紅油淋上糖心皮蛋，口味好特別川式蓮藕豬肉紅油水餃 - 水餃餡料非常豐富，咬落去啖啖鮮肉仲有啲蓮藕粒，口感好豐富✨香辣烤魚招牌香辣海鱸魚 - 以往一向只會食麻辣醬烤魚嘅我，呢日就聽服務員介紹試吓新口味！由30幾款香料煮成嘅醬汁，餐廳仲細心到可以比客人選擇少油少鹽。配埋肥美嘅海鱸魚一齊食，湯汁香辣得嚟又唔會蓋住魚肉嘅鮮味，的確係一個唔錯嘅新嘗試！之後我哋仲嗌咗啲火鍋料加入湯汁一齊食，呢餐真係好豐富呀！✨甜品醬爆紅糖糍粑 - 即叫即做嘅紅糖糍粑，口感煙煙韌韌咁，一啖咬落去，紅糖醬爆晒出嚟... 香濃嘅紅糖味道，口味令人喜出望外😉餐廳整體食物質素同唔錯，服務員對客人有傾有講，仲會因應客人口味介紹唔同食物，充滿人情味！朋友仔果然冇介

週日同朋友一齊嚟咗呢間喺尖沙咀嘅烤魚加打邊爐餐廳食晚餐🤩等烤魚嘅時候食咗 $38「蒜蓉炒時令菜」：揀咗油麥菜，油麥菜幾新鮮，加咗大量蒜蓉炒，變得味道濃郁🤣同埋 $25「雞肉串（2串）」：加咗孜然粉，燒得幾香口🤣餐廳有3款「三峽烤魚」，有「珍珠班、海鱸魚、清江魚」，我哋揀咗 $348「清江魚(700-800g)」，原因係餐牌上邊寫住「集鮮甜結實肥美一身」🤣；又揀咗「蒜香烤魚」口味🤩，如果唔揀蒜頭味就可以揀不同款式嘅辣味🤣上枱嘅時候「清江魚」放喺個四方鍋度煲滾之後先可以食🤣，「清江魚」大大條夠多肉🤩，肉厚又肉質肥美兼嫩滑，有勁多蒜蓉放咗喺湯底裏邊煮，湯底味道超濃郁充滿油香又鹹味十足，相當惹味🤣$28「萵筍片」：淥10秒鐘 就硬硬哋，淥10分鐘 就軟腍腍🤣，兩樣都幾好食😋$35「蘿蔔片」：呢個要淥10分鐘 先至軟腍腍入味啲好食啲🤣$35「自家製韭菜餃（半份）」：餃子裏便有韭菜又有豬肉，簡單幾好食🤩$12「無糖可樂」：要咗兩樽，凍冰冰嘅可口可樂配濃味食物就梗係正啦🤣$18「原葉檸檬茶」：要咗少甜少冰，大大杯，幾清新🤣

今個母親節，去咗一間食冒菜餐廳同媽媽食，試咗佢哋嘅母親節小炒套餐，真係好抵食！整個套餐只需要$358，個個都食到好飽～🌟套餐：有2款小食+1款川菜+2款小炒+1湯 ✨小食-涼拌鼠耳：鼠耳切得薄薄嘅，口感脆口，好似雲耳，比雲耳細少少🤏配上香醋同埋蒜蓉，味道清新爽口開胃😋✨麻辣豬耳絲：味道有啲辣味，豬耳絲嘅質感滑溜配左麻辣醬，好味👍✨主菜-烏蠅酸菜魚：跟套餐既份量估唔到都好多好足料！魚肉鮮嫩，酸菜嘅味道岩岩好👏🏻唔會太酸～✨湯-芥菜鹹蛋湯：以為會苦，點知飲落好清甜，鹹蛋香味融合咗芥菜，飲落去非常舒服，好適合而家呢慣天氣飲，令人好開胃🤤✨小炒-蟹黃豆腐：豆腐滑嫩，好有蟹黃嘅香味😋香味融入豆腐入面，推薦👍✨粉絲蝦煲：佢哋用咗個小爐煲住粉絲同蝦，感覺好似打邊爐，蝦肉新鮮，粉絲吸收咗所有湯汁，味道好濃郁👅餐廳仲提供無酒精飲品，自助飲品只需$25/位，可以隨便享用，選擇多樣，我叫左黑糖桃膠鮮奶，味道香甜，唔會太膩。

烏蠅館 @尖沙咀🪡尖沙咀亞士厘道29-39號九龍中心大廈地下G29號舖💰$100-$150母親節就到了啦，有餐廳推出母親節小炒套餐menu，$358就可以叫到成枱係餸，超級抵食。重點係！加$25可以任飲無酒精飲品🥤。環境滿分💯，食物有心思又高質，快啲帶埋屋企人一齊食。🍭蒜泥白肉薄切五花肉肥瘦均勻，蒜泥醬香辣夠勁，肥肉加埋蒜泥一啖落口滿足程度爆燈，麻辣控必試！ 🧈涼拌豆腐滑豆腐配上四川醬汁，清淡中帶鮮，上面灑滿尖椒同蔥花，開胃之選～ 🌶️ 招牌沸騰魚上枱仲滾緊！魚片嫩滑無骨，麻辣湯底香而不嗆，仲有大量芽菜同寬粉索盡精華，食到停唔到口🔥 🥗豬油渣椰菜花鑊氣十足！椰菜花炒得爽脆，豬油渣香口到犯規，簡單但超級送飯🍚 🍤粉絲蝦煲大蝦新鮮彈牙，粉絲吸滿蝦油同蒜香，粉絲份量足！🍲 芥菜鹹蛋湯湯頭清甜帶微微苦甘，鹹蛋黃碎增加鹹香，飲完成個人暖笠笠☺️ 🍹 黑糖珍珠鮮奶珍珠Q彈、黑糖掛杯，奶香濃郁仲可以選擇少甜，加分！西瓜鮮果茶超Fresh！西瓜果肉+清香茶底，夏日解渴首選🍉

我好鍾意食冒菜，來自四川既味道黎到香港，有辣同唔辣選擇，都是好味道！位於尖沙嘴既烏蠅館，餐廳翻新左，餐牌也更新左，身為冒菜 忠實粉絲當然要去食啦！餐廳卡座夠大張，坐得舒服，叫得多野食都唔無位放。三峽烤香清江魚（ 蒜香味）清江魚一大條，果然係集鮮甜結實肥美於一身。清江魚魚刺少，方便食。700-800g一條，份量兩人食適合。味道選擇唔辣既蒜香味，真係好香濃，越食越開胃！清江魚有好多營養價值，其中一項吸引到我係清江魚含有一种蚊子不敢靠近的營養物質，多吃清江魚可以抵抗蚊子叮咬。精選牛板腱好嫩滑既牛板腱，能索滿濃郁湯汁仍食了牛味。墨汁墨魚丸我挺喜歡這種墨魚丸，佢質感唔係爽口彈牙，而係軟綿滑溜果種，而且食到香香墨汁味。界花魷魚魷魚切片再界花，一口一個食得方便，彈牙口感亦不錯。四川蕃薯粉軟身同時又彈牙，掛滿湯汁非常惹味。娃娃菜烤魚後食菜減減油膩感。提子鮮果茶西瓜鮮果茶食重口味野時飲番杯清涼鮮果茶好爽快，茶裡充滿水果碎，真材實料。

烤魚係烏蠅館既招牌菜， 佢個烤魚自選套餐，超抵～$398 就已經有烤魚，小食，火鍋配料，同飲品我地揀左清江魚，肉質嫩滑，入口即化，唔似有啲魚質鬆散，我地叫左小🌶️，辣椒同烤魚焦香既味道，聞到都已經好肚餓，啲汁滲透係啲魚肉到，食落去好正呀配料萵筍～清脆爽口，黑豚肉～肉質口感啱啱好，風琴豆腐串～索哂啲汁，好美味四川寬粉～晶瑩剔透，滑溜同彈牙白飯～撈埋魚同火鍋配料，好好餸飯😂爆漿紅糖糍粑～糍粑外皮炸得好香，食落甜而不膩另外仲叫幾款串燒雞皮串～腩肉串～雞腎串～茉莉蜂蜜～茉莉花茶加奶蓋～整體性價比好唔錯👍🏼下次去試下啲小炒

位於尖沙咀既川菜「烏蠅館」🇨🇳🌶️ 老細話佢平時系公司都有嗌開佢地外賣既冒菜😌 今次再特登同佢黎到堂食😆烤魚自選套餐 $398魚類方面有「清江魚」「珍珠斑」同「海鱸魚」作選擇🐟 我地揀左海鱸魚 肉質緊緻有彈性 而且口感爽滑😌• 自選口味我地揀左餐廳既「招牌香辣」🌶️ 餐廳用上超過30種香料調配 味道香辣層次豐富😛• 選一款小食六款小食中 我地揀左「四川酥魷」🐙 外酥內嫩• 自選三款烤魚火鍋配菜我地揀左厚實既「土豆片」; 味道濃郁既「精選牛板腱」同酥脆鬆軟既「風琴豆腐串」另外每位 +$28 可暢飲無酒精飲品😌 多款汽水同手調飲品😆薑汁豆皮芽 $26結合左豆皮既豆香 豆芽既脆嫩 同薑汁既辛香微辣 非常開胃🫚火爆牛肉 $85牛肉嫩滑入味 搭配辣椒京蔥既刺激🐮 香辣惹味 鑊氣十足

烏繩館之前都有食過，但無特別寫食評，因為又時候水準有啲飄忽。今次隔咗一段時間再嚟，就睇下有無進步。餐廳應該有重新裝修過，以前度木門好難拉/推，因為太重，宜家換咗自動門；另外座位方面重新設計為有卡位，坐得舒適咗。宜家都係用QR code落單，今次嗌咗個冒菜A餐，揀咗貢菜、雞肉、萵筍、海帶結，主食加蕃薯粉（雖然有小插曲就係上菜個陣發現無粉，後來請店員幫手補返，但態度係積極嘅），湯底揀咗麻辣BB辣。麻辣湯會有加蒜頭，所以食完有少少口臭，但係好香；辣度正常，係食食下會覺得有啲麻，需要飲品解渴。份量夠食飽嘅，間中可以一試。隨餐嗌咗杯凍嘅小蜜柑普洱茶，有啲得意，宜家飲品都係用類似珍珠奶茶杯裝，但飲茶葉茶就好易飲埋底下啲茶葉，要拎起少少條吸管飲。

👉🏻烏蠅館👈🏻踏入掛著紅燈籠的川菜館🌶️空氣中浮動著花椒與炭火交織的香氣。好多人都係入面享受烤魚或炒菜，依家仲有個$398烤魚自選套餐🐟一黎就升級到清江魚，仲可以揀三款吾同嘅烤魚火鍋配菜同一款小食，又可以每人加$28仼飲特飲，性價比好高，必叫嘅套餐🌟烤清江魚鐵盤盛著金黃焦脆的清江魚🐠叫左個招牌香辣湯底，浸係湯汁入面嘅魚肉細好似食豆腐咁，呢個魚肉好厚實，冇咩骨，啖啖肉，入面仲有嗦滿湯汁嘅芽菜，真係一流，叫左小辣🌶️都吾會好辣🌟配菜蓮藕片，每一舊都好大舊，好爽膽黑栢葉份量好足😋索咪湯汁真係一流芝士腸係打邊爐不可以缺少，一啖咬開係滿滿嘅芝士🌟四川酥魷份量好多，啲魷魚🦑炸到好酥脆，入面係厚實嘅魷魚，好有彈性，好香脆🌟牛肉串用左孜然去調味，仲要好大舊肉🥩燒到熱辣辣，咬落去肉汁混著油脂好香，好juicy🌟紅油皮蛋浸在辣油中，淋了蒜泥與陳醋，食落去係辣辣地又凍凍地，好似食緊豬皮凍咁，好好送飯🌟紅糖糍粑呢個甜品係必食，岀面裹滿左黃豆分，外脆內軟，一咬落去啲紅糖汁流曬落黎，加上糍粑嘅煙韌🌟百香果寒天綠茶好濃嘅百香果味加上綠茶嘅清香🥤塞天嘅qq 彈彈，又吾好甜🌟西瓜鮮果茶清甜瓜香伴茶香，加上少少嘅果肉🍉一邊食

📍烏蠅館 (九龍中心大廈)尖沙咀亞士厘道29-39號九龍中心大廈地下G29號舖烤魚🐠係烏蠅館的招牌菜，我地今次試左佢嘅“烤魚自選套餐”，只需要$398！包一條烤魚，一款小食，三款烤魚火鍋配菜，另外每位加$28仲可以任飲無酒精飲品！🍻烤魚選用新鮮清江魚🐟，肉質幾嫩滑，叫左小辣🌶️，辣度適中。魚身好入味🥳，搭配蒜蓉同辣椒、雲耳、金菇、洋蔥等配菜，不過略嫌有啲油🥶。除左烤魚，仲試左串燒、小食同嘢飲🧋。特別推薦佢哋嘅嘢飲，水準拍得住出邊嘅台式茶飲店😙整體性價比唔錯🥰推薦俾鍾意食烤魚嘅朋友！不過要趕時間嘅朋友要留意返，烤魚等得比較耐的，當日都等咗一個鐘🤯🫠🫢💰人均~$300😋總評分: 7/10   #foodlab尖沙咀

第N次去烏蠅館開飯🍚 不斷回頭 係為咗招牌烤魚 今晚帶埋老媽子 順便試埋呢度嘅小菜-🐟招牌香辣烤清江魚要咗一條清江魚 貪佢魚骨大條易揾 醬汁濃郁香辣 就算係一邊滾住一邊食 魚肉依然肉厚肥美 肉地腍身 夾魚嗰時 魚肉又唔容易散開😊-🥘肝腰合炒🥘白油青筍豬肚老媽子鍾意食內臟 兩個小菜 各有唔同煮法 味道一濃一淡 炒腰肝自帶辣油 辛麻有嚼勁 好啱餸飯 我比較鍾意豬肚 萵荀清爽可口-🥣芥菜鹹蛋湯呢個湯勁有住家湯水feel 價錢唔貴 食麻辣烤魚再飲一碗清熱下火芥菜湯 唔使擔心爆暗瘡🤓-🍹原葉檸檬茶🍹奶蓋桂花蜂蜜-🫔紅糖糍粑唔食甜品 感覺唔完滿😛 糍粑外酥內軟 紅糖漿甜而不膩

位於尖沙嘴既烏蠅館最近裝修咗，餐牌都有update。餐廳有卡位，坐得舒服。餐廳主打烤魚，其中清江魚係招牌菜，店員推介小辣已經非常惹味😋【主菜🐟】 ✨ 清江魚（招牌香辣） $348 👍🏻👍🏻👍🏻👍🏻青江魚每份700-800g，肉質嫩滑，吸收晒啲汁嘅精華，好鮮味【火鍋配料🥘】 ✨ 自家鮮蝦雲吞 $37 👍🏻👍🏻👍🏻雲吞有原隻鮮蝦，好食✨ 墨魚滑 $46 👍🏻👍🏻👍🏻爽口彈牙✨ 四川寬粉 $15 👍🏻👍🏻👍🏻配烤魚必嗌✨ 皇帝菜 $18 👍🏻👍🏻👍🏻✨ 豆腐 $15 👍🏻👍🏻👍🏻✨ 萵筍 $15 👍🏻👍🏻👍🏻皇帝菜同埋萵筍新鮮爽口，豆腐吸收晒湯嘅精華【飲品🍹】 ✨ 百香果寒天綠茶 $28 👍🏻👍🏻👍🏻✨ 百香果菠蘿氣泡 $29 👍🏻👍🏻👍🏻寒天綠茶酸酸地幾開胃，菠蘿氣泡就有啲甜👍🏻👍🏻👍🏻👍🏻👍🏻（最推薦）- 👎🏻（可以唔使試）

今日同朋友去咗烏蠅館食烤魚🔥 聽講佢哋嘅烤魚好正宗，今日終於有機會試吓啦！我哋叫咗條清江魚，口味揀咗招牌香辣，小辣🌶️仲可以少油同少鹽👍🏻 烤魚真係好惹味，魚肉鮮嫩入味，辣得嚟又唔會太過火，我哋食到lam lam脷呀！🤤我哋仲叫咗個四川寬粉🍝寬粉吸晒烤魚嘅湯汁，好入味😋 辣辣哋，好過癮🌶️除咗烤魚之外，我哋仲叫咗好多串燒🍢！雞皮串🐔、牛肉串🐮、雞中翼🍗同雞腎串都好正！😋 燒得啱啱好，外脆內嫩，好juicy！🤤飲品方面，我叫咗杯百香菠蘿氣泡🍍百香果同菠蘿嘅味道好夾，加上氣泡水，好解渴求👍🏻 朋友就叫咗杯西瓜鮮果茶🍉西瓜味香濃，好清新！👍🏻

在尖沙咀發現的川菜館——**烏蠅館**！名字雖然聽起來有點特別，一起去探險吧！🤤這次我點了滿滿一桌！💯招牌香辣清江魚 (小辣)：魚肉超級嫩滑，香辣入味，而且完全沒有刺！小辣的程度剛剛好，怕辣的姐妹們也能輕鬆駕馭！🌶️🐟1974年版回鍋肉：香而不膩，搭配清脆的蓮藕片，口感層次豐富！據說是正宗口味呢！芫茜蠔仔紅油水餃（4隻）：水餃皮薄餡大，一口咬下去，芫茜和蠔仔的鮮味在口中爆發！紅油香辣夠味，四個完全不夠吃！🥟四川傳統酥肉：酥肉炸得金黃酥脆，孜然的香氣撲鼻而來！🍖紅糖糍粑（2粒）：軟糯香甜的糍粑，裹上濃濃的紅糖，是川菜的完美 ending！一人份剛剛好，不會太膩！😋* **提子鮮果茶（凍）**：吃辣的時候來一杯冰鎮的鮮果茶，超級解膩！裡面有滿滿的提子和水果，酸甜可口，顏值也超高！🍹* **酸梅寒天綠茶（凍）**：酸酸甜甜的酸梅搭配清爽的綠茶，再加上Q彈的寒天，口感豐富，解渴又解膩！🍵* **冰粉（桂花蜂蜜）**：冰冰涼涼的冰粉，淋上桂花蜂蜜，清甜爽口！吃完辣的再來一碗，簡直太舒服了！🍧姐妹們，趕快約起來，一起去打卡吧！👭🏻

好耐都冇食過三峽烤魚啦，今日就約埋朋友嚟到烏蠅館，揀番條清江魚 $348，店員話呢種魚鮮甜得黎肉質結實，而且魚骨比較大條一啲，食得方便啲！烤魚有四款口味選擇，我地就揀咗使用超過30種材料整成既招牌香辣烤魚，呢個口味味道香濃，好惹味！條魚食到咁上下，我哋仲嗌咗啲配料，分別有黑柏葉🐮$39、蟹籽丸🦀$25、風琴豆腐串🍢$19～除咗烤魚之外，佢哋仲有好多唔同小食，我哋揀咗兩款，分別係涼拌肥牛🐮 $36 同埋 川式芫茜蠔仔紅油水餃🥟（4隻）$32覺得兩款都幾出色，尤其是涼拌肥牛，佢嘅肥牛切得比較薄身，所以一啲都唔韌，涼拌嘅醬汁開胃好味，而且肥牛嘅份量勁多，又抵食又好味呀！佢哋呢度有好多唔同款式嘅飲品選擇，令人花多眼亂！最後我哋就揀咗酸梅寒天綠茶🍵 $28 同埋 桂花月光美人🍃 $18，酸梅寒天綠茶味道帶少少淡淡嘅酸味，配綠茶味道清清地，感覺都幾開胃㗎！