上海三六九菜館

营业中

休息中

又是宵夜！！！ 最近豬神上身 每到應該睡覺的時候 我的肚就開始咕咕作響。哀求另一半帶我出去宵夜 他說除非去369 不然就等早餐吧 因他實在太愛369的賽螃蟹 而我也愛他們的雞絲粉皮 所以不做他想 就毅然前往。看了一輪餐牌 還是點了舊愛：賽螃蟹＋雞絲粉皮＋油淋雞＋豆腐砂鍋＋擔擔麵這樣叫法 不是宵夜 是宵夜加第二日早餐加午餐賽螃蟹：是一份製作簡單 但一般在家根本不太可能煮的菜色 因為需要大量的油 同蛋白 所以只有在餐館才有機會吃到 而這裡的賽螃蟹 有大量炒得鬆軟的蛋白 淋上醋 吃起來非常過癮；雞絲粉皮：粉皮要好味道的關鍵 這裡的粉皮 不會軟爛 也不會有多餘的水份 另花生芝麻醬可以裹住每一條雞絲和粉皮 配上大量的黃瓜 非常開胃 尤其適合當作開胃菜 不過這裡的份量 有一碗麵這麼多 所以喜歡把它當乾麵吃；油淋雞的醬汁味道非常好，大量的蒜蓉，辣椒，蔥和芫荽 加上少少的酸甜 另普通的雞肉 變得惹味；豆腐砂鍋裡有大大塊的傳統豆腐（街市買的那種）豆腐的滑嫩和香味 喜愛豆腐湯的人值得試試。 如果話要挑剔 擔擔麵應該是其中比較不喜歡 雖然麵條是用和陽春麵一樣的細麵（白色的幼麵）有嚼勁 可惜湯汁太鹹 如果可以

諗住去附近興記食碗麵然後過對面做gym, 點知興記放假閂門，反而俾機會我去一排無食過既三六九。三六九近年有唔少旅客捧場，坐位比較緊張，今日唔算好多人，正合心水。環境係舊式格局，令人專心品嚐美食(咁都得) 去親上海館，都係叫回鍋肉菜飯，貪惹味好餸飯，陣間做gym又要努力d喇五十幾蚊(包埋加一), 有湯有餸有飯(菜飯另加錢), 灣仔黎講ok啦紅青蘿蔔豬骨湯熱辣辣，清清地，幾舒服。 回鍋肉其實唔難煮，最緊要醬汁唔可以"杰撻撻"一pat 野， 反正上海菜講求濃油赤醬，油d 濃味d都唔怕！ 呢到炒得都唔錯，稍嫌係肉切得薄左少少。筆者食過其他地方有"厚切版", 正好多架！菜飯超大碟！！味道唔錯，應該係"即撈"個隻，保持菜青綠有口感，飯又唔會立口，好過將菜放埋飯裏面焗甚至煲個d 啦最後竟然食得哂成碟飯，唔知要做幾多運動先減得返喇

今日拿了假，就順便過來探一位在這裡附近返工的老朋友。經這位朋友介紹就來了這間老字號上海菜館，入到來也見有一些遊客似乎是慕名而來。我們兩人共order了蝦仁炒蛋($46)和回鍋肉($41)均有湯和飯附送。湯很快就到了，估不到相當大碗。似乎見我們兩個人，就用大碗裝起，再給碗仔我們兩人自己分。我和朋友各飲了兩碗仔也還有少少多。之後我們的蝦仁炒蛋($46)和回鍋肉($41)也到了。蝦仁炒蛋一看就覺大件夾抵食，炒蛋和鮮蝦份量也足，而且炒蛋入口香滑，蛋味豐富，鮮蝦也肉質鮮嫩又夠大隻。至於回鍋肉辣味也適中，肉切薄片而諗，好感一流又入味。不過就油略為多了些，顯得有些油膩。之後鄰座有亞裔人士望了我們的菜式一會，便以英文問我們叫的菜式是菜單上哪一項。他們覺得相當吸引，打算點來也嘗一嘗。今餐好好味，老字號果然有料到。

很久沒有去傳統的上海菜館了。回憶裡，在大道東有家很傳統的上海老店，那時年紀小，常在那裡吃客飯、鍋貼，小籠包，豆沙鍋餅。後來搬到九龍，這段回憶，消失了。這家店，也變成某銀行的分行。現在，重回舊地上班，少不免會做很多「尋找回憶」的動作。原來，這家老店搬到了辦公室附近。然後，找天去試試。午膳時間，人滿為患。站在店外的侍應見我一人前來，馬上安排位子。搭擡和人擠人，是常識。很傳統的菜單，但我一早已想到要吃甚麼：「一個蝦仁炒蛋客飯」，可選白飯和菜飯，五十餘元，在灣仔而言，合理的價錢。環境很老舊，但清潔程度尚可接受。侍應態度很有效率，也算是友善。先上的是例湯，沒下味精，湯頭清澈，熱度充足，味道很新，很有在家的感覺。再過了一會，蝦仁炒蛋上桌了。上海菜的蝦仁炒蛋，一大舊的賣相畢竟和我們常吃嫰滑的炒蛋總是有差。份量而言，足夠二人分享。調味太淡，若多一點鹹味更佳。蝦仁部份，只是一般......五十元的客飯，還想怎樣﹖不能以人間美食來形容，但吃回記憶中的味道感覺仍是很溫暖的。

今日晚間六時正。 入去坐低點咗個上海粗炒。碟粗炒好大碟。 多汁但無油份。 完全唔係上海街頭粗炒風味。食落去肉絲少。 粗麵好彈牙。豉油味啱啱好。 但係個餐牌明明寫$45碟。 埋單要收$52。多數我7蚊。 我無同佢地理論。勸君小心。

朋友仔想來試試上海嘢, 原本想食如鱔糊、獅子球、回窩肉、干煸四季豆、炒年糕、窩貼、花卷、銀絲卷等,    好在無眼大肚窄,叫咗三味基本上海菜式試試先, 先來酸辣湯, 味道一般；再來碟上海粗炒,好油；最後再來小籠包, 好厚皮；我諗咁樣先至係正中上海菜嘅特色呱！酸辣湯一般上海粗炒好油小籠包好厚皮

為了趕工，今日搞到成十點才離開辦公室，但還未食飯⋯⋯當帶著疲憊的身軀，仍在煩惱有什麼可食時……最後就決定來三六九吃飯吧。（因見佢開到凌晨四點）一坐低，還見到很多人吃飯，至少唔駛趕住走。而我第一次咁夜幫襯，我望完餐牌，竟然諗都冇諗，就問"可唔可以叫午市客飯啊？"阿姐望望個鐘，跟住說一聲“可以”真的太好了，如果唔係，可能我今晚只能食個麵……（因我見到小菜太大碟，一人吃不下）最後想了一陣，點了獅子頭客飯。一上桌時我有點嚇襯，因份量都有點多，加上個獅子頭，菜飯同個例湯都在熱辣辣地噴煙，就代表係即叫即整或保溫的好好。而我看到份量十足的客飯而仍在煩惱會否食得哂時，我竟然食到不能停下來，因為菜飯的白菜十分新鮮，仍有咬口，而獅子頭配菜的筍和木耳搭配的很好。獅子頭的肉質鬆軟，配上醬汁時，沒有油膩感，更令人食到唔停得口（真沒有誇張），加上餸菜十分送飯，我最後全部食得哂……配上溫暖的冬瓜紅蘿蔔豬骨老火湯，簡單踏實的味道，真的像身處上海的家常便飯一樣。這夜·上海的美食令我覺得縱使那麼辛苦，但仍算有一點值得…

行完書展已經3點幾，見到呢間就入下去！傳統風格，無咩豪裝$50鹵水素鵝阿姐問我哋素鵝要唔要炸，好似第一次聽過原來素鵝可以唔洗炸，所以就試下。原來就係有鹵水汁嘅腐皮卷，不過呢個腐皮卷有竹筍、木耳同紅蘿蔔。$78 雞火乾絲即係豆腐乾+雞絲同金華火腿，味濃好送飯。當好多人準備走之前，唔會有人突然收走你D嘢，等你走得快D。個侍應反而會話，『埋單係果邊，最緊要攞齊D嘢！』豆漿同菜飯唔知幾錢加一同$2茶錢X2人,埋單$306

As boyfriend and I were in the Wanchai area for the annual Ani-Com, we stopped here for lunch. We had never tried this place before but always wanted to. So, we chose this day to try it out.3.6.9. is a restaurant serving Shanghai dishes. It's not a fancy place. But they seemed to have a very extensive menu with dishes rarely seen in most restaurants serving Shanghai cuisine. Menu is only in Chinese. There is no English.Deep Fried Pork with Noodles. Pork chop was not greasy and was still moist de

今日同男朋友拍拖周年, 入完南丫島就決定去三六九食上海菜!一諗就諗左去食三六九, 之前經過好多次, 但都唔岩時間去食, 今次決定要去試下!!呢度地方好細, 好多人搭埋一張枱, 不過員工幾好, 好有禮貌一坐低就叫左5隻小籠包, 個皮都算厚, 但有好多汁 (係唔明點解要咁大個籠去蒸)男朋友見我未食過韮黃炒蟮糊, 原來咁好食架喎! 個味好濃, 岩晒我! 食落好惹味, 撈飯一流! 黎到既時間唔算太熱, 如果熱D應該好食D我就揀左個案賽旁蟹, 見佢好似幾靚咁, 食落就冇咩味, 但落左D醋就帶晒個味出黎我係一個螄蛤怪, 所以有螄蛤既地方, 我都一定會叫我地食晒前3個菜佢都未到, 侍應見我地周圍望, 就同我地講話原來螄蛤未送到, 要等15-20分鐘, 我地話冇所謂, 之後果20分鐘, 不斷有員工同我地講好快會有, 係咁講唔好意思, D貨一到, 佢又同我地講而家即開緊俾我地, 講到我地都唔好意思....唔知佢本身係凍食定暖架啦, 食落去冇我想像中咁好味, 因為好多既生螄蛤都會用野醃過蓋左個腥味, 腥味我就食唔到, 但係就覺得好似爭咁D野咁, 唔夠好味雖然佢D野唔算話好好味, 但我覺得可以接受, 佢又唔

今晚又回到這個懷念的老地方，叫了小籠包，賽旁蟹，雞絲粉皮，黃魚羹，小籠包好吃到要encore多10隻，再加個炒蜆，菜飯，今晚菜飯非常好，軟硬程度準確！淡淡清香，懂吃就知道需要技術。 黃魚羹味道仍然保持，但明顯製法和內容有所更改，但還可以的。不說多，看碗碟就知道味道如何。

兩個人叫咗一籠五隻小龍包同埋醉雞一碟！小籠包皮簿多汁，超Juicy!!醉雞又夠滑，堅有啲醉醉地，非常好食！！唯一雞皮有點過厚，好易有油膩感，但店內有無限熱茶供應，可以消滯！

竟然難得逛完美食展會不夠飽, 因為這次我們都刻意不吃飽肚的東西, 想留待食自已想食的, 但逛逛下, 又發覺不太多熟食, 而且很多都差不多和重複, 結果就沒吃飽。 在附近三六九飯店吃點東西, 牛先生說以前常來呢。 擔擔麵$34 好好吃, 有花生味, 少許辣, 湯不太杰, 麵質軟硬適中。 賽螃蟹$72 味道不錯, 蛋白好滑有少許蟹肉, 只是兩個人吃有點膩。 豆沙窩餅$36 有點油, 但豆沙幾多, 好吃。豆沙窩餅吃不完打包了, 本來還有叫小籠包, 但漏單了, 我們便取消了單, 下次再來吃吧! 水準不錯的上海店, 有很多款式食物揀呢!

平時約朋友仔食飯, 多數都會去食cafe, 西餐或者日本嘢, 今日難得同個一樣鐘意上海菜嘅食家朋友去街,又點會錯過港島區老店三六九 , 放工大約6點半黎到差唔多坐滿好彩唔洗等位 小籠包上面嘅係真正蟹粉, 感覺好傳統, 睇個皮以為好厚, 湯汁會比個皮索哂, 點知一咬落去肉汁就BI出黎, 我真係睇小左佢! 味道唔錯葱油開洋麵$35啲䓤用油炒過, 都幾香, 兩個人share食完都幾滯 賽螃蟹$72 友人必點菜式, 有金華火腿瑤柱係面, 更加突出味道嘅層次, 蛋白炒得好幼細, 啱啱好西湖醋魚$98配酸甜汁, 仲有白醋嘅味, 好啱餸飯! 可惜嗰日嗌咗個麵 條魚都煮得幾滑

已經九點，大家都只想食個晚飯就回家去，灣仔雖然食肆都唔少，但當大家都無主意食什麼時，多選擇反而令大家都頭痕﹗本來想隨便找間茶餐廳搞掂時，突然想起這間三六九，得意的名字，一說出來，大部份人都不知是什麼，這是一間上海菜的老舖。在小時候，爸爸常帶我去光顧此店，不過我去的是荃灣店(應該都是只一集團)，可惜經時代的洗禮，現在只剩下灣仔這間，當然要來懷緬一下。我們要了一鍋雲吞雞，份量很足﹗還有朋友指定的雞絲煨麵，平時我食上海菜很少食煨麵，這裏的湯底很香濃，而且份量平其他店舖多，大家都大讚無介紹錯﹗再來一個回鍋羊肉，夠野味，羊肉可能帶點羶味，但對我來說這是羊味。另叫了楊洲炒飯，感覺用料新鮮和不會油膩。當然來到食上海菜要叫來一籠小籠包，才叫圓滿。