上海豆漿大王

🍙 粢飯 $21兩個拳頭咁大，內餡有肉鬆、油條、榨菜，調味簡單直接但好食。外層糯米唔厚，咬落軟糯但唔膩，口感好豐富～難怪幾乎每桌都會叫。🍜 上海排骨麵 $38即炸排骨香口但偏乾柴，麵底份量多到驚訝，完全食唔晒！不過浸耐咗會有少少糊口感。配上雪菜/榨菜，整體夠抵食。🥛 豆漿 $ 8無糖版超香濃大豆味，飲得出係原味冇多餘添加，解膩又順口。💡總結：大份量＋平價小食＝屯門平民美食好選擇，想快靚正食一餐可以考慮嚟呢度！…查看更多

今天下大雨，剛好來到學生時經常吃的店舖以前很喜歡吃粢飯及酸辣湯油豆腐麵…酸辣湯油豆腐麵（ $42 ）酸辣湯中有很多配料，包括豬皮、豬紅、木耳絲、豆腐絲等配料。今次酸辣湯杰度適中，我本人不喜歡偏稀的酸辣湯。當你每夾一口麵時，每條麵也會掛上酸辣湯。千萬別選粉絲！！！因為粉絲煮完沒過冷水，直接放入酸辣湯內，很容易黏成一團，沒有粉絲爽口彈牙的口感。油豆腐是我一直必點的東西，泡滿酸辣湯的油豆腐帶鹹香鹹香的，很好吃。份量大，如果不是很肚餓可以只點選酸辣湯油豆腐。凍豆漿（ $8 ）豆味偏重的豆漿，不錯…查看更多

📍環境：呢間傳統上海小店仲係好有懷舊feel，一入去就見到傳統上海食店嘅setting，不過座位就真係窄啲，繁忙時間都要搭下檯，想闊闊落落咁食就難啲喇！但勝在夠地道，阿姐手腳快，就算人多都唔使等好耐。 🥛凍豆漿 ($8)第一啖飲落去，豆味唔算好濃，都唔會太甜，都係平常上海鋪嘅水準，勝在8蚊都大大杯，抵飲！夏天熱辣辣飲一啖，即刻透心涼，正啊😎！如果鍾意鹹豆漿嘅，呢度都有賣，想試下傳統味又得。 🍖上海排骨 ($24)上枱仲熱辣辣，外皮脆到「咔咔」聲，肉質又唔算乾柴，醃得夠入味，帶少少蒜香，送飯一流！24蚊嚟講都算好大件，又係抵食之選。 🍙粢飯 ($21)大份過我一個麻甩佬嘅拳頭，店員仲會好貼心問要唔要剪開兩半，方便share！入面嘅油炸鬼脆卜卜，肉鬆同榨菜份量足，每一啖都鹹香有咬口✅糯米飯煙韌得嚟唔會太硬，唯一缺點係邊位有啲乾。 🌟總結：雖然環境逼夾咗啲，但食物水準同份量絕對對得住個價錢，尤其係粢飯同排骨，係必試之選！如果唔介意搭檯同快食節奏，呢間會係屯門區內平民上海野食日常之選。…查看更多

上海豆漿大王開左好多好多年，印象中都有三十年，門面同位置依舊一樣!入面環境同以前一樣，都係咁暗同油。今次嗌左餐，雪菜上海麵配糖醋豬軟骨，仲有豆漿。雪菜麵大碗，真係得雪菜同麵，無肉絲，而糖醋豬軟骨份量唔多。豆漿味道有少少怪，都明顯唔係來貨。50蚊內，係抵食! 而且佢都開得夜，又食得飽。不過味道可接受，唔可以話好好食。…查看更多

好多街坊幫襯 每樣野都好平2個人食唔使$100埋單 好抵食👍🏼粢飯 ($21)上海鋪必點啦 落單唔夠30秒已經到左店員會問使唔使剪半 咁就方便食入面都係簡單料 油炸鬼 榨菜同肉鬆但夾埋一齊就好好食 都算足料不過邊邊位就食濟糯米唔夠送上海燻魚上海麵 ($38)可以配雪菜/榨菜 第一次食上海燻魚係凍食架 本身舊魚炸左再淋上酸酸甜甜汁食落幾特別都幾好食 上海麵份量都好多麵質都幾彈牙有口感 好食😃煎鍋貼3隻 ($24)即煎熱辣辣 脆脆地好香口入面鎖住d肉汁 都幾大隻 又係好食😋本身想食豆腐花 可惜夏天先有所以叫左凍豆漿 ($8) 一大杯針到好滿 好香豆味又唔甜 正😎整體真係又平又好食 超推介😝…查看更多

屯門呢間上海鋪係我推介同必食上海小店之一，雖然環境比較細同窄，多人一齊食可能坐得唔夠舒服，但係味道真係值得推介，同埋大份夾抵食，呢間午餐或晚餐都好多人食，有時可能要等下位。粢飯：每次都必點之一，亦都係佢呢間舖嘅招牌，即點即制，有肉鬆榨菜油炸鬼口感好煙靭，每張枱基本上都會必點。另外粢飯配豆漿，簡直係絕配，有熱同凍嘅豆漿亦都有鹹豆漿，鹹豆漿都出色，未試過嘅可以不妨一試。另外上海麵好大份，佢嘅熱食例如炸排骨炸雞翼，炸雲吞都好出色。我都好欣賞佢嘅酸辣湯底好開胃。…查看更多

故意收多錢大家小心。天冷諗住飲碗熱豆漿，事先上網睇左$14豆漿加蛋，叫左兩碗。收錢話只收現金同埋，收我五十六蚊。我心諗應該$28姐， 味叫佢比張單我睇。一睇收左我兩碗48。我問點解佢話岩架啦兩碗豆漿加蛋$48加外賣盒和匙。我同佢講話我睇左餐牌係十四蚊碗 佢先即刻改口話係呀，改返比我，加埋外賣餐具$32。日日收錢都收錯定故意？ 我覺得我提左話個價錢有問題仲堅持，直至我話我睇左餐牌幾錢先改返，個人覺得騙錢機會大啲。豆漿味道一般。 …查看更多

很久以前食過，以前好多人推介佢個粢飯好食今次難得入屯門，再光顧回味首先入到去環境衛生比以前跟惡劣可能因為舊式舖頭，很多嘢都很懷舊但很多烏蠅飛來飛去，碗碟發黃地氈上很多垃圾喺地下今日叫左個上海排骨麵 （$38）， 同粢飯（$21）上海排骨麵很大碗 ，視覺上很抵食但味道真係很一般，排骨份量正常切到很細舊，睇落好多排骨但排骨炸到超級鹹，食落有浸油膱味好似用千年油炸的感覺碗麵無味道，粢飯內個油炸鬼十分硬感覺放左好耐以上都係個人口味分享，可能我入去係懷着以前的味道，所以有差異不過看返其他人食評好似話舖頭轉咗手不過整體咁嘅價錢咁嘅份量，都抵食的…查看更多

職員笑說餐廳冇分店，咁我以後食糖醋豬軟骨就要入屯門🤔。🥢糖醋豬軟骨：✨必食✨首先糖醋汁酸甜開胃，仲好濃厚添 ，越食越開胃！其次係豬軟骨好似牛筋咁淋🤤，諗起都想食。🥢炸排骨：排骨入味又大份，好多人都點排骨。🥢雪菜上海麵：雪菜超多，麵亦好多，夠兩個女仔食！🥢酸辣湯雲吞：對於食唔到辣既人來講，辣度還可接受，配料有豆乾同木耳絲。反而雲吞冇特別。味道：🔅🔅🔅🔅新鮮：🔅🔅🔅🔅分量：🔅🔅🔅🔅🔅衛生：🔅🔅🔅速度：🔅🔅🔅🔅（5🔅為滿分）…查看更多

這間具有歷史感覺的小店 永遠坐進去都唔知點解會聽到旁桌的客人在説以前的故事 （阿媽會同個女個 細細個就食依間嘢）非常有趣😂活了這麼多年還是第一次吃鹹豆漿 挺特別的😀但我下次都係飲返普通豆漿會啱我D😂排骨雞翼雙拼上海麵 超大一碗麵 多得有點嚇呆了 這個份量自己一個根本吃不完吧🤭上海麵浸了一回兒 感覺已經糊了 令口感也變得不太好食🫢還要了一個粢飯 好像每桌都嗌的 真係幾好食！粢飯裏的配料很多 外層糯米又不會太厚 口感非常豐富👍🏻…查看更多

有人排隊，心諗應該仲係以前咁好食。坐低睇到餐牌，唔使$40有個麵都幾抵呀！叫左個雙拼雲吞加糖醋排骨。那個麵好大碗，望落真係好抵食。但個上海麵有微微的化學（漂粉味），而個雲吞是暖的，算正常。而個排骨是凍的都不要緊，要緊的是食落似是疆屍肉仲有陣up味。最正常是伴麵的炸菜。個熱豆漿真係唔識講。又因為就算難食都不要浪費的心態下，只棄食那個up味肉。麵跟雲吞都食完。 然後就係進食後12 小時內搞肚痛左3次肚瀉。已經好耐無食了。可能真係我腸胃太弱了，見到係咁有人排隊買，真的好厲害。又可能自己唔識叫野食，避開非炸物就可以掛。…查看更多

睇完戲夜晚10點左右 已經無乜餐廳開:(行行吓搵到依間豆漿大王仲開 就入咗去食粉麵飯都係$3x-$50就有 依個價錢真係已經好少有上海排骨菜飯 $40$40一個飯 有肉有菜 又足料 真係好抵食豬扒大大塊啖啖肉 食落幾酥脆 又唔會乾配少少豆瓣醬 少少辣 幾惹味依個價錢嚟講 質素超晒班下次會嚟試埋粢飯🫶🏻酸辣雲吞湯麵 $42都係一樣好大碗好足料酸酸辣辣咁 味道都唔錯凍豆漿 $8依個質素就正正常常啦🫡$8一杯都唔太貴兩個人晚餐加埋$100都唔使…查看更多

去咗屯門試呢間好店，睇落好似好舊，但嘢食水準真係好唔錯！仲要唔貴，又抵食。菜飯飯粒飽滿又香口，每一口都有種滿足感。飯裡面仲有好多菜，令呢碗菜飯營養豐富，仲好多菜汁。飯同菜嘅結合，令整碗菜飯更加豐富而且有層次感，真係好好味。炸排骨都做得非常出色！排骨炸得香脆，外皮金黃酥脆，咬落去有個脆脆嘅口感同埋鮮嫩多汁嘅排骨肉。豬軟骨真係一個驚喜，豬軟骨非常嫩滑，，仲要好入味，仲有個迷人嘅香氣，真係好好味！呢間叫咁多都係人均$60左右，好抵食！…查看更多

首次在OpenRice留食評，屯門出身，難得回來食童年回憶，爬文原來今年轉咗手，程度幾合理，上海排骨鬆散，上海麵已發脹無咬口，雲吞皮厚，但上檯四粒有兩粒爛既，連個餡都明顯縮皮，味都唔同哂。不提裝修，感覺無變。提員工，佢地之間說話不停，搵水吹，隔空吹水，擋住大門吹水，用粗口吹水，更顯得全部客人安靜，只聽到員工聲，廚師做緊野搵收銀吹水，樓面做緊野搵廚師吹水，有人落外賣都要等佢地傾完先落得單，有人埋單都要俾佢地員工行開先埋得。幸好居所附近有另一分店，不論食物服務招呼過之而無不及，嘗試比較更是對居所附近分店一種侮辱。時不與我，再無可能光顧屯門分店。…查看更多

你話係上海食品都會有人信，但係你食過都會相信轉咗手之後係真心唔好食，應該係話又貴又唔好食。話說未坐低就已經聽到有位比較年輕嘅姐姐好大聲咁講，「唔使同啲客講冇咩，同佢哋講淨係得雲吞，賣曬就收工算」。嗰刻我心諗算啦，咁就舉手叫咗個雲吞上海麵，以為有咩咁巴閉啦，點知四粒雲吞皮厚都唔緊要，煮唔透連個餡又唔夠熱咁先大鑊。即時睇下食評，就發現原来已經負評如潮。最想講嘅係個粢飯，已經食唔返舊時嗰個味道。如果你諗住回味你食過嘅味道，咁你一定失望。…查看更多