上海上海

餐厅：上海上海地点：湾仔湾仔道菜式：上海菜餐牌：下午茶餐有16款，有面有点心有饭，包饮品6选1。无加一。上海排骨葱油拌面 $48 上海排骨葱油拌面卖相好正，用托盘上。葱油面饼舖得好靓，面头加上炸菜丝。幼面好有口感，味道甜甜地，唔会太重口味。排骨另上，一开5件连骨，面头加上葱油，炸得皮脆猪肉味浓，唔错唔错。镇江小排骨配苏式拉面 $48镇江小排骨配苏式拉面都系用木制托盘上。小排骨份量好多，整得皮少脆而入面爽爽地，个糖醋汁甜甜酸酸，味道调得好，面头洒上少少白芝麻粒。拉面系白色上海面，清汤好清，好健康，伴有两条小棠菜。鲜肉小笼包 $32鲜肉小笼包一客四件，热辣辣上枱，入面都有汤汁，肉都好鲜，皮唔算厚。另上姜丝黑醋。连呢个餐都有饮品跟。凉拌木耳 $36呢个小食都几大碟。爽脆木耳加上丰富蒜蓉同陈醋，捞有红色辣椒，味道酸酸辣辣好醒胃。生煎牛肉包 $36生煎牛肉包一客三件，煎得脆底同好香，面头加上少少黑芝麻粒同葱花，个包好软熟，入面牛肉馅料都唔错。冻豆浆（跟餐）冻豆浆够冻，味道少甜，好饮。无糖可乐（跟餐）无糖可乐配有独立包装纸饮管。今餐食物质素好，最正系价钱经济。餐厅明显新装修，好光线，平日午市好满客。…查看更多

今日喺湾仔揾野食见到有间最近新开嘅餐厅餐厅名好简单又特别叫上海上海😙以为会好贵，点知望下menu ，价钱好亲民👍🏻而且仲有下午茶于是就入去试吓啦✨南京清汤牛肉面🥩🐮🍜面好大碗，只碗好深🤟🏻碗面有四大块牛𦟌🤟🏻个块都有手掌咁大块✋🏻仲炆到好淋咬落唔硬，仲有阵阵牛油香汤底系普通鸡汤，饮落唔咸配菜系两旧小棠菜🥬🥬吸哂汤汁，食落好清新汤面煮得刚刚好👍🏻易夹得来又唔会霉而且啲面条系好长嘅面条🥢唔系碎上，呢个抵赞👍🏻✨生煎牛肉包🔥🐮🥯因为系即煎，要等少少时间有三大个，每个都热辣辣🔥每个都有手掌心咁大✋🏻个包底同包皮仲煎到好脆馅料系牛肉球咁样咬落多汁💦✨桂圆红枣茶🍵杯茶一望就见到好足料桂圆杞子红枣舖到成半个杯有🤟🏻饮落微甜边饮边咀嚼埋啲配料感觉好清新🥳餐厅内部阔落坐得好舒服，仲有纸巾提供而且通风充足💨💨食完碗热辣辣嘅面都冇流汗侍应上菜会讲菜名同埋会放到食客面前侍应态度亲切有礼👍🏻喺湾仔地段食到呢个份下午茶仲要咁亲民价钱性价比甚高🤟🏻…查看更多

上海上海湾仔湾仔道165-171号乐基中心地下A1号舖经开湾仔，老友想食上海菜，去咗上海上海，环境舒适，下午茶抵食，入去 chill 吓先。😁上海排骨葱油拌面上海排骨即叫即炸，肉汁丰富，香气四溢，腌制得恰到好处，葱油拌面口感烟韧，趁热食好正！😍嫩鸡煨面汤底鲜甜，煨面爽口弹牙，鸡肉新鲜嫩滑，份量十足，推荐！😻鲜肉小笼包香浓胡椒味，肉汁丰富，口感松软，加黑醋效果更佳。😸家乡煎饺即叫即煎，外层香脆，馅料新鲜，酱汁提升层次。😊生煎牛肉包面层加了香葱，肉包松软，牛肉咸度适中。😄桂圆红枣茶桂花香浓，红枣圆肉，饮完好舒畅，养生之选。😉黑糖老姜辣度适中，黑糖香甜，秋冬饮一流。😚上海上海 环境舒适，食材新鲜，下午茶抵食，侍应服务态度好，回头率高。😎…查看更多

久吾久都想食吓沪菜，今次去左位于湾仔嘅《上海上海》，木系装潢，地方干净。一入座，店员就会比杯热茶你，呢度仲系免收加一服务费，食物价格亦好亲民。今次嚟嗌左:✨蟹粉蟹肉豆腐煲 $82上枱时，用一个锅盛著，下面有燃点著嘅蜡烛，令锅内食物一直都缓著。蟹粉蟹肉好有鲜味，同时冇腥味，𩠌饭一流。呢个𩠌仲可以✨️+$15升级套餐配江南菜饭 (可转白饭) 及饮品菜饭软硬适中，约一碗份。至于饮品方面，可在以下六款饮品中选其中一种：豆浆、酸梅汤、桂圆红聚茶、黑糖老姜茶、各式汽水(可乐/ 无糖可乐/ 七喜/ 忌廉)、陈年菊普。而我就选了 桂圆红枣茶，味道香醇，材料十足，饮完好缓胃。📍湾仔乐基中心地下 A1 号舖…查看更多

今日黎到湾仔呢道揾食，比我发现左呢道有间食上海野，就黎试吓啦，服务员热情既招待好快就坐底左，楼面都几大，坐得都好阔落。首先我地叫左个鲜肉小笼包（4件），衬热食系最好味，入面肉汁非常新鲜，夹起黎块皮都唔会好易穿，可以食尽肉汁唔会流晒出黎晒左。点咪啲醋食更加野味。跟住再点左家乡煎饺（5件），呢个皮较干身，食落非常有口感，点咪酱汁食味道都唔错。再点多个黄桥芝麻烧饼，呢个芝麻劲多，香软松饼，唔会好甜，味道岩岩好。主食方面就选左上海粗炒，份量十足，味道较浓，非常有镬气，口感都好好，值得一试。另一款主食系上海排骨葱油拌面，排骨炸到金黄色，卖相都十分吸引。食起香脆可口。份量都十分之多，好抵食。主食重包咪饮品，我就叫左黑糖老姜蜜，味道唔会太甜，淡淡既甘香老姜，非常养身。另一杯系冻豆浆，都唔会好甜，味道岩岩好，健康之选。…查看更多