串燒王 (祥興樓)

营业中

休息中

旺角係有好多串燒店但係有得坐喺舖頭食就唔係好多！咁啱同朋友依一日就係想搵一間串燒店可以慢慢坐慢慢食可以欣賞到途人行過嘅情景...正好這間串燒王就符合我哋心想嘅意思, 雖然店子不大, 但係都擺到六張小枱20人左右也可以, 店舖的裝修也不算很簡單, 有個人的風格同埋有啲懷舊嘅特色！正值係晚飯時間, 當然好肚餓啦！一坐低拿拿淋拎起張餐牌要點餐, 我哋揀咗扇貝燒帶子、燒墨魚咀、 蒜蓉大海蜆、 當然唔少得我最鍾意嘅燒韭菜、燒雞翼同燒菠蘿亦都唔少得錫紙燒雜菇啦！呢間餐廳上菜都好快, 只係短短幾分鐘就燒好曬啲嘢食畀我哋可以上曬枱面, 我同朋友都唔係食得好辣, 所以選擇小辣有嘢食都唔叫埋嘢飲啦, 我朋友就叫咗支竹蔗茅根而我就嗌咗半可樂, 恐怕食得太辣都有得解辣！嘢食整體都適合我有啲重口味嘅人, 除咗食物選了新鮮之外亦燒得有恰當好處！如果問我覺得乜嘢好食？ 我覺得係燒大扇貝 燒雜菇 燒雞翼都唔錯, 其他都好好味... 值得一再幫襯！

串燒王.近排多咗返大陸食嘢 串燒嘅孜然粉味不得了 喺呢一間嘅串燒 同樣做到一樣嘅味道😍因為唔太食得辣，所以全部都係少辣 本身諗住唔會夠飽 但係見到份量之後 完全冇問題～♥️當中 最欣賞茄子！.✨蒜蓉茄子🍆 $38 👍🏻 個味道好得 D肉未試過可以成塊夾起！ 個熟到啱啱好 少少濕 入晒味 又唔燶 想即時叫多一份食🤣 呢個衝動留返下次.✨白鱔 $55 👍🏻 超大粒 彈牙 好食.✨花甲粉 $65 👍🏻 勁爽口粉絲 好大碗 粉絲好入味 有蜆 份量多.✨新鮮娃娃菜 $16 x2 = $26 鮮甜 調味料放得好平均.✨牛仔骨 $62 好香 一定要趁熱食 預防變韌.✨秋葵 $16 未試過食燒嘅 烚嘅會好食啲.2人共消費 $262..味道：😋😋😋😋抵食：👍🏻👍🏻👍🏻👍🏻👍🏻回訪指數：🤤🤤🤤🤤/5..

#MC帶你去旺角.旺角向來都係不夜天，想食宵夜去旺角就一定無錯😜！依間串燒店位於旺角砵蘭街，鄰近創興廣場，地點方便之餘，仲開到凌晨3點🥳，係性價比高嘅宵夜之選💯。.🥢 麻辣八爪魚鬚 $68用錫紙盤成兜上嘅「麻辣八爪魚鬚」，份量足料👍🏻，八爪魚鬚夠曬長之餘😍，肉質爽口彈牙，配埋麻辣汁夠曬惹味😋！.🥢 蒜蓉茄子 $38蒜蓉鋪滿茄子面層，真係一啲都唔吝嗇😎，茄肉軟嫩多汁💦，調味啱啱好，茄肉入曬味🤤！.🥢 小牛舌 $35必食推薦‼️牛舌大大嚿又厚切，食落非常軟嫩，一咬即化🤤，牛味香濃，又唔會太油膩☺️。.🥢 翠玉瓜 $15食落肉質軟嫩🥰，唔會燒到乾曬，可以中和返油膩感！.🥢 雞腎 $28（2串）食落十分爽脆👍🏻，爽口唔韌。雞腎一定要趁熱食，凍咗就會好韌。.🥢 雞軟骨 $28（2串）香脆又有嚼勁！燒到外皮微微焦香😍，食落又有咬口，口感豐富😜。.🥢 豬頸肉 $35 豬頸肉雖然大大嚿，但食落軟腍，配埋一眾香料調味，食落惹味又過瘾😋。.

離遠已經聞到好大陣嘅燒烤味，就見到呢間燒烤店，店入邊見到有句說話好有感觸，「每一次遇見，都是久別重逢」呢間串燒店都有好多選擇，串燒選擇豐富，我就點左蒜蓉原條茄子、沙嗲雞肉串、雞中翼（四隻）、厚切牛切心、有機菠羅、鰻魚炒飯原條茄子🍆好大條，燒出黎好香蒜蓉味，食落都好清爽，雞肉串都燒得好靚，每粒雞肉都好入味，雞中翼有4隻燒得都好靚，皮仲好脆，雞肉多汁彈牙，牛舌好厚切，食落仲好爽口，唔會燒到冇哂水，入口即溶非常正，菠蘿都好新鮮，燒菠蘿都好香好爽甜，鰻魚炒飯好大兜仲好足料，食完都好滿足，不過我就叫左店主少辣，所以黎既串燒都唔係好辣，整體都唔錯👍🏻📍地址：串燒王 (祥興樓) (旺角)旺角砵蘭街147號祥興樓地下A號舖

琴晚未食飯就喺外賣平台上面叫咗喱間嘢，由1:32am叫咗差唔多等到2:45先到，中途打過嚟話我嗌嘅花甲粉冇晒，問我可唔可以轉牛肉粉，問佢係乜嘢啦佢就淨係話肥牛，佢又冇比其他我哋揀，然後我同佢講話唔辣嘅就可以，因為我唔知佢所講嘅牛肉粉係指啲乜嘢，諗住如果唔辣求其食都OK。然後等到兩點幾先送到，打開一睇嗰蓋上面咁多辣油嘅，然後望一望碗嘢上面幾嚿辣椒浮喺面，一望先知原來嗰碗係牛肉酸辣粉。咁點解係一開始溝通嘅時候唔同我講係酸辣嘅呢？點解我講咗幾次只要唔辣嘅就可以嘅時候，又唔澄清下嘅呢？之後同返外賣平台嘅客服講嘅時候，佢一直都搵唔返間店舖，然後我要求退款嘅時候，就一直都拖住，咁喱碗根本就唔係我想要嘅嘢，我個要求都好簡單啫，只要係唔辣嘅都可以。呢間店舖成日都玩消失以後呢間嘢可免則免啦，佢負評都唔少見到其他人唔係執漏嘢就等N咁耐呢間嘢都唔係做人哋生意嘅，仲開咗咁多間分店佢如果係做人生意嘅話，就唔會喺明知個客話唔辣嘅時候整咁大碗辣椒嚟啦

前晚同個舊同學去左行太子花市🤭行完中途在旺角～見到一間串燒好似好正咁～就入咗去試😑清酒花甲肉質鮮嫩，口感細膩，且具有一定的嚼勁。清酒的入味讓花甲更加鮮美，帶來了微醺的感覺😎錫紙娃娃菜具有清脆的口感。生菜的葉子脆嫩，帶有一定的水分，咀嚼起來輕爽🤪翠玉瓜具有淡淡的甜味和微弱的草本香氣，讓人感覺清新怡人😎雞軟骨比較脆軟，吃起來相對容易咬碎😏可以吸收各種調味，例如盐、胡椒、辣椒等，以增加口感和味道的層次🥶雞子有啲似豬膶嘅感覺🥶好嫩滑而且帶有一定的烤燒香氣😑甜蜜脆脆燒香蕉味道是甜而濃郁的。烤制過程中，香蕉吸收了蜜糖的甜味，同時保留了自身的天然香甜🤭店舖環境較細間～霓虹燈以營造出獨特的氛圍和吸引力🤠

食左墨魚嘴、魷魚鬚、雞軟骨、雞心、雞中翼、牛肉串、娃娃菜、秋葵、冬菇和青椒的串燒。仲叫左一份花甲粉絲湯，湯裡有豐富的花甲和配菜，辣度剛好，湯底的味道也適中。串燒的選擇非常豐富，包括墨魚嘴、魷魚鬚、雞軟骨、雞心、雞中翼、牛肉串、娃娃菜、秋葵、冬菇和青椒。好多串燒種類選擇。串燒配上了孜然粉和少許辣粉，咁配搭令串燒更加惹味，有一種辣辣的feel~花甲粉絲湯花甲份量多～濃郁的海鮮味道有娃娃菜和金針菇等配菜湯底的辣度剛好，不會太辣，也不會太淡

來到這家店，嗰種燒烤嘅香氣就已經勾起所有味蕾，一試成主顧！🥢我點咗招牌的雞皮串，肥美得嚟又唔油膩，外皮燒得脆脆地，嗌啖啤酒，真係正！🍻雞肉棒同雞腎串，肉質鮮嫩，雞中翼多汁彈牙，我超級鐘意嗰種啖啖肉嘅實在感。🍗牛舌心驚喜到我，厚切得溫柔，加多啲辣粉，一咬即化，實在過癮。至於清酒花甲，酒香提味，花甲肉爽滑，加埋孜然粉，咸香得嚟唔腥，啱晒。😋而羊肉串，我就喺呢度要讚下，香口得黎唔羶，係我食過其中一個味道把握得最好嘅。麻辣蒜蓉娃娃菜同雜菇都搵到層次，邊度食到咁香濃蒜味，又新鮮得嚟開胃？店內音樂夠哂娛樂，店員又好客氣，即叫即燒等待雖然有少少，但一切都值得。各位愛好串燒嘅朋友，下次黎旺角唔該記得行多啲路，嚟呢度試下！💥

串燒王 (祥興樓) (旺角)旺角砵蘭街147號祥興樓地下A號舖。串燒呢排真係食唔停呀～ 呢個咁嘅熱潮黎到香港唔知會吹幾耐呢。平時夜晚有時都會忍唔住去旺角買串燒宵夜食，而呢間仲可以坐係度食就更加舒服啦。花甲粉（$65）大大碗就最抵食，入面仲有大量花甲，粉絲吸曬花甲嘅精華好好味😋。多春魚一份有6條（$45），價錢合理，蒜蓉茄子（$38）、雞肉2串（$28）、雞中翼（$36）、一口和牛（$38），全部都即叫即燒。。

在家姐附近同佢宵夜，宵夜食串燒係不錯的選擇，我哋點了多春魚、錫紙娃娃菜、台灣腸、雞肉腸、雞中翼及牛舌心，每人一罐飲品，我就要清熱氣的加多寶，她要可樂，又是很享受的一餐😃多春魚炸得香脆，外層酥脆而內裡鮮嫩，每一口都帶來了濃郁的魚肉風味；錫紙娃娃菜新鮮，用錫紙包裹來烤，菜的質地保持了脆嫩，加上有大量的蒜蓉，係我哋鍾意嘅味道；台灣腸口感有彈性，味道鮮美；雞肉腸則是嫩滑多汁，吃起來非常滋味！另外，一份雞中翼有四隻，烤得外酥內嫩，醬汁入味；一串牛舌心則有三大件，帶有獨特香濃的牛舌味，我倆分享一齊吃份量啱啱好👍

🙋🏻‍♂️餓底探員今晚去咗旺角調查呢間串燒店，串燒種類多，雞，牛，羊，豬，海鮮，蔬菜，丸類甚至甜品都有，食物即叫即整，確保新鮮同夠熱，性價比度高🐟鹽燒白鱔魚 $55/串🙋🏻‍♂️表示個白鱔魚一串有三嚿，食落焦香，肉質厚有咬口🦑深海大墨魚咀 $25/串🙋🏻‍♂️表示個墨魚咀一串六粒，口感爽彈，味道鮮香🐤脆香雞皮 $28/2串🙋🏻‍♂️表示個雞皮炸到香脆，食落脆卜卜，非常香口🐖五花腩肉串 $42/3串🙋🏻‍♂️表示個五花腩肉炸到金黃色，食落脂香，肉質爽口🥔土豆片 $13/串🙋🏻‍♂️表示個土豆片厚切大片，食落爽口🍍有機菠蘿 $22/串🙋🏻‍♂️表示個菠蘿有三件，厚切大嚿，食落鮮甜多汁🥩美國特級牛小排 $98/份🙋🏻‍♂️表示個牛小排燒得香口，食落牛味香濃夠juicy🦪蒜蓉燒大海蜆 $58/份🙋🏻‍♂️表示個大蜆用錫紙盤裝住嚟燒，配上蒜蓉醬汁，食落鮮甜惹味📈吃貨指數😋好味度 8/10🔙返啅度 8/10

去開旺角行街行夜咗，就係附近想簡單食返餐。女仔有時唔太肚餓，食個正餐又怕太飽，串燒真係個好選擇，可以睇住份量叫。呢間有得大中小辣揀，辣辣地好開胃，再唔夠嘅話，枱面都有孜然粉同辣粉，重口味人士會好安心哈哈～💡蒜蓉茄子$38我個人的串燒最愛一定係燒茄子，茄子肉索晒惹味嘅醬汁，燒到腍身一挾就起到晒，真係好好味～💡厚切牛舌心 $45牛舌心都係冇得輸系列，又彈牙又入味，重點係唔會太膩。💡饅頭片 $25 ＆ 土豆片呢度饅頭片竟然係成個饅頭，平時見一串都係得一個切開三片。呢個唔係走乾身脆片路線，但加咗蜜糖同串燒調味，食落又幾好味，比較適合我呢啲小朋友口味。土豆片有少少薯片感覺，💡麻辣海蜇 $38麻辣海蜇嘅辣汁底係口水汁咁嘅味道，正中我同朋友嘅辣汁愛好，海蜇又香又爽口，仲有青瓜伴碟。💡雞腎串(2串) $28 雞肉串(2串) $28雞串都調味唔錯，唔會太乾身，最怕串燒好難咬，呢度都唔會~整體嚟講，呢間性價比都幾高，仲有其他串燒都不錯。～平平地但每串份量都正常，調味本身都幾夠，重口味如我都唔洗用枱上嘅調味料。同朋友傾咗好耐計，餐廳都冇趕住收嘢，呢點都幾舒服~

今日嚟到旺角一間隱世美食串燒店，入邊嘅串燒份量又多又好食，經過舖頭門口已經好香串燒嘅味道👅錫紙金針菇$42錫紙包住香噴噴嘅金針菇，非常之香蒜蓉味令人食唔停口土豆片$13 超大塊嘅土豆，外脆內軟嘅口感，土豆迷絕，不可以錯過豆卜$13仲以為好細粒，點知嚟到係超大嚿嘅豆卜🤣，豆卜索晒串燒料嘅香味🤪蒜蓉茄子$38非常之香蒜蓉嘅味道，茄子軟腍腍配埋蒜蓉一齊食，簡直係絕配蜜糖雞肉腸$25香腸用鉸剪剪開咗好似花咁靚🌸，蜜糖味非常濃郁，香腸軟腍腍冇得頂雞軟骨$23雞軟骨非常之有咬口，脆卜卜又煙煙韌韌韌咁樣免治雞肉棒$28呢個性價比非常之高，每一啖都係雞肉🥰，食肉獸不可錯過小牛舌$35牛舌大大片非常之好食，燒得啱啱好唔會太窿，好有咬口花甲粉$65份量非常之大，好適合兩個人食，花甲好多，而且非常之鮮味，配埋粉絲一齊食好正 串燒王 (祥興樓)旺角砵蘭街147號祥興樓地下A號舖

依排晚晚party玩到好夜肚餓 黎到旺角依間開到3am既小店(˶‾᷄ ⁻̫ ‾᷅˵)鋪頭唔算大 裝修簡單 枱面有齊即棄餐具同調味料錫紙類✿ 錫紙蒜蓉金針菇 $42 ✿好多好多蒜蓉😂🧄金菇份量好多串燒類✿ 翠玉瓜 $15 ✿ ✿ 土豆片 $13 ✿✿ 雞軟骨 $28/2 ✿✿ 脆香雞皮 $28/2 ✿ 👍🏻👍🏻✿ 厚切牛舌心 $45 ✿ 👍🏻👍🏻👍🏻甜品類✿ 甜蜜脆脆燒香蕉 $18 ✿✿ 甜蜜玉子燒 $28 ✿依2個甜品真係強推！燒完既香蕉甜味勁出 淋上朱古力醬超正(˶‾᷄ ⁻̫ ‾᷅˵)第一次食串燒有玉子燒😂都係甜甜的主菜類 ✿ 錫紙花甲粉 $65 ✿初頭都以為係金菇嗰款錫紙兜上點知原來$65係有一大碗花甲粉🍜多到食唔晒😂大量花甲 冇沙仲有娃娃菜同金菇 粉絲都好多

旺角行完街或者睇完戲想食個宵夜, 經過砵蘭街有一排食肆, 宵夜又唔想食得太飽, 食串燒就啱哂啦。離遠見到串燒王個招牌非常搶眼, 霓虹燈佈置裝飾, 我地就比佢吸咗入去試吓啦, 雖然店舖不大, 但播放住Cantopop音樂, 充滿輕鬆氣氛, 都幾chill呀! 串燒店開至凌晨3:30, 可以同朋友一路傾偈一路食下野, 鄰近地鐵站都好方便。我哋寫紙落單, 點菜紙種類都幾多, 有燒海鮮, 蔬菜, 肉類等, 更有鐵板, 麻辣香鍋, 辣度都可以揀大, 中, 小辣, 亦可以自行加辣粉。一路食都見到廚房出外賣單, 似乎好受宵夜一族歡迎呀! 食物賣相唔錯, 串燒唔會太乾或太焦。蒜茸扇貝 - $38/隻我都幾鐘意食燒海鮮, 熱辣辣, 呢個扇貝肉厚, 燒得生熟程度剛好, 唔會過熟 扇貝個殼仲兜住啲海鮮汁, 唔會想俾佢流出嚟, 加埋大量蒜蓉, 可以再叫呀!魷魚鬚 - $25/串魷魚鬚大條, 爽口, 感覺到用料新鮮, 鮮味有嚼勁, 燒好出黎就聞到好香嘅魷魚味, 熱辣辣！聞到見到就流晒口水翠玉瓜 - $15/串相當新鮮, 唔會燒到乾哂, 食落有咬口又多汁！沙爹雞肉串 - $28/2串沙嗲雞肉串醃得很入味, 沙嗲醬