三餐冰室

营业中

休息中

難得幾個朋友放下假，可以lunch + Tea 慢慢嘆！#鐵板夏威夷雞扒餐 嫩滑雞扒皮香肉嫩，仲有新鮮菠蘿送口，減低油膩感。#經典焗豬扒飯 炒飯底夠乾身！配上面既鮮蕃茄，茄醬同半溶芝士，加上醃得入味又鬆化既豬扒，呢種美味你係要親身體驗先至會知！#咖哩薯仔牛腩飯 馬來西亞咖哩口味 椰香味重又夠辣 超好送飯❤️ 牛腩牛筋入味夠稔，我唔好食飯都忍唔住食曬👍🏻跟餐配 #羅宋湯 唔係又濃郁飲到個咀紅曬果種，真係自己煲加上新鮮牛腩，清清地微酸👍🏻#奶茶紅豆冰 超級驚喜！因為我本身係咖啡狂，但原來綿綿紅豆加茶香奶滑既奶茶係咁好飲既😻救命呀！我諗我會上癮囉🙈#檸檬可樂煲薑 有點感冒飲真心一流！薑切成條狀夠辣夠多，仲有兩大片檸檬🍋酸甜辣剛剛好👍🏻坐到有 #下午茶時段 又想試下經典小食！#椰香紅豆冰 試，就試埋港式冰室一定有既野！紅豆係一樣綿一樣既甜度，但加上濃厚既椰汁🥥即刻成件事唔同左！比起奶茶底，椰汁底椰香味升級甜度升級！好甜或者小朋友一定係至愛！#法蘭西多士 除左沾上厚蛋漿炸脆左既麵包同內裏既粗粒花生醬之外，最令我驚喜反而係佢地用既糖漿，只有微微既甜味唔會 「妹仔大個主人婆」，落多少少都唔怕！#沙爹牛

傳統港式冰室一向不賣花巧，鐵板扒餐，焗飯意粉，常餐等等，大件夾抵食，已經夠吸引。最近來到三餐冰室，這裡沒有舊式裝修，但精美的屋邨畫同樣好有味道。餐牌選擇豐富，各式各樣冰室出品都有供應。招牌牛柳餐 $128五成熟，黑椒汁，我的經典組合，然後再淋汁，即時香噴噴。當然，硬要和西式扒房比較，價錢也有一定差距，但以港式來說牛柳絕對出色，大塊又香腍，口感不錯。跟餐的的羅宋湯用料十足，加入牛肉以及大量雜菜熬製而成，酸酸辣辣好開胃。芝士焗肉醬意粉 $68澎湃的芝士肉醬，非常邪惡。意粉跟肉醬一樣沒有偷工減料，食極都有，濃香的芝士肉醬味非常吸引。招牌海南鷄飯 $58冰室的海南雞飯一點也不遜色，海南雞嫩滑，不會乾巴巴。油飯充滿油香，兩款醬汁有水準，整個出品都拍得上海南雞飯專門店的出品。法蘭西多士(鮮牛油) $33厚切西多外脆內軟，中間的粒粒花生口感豐富，大量糖漿和鮮牛油又香又邪惡。凍檸茶來到港式冰室，凍檸茶點可以少得。要嚐港式味道，三餐幫到你。

近年興懷舊風所以行街好容易會見到有間冰室喺左近不過呢間三餐冰室又有少少唔同喎一入去見到大大個霓虹燈牌係咪以為佢好似其他冰室咁裝修到好似懷舊冰室咁呢點知佢反而係幾modern牆上貼有好多具有香港特色嘅圖案勾起大家嘅香港情懷佢嘅餐牌都係走同一路線用左好多得意圖案 好有心思三餐冰室嘅食物好有質素淨係睇佢個招牌三餐三蛋飯($56)就知道餐肉煎蛋飯係頹飯之選但佢整得一啲都唔頹佢叫得三餐三蛋飯就係因為佢有三隻蛋三塊餐肉三隻蛋一齊煎仲要煎得咁靚隻隻蛋黃都水汪汪咁仲要配埋厚餐肉 聽講豉油都有調校過另一推介係法蘭西多士($33)首先佢選用厚多士比起平時食到嘅西多士足足厚左一倍最邪惡嘅係咩呀?有大大片牛油之餘 中間仲要搽滿花生醬架仲要係有花生粒嗰隻呀仲有一樣必定要推介嘅係奶茶紅豆冰($28)紅豆冰因為有好多椰汁嘅關係我一向都覺得好甜咁就一於試下奶茶會係點啦我都驚有啲奶茶奶多又係會好甜架嘛但呢個真心推介因為個奶茶好好飲 茶味好夠濃 做埋紅豆冰都唔會覺得佢得奶味或者只係覺得甜最後經典焗豬扒飯($72)都好唔錯豬扒好腍番茄汁好香濃雖然而家冰室開到成行成市賣嘅食物好似製作好簡單但其實有冇用心整食客一定分得出

假日經過尖沙咀，因為遊客減少而份外感覺舒服，逛得累就找個地方吃點東西，經過見到這間冰室裝修很有味道，亦有我想吃的東西，就進去試試。門口有一個霓虹燈寫着冰室的名字，有點像回到70年代的感覺，門口掛着一個個舊式的信箱，還有各款燈泡，很有懷舊氣息。牆上可愛的屋村壁畫，完全是香港人的回憶。餐牌有各款常餐、扒類、意粉及焗飯餐等等，價格亦很相宜。招牌牛柳餐 $128這裡的鐵板扒餐供應時間為2-10pm，配即磨咖啡及餐飲，點了招牌牛柳餐配羅宋湯，羅宋湯還配有一塊厚多士，多士跟平常吃到的不一樣，又香脆又軟熟。鐵板餐均配薯菜及醬汁一款：黑椒汁、洋葱汁、燒汁或蒜蓉汁，選了黑椒汁，牛柳軟腍可口，很輕易就能切開，而且份量亦好多，實在很抵吃。招牌海南鷄飯 $58說是招牌的，所以也點了個海南雞飯，配上的醬汁沾上飯粒很惹味，海南雞滑滑的，沒有很多骨，還附上雞髀位置，性價比高。三餐馬來咖喱咖喱薯仔牛腩飯 $68朋友想吃咖喱，點了個咖喱飯，咖喱味香濃，吃得出是馬來西亞咖喱，牛腩腍身，沾上咖喱汁很好配飯。法蘭西多士(鮮牛油) $33最後來個西多士作為甜品，多士仍然是非常軟熟，Order了多花生醬，更多花生粗粒更有口感，沾

周五晚上相約來到尖咀食晚餐。突然想起朋友說過三餐冰室食物質素不錯，於是前來一試。三餐冰室走懷舊香港路線，走廊門前掛一個超有本土特色［三餐冰室］霓虹招牌。天花亦掛上昔日兒時常見的塑膠西瓜波。店內中央有張卡通風格代表店舖歷史的漫畫。招牌海南雞飯 $58 海南雞飯附上薑蓉、辣醬 跟餐湯雞肉口感嫩滑，而黃薑飯用了泰國頂級香米，飯粒形狀尖長口感略帶煙韌。而且經椰漿調味後更帶點椰香。三餐三蛋飯 $56呢個絕對可稱得上三餐冰室的招牌之作！煎到100分的三隻太陽蛋，厚度十足長城牌午餐肉，配上秘製而成的甜豉油更能突顯出蛋黃的香，滿足度簡直爆燈。椰汁紅豆冰 跟餐+$12 （ 正價$28）椰汁紅豆冰有驚喜，是我飲過椰汁味最香濃的紅豆冰奶茶紅豆冰 跟餐+$12 （正價$28）奶茶味茶底夠濃夠滑，想不到配紅豆都幾夾。芝士焗芝肉醬意粉 $68意粉軟硬口感適中，火候控制很好。焗得不會過乾或太濕。芝士肉醬比例足以拌勻整碟焗意粉，份量十足。西多士$24 （晚市單點價）雖然餐牌沒有，但有光顧過的都知道晚市可單點。西多士用的方包是特厚，而且麵包質地好鬆軟。西多士做得外脆內軟，加上半溶牛油加糖漿加持好味到停不了口。

在尖沙咀街頭，太多選擇反而會令人不知所措，其實吃什麼也沒所謂，跟誰去吃才是重要吧。 逛街過後走到漆咸道南，遠處的霓虹燈帶來香港情懷，這就是三餐冰室了。雖然現在冰室愈開愈多，我們總會覺得在冰室吃到的都是簡單的菜式，但是要做得有一份「冰室」的情懷卻是不容易的。一走進三餐冰室的，是寫著「三餐冰室」的霓虹燈牌，相信旅客、甚至是香港人都會覺得是霓虹燈算是香港街頭獨有的特色。旁邊還有唐樓的信箱，滿是昔日情懷的感覺。先點了個鐵板招牌牛柳餐，記得小時候爸爸常帶我們吃鐵板餐，陶醉在醬汁倒在鐵板上的香味四溢，至今仍是十分的喜愛。點個五成熟的牛柳，正是剛剛好。牛柳肉質美味，相當軟腍，相當香口，配上薯菜，份量也挺大份的，當年無辦法把整個鐵板餐吃下，現在長大了的我已不成問題了。懷舊的鐵板西餐在三餐冰室也能嚐到，價錢也是一百多左右，確實是平靚正。 除了鐵板餐外，還嚐了海南雞飯。滑嫩的雞相當的加分，少骨也是個可取之處啊！午餐時段也有供應，還跟了一碗中溫湯，想午膳來吃個海南雞飯也不錯啊。說起懷舊，不能錯過紅豆冰吧！昔日冰室的價錢和味道，現在也能享用到。沒什麼心水選擇的便來三餐冰室嚐嚐吧！

到博物館前首先食個快速午餐。走入一間【三餐冰室】走進冰室的走廊，牆上掛上舊式電話及信箱冰室設計簡約但加入不少香港情懷，好似香港街道名牌。另外天花有小時經常玩的跳氣機。奶茶入口濃滑香醇，帶有茶葉的甘香，味道有冰室風味焗豬扒飯是港式茶餐廳常見的菜式【經典焗豬扒飯 $72】這個焗豬扒飯焗至表面微微燒焦又帶脆的效果。這個焗豬扒飯的飯炒底，不過調味不足夠而且不夠乾身。飯中加入用新鮮蕃茄、西芹增加味道及口感。味道不太酸甜味道剛好，豬扒軟腍而且已經預先切開方便進食。 這個焗豬扒飯要$70，貴左D。

以前香港的餐廳選擇沒有那麼多, 除了留在家吃外, 在冰室都可以解決一日三餐的需要.那當然現在香港選擇好多, 而冰室買少見少, 但是近年潮流興懷舊, 所以許多以前留落嚟的冰室餐舖, 都擴充又或者重新加入新的元素, 就變成現在的Modern 版冰室啦~位於尖沙咀的三餐冰室, 裝修設計都融合了舊時代的香港加上現代日式cafe 設計.來到這裏當然要食返冰室的招牌鐵板餐啦 - 鐵板招牌牛柳餐, 跟湯加配即磨咖啡或餐飲, 我就跟跟雪菜加黑椒汁鐵板牛柳大大件, 肉質非常鮮美嫩滑, 咬落去啖啖肉汁, 配上黑椒汁, 極度惹味, 我食咗一件牛柳都已經覺得好飽, 份量十足呢~三餐冰室的另一招牌菜, 我覺得這個招牌菜真的是非常邪惡, 三餐三蛋飯(配豉油汁), 顧名思義, 就是三隻荷包蛋, 加上三件厚切的午餐肉, 如果大家有一點顧忌自己的膽固醇偏高的話, 那就請叫一碟朋友們一齊分享吧, 不過這些看似簡單的煎蛋加午餐肉再配上豉油撈飯, 真的是非常懷念當年讀書的時候在屋邨冰室吃的午餐呢~

同FD係尖沙咀唔知道食咩好，就隨便搵左一間茶餐廳、點知道係一個伏☕️熱檸檬茶茶底非常苦 澀 味道奇怪嘅熱🍋茶😰一杯都冇飲完，確實係難飲。對比大家樂的焗豬趴飯 呢間焗豬扒飯完全完全一個伏字，唯一優點就係量多🤣豬扒汶得好軟1、雖然係雞蛋炒飯底但係飯唔夠干爽～好濕2、茄汁味道有點怪整體來講⭐️⭐️2.甜酸咕嚕肉相對來說 味道正常 但是不夠火後 整體來講⭐️⭐️⭐️食飯聊天環境不錯 😂人流不多 適合聊天

茶餐時段叫了：香蔥厚蛋咸牛肉三文治，合本人心水；西多士，花生醬有碎花生粒，但沒什麼特別；凍奶茶反映過後，換過杯比我，都一樣差。港式茶餐廳或冰室，靈魂物之一是奶茶。奶茶唔得，又點留住顧客心

三餐三蛋飯🍳$52蛋煎得幾靚☺️配上厚切餐肉🐽的確好正👍法蘭西多士🥞$33西多士，邪惡之選😈香蔥厚蛋咸牛肉三文治烘底🥪$38蛋夠香，蔥味夠出😛以上全包熱飲😎凍飲+$3🥤三餐冰室 (尖沙咀)尖沙咀漆咸道南115號達成商業大廈地下

近期不禁會懷緬過去，真係會常陶醉每次經過呢間冰室都會不禁睇一睇入面舊式而又港式嘅裝修舊時嘅信箱、舊時嘅霓虹燈餐牌設計好可愛 厚厚的鬆軟的多士塗上一層暖暖的牛油，表面微微香脆紅湯好足料 ，有微微嘅酸辣味鐵板招牌牛柳餐 128牛柳夠嫩，又juicy，三成熟岩岩好，牛柳既肉味慢慢散發出來，愈嚼愈有肉汁，配上超香濃黑椒味既黑椒汁，辣得黎又可以刺激味蕾，令人有少少上癮既感覺當天身體有點不適，所以叫咗一杯含有舊時風味嘅熱薑檸樂， 真係唔係度度都有得叫㗎。其實之後我都有去幫襯呢個厚切午餐肉嘅常餐，我覺得件午餐肉都真係算厚，而且上餐速度都算快，上餐時所以食品都係熱架

冰室一路部陪住我成長，記得有一段時間街少了很多冰室，但現在有點捲土重來的感覺！在尖沙咀的三餐冰室，霓虹燈既招牌。午餐餐牌，全部都係$50多蚊，唔算好貴！餐廳嘅裝修好有心思，牆壁上既漫畫畫得好靚！西多士冰室必叫既美食，麵包超級厚身同埋鬆軟，真係做到外脆內軟。傳統既花生醬，鮮牛油，糖漿就做係完美配搭。最重要當然係即叫即做，新鮮熱辣！鐵板牛柳餐傳統鐵板餐，蒜蓉汁一倒落鐵板到就「支支」聲。牛扒底下有好多洋蔥，波浪薯條香脆可口。牛柳我叫7成熟，好夠肉味，大大塊，份量十足。真係做到色香味俱全！隨着時代嘅變遷，係新環境之下能夠食到傳統嘅冰室食物，的確難得！

有朋自遠方來，帶了友人在香港四圍走走，然後就找了在尖沙咀一家新開的茶餐廳，吃一頓簡簡單單的晚餐。天氣實在太熱，不得不破戒，喝一杯奶茶紅豆冰(跟餐加$12)。茶味奶味皆濃郁，紅豆夠軟淋，份量也超多的，喝著十分解渴。鐵板肉眼牛扒餐($128)，配燒汁，送羅宋湯。我要求熟一點，要七成熟。當鐵板肉眼牛扒送到桌上時，還吱吱作響，友人把燒汁淋在牛扒之上，隨即是一陣白煙冒升，香氣四溢，令人更為期待。肉眼牛扒的牛味濃郁，肉質軟軟而緊緻，兼且甚為厚身，大滿足。伴碟的薯條是粗薯條，友人大愛它。經典焗豬扒飯($72)是抵吃之選。它的份量足以填飽兩個女生的胃，豬扒大大塊之餘，肉質也相當軟腍。豐富的蕃茄醬上，更鋪了一層芝士，連同醬汁之下的炒飯吃，很是滋味。  

九月上旬·晴從來也覺得茶餐廳是香港的一大發明，不單解決了不少香港人三餐需要，當中供應的食物種類多之餘也具可觀性。不少的國民美食已推到國際知名的層面，簡單就如一杯熱奶茶及一碗餐蛋麵也大有學問。從北海道工作回來，立即投入月餅派遞的工作。這一天送至尖沙咀漆咸圍，見這間茶記未試過，來吃個茶餐正好。是一間新晉的地方，裝修光猛企理，感覺舒適。茶餐有十多款選擇，就選了其中的香蔥厚蛋鹹牛肉三文治。三文治本身真的做得厚厚的，當中的蛋餡也甚可觀。這裡的蛋炒得夠鬆軟，加入蔥花及鹹牛肉調味，本身很好吃。再加上烘得表面微脆再塗上牛油的多士，很不錯。是日忙碌，早午餐也未吃。吃一頓豐富的茶餐，剛好。也試試這裡的熱奶茶，茶夠滑而稍稍不夠香濃。加入煉奶就是令香港人不能抗拒的味道。見餐牌上有不少鐵板扒的選擇，有機會又來鋸鋸扒如何？放下$38，再繼續上路。