天气好热，好想食凉啲嘅食物。最近试咗丼丼屋的几款新品同人气菜式，念念不忘，忍唔住同大家分享吓😍✨四色贝刺身丼✨期间限定七彩缤纷，卖相吸引，睇得出用料够晒讲究😍内有四色贝包括帆立贝、北寄贝、马刀贝、小贝柱，仲有三文鱼刺身，好新鲜且全部唔同口感，三文鱼肥美而贝类爽口弹牙，食落好有层次😍将酱油、Wasabi、酸姜同蟹籽拌匀来吃，鲜甜又开胃，真系可以同暑气讲拜拜👋🏻👋🏻😘✨特选刺身盛✨（主食+$35）有赤海虾、北寄贝、油甘鱼同三文鱼🦐🐟。赤海虾真系超大只🤩，长过我手掌，食落肉质鲜甜又弹牙。刺身切得厚薄适中，鱼脂香气十足，的确系新鲜好滋味。✨鸟开手羽先✨超级好食‼️🙌🏻🙌🏻炸得非常香脆，闻到微焦香气，一口咬下，内里仍然肉嫩多汁，超爆好食，想一叫再叫😍😍😍✨炸鱿鱼须✨份量唔少，炸得金黄酥脆，食落好有嚼劲，配埋洒上七味粉嘅沙律酱，非常惹味。服务员超细心，观察到我沙律酱未必够，为我再提供多一啲。✨玉子卷✨甜甜嘅玉子卷好有蛋香，细腻滑嫩，配饭食最啱，系好食嘅日式家常味道❤️。✨浓厚三重开心果雪糕球✨ （主食+$18）开心嘅晚上当然要以甜品作结，开心果雪糕球超creamy又唔会过甜，上面仲有浓厚开心果酱同开心果仁粒粒，带淡淡果仁香气，好有格调，好食又令人满足。✨苹果梳打✨ （主食+$15）清新爽口，酸甜得宜，富士苹果嘅清香透过气泡水完全释放，非常适合解腻解渴，夏天饮一杯好舒服。无论系刺身、炸物定甜品都保持高水准，用料实在，份量适中又有惊喜，绝对值得大家去打卡及支持！想睇更多介绍，马上Follow我啦😁。…Read More
