丼吉日式吉列豬排專門店 (形點 I)

营业中

休息中

見bb瞓咗，拿拿林推入去餐廳食日式炸豬回靧papa周末幫手睇仔功勞心願。 第二次食屯門元朗分店，對上一次唔記得咗幾時啦。打開餐牌就有少少出奇。。價錢平咗親民，但款式就好有啲港式， 好幾個組合都唔係日本常見嘅炸豬配搭。特上（高級）炸豬考定食papa調味磨將依舊，不過豬肉味就好唔同。 雖然炸身翠口，整體上盤乾淨俐落，不過豬味就冇以前咁香的確目前quality食得出係比出面普通炸豬扒店嘅豬肉質素較高，不過就 唔係以前嗰種日本豬獨特嘅豬肉香但無騷味的驚喜。 咖哩豬柳me 我嘅豬柳檔次畀爸爸嘅炸豬扒較低， 入口即刻知道龍與鳳明顯豬肉鎅口，味道淡好多。咖哩都同以前唔同味道， 完全係普通咖哩磚（中辛）嘅味道都好失望 兩個人埋單五百蚊左右， 比以前平咗兩至三呎成，價錢親民咗。【媽媽視線】 入店時店員見我哋舉止鬼鬼鼠鼠馬上已意會到bb瞓咗。佢哋好貼心咁安排我哋係一個角落到，啱啱好夠位放bb車，動作細心輕盈，好多謝

幾年前公司食飯曾經去銅鑼灣世貿食吉列豬扒，非常懷念。今日專登去yoho回味下😂Waiter有介紹我點樣食吉列生蠔豬柳定食，要先食海鮮再食豬柳。另一waitress就完全冇介紹老公叫鹿兒島特等厚切豚肉定食。整體來說，只能說正常味道但並不出色，厚切豚肉都ok juicy但豬味唔夠也不夠鬆軟，而且唔夠熱。豬柳甚至有啲硬🥲，生蠔還可以。兩個餐都唔平，食物質素對唔住個價錢。好希望銅鑼灣裝修完再次去食，回味當年的味道。

今日放縱日當然要食啲好野，平時依啲炸物類多數都會堂食但經過依間門口吉列專門店又好多人又好想試，知道出面都有其他分店，但一直都冇食過，見佢外賣依家做緊優惠外賣左個咖哩吉列豬扒定食番屋企，等左陣好快就有番到屋企打開有湯，西瓜🍉，菜🥗都好豐富，咖哩汁都有好多絕對夠豬扒亦都唔會好乾 份量都算大份打開OpenRice睇先發現原來堂食啲菜有得任添門口職員落單果陣都好好提我下次可以打去叫左先或者有得wts 落單都有都好方便，絕對有下次

今日同朋友係形點行街搵好野食，經過依間吉列豬扒想試好耐，但平時放工經過都好多人等位。今日見門口等位吾係太多人，都係等3張枱等左陣好快入到去，menu有好多選擇，有豬有海鮮又有刺身。糾結左一陣，最後叫左份枝豆，同一個豬扒凍鳥冬仲有海鮮定食同兩杯 柚子蜜吉列豬扒真係驚艷到我，無念過炸完出泥塊豬扒入面都仲係肉汁鮮嫩，食到一半朋友講起先醒起吾記得影相，即刻幫佢影番張相。海鮮定食好正咩都有，有蝦有蠔仲有有帶子。。最重要係佢飯同菜都係任加順帶一提職員都好好會介紹啲汁醬係點食。

專登開account 寫呢篇野。。。食咗呢間嘢十幾年，世貿開始食，炸豬扒來講水準OK，一直係佢忠實客戶。呢幾年食開IFC 又一城 ，水準都維持到。難得入元朗，見到有得食就試下。一入到去已經唔係幾對路，裝潢、環境、餐牌，甚至紙巾托盤等等都同出面啲分店唔同，價錢亦平啲。店員服務亦無得比，不過又唔係五星酒店，所以我唔介意。但食物質素真係差啲。。。應該唔係我心理作用。。。啲豬柳又乾又硬，醬料污糟，我一定會無限添食既生菜亦無其他分店新鮮。其實都唔需要咁樣做丫，二三百幾蚊個餐又唔係貴，何況香港人食嘢都闊綽，就算係local商場，都唔使特登開間食材次一等(?)嘅分店去遷就價格，無謂整衰自己個招牌啦。建議大家想食呢間嘅話，都係去返其他市區嘅分店。

當日掛八號風球，見D雨水細返D，就出去商場睇下有無食店開門啦。黎到商場見到好多食店都有開門，間間都唔洗等位，我地就擇左呢間。叫咗吉列豬扒定食同特上吉列海鮮定食(包括大蝦，帶子，生蠔，蟹肉薯蓉)。而當日因為無晒蟹肉薯蓉，店家改用豬柳代替。佢每個餐都會跟麵豉湯，漬物，椰菜絲，白飯同生果。而椰菜絲同白飯仲可無限refill。豬扒炸到好脆，食落一啲都唔油膩，蝦好大隻，食落啖啖肉。而個蠔好肥美。不過，個麵豉湯就有D偏鹹。

咖喱吉列豬柳飯(黑墨咖喱汁) $158Deep-fried Pork Fillet Curry with Rice(Squid Ink Curry) 好味指數 3.5/5 🍭🍭🍭🍬{豬柳炸得外脆內軟 肉汁仍能鎖在裡面 黑墨咖哩既辣度係🌶️ 0.5/5 同日式咖哩一樣 感覺帶點甜 整體這個飯既豬柳好少 只有4粒 每粒既肉都不算多｝吉列豬扒定食(日式咖喱汁) $178Deep-fried Pork Loin Set(Japanese Curry) 好味指數 3/5 🍭🍭🍭{定食有湯 少少既前菜 椰菜絲(可以加) 水果 每個飯都有配上可以自己磨既芝麻 芝麻可加上醬汁 襯托炸物一齊食 會另食物更加香口 入口味道更加豐富 餐湯係味噌湯 入面有蜆肉腐皮條 等等... 入口不會太鹹 這個餐既豬扒肉質較為實身 某D位較乾 份量係一片 切成6塊 厚度適中}

叫咗2款定食Set 🍱整體而言，雖然食物上枱時只是常溫，未夠熱，唔係即叫即炸，但每款炸物咬落都好鬆脆，而且炸漿唔厚，炸漿同肉沒有分離，幾好！好多人會問，豬扒同豬柳，點揀呀？ 二選一的取捨～👩🏼‍💻 J妹認為，兩者肉質都係唔乾嚡、唔韌老，但豬扒會有少少肥膏位，而且口感相對較豬柳肉實d，無豬柳咁腍～但如果你問我，豬柳、豬扒、炸蠔、炸蝦邊款最好食的話，個人認為炸蠔反而係最出色🦪～🍤🐖 吉列大蝦豬柳定食 $220豬柳口感腍，肉質唔乾嚡、唔韌老，無肥膏。吉列大蝦，係車海老(熟)，蝦肉唔梅，口感正常，略嫌唔夠爽彈～🦪🐖 吉列生蠔豬扒定食 $208豬扒，肉質唔乾嚡、唔韌老，會有少少肥膏位。吉列生蠔，好肥、飽滿，大粒，而且唔腥！👍🏻（杯）🍹 巨峰提子梳打 $28（杯）🍹 荔枝梳打 $28_______________丼吉日式吉列豬排專門店 (形點) (元朗)元朗元龍街9號形點一期1樓1078號舖_______________

這間連鎖過去一直是我最愛既日式鎖店-沒有之一, 以前成日去尖沙咀APPLESHOP 隔離食, 炸蝦炸蠔炸豬扒豬柳都係我既必食, 今日黎到YOHO, 見到又有TONGKICHI, 心諗一個人唔知食咩好, 不如又食下炸野。坐低就點左SET LUNCH 既炸豬扒配烏冬, 見過SET 貴左好多, 疫情前唔駛一舊水, 而家要130+, 心諗都冇咩所謂, 最緊要好食, 等左約10分鐘左右就到餐, 豬扒炸到有D硬同太干身, 一D都唔JUICY, 同埋感覺無以前咁新鮮咁有肉味(咁又未至於非常差既), 可能係我以前係尖沙咀分店食得太好, 總係覺得YOHO店不如尖沙咀店。且烏冬份量唔多, 我唔算非常大食但都唔係好飽, 我以為SET LUNCH 烏冬都可以飯咁REFILL, 點知WAITER 話烏冬無得REFILL, 有少少失望, 最後只好狂食菜, REFILL 左5次菜食飽算。(利申: 我好鐘意食呢個日本椰菜, 老婆話去DONKI AEON 呢D 度買都幾費, 所以無限REFILL 一定要狂食)。 雖然唔可以話好差, 但按呢個價錢, 個人期望值就會高D 架啦, 可以真係先入為主, 總係覺得尖沙咀店好食好多

今拍拖3年同女朋友食飯慶祝🎊🎊🎁一心諗住食日餐，點知 隔離間壽司鋪要等位😞求其搵間日餐試下 ，搵到呢度有意外驚喜呢個2人餐$348⋯⋯👆🏻👆🏻炸物⭐️⭐️⭐️⭐️⭐️食落口炸糠好鬆脆，一d都唔油同炸到好硬豬扒肥瘦適中🤤🤤人d油香勁正豬柳好淋（女朋友話一d脂肪都無，食晒都唔怕肥）沙律菜 🥗 ⭐️⭐️⭐️⭐️⭐️沙律菜 好甜 完全無苦澀味道師傅切得好幼細D伙記 好仔細介紹我哋d汁點用重要‼️好主動 Fill菜 Fill飯食到我投晒票，要叫停😂😂 我地自拍🤳⋯⋯佢地都走埋黎問要唔要幫手👍🏻👍🏻

很多時都因為想吃一些 價錢比較貴一點點，但絕對是滿足到個人的口慾，正所謂生活不如意，就吃飽一點，胃暖心就會暖一點。而收藏在心底，久不久心底默默地想去一次的丼吉，默默地記掛著他家的吉列豬扒定食，因為多次訪店，都可以食到肉汁滿滿，外脆內軟嘅炸豬扒，加上吉列炸蝦，日本米飯的黏黏，米味濃郁的日本米⋯⋯誰可忘記這滋味近日訪店，上枱的是小片吉列豬扒（正價Set），而且豬扒的厚度沒有往日的厚，肉鞋口，較乾一點，炸起的皮衣更是有一股油膩感，平常炸豬排只有左右兩邊是脂肪，但近兩次到訪上枱的，都是脂肪和肉的比例是3.5:6.5。（歎息）滿咀都是肥油，只好快快吃接受到的部份，吃多一點椰菜絲⋯⋯解解膩感，但可惜，枱上的柚子醋好像也是被污染，向職員（新入職，當日仍是培訓中的後生仔）查詢說是正常，但認真，同過往用的醬面很不一，明顯看到有層厚油在上高⋯⋯到訪日期分邊是3月及過去的4月份，可惜兩次去，都失望一點，再失望一點，現時心底也開始默默移走這個壓箱底的救贖食店了⋯⋯

一個中咗大伏嘅星期日🥲🥲🥲*吉列豬扒定食($149)賣相好得，不過真係得個樣… 豬扒極多肥膏，店員話豬扒肥係正常嘅，但係差唔多一半都咁肥，真係咁都叫正常咩🙂？豬扒本身冇咩味，另外提供嘅醬又極鹹，點少少鹽勉強入到口，唯一比較可取嘅係非肥膏部份肉質ok… *吉列大蝦豬柳伴咖喱奄列飯($156)咖喱係凍嘅🙂🙂🙂🙂🙂用咗幾分鐘影相，唔明點解啲咖喱汁可以凍曬，不予置評🙂定食碗湯鹹到懷疑人生，成餐飯真係唔知發生咩事，最好味應該係杯茶同埋西瓜🤷🏻‍♀️ 另外可以自己磨芝麻整醬汁幾有趣，建議可以俾多幾碗芝麻，食到嬲嬲地嘅時候磨兩下發洩都好💁🏻

去元朗做檢測，預埋食午餐，揀左呢間日本炸豬排餐廳，去到唔使排隊，店員安排一個二人位，淺木和式傢具，落左單十分鐘就上菜，落左單店員先比芝麻我磨，上菜後有簡介醬汁相配嘅食物！吉列豬扒拼日本生蠔定食（$208）上菜食物好靚，豬扒很厚，皮脆有肉汁，點芝麻酸醬開胃唔膩，生蠔店員有提醒要快食，預防出水，生蠔外脆內多汁，完全唔腥，蠔味濃，配沙律醬好食，白飯珍珠米彈牙，生菜絲爽脆多汁，淋上醋汁開胃減膩，我都添左生菜一次，蜆肉麵豉湯很濃，夠熱，飯後西瓜很爽多汁，食完炸物消膩一流店員有禮斯文，食前提示足夠水準高貴一點都值得

非常方便WhatsApp 落單 電話落單都無問題👍🏻👍🏻一去到舖頭就有得拎 👏🏻👏🏻*👇🏻主餐牌食品 👇🏻*經由此連結在 WhatsApp 檢視我們的目錄或直接下單https://wa.me/c/85251771960*外送服務極速連結🔗*https://pokkacafe.com/EDM/Tonkichi_Takeaway_platform_KY/?utm_source=Tonkichi_Takeaway_platform_KY👆🏻選擇外送公司就可以落單👆🏻

呢間一齊好出名既日式吉列料理，咁耐以嚟，我都食咗不下十次，但食物質素一直都能夠保持水準，我一向叫二人餐，價值約6百幾，套餐有前菜，味噌湯，三文魚刺身，吉列豬扒，吉列豬柳，吉列大蝦，吉列帶子，飯後水果，兩杯飲品，相當豐富，物有所值。叫完菜後，職員會拎來芝麻同木樁，方便磨碎，一陣加入豬扒醬一齊食。而店舖內亦提供柚子醬，紫菜汁，一陣可以食椰菜絲時攪拌食。上菜後一大盤吉列炸物放左面前，場面相當震撼，盤內附有粗鹽，芥末，他他醬及咖哩汁。炸至金黃的豬扒，豬扒肉味香濃，有肉汁，乾身不油膩，炸粉厚度適中，脆香酥化的炸皮。肉質挺有彈性，更饒富香甜的肉汁，還有一些肥肉相連著，充滿著脂香。豬柳肉質鬆軟，入口很酥脆，而且不算油膩。厚身但肉質鬆香，豬扒醬及芥末加持下，更有不同味道。酸酸甜甜的豬扒醬，消化了炸物的油膩感。吉列帶子外脆內軟，帶子很大粒，肉很鮮甜，蝦啖啖肉彈牙，實淨唔會散哂，蝦味亦好濃，十分滿足！粗鹽及他他醬建議加入海鮮類包括帶子給大蝦會更新添鮮味店舖內可以無限加添椰菜絲，椰菜絲解膩，爽甜，配上柚子醬，紫菜醬汁感覺清新 咖哩汁加入白飯，可以食多幾碗，一定夠飽。