三不館車仔麵 (登發街)

营业中

休息中

雞翼豬頸肉豬大腸油麵瑞士雞翼極入味 瑞士汁入曬肉入面 甜甜唔會死咸豬頸肉超驚喜 肉質超鬆嫩可惜我個碗比較多豬邊肉位偏硬 但都上等水準豬大腸較薄身 滷味啱啱好亦唔會唔乾淨好銀油麵爽口彈牙 冇得挑剔金牌麻辣汁加埋啲滷汁 麻辣中帶點甜勁過癮整體超好食 頂絕市面大部分車仔麵美中不足係無米線 同埋豬頸肉得三塊淨係食到一舊完美豬頸肉Rank down估唔到再返食差咁遠豬頸肉變返普通 豬大腸亦都好厚身雞翼亦都唔入味 古法辣即係沙嗲辣汁 冇特別嘅地方未必會想食多次

三餸一麵 - 冬菇、豬頸肉、生菜($45)📋可以簡分湯，但分湯要加錢📋簡咗小小辣，辣度似10小辣🌶️✅冬菇一大粒，肥美嫩口，仲索哂啲蠔油湯汁🍄✅豬頸肉有醬燒味，雖然得三塊但都幾大嚿🐷✅生菜有五六條，爽口唔會太淋🥬❌正常車仔麵價錢，但份量比其他店少啲🤏🏻❌野飲基本上貴到唔會考慮🙊❌外賣每個盒另加一蚊💸🔎每間分店配料都有啲唔同💁🏻‍♂️🔎荃灣無豬軟骨同溏心蛋😢📝7/10金牌口水雞 ($34)👌🏻都有總共都有六嚿🐔❌餐紙有兩個🌶️🌶️但一啲都唔辣🤨❌俾咗胸位，啲肉幾鞋下👞❌件件都痴住一大夠骨🦴❌3/10⭐️總括而言…雖然啲餸份量少啲，但質素穩定，豬頸肉唔錯👍🏻，冬菇好正🤤。另外食過其他餸推薦豬大腸、陳皮魚蛋同咖喱齋🙌🏻。口水雞就唔好啦🙈

聽朋友講呢間車仔麵味道是不錯的，所以今次就黎試下先🤩我地晚上19:30左右到達，都要等10分鐘左右，睇黎真係好多人食👍🏻環境細細地座位之間有啲窄，坐得唔算好舒適，但只係食車仔麵所以都冇乜所謂🤣我就叫左兩餸麵，滷水鮮豬大腸+午餐肉+油麵，配左金牌麻辣汁(小辣) $36就咁睇豬大腸份量比較少，不過味道相當唔錯，無腥無臭，而且口感筋道👍🏻午餐肉係厚切的👍🏻👍🏻之後我地仲加左份辣汁陳皮魚蛋，魚蛋係細細個係小販店成日食到個啲細細粒魚蛋，我超鐘意😍再加埋陳皮味，好夾！其他味道幾好又唔係好貴，下次會想再試下食3餸~

裝修行懷舊路線，再播住七八十年代經典金曲，充滿特色▪️金牌麻辣豬手、清甜蘿白、瑞士雞翼，配濃香沙嗲湯底🍜豬手唔會過腍，外皮保持彈性，而且辣辣哋好惹味。蘿白清甜冇渣，瑞士雞翼夠入味。沙嗲湯底濃郁，好香花生味，但要加7蚊就有啲貴▪️醬燒豬頸肉、咖哩魷魚、懷舊牛腩、蝦條卷，配牛腩汁🍜豬頸肉爽脆，燒得好香。魷魚大塊有咬口，牛腩夠腍唔韌，蝦條卷正常▪️香炸墨魚餅🦑墨魚餅炸得香脆，食落爽口彈牙，配泰式辣醬幾夾，但如果醬汁另上會更好三不館車仔麵 📍荃灣登發街10號地下📍大埔廣福道88號地下📍旺角豉油街15號萬利商業大廈地下4-5號舖

終於試到三不館嘅車仔麵啦～🤭🤭🌟 鮮製油麵配麻辣豬手、手打魚肉、咖哩魷魚、瑞士雞翼個麻辣豬手好好食😍好腍好入味，但我個人覺得辣左少少，不過真心惹味！咖哩魷魚同雞翼都好入味，魷魚爽脆，雞翼又唔會煮到好爛～手打魚肉就正常，無咩特別～個油麵好好食，比一般嘅軟身少少，無鹼水味！🌟 烏冬配魚腐、時菜、手打魚肉魚腐都好食，索曬湯嘅精華😆

第一次嚟到呢間三不管食車仔麵, 估唔到佢都幾有特色, 裝修方面都有好多懷舊嘅味道菜單：有好多選擇, 價錢亦都正常魷魚牛腩貢丸生菜河粉分量都算充足, 魷魚彈牙, 有陣陣嘅咖哩味牛腩鬆軟唔黐牙, 亦能夠食得出好香嘅一茴香八角味貢丸質地亦都好實在彈牙, 有香濃嘅蘑菇味豬頸肉蘿蔔米粉蘿蔔清甜入味, 食落口亦都唔會話有好多渣豬頸肉就細細塊好好食無限任加辣菜脯同辣椒油辣菜脯都可以算喺呢度嘅名物之一, 加啲辣菜脯撈埋落去啲麵度食又有唔同嘅味道, 鍾意食辣嘅朋友都不妨可以落多兩匙羹辣椒油

路德圍周圍都排隊見呢間未食過又難得下一枱就係我地就決定試試佢▫️入面裝修好有特色 好懷舊Menu清晰我地每人叫一碗車仔麵再叫多碟小食：鬆毛鬆翼▫️麵份量足 餸都係豬手如果再淋d會更好蕃茄湯底都夠濃牛腩比想像中瘦同un有得選擇既話 下次唔會叫我地兩個食完之後冇口渴所以應該唔係好重味精👍🏻▫️唯一想講既係：夏天入去食，冷氣真係唔夠食車仔麵食到身水身汗淨係想快d走唔知呢個係咪餐廳既策略想客人order drinks / 快d走？😂

兩餸（招牌麻辣豬手+滷水雞翼）一麵（粗麵）+腩汁麻辣豬手的麻辣很重口味，我愛😃；但豬手不是燉得林果種，個皮是需要咬的（我鐘意林豬手🤭），但外皮無毛，燒得幾乾淨🙌🏻；滷水雞翼：滷水味重，但滷水偏甜，不是每個人喜歡（我愛甜如命，所以我喜🤭）；因為滷得入味，肉🥩一咬就會甩骨👍🏻麵🍜軟硬適中🙌🏻；湯🥣加了腩汁十分濃味🫰🏻分數：？/10食物🥘：9/10環境🏞️：8/10服務👩🏻‍🍳：8/10價錢💰：8/10整體而言：環境是舊色的香港🇭🇰，你會看到很多擺設、背景音樂都係舊式香港風味🙌🏻；位置10分近地鐵🚇👍🏻；員工態度親切🤣；食物質素高，每樣野都食得出用心煮，因為每樣都好入味（要煮得耐先會咁🫡）；價錢好抵😃

之前聽朋友介紹三不館嘅旺角店，話好好食，但我一直未有機會去試。咁啱今日喺荃灣見到原來依度有分店，即刻決定入去食！平日嘅lunch hour都幾多人，所以要搭枱，不過好在唔算好逼。店員上菜嘅速度都超快手，落左單冇5分鐘就有得食！我嗌咗佢地嘅招牌豬手同豬頸肉，仲有蘿蔔同酸齋，湯底係秘制麻辣汁。首先讚下佢嘅蘿蔔，煮得夠淋又清甜！初初都驚佢地咁忙啲蘿蔔會唔會唔夠淋，點知係出奇地好食！豬手有兩舊，外皮保持咗彈性，唔會太淋，幾好食！而豬頸肉都燒得幾香，可惜得3舊而且都切得幾薄，唔係好夠食🥲至於個秘制麻辣汁都唔算好惹味，感覺似係清湯上加啲辣油咁，如果湯底可以濃啲就好！整體上不過不失！喺附近住或者返工想食個平lunch絕對係好選擇！不過如果住得遠就唔使專登黎食喇～

其實之前行過幾次都俾佢裝修吸引懷舊feel～好鍾意呢種咁熱鬧嘅感覺🥰😝好有人氣👍睇吓有咩食唔想食 #澱粉質四款就可以叫淨餸🔸#滷水鮮豬大腸好鍾意食大腸今次肥瘦啱啱好有冇成串肥油咁出嚟，不錯冇異味和軟硬適中有少少咬口👍👍👍🔸 #韭菜 份量充足，成個碗底都係如果啲韭菜老咗就好難食👉🏻有渣呢度都算嫩滑 🔸 #魚腐吸晒湯嘅味道👉🏻 小小辣一定好味🔸 #炭燒豬頸肉其實我係想叫 #懷舊牛腩不過賣晒正常豬頸肉，可以唯一美中不足嘅冇奶茶、咖啡只有汽水不過坐得舒服店員服務都好

星期五晚放工一個人，諗住求其食啲嘢就返屋企，行過見到有幾個人在排隊，不過入得好快，就決定食碗車仔麵當一餐。因為一個人，排咗兩分鐘就入得，不過要撘枱。裡面裝修是近年好興的懷舊香港風格，位置比較濟逼。食物選擇方便都算可以，除了一般車仔麵的餸之外，還有些特色小食。天氣太熱，坐低先叫個可樂飲下，驚喜地竟然係支裝可樂，支裝雖然份量少啲，但夠凍，解喝一流。食物方面，蘿蔔是真的好吃，清甜多汁，至於其他食物和湯底，只能說不過不失，和一般車仔麵差不多。值得一讚是枱上放有辣菜莆可以任加，味道還不錯～

成日經過都冇入去✨完全唔知佢賣緊咩🥹淨係知個裝修好夠港式風格🤤今日男朋友同我一齊入去試吓先發現佢原來車仔麵🍜入到去發現個環境都裝修得好懷舊港式風格✨普遍車仔麵嘅餸菜佢地都有✨最可惜嘅佢哋係冇米線叫米線嘅我唯有轉做米粉🥲佢哋亦都有辣同唔辣嘅菜譜🥹鍾意落醋嘅我問店員攞醋居然連紅醋同黑醋都有😍呢個係我最驚喜嘅地方✨✨另外佢哋嘅可樂都係玻璃樽裝🤩相對罐裝會百氣好多真係買少見少🥰📍三不館 荃灣

📍三不館車仔麵 𝑰 𝑫𝒐𝒏'𝒕 𝑪𝒂𝒓𝒆 𝑪𝒂𝒓𝒕 𝑵𝒐𝒐𝒅𝒍𝒆𝒔🧭荃灣登發街10號地下#MFJ荃灣 #MFJ中菜#MFJ港式人均消費: HKD55一直想食荃灣間 #三不館車仔麵 @idontcaretsuenwan ！12點左右到都差不多滿座！環境好懷舊，一路播住80年代歌！餐牌全部都好吸引 😍💯三餸麵 $45𝑪𝒂𝒓𝒕 𝑵𝒐𝒐𝒅𝒍𝒆𝒔 揀咗古法辣汁湯底，加腩汁！個湯好香濃，微微帶辣香，一啲都唔鹹！個油麵好好味，咬落有啲煙煙韌韌咁！分別揀咗大腸，牛腩同醬燒豬頸肉！大腸雖然薄但非常入味同好有咬口！牛腩夠淋夠入味，份量比我想像中多！醬燒豬頸肉有四大片，香脆爽口，好正！配料同湯底都幾出色，$45三餸一啲都唔貴，食得過！不過一食完無耐就趕你走，因為出面已經排長龍，服務就普普通通#MFJ荃灣 #MFJ中菜 #MFJ港式#mfoodjournal #foodie #hkfoodie #foodblog #hkfoodblog #chinesefood #chinesecuisine #hklocalfood #hkfood #noodles #cartnoodles #相機食先 #灣仔美食 #中菜

一段時間沒有去這間食車仔面，這次要排15分鐘才有位。入座叫了兩碗淨餸，有豬紅，豬皮，雞翼，牛腩，豬頸肉，魚皮餃，不過無論食乜食送，味道都係和湯底同味，無乜層次感，下次不會揀這間。

放假訓醒11點幾梗係出去搵早餐食😛 最近聽人講話三不館好出名好好食，咁我當然都想試吓有幾好食🫣入到去keep住播懷舊歌幾特別，我知道大家又識得幾多首😛第一次食咩都揀推介安全啲😛 上菜速度慢，對面&隔離枱都食完我個麵都未上🫣 湯底好淡，加左腩汁都好淡，所以個麵無湯既味(可能有，只係淡味到以為食緊白烚麵🥲)，古法辣汁有少許蝦味幾特別，不過第一次食試左小小辣，結果係脆香雞翼辣🤣 但聽到隔離講到呢度啲野好辣？🤔豬腸有少許騷味😖食到有少少滷水味，味道正常。牛腩幾特別，偏甜口味，第一下入口會食到陣咖啡甜味？牛腩炆到好淋，好易咬👍🏻鮮製油麵煮到好淋，無咩咬口但就好易咬，難怪咁多小朋友同老人家幫襯個人覺得餸就唔太多， 3件牛腩，5件豬腸，同埋環境係有小迫既，不過荃灣車仔麵係少啲選擇，所以真係好想食可以試下既，不過個清湯加腩汁都真係好清，適合健康人士🙌🏻 原來我食慣重口味，所以我試過就夠了🫣推薦指數:⭐️⭐️ (5⭐️滿分)*初六啟市，想去食嘅朋友要注意了🙌🏻