丼吉日式吉列豬排專門店 (青衣城1)

同一班好耐冇聚嘅旧同学食饭，6个人未决定到食咩好，有人推荐话食呢间炸猪扒啦，包你哋满意；佢话同屋企人食过铜锣湾分店几次，水准keep到，冇失望过，咁大家就听佢建议去试吓啦⋯⋯星期日，6点几去到都岩岩好有位，坐低侍应奉上热茶及推介最近promotion, 大家相讨咗一轮决定叫咗刺身，前菜食住先，极上刺身盛合+精选刺身盛合再order 1份枝豆、味淋鱼干、日式冷菠菜；牡丹虾肉质鲜甜爽口各款鱼类刺身值得一赞，够晒鲜甜之后我哋再order 一份极上の豚、一份吉列宫崎牛肉伴黑松露，同埋一份3人餐，谂住都唔算好多，每样有啲可以试晒，点知啲吉列嚟到⋯⋯份量系一啲都唔少，极上の豚够厚身炸得岩岩好，唔会好硬好实嘅口感；炸海鲜都系即时食好好味🤤，加埋沙律菜一齐食系会减低油腻感不过我哋都系睇少咗炸物嘅威力，可能食咗刺身肥美得滞，啲猪扒、猪柳都系食唔晒总括嚟讲呢餐真系好饱，系好满足嘅间中同朋友、同学放纵一下系可以，跟住要努力💪🏻返工揾💰…Read More

前两日经过青衣，顺便行下青衣城，见到Tonkichi 喺青衣城开咗。之前已经想食，朋友话啲猪扒好好食😋。所以今日就试吓佢哋嘅午餐。我叫咗一个吉列上级猪扒，深海大虾，广岛生蚝定食，吉列蚝超级好食,大虾🍤爽脆，炸猪扒非常Juice ，真系同日本一样。朋友叫咗杂锦寿司配吉列猪柳热乌冬定食。套餐入面有三片三文鱼刺身。佢本身唔食三文鱼，所以打算叫店员走三文鱼刺身。店员非常贴心主动同我哋讲话可以转其他刺身俾佢。最后转咗油甘鱼。朋友话寿司鱼生非常新鲜，油脂丰富，估唔到除了炸物好食，刺身寿司🍣都咁出色。店员不时过来加椰菜同加茶。午餐份量都非常之足够，我都食唔晒😅，环境方面又坐得好舒服。特别一赞系佢哋好用心布置万圣节🎃👻就快到，我眼见青衣城都冇乜餐厅会有布置。总结我同我朋对食物，服务，地方舒适度都非常十分赞👍🏼…Read More

相隔三、四个月再入嚟青衣城整嘢，跟住又走咗去食炸猪扒，今次拣咗个午餐炸鸡扒配炸虾同炸蚝嘅定食，因为天气太热唔想食饭所以拣个配冻乌冬的；个餐都唔使等好耐大约12、3分钟就到；一嚟紧系食咗海鲜先啦，炸大虾、炸蚝都仲系咁好食，炸蚝唔会炸到干晒，只虾又够爽口，虽然件鸡扒落单果阵侍应有讲话系鸡胸，但系食落又唔系想像食鸡胸咁又柴又干意外惊喜…Read More

行街肚饿，见到呢间新店，谂起同屋企人去开其它分店质素都唔错，价钱又几抵，就拉埋朋友入去试下每人嗌咗个lunch set，朋友另外再加咗个迷你刺身，我就加咗个店员推介既菠萝梳打，大虾弹牙鲜甜，吉列蚝肥美，菠萝梳打都唔错，唔会太甜，食炸物解腻一流👍🏻唯一既不足就系猪柳感觉细件咗，但味道都ok，比起其它分店平咗1/3，有取舍可以理解，起码门槛低咗，连出名嘴刁既朋友，都话刺身新鲜抵食，睇黎可以再黎食多次😋…Read More

以前帮衬过中环及铜锣湾分店服务非常好食物水准也可接受， 但系青衣城分店完全不行， 下午三点时段 店内已经冇乜客人， 唔见伙记，衹见counter 一女子， 下咗单后就唔见到其他人， 可能晚间嘅收费才可以享受到服务，冇所谓我都系嚟食嘢嘅啫， 环境唔错，坐位也坐得舒服， 但食物就真未到水准。首先个面豉汤超咸，猪扒汁唔好味，猪扒本身冇肉味只是个炸粉做得非常好， 个米饭就好一般， 唔会吸引唔到我食下一次。最后都唔见服务员只好自己出counter埋单， 埋单后小姐才问你需唔需要吃西瓜！ 呀！ 一直冇人招呼， 摆低完食物就完全唔见人，到埋完单行到出门口先问！！…Read More