串爆

营业中

休息中

今次去左廣華街食好西，四川麻辣串串放題，係香港好少有既麻辣燙任食。餐廳用木枱，裝修非常成都中國風。貌似半張A4紙睇晒有咩食，但係要試晒全部都真係超級飽。首先，有成廿幾種食材可以揀，然後再可以揀辣既程度，作為唔食得辣但又鐘意食辣既人，今次叫左BB辣，相等於譚仔10小差唔多。仲有10款小食可以選擇。太辣可以加錢任飲飲品，真係辣到出汗，唔叫唔得。waiter仲好貼心咁問我地食唔食牛肉麵同埋冰粉。估唔到牛肉麵有驚喜，牛肉炆到超入味，麵條亦非常Q彈。冰粉類似啫喱咁，可以解辣。

今日同朋友係旺角行街，見到呢間麻辣串串店幾吸引，朋友又鍾意食辣，所以入咗去食。放題價錢分三個時段，我地食13:00-19:15幾抵食，$138食兩小時，飲品放題加$22。連串嘅選擇都唔少，亦有其他小食和面類。飲品方面我地都揀左解辣既椰汁。棒棒雞同麻辣豬紅有驚喜，棒棒雞即係麻醬青瓜雞絲，麻醬夠濃味之餘，雞肉亦幾滑。麻辣豬紅個湯底好惹味好香，豬紅本身質地亦都好好，咬落去有汁好Juice。串串鍋我哋叫咗BB辣，開始食唔係太辣，但會愈食愈辣。串串入面最欣賞麻辣牛肉，牛肉本身醃味好香，好似有d香草味，再加埋湯底既麻辣，好食！麵食我地叫左肥腸麵，豬大腸正常發揮，白色麵條很幼，帶點煙韌，唔會過軟。甜品仲有我最鍾意既冰粉，又甜又冰涼，非常解辣。另外值得一提，店員嘅服務態度好好，見我地隨身物品較多，主動拎左個籃俾我地放袋，每次幫我地加添串串，都好好禮貌。

早上提前打電話預約，但是到現場還是等了十幾分鐘，有人後面到但先給進去，可能店面就兩人所以感覺安排很混亂。點餐是用點心紙，菜品三、四十個，如果喝飲料就要+差不多$15瓶，或者$22任喝，所以選了任喝。菜品： 冰粉 吃過最難吃的冰粉，它口感沒有冰粉應該有的軟的來q，冰冰涼涼的感覺，很像菜頭糕，味道也很一般。本來冰粉愛好者的兩個人，我吃了兩口，朋友吃了一口不再動。 香辣肥肠小面 這個味道還不錯，面不會爛，湯也很濃。 棒棒雞 芝麻醬好吃所以吃著感覺也不錯 上湯白菜 🥬很入味，朋友叫多一次 麻辣豬紅 很入味，所以完全KO 涼拌青瓜 一般般，開胃小菜，沒有什麼特別 涼拌海帶絲 點了沒上.... 冷锅串串 我們選了微麻辣但是朋友還是覺得太辣，她屬於不能吃辣但愛吃那種。嚴重漏單！！！成本會比較高一點點那種漏，例如五花肉...還亂給加單...給了很多不是我們點的數量那種.....例如蘿蔔要2串來了5串（一定不要點，沒熟透.....）海帶2串又是5串.....豆腐干也是......結果就是為了吃那些....我們想吃的沒吃到，但不想浪費就全部吃了，沒辦法再點自己想吃的那些.....環境：店不大，但是應酬30

今日朋友介紹我嚟食呢間「串爆」，其實喺香港，好少見到串串放題。呢間「串爆」係一間小店，地方較為淺窄，得6至8張枱左右，但勝在環境乾淨企理。呢度食嘅係「冷鍋串串」，究竟咩係冷鍋呢？其實冷鍋啲食物都係熱嘅，只係唔需要自己涮，師傅會將串串涮好，然後再放落個湯底度俾客人，唔會好似火鍋咁，食到成身一陣味。講返「串爆」，呢度提供2個鐘任食，19:15前埋單或21:30後入座都有優惠$138/位，加$22就有得任飲，呢$22真係唔慳得，而且都有幾多飲品選擇。食物選擇都幾多，唔只淨係得串串，仲有小食、麵食同甜品。Round 1，我哋淨係order咗串串，辣度方面就叫咗BB辣。啲串串索晒麻辣湯嘅精華，真係好過癮⋯我個人覺得泡椒牛肉幾得意，牛肉包住隻泡椒，酸酸辣辣⋯另外，豬皮、鴨舌、千層肚、鮮冬菇、娃娃菜、冬瓜、萵筍同粟米都係我哋最鍾意食嘅。Round 2，叫返2個唔辣嘅小食同埋encore 串串。小食就叫咗棒棒雞同蒜泥青瓜中場休息一下。呢兩個小食都幾好食，特別係個棒棒雞，佢係雞絲同青瓜絲撈埋芝麻醬，清涼解熱。食到呢度，我哋都已經食到捧住個肚，但仲有甜品未食，點都要食埋個甜品先對得住自己。呢個甜品-成都老

呢區不嬲都好多野食，之前食過一次串爆，今次朋友又話想黎食多次，點知今次食好有驚喜。本身好唔食得辣嘅我上次食嘅時候印象中好辣但今次揀咗bb辣，很不錯，可以食到辣嘅香料味又唔會太辣。  串燒嘅選擇多，菜同肉嘅選擇一半半，都食肉獸同埋想食菜嘅都有好多選擇。唔想食極都係同一隻味都可以叫下啲小食。 不過唔食辣嘅人要小心就係涼伴嘅都係辣嘅，但棒棒雞同蒜泥青瓜都推介。     飲品叫咗冰紅茶同酸梅湯，酸梅湯都偏濃味，個串燒汁底都好濃郁，所以如果想清啲可以叫其他。  個湯底睇個樣都知好濃郁，不過係啲辣感會累積嗰隻，bb辣真係剛好。  午餐肉好容易會碎開跌入湯底，要撩下個底睇下有無食剩。  總括而言，鍾意食呢種香料味濃郁或者食辣嘅嘅人可以嚟食，一款食物一串，唔覺唔覺就可以食返夠本！ 

香港好少串串麻辣燙，正宗麻辣燙放題少之又少，今日經過旺角搵食，突然睇到一間黃色門面麻辣串放題，即刻衝過去望下！寫住正宗成都串串風味，價錢又抵，諗都唔諗即刻入去。店內裝修行四川風格，牆上面有一啲掛畫同有趣既插圖，都幾風味特別。餐牌上有好多款串串選擇，蔬菜類、肉類都好足夠。湯底有得揀辣度，BB辣至特辣，亦都可以揀唔辣。我地嗌咗BB辣先，因為廚師話可以一直加辣！第一次落單，我地叫咗蔬菜類先，蔬菜類有好多選擇，串好左既食物，會浸哂落個湯到，等一陣就會吸收到湯既精華，湯頭好好食，辣得黎帶麻，尤其大家都知蔬菜類好容易吸湯關係，食落去特別濃味，好正好過癮。我地都好推薦百頁結、薯仔、萵筍同娃娃菜！之後我哋開始食肉類，成都小香腸，以為係台灣腸個類，原來好似臘腸。泡椒牛肉食辣既人一定要食，牛肉包住一條泡椒，辣得好過癮！五花腩同肥腸都好食！如果鍾意食鴨舌，我哋都好推薦！小食方面種類都好多，我哋最推薦涼拌海帶絲，醬汁唔錯，好開胃，棒棒雞麻醬好夠味，平時鍾意食麻醬既就唔好錯過。滷水雞翼尖一般。另外，我哋都加咗任飲！可以自己隨便去雪櫃攞，飲品選擇都幾多，食辣野一定要配凍飲，因為如果太辣仲可以解辣。特別嘅係豆漿同生

今次係第一次食串串放題，佢可以自己揀辣度，依家都係$138一位，加$22可以任飲飲品，價錢非常抵。個湯底揀左小辣，感覺辣味可以接受，辣味嘅串燒真心正。佢有好多唔同選擇比人揀，大部份都點左黎試下，有幾種都幾好食。肥腸好好食，佢係豬腸，佢有好強嘅韌性，食落口幾爽口。好耐冇食過鴨舌，鴨舌一定要係辣味先好食，串燒同平時食嘅麻辣鴨舌差唔多。本身好好奇成都小香腸係咩，原來佢同平時食嘅臘腸差唔多，好香口好食。佢嘅小食大部份都係辣，鍾意食辣嘅人會好鍾意。香辣無骨鳳爪幾爽口，最鍾意食無骨，食落辣味比小辣辣小小。涼拌海帶絲嘅辣度非常濃，應該係麻辣，食到個口有麻嘅感覺，令人又愛又恨。今次試左川味牛肉麵，試佢嘅豬骨湯底，成碗都幾好味，佢嘅麵底幾彈牙，同豬骨湯好夾，牛肉粒牛肉味幾濃，值得一試。第一次食成都老冰粉，冰粉好似透明嘅啫喱，口感Q彈， 佢撒左山楂同提子乾等， 食落又鹹又甜，同時都解辣。

串串放題$138🥰🥰而家因為疫情 只可以6點前食不過串串種類繁多 湯麵 小食都有辣度可以自己調節 bb辣甚至豬骨清湯都有 我地特別鍾意麻辣牛肉同牛肚 豆腐乾都好食吸湯汁而呢度有成都小香腸！ 味道好似臘腸咁而拍青瓜都好解辣！ 好脆✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹ ✿. 𝚈𝚞𝚖：👅👅👅👅/𝟻𝚁𝚎𝚟𝚒𝚜𝚒𝚝﹕💃🏼💃🏼💃🏼💃🏼/𝟻𝙿𝚛𝚒𝚌𝚎﹕ $200𝘱𝘱˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞ 串爆 (旺角)旺角廣華街2-20號翠園大樓地下2號舖˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞

約咗朋友嚟旺角行街，本身想去食台灣菜點知嚟到發覺附近有間食成都麻辣燙嘅餐廳，咁啱我同朋友都鍾意食辣嘢即刻決定轉場『串爆』食串串！我哋前後叫咗3轉串串同小食，差唔多全部配料都有叫到，一啖一串好方便！湯底有六種辣度可以揀而我哋揀咗小辣，湯底麻辣中帶鮮甜配料吸收晒湯底嘅精華，味道鮮鹹惹味！雖然每款串串都唔錯但係麻辣牛肉、肥腸、鴨舌、豆卜、秀珍菇、娃娃菜、冬瓜同埋萵筍係我哋認為最好食嘅，我哋叫足3轉❤️小食方面我哋叫咗棒棒雞、蒜泥青瓜、麻辣千層肚、香辣無骨鳳爪、涼拌海帶絲，朋友最鍾意棒棒雞而我就最鍾意海帶絲！除咗串串之外連小食、冰粉同埋粉麵都係任食，成都老冰粉口感爽滑撒上芝麻、山楂碎、酒釀同提子乾，口感豐富仲可以即時解辣唔洗驚串串太辣食唔到！飲品種類唔少，可以單叫亦都可以加$22任飲！我同朋友都覺得辣得好過癮😋

唔知大家有冇試過食車仔麵淨係想食餸唔食麵今次呢間川辣就係類似概念放題食餸唔洗計住加幾多錢一個餸辣度唔洗擔心我都只係嗌咗BB辣不過雖然咁講佢地都有麵的放題食白飯都得你食得落就ok即叫即淥好好食多餸揀嗌幾round唔同餸都冇難度但熱愛牛栢葉同豬腸嘅我會瘋狂encore小食都係任食$138一位回本真係冇難度涼拌嘢食到停唔到BB辣其實都真係保守咗我覺得下次可以試辣啲反正加$22有得任飲不過呢碗任食冰粉都好解辣

今日經過家樂坊果頭，諗緊1800無堂食前食咩好，甘岩望到間成都串燒放題，咦好像可以食飽飽喎，就入去試下先，望下menu，本身以為只得串燒，原來都仲有d成都風味嘅小食同甜品，全部任食，另外野飲加錢，任飲話明任食，就咩都叫下試下就最開心啦，我地叫左中辣湯底，都唔係好辣，辣度剛剛好，串燒方面有幾樣，特別好食，泡椒牛肉，雞腎，百頁結，我係第一樣就食泡淑牛肉，心諗嘜中辣會甘辣嫁，點知食第二樣先發現原來泡椒牛肉包住個辣椒🌶️係堅辣嘅，嚇親寶寶，仲試左個成都小香腸，呢個挺新穎有趣，有點似臘腸，幾盞鬼，個size勁細，一定要試下，另外仲叫左d小食，棒棒雞，麻辣千層肚等等，都超推介麵款方面，最吸引係火鍋川粉，比較粗身嘅麵條，再配上川味湯底，正正子最後仲叫左個甜品，成都老冰粉，第一次食，佢上面嘅toppings係有d話梅片，提子，又酸又甜，d粉凍冰冰幾有趣，必試整體來說，服務唔錯，上菜上得快，又會關心下你食得夠不夠飽，要不要再叫多d啊，話時話她推介個豆漿都幾好飲，搞到我都飲咗幾罐我都幾欣賞間舖頭會播一d k歌，咩年代都岩聽，環境細細，但又聽唔到旁邊位置嘅人講野，自成一角，放題梨講，我地4點左右食，聽住歌吹下

最近政府限令，我哋變相提早到4:30 pm左右食，匆忙之際，店員亦相當配合，上菜快速，服務態度亦唔錯。😍宜家咁凍，食到熱辣辣嘅小窩，係小確幸。🍢串燒味道較正宗，因為老闆喺成都訂購當地材料，香葉、丁香同紅辣椒等作湯底。可惜，屋企人唔食得辣，只好叫唔辣，但仍有少少香辣味。🥰食物種類唔少，基本款式都有，一串串食，幾特別。最方便係有專人煮熟，好快就有得食。🥩🥓肉類（牛肉、雞）醃得入味，切得厚薄適中，丸類選擇多，切成半粒，更為入味。最特別莫過於成都小香腸，係人生中食過最幼最迷你。🤣🤣火腿金菇卷包得頗有心機，值得一試。🥬蔬菜都有唔少選擇，萵筍、西蘭花、冬瓜、菇菌（冬菇、金菇）。而腐皮豆卜就係必食嘅，最能吸收湯底精華。特別推介：鴨舌係食鍋物時較少見，非常入味，及得上台灣鴨舌。🧆🍜小食、麵類水準亦唔錯，麻辣雲耳同麻辣牛肉麵辣度好過癮，特別推介牛肉麵，牛肉鮮嫩，麵食鎖住辣汁。蒜泥青瓜唔辣，但蒜泥份量充足。棒棒雞原來係麻醬雞絲青瓜，清涼解辣。 🍮成都冰粉係透明的涼粉，加糖水和乾果（提子乾同山楂），既解辣又甜得吃上癮。呢款甜品係放題中嘅必食推介。💵任食串燒、小食、麵類同甜品，每人都係$128（另加一），性價

今次同朋友去食平時好少食嘅四川麻辣串燒🌶🌶🌶夠晒特別!同朋友準時3:30去到食佢嘅任食放題 每位$138 任食串串 驚辣可以加多$22有埋任飲👍🏻入到去舖頭細細 但係啲服務真係好好 我同朋友拎住兩個袋唔方便 佢哋主動俾籃我哋放袋 好體貼☺️串串香方面都有好多選擇 肉類 丸 菜 菇都有 除咗串串香仲有唔少嘅風味小食 啲小食每款睇起上嚟都好吸引😆後面仲有四款唔同嘅麵揀 食到辣辣地可以揀埋飲品放題 除咗有汽水 茶 豆漿 仲有啤酒首先嚟到嘅係飲品同小食 我哋分別嗌咗豆漿同埋椰子汁 由於係罐裝嘅關係都比較甜 但係加埋啲辣嘅串串香食 我就覺得啱啱好😂我同朋友都表示好鍾意佢嘅小食 涼拌雲耳同埋涼拌海帶絲都好惹味 好爽口 唔會話太辣 不過我哋最鍾意都係棒棒雞 雞肉 青瓜加麻醬真係冇得輸 好開胃 我哋嗌左幾轉😂仲有滷水雞翼尖都唔錯 好入味啲串串香終於到! 其實上菜都上得好快 見到咁多嘢食 個人都開心晒😂因為唔係太食得辣 我哋嗌左BB辣 唔食得辣可以揀唔辣 食得辣就有五款辣度俾你揀🌶我覺得湯底好香麻辣味 好正經過我同朋友嘅品嚐 我哋覺得當中有幾款係一定要試吓 有雞腎 芝士腸 雞軟骨 腐皮 冬菇 千層肚 香菇

男朋友中意食辣嘢，今次第一次試下食麻辣串放題，星期一至日2小時放題都只係每人138加一，飲品無限飲加22蚊一位，湯底辣度共有6種自選，食物種類都算多，除左麻辣串仲有啲特色成都小食可以試吓👍推薦棒棒雞，係麻醬雞絲拌青瓜， 冷盤上枱先可以先醒醒胃，青瓜好爽口，香辣無骨鳳爪都係醒胃頭盤，辣度適中惹味，而且大部份都去曬骨食個陣方便好多，上湯娃娃菜我食左幾碗😂因為個湯好好飲同埋娃娃菜佢已經切開一片片亦夠稔麻辣湯我地揀左bb辣，但已經夠嗆，辣道後勁厲害，最正係佢辣得黎又好好味，搞到我愈食愈想食停唔到口😂推介雞軟骨，肥腸，花枝丸同雞肉，豆卜吸收曬啲湯都好食！如果餐廳空間大少少會感覺舒服啲👍

話說一直十分喜歡川菜，由於疫情嘅原因，只能係香港四處尋找地道川菜。係OpenRice見到依間餐廳評價好高，個個有讚冇彈，懷住期待嘅心情，早一日打去book枱當日book咗8:00 ，點知佢7:45已經打嚟吹，好彩早到，而佢又真係有留位比我。但一入到去一睇，明明book咗3個人，佢比咗張2人枱我，仲要一張4人枱坐6個人兩張枱完全痴埋一齊，淨係中間夾塊膠板。我當堂嚇一嚇，雖然依家疫情冇咁嚴重姐(上年10月中)，都唔使坐到咁迫啊，同佢講我明明book咗3人喎，個侍應啊姐仲粗聲粗氣咁話係依張架啦。我見舖頭出面好多人等緊，心諗一場嚟到都冇理由走啦，只好坐低全餐飯同隔離位先生手踭撞手踭！可惜伏始終係伏，全餐飯舖內3位侍應都係愛理不理，見你舉手都當睇你唔到，全程呼呼喝喝，連張紙填漏枱號都要比佢小一番。雖然一直覺劉華個句嘢好老套，顧客唔會永遠是對的，禮貌同尊重係好基本嘅嘢，而員工都唔會係大爺！自問態度良好，已經唔該前唔該後，落單對住佢啲態度都好小心翼翼。無人得罪你，無理由對個客好似喝狗咁喝，依啲咁嘅服務真係難得一見到食物方面，每次落單都要等10分鐘左右，上菜速度一般。食物質數都係一般，絕對唔係其他食評