丼吉日式吉列豬排專門店 (朗豪坊)

帮衬咗好多年，好钟意食，尖沙咀又一城都去过，但唯独是旺角朗豪坊𠮶间个马发女经理真系好X烦，次次去亲都sell我买现金券，我次次都有买，因为我成日都会去食嘅，最后去𠮶次又Sell，之前𠮶啲都未用晒，埋单嘅时候不停讲真系好烦，我去其他分店系冇呢个情况，所以以后都唔会去旺角朗豪坊呢间分店…查看更多

去完日本仲心心念念当地吉列定食，番到黎香港间唔时想满足口欲，揾番间类似嘅一解思乡之愁。但香港唔系有好多餐厅都专做吉列定食，上网一揾就出现旺角呢间丼吉，地理位置超级方便。入座后男职员即刻奉上热茶，我都无虑即决，叫左个炸虾同炸带子定食，再加炸蚝！海鲜盛宴🤣落单时职员都有提到因为系新鲜即炸，要等番10-15分钟。等待途中仲嗌左杯梅子梳打，食饭前饮非常开胃食完仲好解滞，大推！上餐时男职员介绍番枱上酱汁嘅用法，带子劲大粒炸虾食到好新鲜好弹牙，生蚝就略显普通。椰菜丝用番枱上嘅西柚汁淋少少已经好开胃，食完职员见到仲即刻帮我再加。先知原来白饭同椰菜丝可以不断添加！整体而言，同日本比就点都仲差些少，但都叫做好满足，食到捧住个肚走。不过唯一美中不足大概系价钱略贵，但冇计而家香港食咩都贵，系睇下自己觉得值唔值，我就觉得呢个价钱间唔时食一两次都可以，值得一试。…查看更多

前一两日前，路经朗豪坊，入去行一行，见到呢间叫TONKICHI 嘅日式餐厅，觉得佢哋嘅装修好特别，最重要我见佢主打系炸嘢，我个人都好钟意食香口嘢，所以就入咗去试一试。我哋叫咗个二人餐，有吉列猪扒同炸虾，唔系讲笑，猪扒弹牙多汁正呀仲有配埋呢个猪扒汁简直一流啊仲有炸虾都可以搭埋呢个他他汁呢更加鲜味突出弹牙呀👍🏻👍🏻👍🏻真系好香口好好食，仲有白饭同沙律菜系任食添。服务态度好好，我不停咁叫沙律菜食，佢哋都系满面笑容。下个月，我一定要带埋啲朋友一齐嚟食。 …查看更多

难得放星期日紧系周围揾野食,行完西洋菜街,行完旺角道都冇乜令我有冲动入去既餐厅. 走上去朗豪坊睇睇啦,好多餐厅林立,之后见到有间好有日式风味既餐厅,吸引左我埋去睇下MENU,行埋去门口职员都已经即刻同我介绍佢地系吉列专门店,有30年历史.见佢咁热情,都即刻抱住一试既心态去试下.见你吉列猪扒咪问佢几款猪有咩唔同,咁佢地都好详细介绍,咁反正都系试,就试最正果个啦厚切豚,叫完餐都即刻比左个芝麻我,介绍埋点用点食同埋D 汁酱,果然专业~猪扒一上到黎,金黄色GA 猪扒同翠绿既椰菜丝,睇见都流晒口水,一咬落去果然D 油香都渗透晒系猪肉到,合为一体咁.食得多件都即刻要食D椰菜丝解下,搭配埋柚子汁,一绝.椰菜丝清爽甜,有埋柚子汁既并配.解腻一流,我都ENCORE 左几转.白饭又雪白,阵阵饭香.都系一绝.饭后仲有生果同玄米茶做个完美既结尾.下次一定要再黎…查看更多

之前去睇kuromi 所以先去朗豪坊，买完心头好之后，望到呢度都开左间tonkichi .几年前系the one 见过，感觉佢地啲猪扒应该几正。今日难得遇到去试下先，原来都开左两年。叫左个猪柳定食，冇肥肉，啖啖肉，正呀，充满肉汁😍😍服务员啲服务态度好好，不断为我倒菜添小菜。唔错good👍🏻…查看更多