三禾中日料理 (已結業)

呢間野環境差不在講，地板好油好跣食物唔算太新鮮亦唔算好食收每人200幾蚊我不如去專門店食一範野食就算自助餐黎講都可以好食但呢間野既質素真心麻麻地我錯了，以後都唔會亂信朋友介紹唔查證就盲中中走去食…查看更多

第一次嚟。比樓下個廣告吸引咗⋯ 好似有shabshabu食⋯ 我6:00到冇乜人。一坐低就梗係畫點心紙啦～ 有6～7張紙左右⋯ 有魚生，內臟，甜品，麵條，海鮮，肉。種類好似好多咁，但係揀唔落手（都算）魚生先到（賣相ok）跟住面，同腸⋯ 個湯等咗差不多半個鐘先到⋯ 跟著牛肉要提先有⋯ 肉類（豬，牛，雞）上碟好似溶溶地，濕笠笠，好似係冰格攞出嚟攤咗好耐咁⋯ 有d驚驚地。我第一次食火鍋係唔會encore 牛肉🤢菜/丸就自己去雪櫃攞，個雪櫃得幾款嘢，盤盤得幾粒丸。雪櫃係有曱甴嘅😑我只能說，只有甜品係食得人⋯ …查看更多

享用火煱+鐵板+刺身無限時任食套歺 $360/位缺點：1. 和牛未返貨，火鍋同鐵板燒沒有了主角2. 流著汗地鐵板燒及火鍋3. Moven pick 變雀巢雪糕4.食物質素差5. 只收現金優點：1. 職員服務態度良好2. 好多時間傾偈3. 十幾人有房座4. 地點方便…查看更多

本身同老婆都好期待⋯因爲上網睇左片同聽見有和牛，一上到去就叫左$4xx既和牛火鍋加鐵板燒，點知啲所謂既和牛黎到，完全覺得同普通肥牛無分別！一啲都唔值！食垃圾，其他食物都唔得⋯人手超不足。唔會有下次喇。…查看更多

完全當客透明，自已漏單，話個客無落單，明明 d單就佢收既，之後又話我唔寫檯號，惡過我，扎馬尾似大陸人個阿姐！不知所謂！叫佢加個位，叫三次，個大陸阿姐都唔加！我野都未食就忍唔住先寫 comment! …查看更多

燒烤最正更係冇限時可以慢慢燒， 笑燒緊嘅時候又可以食下刺身，壽司! 嚟到一定要試下個佢海膽，和牛。 海膽好新鮮， 和牛好juicy。另外 甜品一定要食下佢嘅心太軟 ， 鍾意食甜品嘅人就啱曬喇可以無限添加， 最正係流心 朱古力 加埋個雪糕正呀。 每人有兩款海鮮送嘅，我地就叫咗個胡椒蟹同鮑魚, 個蟹好味到停唔到口喎, 個鮑魚味道都唔錯! 整體上嚟講食物都唔錯。 係環境就熱咗啲啦， 可能因為個場又打邊爐又燒烤個通風系統做得麻麻地， 但好在都唔係太焗都還可以嘅。 服務就。。一般啦! 啲staff都有禮貌嘅， 係繁忙嘅時候個場真係唔係好夠人， 要service嘅就要等下啦 。如評级的人講嘅一樣成日 漏單。 但都不是太嚴重。 今日同朋友都食得好開心可以慢慢燒又傾下計!搵日會嚟再encore .…查看更多

星期五約左舊同學食飯，BOOK左7點半，由於早到的關係要等夠鐘先入得。由於我地有D想食放題，有啲又想食燒肉，所以黎呢到就可以一次過滿足我地2個不同的願望!!放題方面: 不過不失，選擇都算多! 見到上網介紹特登過黎食海膽刺身的幾新鮮，素質唔錯! (隻蝦仲要勁大條!)但美中不足GE係餐廳溫度好高呀! D冰溶得好快! 如果叫左刺身就好快D食哂佢啦!天婦羅好味燒肉方面: 係比預期中好味，肉質豐富最後食完每人仲有一件movenpick 雪糕tim!總括呢餐都算唔錯! 因為黎之前見到Openrice d食評麻麻，但係食完之後，其實都比預期中好! 不過不失啦~但係建議佢地可以較大D個冷氣，始終又鐵板燒又火鍋咁.. 仲要而家係夏天! 真係好熱…查看更多

我其實係21/5去食。先講服務，差，有個女侍應唔知係睇唔起我買團購定係因為我同枱有個國内朋友。個女侍應全程黑面服務態度差。如果真係睇唔起買團購的請以後唔好做團購，如果係睇唔起國内朋友的話，請在店門外加個告示牌寫[華人與狗不得内進]。再講食物刺身唔新鮮，火鍋料羊肉無味。…查看更多

琴日去幫襯左呢間野既放題plan,點知非常失望，我下次寧願加多幾廿蚊食其他品牌既放題好過，首先啦刺身係腥既，天婦羅系列都ok,新鮮炸既，燒烤方面，牛肉粒好「銀」咬唔開，其他燒烤淨係食左牛舌同金菇肥牛ok既，炸物方面，炸年糕係未食過咁難食，無年糕口感，直頭係成團粉放入口咁，甜品方便，叫左個心太軟食，心太軟個皮太硬，未試過放題咁難食，員工服務態度差（帶黑色口罩女職員），以後一定唔會再幫襯，大家唔好中伏，終於知道點解唔洗等就有位，仲要係好多吉位，因為難食所以無人食🤦🏻‍♀️…查看更多

今日滿懷希望去試下呢間放題。結果，令人大失所望。1.首先通常應該最先黎既刺身，叫左三五七次先黎一次，全部黎曬熟食，仲要唔好食。2.餐牌上既野 我諗得五成係有得嗌有得黎☠️💀 選擇已經唔多 但有得揀既都冇得黎。3. 有得叫鐵板，但得食物黎左，gas遲遲未上🤮🤑 :(4. 刺身唔新鮮 真心 爭鮮都好味過佢。。。我諗最好味既 應該係罐裝飲品 同甜品 心太軟。 收左300既價錢 但冇比到質素 個人覺得 連經過都唔洗🙊 但店員是有禮貌的 這要給個讚 但食物可以良心點。。。。…查看更多

食物一般，坐門口接待處的小姐 態度惡劣。食出 火 來。下次一定不會回來。。。厠所坐厠冇廁所板，但地下有2塊厠所板在地上。嘢食好鹹， 熊本豬肉好靭， 甜品冇味，唔甜。 雪櫃好多嘢飲，但係唔凍嘅。有刺身食，但係不是日式的。。。…查看更多

經團購買咗三位lunch放題，諗住一家三口食一頓豐富愉快的午餐，點知上到八樓見到店舖明明寫住「三禾」，而不是「三木」， 心裡覺得有些吊詭， 食店不僅陰沉，而且裝修殘舊，幸好職員話「三禾」同「三木」係同一間食店，我們才舒一口氣。 食物方面，刺身超細件，order咗甜蝦刺身、溫泉蛋等，到我們結帳時還沒有出現， 職員也沒有向我哋交代箇中原因 ；沒有多春魚天婦羅，就求其比魚柳天婦羅代替，可惜淡而無味。最後就係食物跟圖片不符， 雜果涼粉無雜果，只有極少量火龍果碎粒加涼粉......奉勸各位如果去食，千祈唔好抱有太大期望。…查看更多

琴晚同男友玩到又攰又餓就係度諗食乜好，之後係fb見到三禾既廣告好似好吸引就想話上黎試下。上到去個環境同fb見到既好唔同，好普通既裝修，然後問帶位既有乜食乜，點知個帶位既越講我地越聽唔明，本身想揀火鍋+鐵板燒+刺身259元放題，但個帶位既又係咁推刺身鐵板燒話咁刺身選擇會多d，但問極都唔講多d乜。。最後就揀左刺身+鐵板燒既黎試，宵夜時段259元，第二位半價。一開始見到有海膽軍艦、大隻甜蝦、澳洲m7和牛都好開心，諗住放題可以仼叫算唔錯。點知一坐低冇餐具，張枱又冇抹好污糟，鐵板燒個爐等左25分鐘先到！然後海膽甜蝦和牛叫左6件就乜都話冇，要海膽冇海膽，要甜蝦冇甜蝦，要和牛冇和牛，金菇牛肉卷一次都冇黎過，三文魚腩又話冇，咁都叫放題？最後叫到嬲嬲地諗住乜都冇，食唔飽叫個提拉米蘇蛋糕食，點知都冇。。！！！！真係好嬲！做得宵夜時段9:30-11:30，有乜理由10點就乜都冇，咁就唔好做黎呃人啦，如果知你乜都冇我地就唔會入黎食，感覺好呃錢好伏！以後唔會再幫襯！最慘可以食既野又唔新鮮，我男友當晚就肚瀉。而且佢一食到唔新鮮既海鮮就會周身痕，所以果晚佢r左成晚！本來都唔想寫差評，但怕有其他受害者，所以都係要企出黎講下，希望大家唔好受騙…查看更多

從未試過食放題個上菜效率好差，為左呢間餐廳要寫個食評。平日跟親友共8人食19:30放題，6人到先開餐我同男友20:00到餐廳。平日場未滿 見到有零碎空枱。親友係第一輪每張單都點了每人一份，到我坐低都只上左少量壽司同花之戀刺身。 燒烤食物唔知去左邊，同職員講聲睇單，話幫我地睇之後冇左影！好！醒目地寫定第二輪既單放俾廚房，以免等太耐。驚第一輪整緊只點少量食物加單，等左10分鐘終將大量上菜，但全部係第二輪點既食物😂 第一輪被消失了！！！！！叫左幾次職員睇單都冇回音。唔理！嬲嬲地點返第一輪所點既食物 之後上菜先係放題上菜速度，食物水準冇問題既到last order,當然馬上點甜品做完結。見到有心太軟親友馬上轉心心眼，點知同其他枱為左等心太軟等左30分鐘... 同職員A反映，回我地整緊。一等又多15分鐘，職員B話呢場時間完左要我地走，即刻火都黎！我都想走但甜品一個都冇黎過！布甸奶凍係雪櫃拎就得吧？B識做叫我地寫多次單入廚房整 同期等甜品既客人都不耐煩問職員幾時有前後等左50分鐘，係食到有質素既心太軟，但處理落單同跟進效率真係好差，食物有水準都冇用，不敢想像假日做放題會變成甩幾多單，真係絕無下次！！…查看更多

係尖沙咀諗住唔找地舖同人迫。見都八點了後就試下找間放題有無位。通常好食嘅放題都早早要訂。打去呢間野問有無walk in 2位。佢已九唔搭八話只收現金。。。我再問。佢叫我直接上來。上到去污煙瘴氣，本已覺唔對路。但見啲comment 都唔錯，又費事落返去周圍排隊等位食飯。就諗住粗粗地食住先。真係中伏都不堪。日式放題加所謂鐵板燒。。。。污煙瘴氣唔好講、啲野渣到下欄咁。食物唔新鮮、鐵板燒食物又咸，牛仔骨真係比骨你。所謂和牛頭係成舊肥羔。又無服務可言。。。叫極啲員工都情願抺爐（抺完快啲收工嘛）⋯⋯無人願理你、連爐都無人同你開。單又漏。食過好多間放題。平過佢嘅有好多。但絕對唔會咁嘅質素。請唔到人又唔願入好少少嘅料。都唔願比人。未試過食放題食唔夠一粒鐘已盡快想走人。怪唔得只收現金。明顯個老闆唔想比銀行手續費。我平時都係CD-ROM 今次真要寫食評出來。唔好有下個中伏。如果可以我會比負分。超失望！攪到個fd乜都無食過。我真係內疚！…查看更多