中環飯店

中環上班族有福了，喜歡中菜和飲茶嘅朋友，最近再畢打行新張不久的「中環飯店」午市主打精選套餐和即蒸點心，餐廳環境優雅裝潢有特色，而且服務極佳，真心推薦點心和小菜都非常之高質，以中環這個價位真係性價比超高，無論午飯或者招待客人都非常適合👍🌟午市精選套餐 $ 268 （位）兩位起每位可選一款精選點心、蜜汁豬腩叉燒、老火靚湯每兩位至三位可選一款小菜、明太子海鮮炒香苗、是日精選甜品和飲品，午餐嚟講真係豐盛又抵食🌟手工點心✨避風塘蝦餃 ·焗雲腿蘿蔔千絲酥✨蟹籽鮮肉燒賣 ·水晶鮮蝦餃皇點心即叫即蒸，非常有水準，最有驚喜係創意「避風塘蝦餃」，蝦餃皮超酥脆裏面嘅餡料竟然可以同普通蒸蝦餃一樣，蝦肉彈牙好Juicy，再加上避風塘香夠晒惹味，蝦餃燒賣係我飲茶必點點心，另外焗雲腿蘿蔔千絲酥，好酥脆之餘，包住清甜多汁嘅蘿蔔絲，好好食✨蜜汁豬腩叉燒｜呢個叉燒真係不得了，豬腩肥瘦相間，外焦內軟口感軟腍鬆化，蜜汁再加上柚子，甜蜜之餘味道清新✨赤小豆粉葛豬骨湯｜足料老火靚湯，湯頭味道濃郁，飲完之後喉嚨感覺非常舒適🌟精選小菜✨大蝦黃金酥 ｜超驚喜嘅小菜，四大隻超巨型大蝦，被滿滿嘅鹹蛋黃包圍，外層鹹香酥脆，鮮蝦爽口彈牙，配上脆炸米通，午市套餐竟然可以食到呢個小菜，老闆真係好佛心✨拔絲咕嚕肉｜咕嚕肉外層香脆，酸甜剛好嘅咕嚕肉醬汁包圍，肉質肥瘦適中夠爽口，每一口都好有水準，非常出色✨明太子海鮮炒香苗｜炒飯炒得乾身粒粒分明，明太子配上蝦仁、帶子、蔬菜粒、雞蛋和香蔥，味道帶點明太子的鹹香，好味道🌟甜品✨紅棗千層糕 ｜煙韌軟糯，紅棗糕加馬蹄糕，味道天然太甜✨蛋白杏仁茶 ｜超濃杏仁味道，口感順滑，秋冬飲完倍感溫暖…Read More

在繁忙的中環區，我發現了一家令人驚喜的粵菜餐廳「中環飯店」，這裡不僅環境舒適，還帶來了一系列創新而傳統的美食選擇，讓我度過了一個愉快的用餐時光。《開胃小品》🥢 鴛鴦蓮藕餅 $168鴛鴦蓮藕餅 ，一次過可以享受兩種不同嘅做法，口感酥脆，外皮金黃，內餡鮮嫩🥢 黑醋脆鱔球 $208黑醋脆鱔球，估唔到黑醋烹調鱔球，層次十分豐富，黑醋的酸甜與鱔魚的鮮美相得益彰🥢 18斬話梅醉乳鴿 $13818斬話梅醉乳鴿，乳鴿肉質滑嫩，一個十分開胃嘅前菜🥢 西班牙栗子豬焦香叉燒 $198西班牙栗子豬焦香叉燒，選用優質西班牙栗子豬，口感鬆化、鮮嫩多汁、叉燒外焦內嫩，必食之選《豐富的湯品》🥢 杏汁豬肺燉花膠湯 $188養顏潤肺，止咳化痰，一道營養價值非常高的養生湯水🥢 姬松茸杞子燉花膠湯 $188清甜滋味令人舒心，湯底清澈透明🥢 黑蒜螺頭湯 $168散發著黑蒜的獨特香氣，飲用後暖身又暖心。🥢 淮杞燉美國螺頭湯 $188一道滋陰清肺養生湯水🥢 花膠酸辣羹 $228酸辣口味令人感覺格外開胃《精緻主菜》🥢 辣不辣韭菜生煸方利 $598辣不辣韭菜生煸方利，這道菜賣相十分出色，仲可以食到不同口味，薄切的方利魚鮮嫩可口，魚骨脆口非常🥢 第一刀咕嚕肉 $208第一刀咕嚕肉，同樣十分出色，甜酸口味完美融合，令人回味無窮🥢 黃金芝士炸釀鮮拆蟹蓋 $288/位黃金芝士炸釀鮮拆蟹蓋，香脆的外皮包裹著濃郁的芝士與蟹肉🥢 啫啫大澳蝦醬蝦乾唐生菜 $148🥢 咖喱原條牛肋骨 $368咖喱原條牛肋骨，牛肋骨肉質鮮嫩，咖喱味濃重卻不搶味，根本讓人無法拒絕《甜品》黑芝麻湯圓 $68黑芝麻湯圓，這道傳統甜品令人感到溫暖，柔軟的湯圓內餡香甜可口，令人心滿意足燕麥紫心番薯 $68燕麥紫心番薯，擁有健康的形象，甜而不膩…Read More

朋友喺中環返工，約佢食晚飯順便俾手信佢，佢話附近開咗間新中菜想試，太好啦，有人諗埋地點，就呢間啦！飯店個門對正地鐵出口，方便喎！我早咗超過15分鐘到，未到開門時間，但個女侍應好nice帶咗我入座，服務超讚呀！個menu都幾厚幾大本，我到先就睇住先啦，侍應都有問需唔需要介紹菜式，態度友善有笑容，冇話好似有啲酒樓咁hard sell，我見早咁多悶悶地就聽下推介啦。首先推介片皮雞兩食，話係受歡迎菜式，分別係皮片雞配脆多士，另一食係避風塘，問咗唔辣，咁我都有興趣喎。另外推介多兩三個菜式，我同朋友最後揀咗脆鱔，個source調得好味。其實去邊間食肆都好，最緊要係叫到間食肆有信心嘅菜式，咁就少機會中伏。新開咗一個星期都唔夠，應該唔太多人知，喺雅致、舒服、靜靜地嘅環境飯聚，食物水準同服務又唔錯，下次都會考慮呢間，價格都合理，最後仲要係朋友爭住找數，多謝晒呀！！另外見有幾間房，同侍應傾偈時問定min. charge，但暫時未定價，下次人多做節要記得問下，地點好就腳。…Read More

中環飯店位於畢打行，於上星期開始試業。光顧當天，位於畢打街的門尚未開放，要由靠近中環站D2出口那邊的門進入飯店。飯店以經典粵菜為基礎，融合精緻手藝，為中環商圈帶來嶄新的用餐選擇。拿著一大本餐廳沒甚麼頭緒，加上新店沒甚麼食評可參考，於是索性請侍應生介紹，果然有好嘢食👍🏻片皮雞二食中，片皮雞皮脆肉嫩，多士香脆，上方飾以西柚肉，美觀之餘酸爽解膩，是上佳的配搭；避風塘的做法鑊氣十足，蒜酥惹味帶十分輕微的辛辣。東星斑二食盡顯功架，油泡斑球火候精準，魚肉爽滑不帶骨，好美味；椒鹽頭腩酥香惹味，惟腩位有骨，需小心食用。黑醋脆鱔球外層炸至酥脆，黑醋酸甜恰到好處，開胃而不膩。生磨蛋白杏仁茶有濃郁的杏香，蛋白柔滑細膩，溫潤順喉，完美作結一頓相當享受的晚飯。服務超班優秀，每位都有禮勤快👍🏻…Read More

最近去咗中環畢打行新開嘅 中環飯店 食飯，成個體驗都相當舒服。餐廳環境好靚，低調但有質感，坐得舒服，啱晒食lunch，或者夜晚想chill住慢慢食嘢嘅朋友。講返食物，今次試咗兩款菜，唔係必食嗰頁，但都超有驚喜。首先要推介 西班牙栗子豬焦香叉燒——入口先係輕輕嘅焦香，再嚼落去就感受到栗子豬嘅油脂香味，肉質又嫩滑，唔會太甜。另一道 話梅醉乳鴿 都做得好靚。乳鴿甘甜入口即化，一咬落去花雕酒香慢慢滲出嚟，但又唔會太濃，成體好清爽、好開胃，夏天食會更加舒服。整體用餐體驗都滿意，值得推介!…Read More

中環畢打行（Pedder Building）一直係地標，最近進駐嘅「中環飯店」(Pedder Chinese) 更加係話題中心！餐廳前身係充滿歷史嘅老牌飯堂，而家由新團隊接手，唔單止保留咗嗰份懷舊情懷，喺菜式演繹上更加係精益求精。 1️⃣ 前菜：雙重口感，極致開胃 🥟一開場就已經好有驚喜！「鴛鴦蓮藕餅」($168)唔簡單。平時出面食蓮藕餅一係煎一係炸，呢度叫得做「鴛鴦」，原來係大廚特意用 「一煎、一炸」兩種手法呈現！炸嗰件酥脆香口，煎嗰件就保留咗蓮藕嘅清甜同肉汁，一次過滿足兩個願望，口感層次豐富到不得了！💯另外必點嘅 「黑醋脆鱔球」($208)，外皮炸到好似玻璃咁脆，黑醋汁酸甜度拿捏得完美，一咬落去鱔肉仲係鮮嫩多汁，完全無泥味，非常醒胃！仲有佢哋呢個「18斬話梅醉乳鴿」($138)，酒香入味，話梅的酸甜味吊起了乳鴿的鮮味，斬件大小適中，送酒一流。 🍷2️⃣ 湯品：滋補養生，火候十足 🥣廣東菜最講究湯水，呢度嘅燉湯真係無得輸。「杏汁豬肺燉花膠湯」($188)：絕對係心機之作！杏汁磨得好滑，豬肺處理得極乾淨，入口綿滑，花膠燉到起膠，飲完個嘴唇黐立立，感覺充滿骨膠原！「黑蒜螺頭湯」($168)*同 「姬松茸杞子燉花膠湯」($188) 都係足料到爆，湯色清澈但味道濃郁，飲得出係用靚料燉足鐘數，暖胃又窩心。🥰3️⃣ 主菜：視覺與味覺嘅盛宴 🔥主菜環節真係高潮迭起，特別係服務同擺盤都好有「儀式感」！「咖喱原條牛肋骨」($368)：呢道菜上枱嗰陣真係霸氣十足！原條牛肋骨燉煮得極之入味，最正係有專人喺席前用剪刀幫你剪開，睇住啲肉汁咇出嚟，真係流晒口水🤤。個靈魂在於個 「秘製咖喱汁」，香料味層次複雜，唔係死辣嗰種，配埋軟腍嘅牛肋肉，送飯真係無敵！「辣不辣韭菜生煸方利」($598)：師傅將方利起肉，魚骨炸到好似風帆咁豎起，造型滿分！方利肉質本身就細嫩，用避風塘式做法加上大量韭菜爆炒，惹味得嚟又唔會蓋過魚嘅鮮味，外脆內軟，鑊氣十足！🐟「西班牙栗子豬焦香叉燒」：用上西班牙栗子豬，油脂分佈均勻，燒到邊位帶少少焦香，入口鬆化，蜜汁香甜，係高水準嘅叉燒！「黃金芝士炸釀鮮拆蟹蓋」($576/2位)：啖啖肉之選！鮮拆蟹肉份量超多，加上芝士焗製，鹹香同鮮甜完美融合，每一啖都係幸福感！🦀🧀4️⃣ 甜品：精緻如畫，完美作結 🍬最後嘅甜品環節都無令人失望，賣相精緻到唔捨得食！「黑芝麻湯圓」($136/2位)：呢個湯圓擺盤好似藝術品咁！唔係浸喺糖水入面，而係類似「擂沙」嘅做法，外層裹滿香濃嘅黑芝麻，咬開係流沙餡，皮薄餡靚，煙韌控必試！⚫「燕麥紫心番薯」($68)：一粒粒方塊造型好得意，外層沾滿燕麥，入面係軟糯嘅紫心番薯，甜度啱啱好，健康得嚟又有口感。🍠…Read More

畢打行，呢間「中環飯店」，值得同大家分享一下。首先推介 煎蓮藕餅，外脆內軟，蓮藕粒清甜爽口，煎得香口又不油膩。另外，小炒王 真係好有鑊氣，一上枱已經聞到香味，材料新鮮，咸香惹味。比較特別嘅係 炸脆牛乳，炸皮薄脆、裡面軟滑還有 銀雪魚煲，魚肉厚身滑溜，用砂鍋上枱熱辣辣。如果喺中環返工或者經過，不妨入去坐坐，慢慢歎一餐，有家常味之餘又夠水準。推薦俾附近嘅街坊同打工仔朋友。…Read More

Lunch行過中環餓餓哋，試咗間幾骨子嘅飯店。裝修幾靚，坐得舒服，侍應姐姐幾好笑容，一坐低就斟茶遞水，夠晒貼心。叫咗個鹹菜豬肚炒米粉，鑊氣夠又唔油，豬肚爽口，送飯一流。豉油皇炒麵夠香，麵條炒得乾身，食完成個口都唔會油淋淋。最正係個粟米魚肚羹，魚肚落足料，湯羹夠晒熱辣辣，飲完成個身暖笠笠。lunch time百零二百蚊位，喺中環來講算合理啦。上菜快，環境舒服，同同事吹下水食個快飯幾好。下次行開都會再幫襯！…Read More

首次幫襯畢打行內嘅中菜館「中環飯店」位置比較隱蔽，更充滿好奇心食後感確實係「不枉此行」我會推介煎蓮藕餅，外脆內軟，蓮藕粒爽口，唔會太油膩另外，小炒王真係好有鑊氣，食落咸香同埋夠惹味比較特別嘅係炸脆牛乳，炸粉唔會過厚，但裡面軟滑，口感十足銀雪魚煲，魚肉厚身，用砂鍋上枱熱辣辣係略嫌油膩，好在菊花茶伴餐，解膩一流整體無論環境，食物同服務素質都出乎意料之外如果喺中環返工或者經過，不妨入去試下，有家常味之餘又夠水準。值得推薦俾附近嘅街坊同打工仔朋友。👍👍…Read More

中環飯店啱啱喺畢打行新開張，行過見到幾靚裝修，今次就入去試下。餐廳環境舒服，服務算細心，但新店始終有啲未磨合好嘅位，不過都可以接受。先講黃金炸魚皮 ，賣相靚，啱啱炸起熱辣辣，口感夠脆，不過咸蛋黃味偏濕，期待中嘅“邪惡香味”未算好爆，但已經算出色。小炒王 算係最穩陣嘅一味，炒得乾爽，材料落得夠，但鑊氣就差少少，如果味道再立體啲會更出色。至於薑蔥銀雪魚煲 ，香味好吸引，魚夠滑身，但個煲嘅味道有啲保守，薑蔥味唔算好突出，略嫌欠少少衝擊感。 就表現不錯，外層反沙夠乾爽唔黏牙，芋頭粉糯香滑，甜度剛好，有驚喜。總結：新店開張仲有調整空間，味道未至驚為天人，但見到想做好嘅誠意，整體算係不錯。之後如果再稍微調味同火候再執靚啲，會更加值得回訪。…Read More