影片
港铁长沙湾站 C1 出口, 步行约5分钟
继续阅读
电话号码
26683898
附加资料
截单时间为20:45
营业时间
今日营业
07:00 - 21:30
星期一至日
07:00 - 21:30
以上资料只供参考，请与餐厅确认详情
今日去长沙湾试左呢间特色茶餐厅 - 世一冰室。坐低无耐就送左两个罗宋汤俾我哋饮，好足料。半只世一金牌炸鸡配茄汁意粉 （$78）呢份炸鸡绝对系世一冰室嘅名物，见到差不多枱枱都有order嚟食。鸡系用左新鲜三黄鸡，食得出比出面炸鸡嘅鸡味系浓得多，而呢度炸鸡做法亦都似酒楼啲炸子鸡，所以唔会食到好厚嘅炸粉外皮，而系炸到薄脆嘅鸡皮，同时鸡肉仲可以保留肉汁，就算唔系脾位肉质都好嫩滑。另外，呢份炸鸡系跟埋泰式辣酱同淮盐一齐上枱，夹埋嚟食味道更有层次。土鱿蒸肉饼配白饭 （$56）肉饼即叫即蒸，上枱见到超大块直头大过只碟，肉饼本身够厚实，但食落又唔会觉得蒸得过火，主角土鱿就舖到成块肉饼面都有，加埋个豉油捞饭食刚刚好 。鱼汤时蔬 （$19）今次拣左食菜芯，浸喺鲜鱼汤入面咁食可以平衡番呢餐其他𩠌嘅油腻。红豆冰 跟餐（$9）蜂蜜百香果 跟餐（$9）呢度跟餐叫特饮都只系加$9，都几抵，红豆冰唔算太甜，红豆份量多，而且煮得够淋，另外蜂蜜百香果亦够清新，甜甜酸酸，非常开胃。
继续阅读
难得放假昨晚早D带左小编爸去觅食之前睇IG见过有人介绍世一个炸鸡好食就去试吓世一炸鸡(一只) $152原来仲包埋汤、两款伴菜+ 2杯饮品罗宋汤好足料系由细饮大嘅经典熟悉味道酸得黎带点微胡椒辣好醒胃伴菜有几款选择：饭、意粉、薯角、杂菜沙律小编就点左后者两款估唔到个薯角真系超好食就算摆冻左都仲好外脆内软又厚身杂菜好新鲜爽脆配有麻酱好食重点来噜~~一只炸鸡会分半只半只上炸得金香 皮脆鸡肉食落仲锁到肉汁好嫩滑仲要系黄油鸡 超正鸡本身调味已好入味 另配上泰式甜酸酱及淮盐较惹味原本以为一只鸡应该唔系好够食 所以再叫左一个日式咖哩吉列鱼柳蛋包饭点知半只已好饱小编爸发挥小宇宙再食晒成碟饭佢话好好食所以我都试左几啖日式咖喱嘅甘甜吉列鱼柳好大块 炸粉唔多 肉厚炸得好松脆好味蛋都仲有蛋汁唔老有D海苔丝洒面其实卖相都好吸引餐饮叫左冻鸳鸯 佢个茶底冲得好好茶味好香醇 好饮呀!!整体坐得舒服、食物性价比高、仲好贴心有埋即弃手套比你食炸鸡用呢间可以再来~~大满足!
继续阅读
朋友约我去长沙湾午膳，话去世一冰室茶餐厅食世一金牌炸鸡，系佢地的招牌名物！它位于顺宁道街253-263号地舖，港铁长沙湾站C1出口，行出来就到！ 餐厅装修简约，地方宽敞，枱椅摆放整齐，坐得舒适！ 餐牌食物款式都不少，除咗世一金牌炸鸡外； 有每日午餐、常餐、咖喱、蒸鱼系列、蛋包饭等等，真的包罗万有！🥣罗宋汤餐汤系罗宋汤，但绝不马虎！汤料十足，还有红菜头，健康又美味！🐔世一金牌炸鸡配薯菜和茄汁意粉好贴心地半边上，仲用咗鸡造型竹器上，卖相一流！ 热辣辣的，香气四溢！外表炸得酥脆，肉质鲜嫩又多汁！薯条粗切，外脆内软，充满咸香味道！ 茄汁意粉都好好味；配合一同食就不会太油腻！🐷煎猪扒蛋包饭- 照烧汁大大块的猪扒，煎得刚好，肉汁丰盈！滑嫩的炒蛋包住米饭，吸收了浓郁带有甜味的照烧汁，增添味道层次，口感一流！🐟香脆吉列鱼柳这个小食不错！ 炸得外脆内嫩多汁，鱼柳都很鲜味，配上千岛酱同吃，十分美味可口！🥖咸牛肉炒蛋潜艇咸牛肉炒蛋面饱是茶记特色美食！ 这个潜艇够大件，馅料十足！ 咸牛肉的咸香和滑蛋最夹，吃得大满足！🍹蜂蜜百香果清爽的百香果味道，带来清新的口感，蜂蜜的甜味与百香果味好夹，十分解渴和解腻！🥤港式冻鸳鸯鸳鸯是咖啡与奶茶结合，是港式饮品的特色！ 茶味香浓， 浓郁的咖啡味和奶茶很搭，口感醇厚，好饮！这间餐厅的食物很用心去处理，价钱合理，最适合上班一族去午膳的好地方！
继续阅读
世一冰室（位于长沙湾）以「烧鸡」或「炸鸡」闻名，今日刚刚在长沙湾开完会就专程去会一会他们的招牌脆皮鸡🤪🤪半只烧鸡售价约$78，一只$152….跟朋友商量完后就决定叫一只原来上枱是半只半只咁上的🤣🤣烧鸡皮极致香脆、肉质鲜嫩多汁，且不会过咸👍👍配菜可选薯角，沙律🥗，饭或意粉等…$78性价比高！另外个蒲烧鳗鱼蛋包饭也不错错！原条蒲烧鳗鱼，铺满蛋包饭，肉质软滑，蒲烧汁咸甜适中，蛋包滑嫩！可以拣烧汁或者咖喱汁！
继续阅读
呢间餐厅的牛扒滑蛋配烘底三文治同猪扒滑蛋配烘底三文治真系好值得试！两款肉都好嫩，牛扒味道浓，猪扒又有啲甜味，配埋滑蛋，口感超丰富。这啲三文治外面烘得香脆，里面又有滑蛋同肉，真系一口接一口，停唔到。仲有，菠萝油面包系呢度一大亮点。菠萝包加牛油简直系经典啦令香味最大化，回味无穷，早餐或者下午茶都啱。吞拿鱼炒蛋芝士三文治就系另一种风味，鲜美的吞拿鱼配上滑蛋同融化的芝士，真系好丰富，特别适合钟意海鲜的人。饮品方面，香滑热奶茶口感超顺滑，奶香浓，搭配任何餐点都啱。而柠檬茶就清新又提神，特别系热天饮一口，瞬间感觉凉快！总之，呢间餐厅嘅菜单选择多，每一道菜都好用心。无论你想享受丰盛嘅早餐，定系轻松嘅下午茶，呢度都可以揾到啱你嘅选择。强烈推荐比钟意港式早餐或者三文治嘅朋友！
继续阅读
您可能会有兴趣的...