串燒陣

营业中

休息中

好耐無食串燒，好想食，提早咗收工就特登落旺角食呢間串燒陣之前睇open rice見到好多人話唔錯就唻試下佢哋係用QR Code落單，我叫咗小辣，燒雞軟骨、燒土豆片、燒雞皮、燒韭菜、燒虎皮青椒各一串，蒜蓉燒大茄子、燒雞泡魚乾、燒朱古力香蕉各一客，再加一罐零度可樂，埋單$232首先第一樣到就係燒雞泡魚乾，味道ok但係稍嫌燒得唔夠乾身。再唻就係蒜蓉大茄子、燒土豆片、青椒、雞軟骨同雞皮。茄子味道食落ok嘅，其他幾樣都係同一個問題，燒得唔夠乾身，就以土豆片為例，完全唔覺得係燒，似烚熟完，輕輕煎兩下咁最後就係燒韭菜同朱古力香蕉。韭菜都係一般，朱古力香蕉唔得，無乜朱古力味，似食緊香茅蓉。我去到6點幾，得我一個客，都燒得唔好。如果多人我都唔知會變成點。。。。全部食物都好似係咁二燒兩下咁。。。。失望，唔會再唻

燒肥牛金茹卷，喱個燒過既肥牛同金茹，搭配上醬料。肥牛肉質鮮嫩多汁，金茹清脆，口感非常豐富。牛肋肉串和羊肉串，牛肉同羊肉的質地都比較緊實，口感偏向韌性。帶著淡淡的炭燒香氣。豬頸肉和豬仔脾都是豬肉的部位，但質地同口感截然不同。豬頸肉肉質較緊實，口感稍微有些硬，豬仔脾口感鮮美，烤得微焦香幾好味。燒扇貝帶子肉質都好嫩滑，烤過之後鮮美更加特出，仲帶有淡淡的海鮮味道，加上檸檬汁，令整道菜更加鮮美可口。最後係燒雞腎，調味都幾好而且爽口。

我去到呢度試咗佢哋嘅招牌菜，包括蒜蓉燒大大茄子同麻辣蒜蓉花甲。嚟緊我就會同大家分享下我嘅用餐感受啦！首先，我要話返蒜蓉燒大大茄子真係太好食啦！茄子燒得恰到好處，外皮微焦，內裡軟滑，而且啲蒜蓉味道好香濃。食落去，啲茄子嘅味道同蒜蓉嘅香氣真係好好嘅結合，令人回味無窮。而麻辣蒜蓉花甲都係一個非常吸引嘅菜式。花甲燒得剛剛好，肉質鮮嫩多汁。最吸引嘅係佢嘅麻辣蒜蓉醬汁，辣味濃郁而唔過分刺激，再加埋啲蒜蓉嘅香氣，真係令人食得停唔到口。我都係第一次試麻辣蒜蓉花甲，但真係愛上咗佢嘅味道。

食完甜品覺得有啲肚餓，想搵少少咸嘢食。喺女人街口見到串燒陣個牌，見到價錢合理就試下。用qr code落單，本身諗住叫幾串，點知幾好食，叫多左幾串。叫左雞腎，雞軟骨，鳳爪，牛舌，墨魚咀同燒賣。牛舌、雞腎同雞軟骨好好食！好脆，孜然味都好香，仲有叫完一陣就上菜，快靚正。牛舌估唔到呢個價錢有咁多舊，牛好林，呢個一定係必食！！鳳爪都幾特別但係見到啲指甲都唔係幾習慣😂😂鳳爪啲皮係脆嘅，外脆內軟，仲有成4隻，好抵食。2個人食左$160，當宵夜黎講絕對性價比高！下次會再黎～

🧄錫紙燒蒜蓉花甲勁多蒜泥🧄，個汁好惹味，花甲份量都幾多，而且新鮮😚！🍆蒜蓉燒大大茄子真係大大碟，入座時已經留意到幾乎每桌都必點💯，同樣係勁多蒜泥🧄，燒到火喉岩岩好🔥，而且食落好夠味又香口，大推👍👍👍👍👍！🥓燒五花腩肉串一串有3大塊，啖啖肉！而且燒到口感剛好又入夠晒味😋，最欣賞係餐廳去左底層果塊豬皮，食落就吾會韌😃！🍢燒香卜卜魚豆腐香口惹味，可以一試😋🍢燒雞腎、燒韭菜略嫌不夠入味。🍢燒台灣腸、頂級墨魚丸、燒脆脆香燒賣口感偏向脆卜卜，吾錯😋📝整體而言：幾有驚喜的小店，燒烤選擇多，而且都幾好味😋，價錢都合理。以後宵夜又多個地方去☺️！✏️沒有其他分店✏️有加一服務費📍 串燒陣 (旺角)旺角通菜街1號威達商業大廈地下M號舖

今日同朋友去旺角行街，行到攰就去咗食串燒🍢燒原切牛舌芯$38厚度適中 牛舌爽口口感好多 好有咬口比較重孜然嘅味道味道🍢蒜蓉燒原條魷魚 $38好香蒜蓉嘅味道唔會燒到好乾身🥩燒紐西蘭羊架 $45燒烤孜然羊架啖啖肉 唔會好老好鞋口感適中🍡燒絕味雞軟骨 $18呢個係串燒必食嘅雞軟骨啖啖軟骨 好有咬口！錫紙燒蒜蓉花甲 $58蜆肉份量足夠抵食！總括嚟講，依間餐廳好啱同朋友傾計，黎餐廳chill或飲酒都一流！！旺中小店值得支持😉

之前睇食評見到好壞參半，但我哋經過舖頭見到入面坐滿晒人，所以都決定一試～估唔到幾有驚喜！首先叫咗個好多人都有嗌嘅錫紙燒蒜蓉花甲～花甲都算幾大粒～漲卜卜咁，調味都好香，但又唔會太濃味，覺得幾好食！極推蒜蓉燒大大茄子！！！好大條～個皮冇燒燶，調味勁正！一絲絲咁捲出嚟食真係好正！！勁鍾意～另外我哋仲叫咗啲串燒，串燒上面灑咗孜然粉，食落會比較香口同濃味，剛好我哋點嘅食材本身都唔係濃味，所以覺得同孜然粉勁夾。燒香卜卜魚豆腐，估唔到會咁入味咁好食！燒絕味雞軟骨，去得食串燒一定要叫雞軟骨，好有咬口～風味燒鯖魚，鯖魚算幾少骨，食落去啖啖肉，唔會有魚腥味，想清新啲嘅可以落檸檬汁。燒蒙古羊肉串 ，好香羊肉味，但唔會太騷，我個人好鍾意羊騷味～如果再騷啲就一流（個人喜好）覺得呢度嘅串燒幾好食，會推介俾朋友～

同朋友🧒🏻一齊喺旺角，諗住發掘下新嘢，行吓行吓，見到呢間小店，專門食串燒，我哋都有興趣，咁就決定入去試吓😆「燒韭菜、燒虎皮青椒🫑、燒泰國🇹🇭秋葵」：呢3樣每樣價錢都係 $18，3樣放埋一碟，全部燒得幾香口，仲好似落咗孜然粉😋$38「蒜蓉燒大大茄子」：茄子🍆大大條好多肉，落咗極大量蒜蓉🧄，我超鍾意食蒜頭🧄，好啱胃口😆$18「燒翠玉瓜」、$18「雞肉棒串」、$28「醬燒豬頸肉」、$28「燒五花腩肉串」：呢4樣放埋一碟，「五花腩」同「豬頸肉」都係接近半肥瘦，油份極充足所以非常甘香😋；「翠玉瓜」燒到炭啡色又係好香口🤩$58「錫紙燒麻辣蒜蓉花甲」：又係落咗超大量蒜蓉，非常惹味🤩

依間係我第一次食，我係條街行咗兩個來回先見到佢，環境好一般，但估唔到野食咁好。連燒嘅魷魚都仲係有汁同埋彈牙。撈麵係用辛辣麵，唔會煮到好似麵糊咁，有芝士味又有酸辣味etc花甲粉偏咸，燒物全部都幾好❤️😻可再食

蒜蓉燒大大茄子，個名改得冇錯，條茄子真係好大條，一上枱已經勁香，因為佢係用勁多蒜一齊燒，食落茄子非常淋又多汁，加埋蒜一齊食勁香，佢地係有辣度選擇，我地簡咗小辣，小辣唔算太辣，再想刺激d,佢地有辣椒粉比客人自己加。燒豬大腸，燒到非常脆卜卜，外脆內軟，勁正。川式麻辣燒雞爪，燒鳳爪都係第1次食，一份都幾多，隻隻都好大隻，食落唔算太辣，燒到個皮有少少脆，都幾抵食。錫紙花甲，d花甲都幾大隻，佢地用勁多蒜同花甲一齊燒，食落非常惹味，食到停唔到口。錫紙花甲粉，除咗花甲之外，仲有大量粉絲同金菇，首先飲一飲個湯先，勁鮮甜，d花甲又係勁鮮味。蒜蓉燒原條魷魚，原條燒勁大隻，d蒜真係冇得頂，非常香同惹味，魷魚勁香一d都唔會過火而韌。燒饅頭，呢款幾特別，諗唔到饅頭係可以要黎燒，佢燒到個皮有少少脆，入面仲係好軟，個饅頭味道係甜甜地，但加埋上面d香料又咸咸地，都幾特別。

今日接男朋友放工，約咗食呢一間串燒，地方都幾易搵，裝修簡單舒服。呢度係用app落單嘅所以好方便，我哋兩個都肚餓所以叫咗幾多嘢食：燒韭菜呢一個燒韭菜好入味食到淡淡燒烤醬汁但又唔會比人好油膩嘅感覺錫紙燒蒜蓉花甲呢個應該係佢哋嘅招牌，分量幾大， 花甲好新鮮，啖啖肉絕對唔會有沙。蒜蓉燒大大茄子 我最愛嘅茄子，燒得超好，茄子可以拉絲出嚟，蒜畀得好多爆蒜嘅感覺我鍾意燒雞軟骨雞腎 （各3串）呢個組合好抵食，每串都係十幾蚊，雞軟骨燒得好香脆，唔會淨係得一粒骨，會有肉喺側邊，雞腎彈牙但唔會韌雞肉棒串 雞肉棒啖啖肉，肉質鮮嫩，唔錯蒜蓉燒魷魚呢個燒魷魚係最好食嘅，勁軟綿綿，輕輕咬就咬得開

旺角越黎越多燒烤小店,今次試串燒陣 款式都幾多,價錢合理,揀咗小辣,蒜蓉量勁多又夠香錫紙燒麻辣蒜蓉花甲 ,份量多,每粒花甲都新鮮多汁蒜蓉燒大生蠔,食燒物點可以唔試燒生蠔,大隻厚肉又多汁醬燒豬頸肉,厚切,燒得啱啱好,肉味更香濃,好食燒日本一口和牛粒,嫩滑香口蒜蓉燒大大茄子,必點既燒物,茄子夠肉厚蒜蓉又多,果然唔錯,推薦鍚紙燒蒜蓉娃娃菜,娃娃菜好甜,食下菜解膩燒豆卜,燒到好脆口,幾過癮鍚紙燒小肥牛,份量都多,肥瘦適中QR code落單,有加一服務費,職員友善,最特別系朋友想食燒烤時飲啤酒,職員話餐廳暫時未有提供,但又提我地如想飲啤酒可出去便利店買返店飲

一直好想食燒烤又來了又唔需要上深圳🤭位於旺角嘅串燒陣方便又就腳，可以坐係度慢慢食。鋪面雖然唔大，但係裝修乾淨整潔。👍QR code 落單，方便又快捷。燒茄子🍆燒烤必點👏蒜蓉粒比較細油份唔多，且辣味啱啱好。燒脆脆香燒賣$20一共五粒，外面椒脆，內裡煙韌，亦🈶️談談嘅椒鹽味，亦唔會太熱氣。芝士年糕$32必點🫶裡面的全部都係芝士、一咬落去全部流心芝士⋯炭燒豬頸肉💰28肉質有啲幹比較硬身，但係整體味道唔錯。 燒一口和牛粒💰38和牛肉肉質嫩滑，和牛火候控制得啱啱好。錫紙燒麻辣蒜蓉花甲💰58花甲份量都頗多，蒜蓉磨得相對較細，整體味道唔會太辣。

好味指數：👅👅👅👅抵食指數：⭐️⭐️ ⭐ .5 回頭率指數：⭐ ⭐ ⭐ ⭐️呢間串燒陣睇個門口覺得有啲保驚驚地中伏，但食落有驚喜！蒜蓉燒大大茄子 $38👍🏻 蒜味超入味！👍🏻 夠淋，索晒燒烤汁嘅味！川式麻辣燒扇貝 $32 / 隻👍🏻扇貝新鮮！爽口！👍🏻 估唔到都幾大隻👍🏻 超濃蒜味，好啱我口味😋😋雞軟骨（6串）$88👍🏻 肉同軟骨比例啱啱好👍🏻 濕度岩岩好，唔會過乾🥲 我鍾意多粉，但佢唔係落勁多調味，變左冇咩味，鍾意淡淡地味嘅人啱晒炸鵪鶁蛋串 $20👍🏻 冇咩地方有得食鵪鶉蛋串👍🏻 炸得岩岩好，鍾意食鵪鶉蛋嘅你一定要試！麻辣海蜇 $35👍🏻 份量夠多，唔係得一兩條👍🏻爽口🤧唔係好夠辣燒脆脆香燒賣 $20🤧燒得太乾，少少overcook 燒雞泡魚乾 $45👍🏻 好特別，好啲似厚嘅魷魚乾👍🏻好岩配酒飲總括嚟講，串燒陣每樣野都好唔錯，價錢中等， 好值得去試下，佢嘅質素唔會比日式果啲差好多😋💓 因為果度冇賣酒，佢可以比你自己帶去💓 服務好好👍🏻 我地誤會左叫錯餸，佢幫我地整多次🥹

今日發掘到呢間又抵食又好食嘅串燒店，我同朋友食到好滿足😍<超美味玉子燒>、<燒豆卜>、<燒甜美菠蘿>、<燒翠肉瓜>大力推介玉子燒！燒到有少少燶邊，好香口🥰燒菠蘿一啲都唔dry 🫶🏻翠肉瓜都keep到juicy!<甜蜜蜜一口蕃薯>、<燒頂級墨魚丸>、<燒四季豆>一口蕃薯好過癮，食落煙煙韌韌。墨魚丸好彈牙，仲要燒到脆身😍<燒香卜卜魚豆腐>、<燒雞腎>、<炸鵪鶉蛋串>、<燒韮菜>第一次食炸鵪鶉蛋，好邪惡！送酒一流！<燒娃娃菜>食咁多肉，要食啲菜balance下🤓燒得好入味😍