影片
营业时间
今日营业
11:00 - 23:00
星期一至日
11:00 - 23:00
以上资料只供参考，请与餐厅确认详情
相关文章
同大少去开太子，就当然要系食埋个午餐先得，上次自私食嚟左东京街都觉得唔错，所以今次就带埋大少嚟个好味系要再encore啦！餐厅唔算大，不过都坐得舒服。午餐定食选择都多，有寿司、鱼生丼、拉面或者咖哩饭类，总有一款啱你嘅。最后我地一份什锦宝盒套餐、牛板腱寿喜烧同埋珍宝带子刺身。先嚟我嘅一人前什锦宝盒，估唔到真系超级丰富，既有生蚝、三文鱼、油甘鱼、甜虾、吞拿鱼、带子鱼籽、加州卷、日式煎饺、玉子烧、日本大福。额外追加$28可以有埋面豉汤、茶碗蒸、蟹籽沙律及饮品，而且仲配上冷乌冬，真系何其丰盛，当然味道同样唔错。各款刺身、都好鲜甜，绝对系水准之作。另外肥啫啫嘅生蚝同样鲜味不绝，煎饺入口都脆卜卜，以依个价嚟讲绝对系胜价比高。另外珍宝带子刺身同样出色，无论其软滑度、鲜甜味道、厚度都系超水准之作，令人一食难忘。大少就嚟左一客美国牛板肩寿喜烧，寿喜烧材料都好丰富，除左有肥美嘅牛板肩之外，仲有前茶、野菜拼盘、蛋、及乌冬。店员姐姐教我地可以牛板肩两食，先嚟可以锅上将牛板肩烧熟，就可以令肉味更加香浓鲜甜，其后就可以将野菜拼盘、乌冬、寿喜烧汁加入锅上，野菜及乌冬吸入汤汁变得更香口，而牛板肩肉质就细嫩又带点弹性，满满牛肉嘅鲜甜。两个人食到饱饱好满足呀！
继续阅读
热到爆厂，旺角人多车多。系始创中心附近；我地去左一间名叫东京街的日本料理，入面装修得好有日本feel，真系好吸引。无论系灯光定装饰，全部都好有格调。我哋叫咗北海道海鲜锅，锅入面嘅海鲜新鲜到不得了，味道一流！加个午市套餐：极尚角切鱼生丼；内有三文鱼粒、时令鱼粒同埋大量鱼籽；仲有牡丹虾，味道鲜美，搭配冻柠茶少甜，真系消暑又解渴。套餐仲有茶琬蒸同沙律、面豉汤；超抵食。另外，我哋仲追加咗带子刺身两件，鲜嫩得来又带点弹性，食完令人意犹未尽。最正系矶煮鲍鱼刺身两只，入口即化，丰富嘅海水味令人回味无穷。呢度坐得舒服，食物美味，服务超水准，让人愉悦。高水准食肆，一定要支持👍🏻
继续阅读
今朝同两个朋友喺旺角行街，行到西洋菜南街遇到暴雨，冇办法，就喺东京街门口避雨，见佢门口嘅菜单唔贵，而且菜式种类好多，就入去试下。我哋叫咗什锦刺身定食，入面有三文鱼、赤身、油甘、章红、八爪鱼、北寄贝、甜虾。刺身好新鲜，帆立贝大又厚，咬落去好有口感，油甘肉质厚，章红就甜甜地，八爪鱼咬落去有啲弹性，北寄贝同甜虾都好靓，食得出新鲜。串烧大满贯都好丰富，有大葱鸡肉串、烧椒一口牛、荔枝烟肉卷、烧帆立贝、烧大虎虾同烧牛舌。大葱鸡肉串烤得啱啱好，葱香味足；烧椒一口牛肉多汁，烧得香脆；荔枝烟肉卷好特别，烟韧味道加上荔枝嘅甜，原来咁夹。烧帆立贝新鲜，虎虾好大只，烧牛舌有浓郁肉香，每样都好食。海鲜乌冬同辣味螺肉，正常发挥。我哋三个女仔食两个定食加个串烧已经饱哂，埋单平均每人佰几蚊，食到呢个质素真系好抵。服务又好，值得再来！
继续阅读
发现间街坊日式料理🍣有时想食寿司又吾想排寿司郎，就会去下寿司店～日式和风装修得几靓佢哋嘅鱼生切得好厚‼️仲有好多选择，有寿司套餐、丼、杂锦宝盒、寿喜烧、串烧等❣️特别推介佢哋嘅烧鱿鱼串🦑$38好抵食！有原只鱿鱼！吾韧好弹牙！什锦宝盒🍣一上枱真系好丰富！好啱选择困难症人士🤣一个价钱食晒咁多嘢，鱼生食落算新鲜吾腥！几中意带子切到花甘🪷好鲜甜！竟然仲有大大只生蚝！鱼生沙律🥗估唔到有甘多鱼生！三文鱼、油甘鱼、吞拿鱼，铺满晒个面！好想食海胆，嗌多咗个军舰！海胆望落金黄色好靓好，但有少少腥苦，可以pass！唔想食生嘢，可以拣熟食便当，最平$77就有鸡扒/鲭鱼便当！整体价钱吾贵份量又多🍥-★ 什锦鱼生沙律 $78★ 烧鱿鱼串 $38★ 海胆军舰 $35★ 鸡扒牛肉便当 $88(+$28: 味噌汤 茶碗蒸 蟹籽沙律)★ 什锦宝盒C $158• 三文鱼刺身3件、油甘鱼刺身2件、甜虾刺身2件、吞拿鱼刺身2件- 生蚝1只- 日本大福1件- 玉子烧1件- 带子鱼籽寿司1件- 加州卷2件- 日式煎饺子2件- 乌冬
继续阅读
太子《东京街》嘅价钱好抵，环境又舒服，系太子一带嘅日式料理之选😉今日黎到试咗佢哋嘅几款招牌菜式：🍣 三文鱼带子甜虾蓉鱼籽丼三文鱼油脂分布靓，厚切肥美；北海道带子几鲜甜；甜虾蓉送饭真系特别开胃；加埋三文鱼籽，好丰富！🍙 军舰寿司系列- 芝麻八爪鱼：口感爽弹- 芥辣八爪鱼：啖啖都带住微微辛辣- 蟹籽军舰：啲蟹籽粒粒分明，唔腥- 螺肉军舰：螺肉够厚，口感十足🌸 花之恋食落好有层次，又靓又好味！🌯 蟹籽手卷蟹籽香口唔腻🥗 芒果沙律清新解腻，芒果甜得嚟唔抢味，加埋爽脆蔬菜，非常开胃🍗 炸芝麻鸡翼（3只）鸡翼炸得金黄香脆🐟 三文鱼刺身（4件）厚切新鲜，脂香十足，唔使点酱油都已经好好味
继续阅读
您可能会有兴趣的...