今晚系铜锣湾睇完戏，见夜附近见到有串烧店，好岩我地晚上食少少野，不过实在太好味，最后越叫越多，好饱好满足。食完觉得要推介一下海鲜类，估唔到晚上都食到好味海鲜，生蚝同扇贝都好好食。即开新鲜蒜蓉大生蚝 $35/只生蚝够哂大只，蚝肉肥美胀卜卜，边位爽口好咬，烧得香口又带有鲜甜蚝汁，加左蒜蓉好惹味。香浓芝士扇贝带子 $75/2只热辣辣劲香芝士味，扇贝弹牙嫩滑，旁边芝士咸香，配埋个酱汁甜甜地好夹扇贝，超正。纽西兰羊架 $45羊架厚切唔会好肥，羊肉有咬口连住边位少少脂肪，好香好正，而且唔会膻，加上孜然粉调味刚好。蒜蓉金针菇 $45卖相平平但入口好蒜香味浓，金针菇吸哂酱汁同蒜味，而且份量都几多。芝士原条茄子 $45茄子好大碟，因为用上原条茄子，好多肉好正，烧到茄子软腍，加上大量拉丝芝士，咸香芝士味重，每啖都系芝士同茄子。薄切牛舌 $25，唔薄仲感觉几厚身，烧得干身，边位爽口中间厚肉位置软腍，调味粉都好香。肥牛金菇卷 $28，又系好正，满满调味粉，传来阵阵香味，肥牛油香加爽口金菇，配啤酒一流。免治鸡肉棒 $20，我地叫左每人一串，系鸡肉碎同加左d软骨，增加咬口，味道同口感都好味。墨丸 $22，大大粒好弹牙，再烧得香口d 更正。川北炒粉丝 $68好够镬气好香呀，超大盒，粉丝吸哂酱油调味，咸度刚好，炒得干身唔油，有肠仔、胵蛋、杂菜......几多配料，食完好饱肚。…查看更多
