串燒王 (祥興樓)

营业中

休息中

4個人食600蚊，唔高要求不過都唔好比垃圾我食啊，等40分鐘先上第一樣野，食物品質垃圾，味道垃圾，賣相垃圾，以後都唔會嚟，一份肥牛烏冬。收$70，花甲粉無味，紅薯粉又係無味，四碗嘢每個人都係食咗一半就擺咗喺度，如果你話一個人覺得難食就算啦，四個人都覺得難食，四個人叫四樣唔同嘅煮食都可以淨係食一半，本身諗住食串燒，叫咗10串睇吓咩size，雞腎都係得個七八粒尾指甲咁大粒嘅，又乾又柴，唔係人識嘅，真係唔會有下次

我同老婆中午1点左右食完。夜晚10点多去食尼間嘢，雞翼、羊肉串同五花肉系臭嘅，嘔心到後邊啲嘢都食唔落，走左之後个嘴都系臭。剩低order嘅嘢唔俾退，埋單499，易主後加价一倍左右。又貴又嘔心。極奇不愉快的宵夜。重点係，10点47分埋單走左，11点两人開始覺得個胃唔舒服。十二點幾開始上吐下瀉，前後四次！如果想挑戰自己個消化系統可以去試下。以前个老板係到果陣，啲嘢係好好食，有良心，啲食物全部系新鮮串，我同老婆自從有左开始食到个依家。依家易主之後，简直唔係失望咁簡單，黑心到令人發指！

叫5款串燒錯3樣 完全唔新鮮 得個鹹 多味精店員態度差 話就話大生蠔 結果係手指咁大嘅蠔 貴都算 仲咁難食 包裝包到漏曬d湯 蒜蓉娃娃菜d湯多到好似上湯娃娃菜咁不如唔好做啦 咁難食

食完先知呢到原來負評如潮…其實之前買過呢到幾串外賣覺得陣味幾似深圳串燒既味道幾惹味，今次就試下黎堂食，不過今次食完就覺得有好多改善空間。首先，餐廳感覺好凌亂，d野放晒出黎亂七八糟，空間細坐得唔太舒服。佢為一間堂食但所有餐具都係即棄，好唔環保，同埋放出黎賣相唔靚..不過賣相環境係其次，如果好食都唔緊要啦😋其實全部野都差唔多味，孜然粉重口味，淨係食調味其實ok既，畢竟食呢d串燒都係食個陣調味姐🤪但係肉質方面真係唔太新鮮，叫左個一口豚肉直頭係臭..肉類全部都燒得太乾..無咩肉汁 好un..反而非肉類就比較好，茄子韭菜都燒得好香。我另外海蜇同田螺味道都唔錯。 最後佢明明寫住滿300$有88折，但畀錢既時候就話從來無出折扣的，真係唔係幾老實，雖然部分菜式ok但成個堂食體驗算差。題外話，中間不斷有熊貓車手入黎話等左成粒鐘都未有外賣🤯

諗住買外賣入到去同我講話要等20-30分鐘，咁我冇問題照樣等。半個鐘之後同佢講點解嘢食未到，佢話好忙咗好多單，爭好多嘢未整因為有好多外賣，問我介唔介意食住等，仲已經再三提咗佢嗰兩個香鍋。等嘅時候我淨係見佢不停接新嘅單，好心唔夠人手就唔好接咁多單，見openrice外賣自取都係30分鐘，所以我先信佢30分鐘。最後等咗一個鐘頭20分鐘先佢叫我入嚟攞，點知最重要嗰一個香鍋漏咗，淨係出咗一個，吹L脹仲要態度惡劣。

呢間野真係食過一次冇下次。1.等候時間超長我同朋友遞單到上菜一共等左超過半粒鐘，而隔離有一檯客人遲過我地五分鐘俾單都可以早過我地食野。而且間鋪只會主要處理外賣單，就算之後嘅外賣柯打都可以照樣比我地堂食柯打早處理，將我地呢啲堂食客放一邊唔理。2.食物質素差呈上，就算等得耐，食物好食我都算數，點知等左過半鐘，上來嘅雞肉串燒係凍曬，而且又柴又硬，根本食唔出係即場燒出來。另外串燒調味過咸，加上肉串根本冇肉汁，同啃加左鹽嘅樹皮冇分別。之後上嘅田雞乾鍋全都係油，又鹹又膩，超級垃圾。3.環境太差間鋪頭好細，只有5檯左右，而部分燒烤食材就咁擺係其中一檯嘅隔離地下，極不衛生。另外，廚房係開放式嘅，而間鋪頭嘅抽油煙機係廢嘅咁滯，成間鋪係佈滿油煙，俾食客吸曬。 4.態度惡劣我地剔左個五花腩串燒，根本冇上過來，而個疑似女老闆娘就夾硬話第一次上菜就已經上左。但係啲餸第一次上，只係上左兩串牛同三串雞，我同我嘅朋友都十分肯定根本冇五花腩串燒，因為我地餓左咁耐，再加上雞肉串燒太過垃圾，令我地非常清楚第一次上左咩串燒，而正當我地想理論嘅時候，個疑似女老闆娘就不耐煩地敷衍我地，話人手不足要幫手上菜就一口斷定上左五花腩串燒

除左食物難食 瘋狂漏野 個廚師衛生好差 食住煙燒野比客 如果唔係親眼所見 我真係唔信 萬一佢係中左新冠 甘。。。真係無言以對大家真係睇左評論先去試信店 唔想個個都去以身試伏真係覺得佢既存在係影響左燒烤本身

首先食物質素好差好差唔係熱辣辣甘上菜生蠔鼻屎甘大粒 仲有個係臭既然後瘋狂落錯單落錯單都算 我地唔想食都費事浪費食埋仲理直氣壯同我地講退錢好麻煩叫我地嗌其他野😒 跟住上左韭菜 韭菜應該都難唔好食啦掛頂 鹹到癡線 韭菜仲要老到咬唔爛 所有野除左雞亦係正常之余 全部都係唔一言難盡燒烤冇香噴噴既感覺你會信？😂仲好意思話我地細食 話人地都食千幾蚊😃如果對燒烤有要求對食物有要求的話兄弟姐妹們 三思而後食絕對唔會有下次！！！！！ 呢世都古唔到燒烤會難食

Follow🐷 @chuchu_hkfoodietag埋你啲朋友仔like下我啲po♥️需要你的支持喔🥺🙆🏻‍♀🐷💬每一篇食評都好認真打架—————————————————————📍 串燒王 🐷爸媽嗰日係都要食串燒，仲要食左$500幾，黑洞胃！係香港食串燒真係好貴🥲去到門口有啲燈籠，都幾易認，入面可以堂食嘅，不過停左晚市嘛，不過入面油煙有啲大，唔太乾淨，不過好彩食物衛生ok，至少冇屙！餐廳都幾好生意，好多單，所以🐷都等左20分鐘！‼️如果想食深圳嗰種串燒，走汁，佢會俾啲孜然粉嗰啲，會好食啲！—————————————————————❣️ 蒜蓉燒美國大生蠔 $128/6隻本身得6隻，不過有一隻超級迷你，可能佢都覺得唔好意思，就比多一隻，算佢有良心啦🤣❣️燒深海大墨魚咀 $25好難咬！好韌！❣️燒日本一口牛柳粒 $32都ok嘅，但小貴！❣️雞軟骨 $68/6串🐷家必嗌！本身想嗌12串，但佢落錯單，番到屋企先發現，淨係可以食兩串，平時🐷爸一個人食10串🤣好食嘅！唔會太多肉，太多肉好似食雞肉咁！❣️雞腎 $68/6串❣️燒雞腎串 $26/2串其實唔明有乜分別🤣不過🐷就唔食嘅，🐷爸媽話一般❣️燒脆香雞皮 $20/

今晚去食旺角串燒王，之前都去過幾次，好耐無去，想食下辣野，串燒王俾我既感覺係都幾正宗既中國風味既串燒。先講衛生同環境，一啲都唔好，枱櫈都污糟，廚房油煙大，食物擺晒喺地下，都幾唔開胃。食物黎講，老老實實，我覺得係合格既，即係你俾5蚊，佢就俾5蚊野你食。比較推介既有雞子，厚牛舌，BB蘆筍。叫左大辣，但係完全唔辣，我本人覺得串燒王差左好多，旺角有其他更好既選擇。食物: 5/10性價比: 5/10總分: 5/10簡評: 可以唔去

比左3次機會 次次黎到都係沒有最伏 只有更伏 頭兩次外賣淨係叫串燒 黎到已經凍曬 擺明就係一早燒定擺係到 啲肉又乾又硬 雞腎同牛舌直頭咬都咬唔到 個茄子燒到燶_曬 係燶到皮同肉已經分唔開 聞落去勁大陣燶味 第三次叫左錫紙花甲粉黎到一打開 成個碗望落全部都係粉絲 得2條金菇 少量娃娃菜 花甲呢？原來係得丁屎咁大仲細過手指尾指甲嘅雪藏蜆肉仔 仲要得幾粒🙂 根本就唔係食物 用廚餘黎形容都已經好比面比幾百蚊食垃圾 貼錢買難受 食杯麵好過如果唔係宵夜冇選擇真係唔會比第三次機會果然冇令我失望😇唔好意思嬲到唔記得影相

第三次嗌foodpanda，諗住前兩次應該師傅手勢唔穩定，比多次機會，同埋太夜附近實在冇其他串燒嗌得到，唯有食佢，嗌左碗酸辣粉，豬腩肉，雞腎，牛舌...... 酸辣粉啲粉完全冇煮過甘，咬落去橡皮糖甘款，啲肥牛老到我都唔識去形容 啲串燒先一絕，打開個盒，已經知道出事，食落去仲慘過食橡皮，咬都咬唔爛，仲要係凍既，擺明一早整定，有單執落個盒度 下次都唔會再嗌呢間垃圾，價錢又唔係平，奉勸各位不可一，不可再😓!!!!!!

呢間垃圾餐廳，嗌左個日式叉燒拉麵，成$79，都唔係平，算數喇。番到去一睇，午餐肉黎架喂，大佬呀，唔好咁痴線喇！你間餐廳都係想出名姐，ok，幫緊你幫緊你！都冇眼睇！

之前嗌宵夜都會揀呢間 因為夜晚冇乜好野食 呢間野又唔算難食 叫做擺得入口 但依家開始唔會再叫 次次都食到成肚氣 叫過咁多次 次次都執漏野 第一兩次以為好忙執漏單 見係一兩次都算數 但原來次次嗌親都必定漏單 都唔知係特登定點 仲要每次 係每次！！打電話過去都唔會有人聽 真係成肚氣 包裝又勁差 啲外賣盒出面全部都係醬汁又唔抹 講真做到咁樣不如執左佢算數啦 咁多人反映都唔改 意見接受態度照舊 一粒星都唔想比囉 個電話唔要不如掉左佢啦 反正都係用黎擺 永遠唔會有人聽電話

住酒店買外賣上酒店食就例行公事啦突然之間想食酸辣粉，咁岩經過又見到佢有賣，之後就走左入去買啦叫完外賣先知道自己冇cash，仲比我去禁錢再比店員好好人呀反到酒店發現佢地好似比多左野比我地我地叫兩隻蠔佢比多左隻我地碗酸辣粉又多左d肥牛同芝士丸可能呢d本身有跟埋，我第一次幫襯唔知道🙈但整體上都好滿意，服務同味道都好呀性價比高呀決定下次係旺角食宵夜諗唔到食咩都揀佢