一鼎茶

营业中

休息中

好少去開屯門，想飲嘢都係搵OpenRice，見呢間評價很好，仲係零負評，好奇去試一下。我叫咗一杯黑糖珍珠牛乳茶，一杯芝士葡萄，全部都叫少少甜少少冰。兩杯試完之後我都非常滿意。芝士葡萄大大杯，味道非常清新，仲有好多果肉食，飲完好開胃。黑糖珍珠牛乳茶，可能因為我叫咗少少甜，所以甜度啱啱好，珍珠嘅軟硬度剛剛好，飲完一啲都唔漏。入嚟之前見佢零負評，仲以為大家都係打手。飲過之後咁好飲，就忍唔住留返兩句，推介大家一齊去。

經過屯市突然之間想買杯嘢飲，又想發掘下新嘅手搖飲品，行行下就見到呢間一鼎火鍋，見到都有賣外賣嘅手搖飲品，即刻買番杯先～霸王爆檸1000ml💰HK$39近年好流行嘅手打檸檬茶，本身見到$39以為好唔抵，點知原來有成1L，大大杯！其實呢杯係鴨屎香檸茶，味道唔會太甜，非常之清新解渴！

今次嚟到呢間飲品店，真係令人眼前一亮！入去跟本唔洗諗太耐，一眼就揀咗幾款叫得出咁有創意名嘅飲品。🍹我先來個「芒芝芒芝」，啲芒果新鮮到不得了，噴香滿口，仲有豐满滑順嘅芝士奶蓋，一嘗即溶，我喺心底大叫：正喎！🥭望吓旁邊朋友拎住嘅「芝士綠研+純茶」，嗰份清爽感覺好過癮，真係喝一口就停唔到口。至於「一鼎西柚」，嘩，嗰個西柚味道鮮明得嚟又唔膩口，相信要清涼一夏，佢就係你嘅選擇。🍊當然，唔可以唔提呢杯「香水爆檸」，酸酸地帶着清新風味，飲落去令人精神抖擻，擊退暑氣，簡直係炎炎夏日嘅救星！笑臉到而家未散咯！😆無論你係咪個追求新奇口味嘅潮人，或者需要一點消暑嘅清新，呢度都一定有款飲品等緊你！走過路過千祈唔好錯過，撳個LIKE收藏先！👍

一鼎茶位於屯門屯隆街2號屯門時代廣場北翼3樓36-37號舖。店鋪裝飾骨緻明亮，且有特式，而且飲品價錢合理，又多配料選擇，冰量及甜度亦可以自行調節😽絕對可以一試再試！我們點的飲品有：🥑牛油果草莓沙冰🥑賣相真是好特別，豐富的牛油果果肉和鮮紅草莓疊疊堆滿，色彩繽紛，沙冰的爽爽冰口感加上牛油果和草莓果肉，帶來層次豐富的口感享受，牛油果香與草莓甜酸簡直是perfect match！🍓莓芝莓芝🍓賣相好可愛，份量又充足，好香士多啤梨味，好清甜，好多芝士好滿足，看得出有用心整，好有台灣嘅獨特風味。

食完Lunch緊係要買返杯手搖飲品返公司飲先爽啦！我哋好鍾意依間台式手搖飲品 店，大大杯又天然，選擇都唔少，每次食完lunch 都忍唔住買返杯🧚‍♀️💛鮮芒芒甘露～芒果依然係咁甜咁香，將新鮮芒果+奶打成smoothie，入面仲有啲西柚肉，有咬口又健康✨🧡一鼎西柚～食飽飯飲西柚飲品可以消滯，人都醒神啲✨西柚味道清爽，飲落無負擔，所以我好鐘意🌈🤍黑糖珍珠牛乳～口痕嘅同事最愛✨黑糖珍珠好軟熟，不過唔會淋pat pat無口感，牛乳香濃滑順，久唔久飲返杯真係一大樂事✨有杯手搖飲品陪住自己工作，好似會特別開心啲👼🏻又可以諗定聽日食完lunch後飲咩，好期待🧚🏻

今日喺屯門時代廣場行街，見到呢間叫做一鼎茶嘅手搖飲品店。超多人喺度排隊，餐牌嘅芝士奶蓋系列非常吸引我哋，所以每人各嗌一杯莓芝莓芝（即系芝士草莓）呢杯苺芝莓芝顏色超吸引，又白又粉嫩，充滿少女心。芝士奶蓋鹹鹹甜甜非常濃幼，配上酸酸甜甜嘅草莓，飲落去非常清新。芝士綠研+ 牛乳茶呢杯同樣係奶蓋鋪面，奶蓋加上少量綠茶粉，充滿奶香之餘，仲有微微嘅綠茶甘香味。牛乳茶係用發酵過嘅牛乳混合茶一齊泡出嚟嘅茶，充滿濃濃嘅奶香，入口又滑又香。芝士綠研+ 純茶呢杯就係芝士奶蓋加純清茶，因為係兩樣單獨食材組合而成嘅茶飲，味道分明，飲到芝士賴蓋嘅鹹香濃郁，味道和口感，亦飲到純茶嘅清淡甘香味，兩種味道鮮明，但意外地夾。

平時飲珍珠奶茶飲得多，有時唔想飲都可以試吓飲芝士水果茶。今日喺屯門經過見到呢間新開嘅台式水果茶店門口都有唔少人排緊隊，心思思就同男朋友入咗去試啦！😽芝士奇異果🥝 $46舖頭真係用新鮮水果調製，而唔係用糖漿沖，非常用心製作！奇異果促進腸道健康，除咗上面嗰層芝士奶蓋之外其實都係一杯健康嘅飲品黎嘅 😼提芝提芝🍇 $43即係芝士青提，提子做底青青綠綠咁，又靚又fresh ! 音樂酸酸甜甜好足提子味，上面嘅芝士奶蓋甜度適中，互相配合唔會搶咗大家嘅味道！🫶yummmmy !! 🫶芝士綠研+ 純茶🍵 $26芝士賴蓋好香好滑，鹹鹹地，甜甜地，成個未到配搭得好好。厚重嘅芝士奶蓋，一路飲都唔會消失得好快。正正子👍👍👍

今日剛好給我遇到一間值得推介的台式飲品店，店裡的格調優雅，環境舒服，服務員態度良好，而且最重要飲品優質🌻介紹一下，這間飲品店叫☘️一鼎茶☘️值得一讚是餐牌介紹清晰，而且很多選擇，只看相片已經很吸引🌝💁🏻‍♀️ 草莓爆檸，賣相很美很夢幻，很適合少女們用來打卡用，材料很獨特，很少店鋪會將草莓和檸檬放在一起，味道都很特別👅👅💁🏻‍♀️ 莓芝莓芝，都很值得推介，賣相很吸引，層次分明，草莓味和芝士味都非常濃郁，口感很豐富，果然是店內首選之一👅👅💁🏻‍♀️ 芝士奇異果，口感一流，吃到奇異果獨有的果籽，味道甘甜，而且非常開胃，值得一試👅👅

今日經過呢間一鼎茶，整體嚟講，雖然價錢唔算特別平，但係價錢合理，重點係飲品真係有質素，對於今次嘅體驗非常滿意，遲啲應該會再同屋企人一齊嚟試下其他飲品🙆🏻♀️✨🍹<<鮮芒芒甘露>>🍹因為我地都中意芒果，果然呢個野飲沒令我地失望。一層芒果一層沙冰，再配新鮮酸甜既楊枝甘露，完全感受到芒果既精髓，口感層次豐富，入口即溶。鮮甜而且提鮮。🍹<<一鼎西柚>>🍹都系非常好飲，顏值爆燈，酸甜可口之余，仲非常fresh，滋味滿載！岩曬宜家甘熱既天氣。真系超級好飲，如果五系剛剛食完午餐，可能我地會再試多一款啊🤗！

依個夏天真係熱到爆，每次出街都需要一杯凍冰冰嘅飲品先可以生存到🥵🥵今日又約咗朋友行街，行到熱辣辣即刻入商場過冷河，順便搵杯嘢飲降降溫🥶🥶見到食間手搖飲品店［一鼎茶］，咗啱朋友同我都未試過，就決定買返杯試吓先🤩🤩我揀咗依杯［一鼎橙橙 $35］🥰🥰裡面有好多片新鮮橙肉，仲有大量粒粒橙肉，加上鮮榨橙汁，非常之足料🤩🤩凍冰冰酸MayMay，一飲暑氣全消！朋友話要試試佢哋嘅基本款［芝士綠研+ 純茶 $26］😝😝茶底係茉莉花茶，好清香😚😚芝士奶蓋夠厚身，就算隔咗一段時間都啱會溶，依點非常好😍😍兩杯飲品唔算貴，味道又唔錯，下次行街行到熱辣辣必會再飲🤪🤪

🍹芝士奇異果🍹☺️我地四個前幾日去到屯門睇show，之後諗住搵下有咩買，難得又約到咗齊人，點可以錯過咁快走，屯門時代廣場位於屯門既熱門地帶，人流非常多，近年既舖位都轉了不少，留意到一間「一鼎茶」係北翼3樓36-37號舖，睇到佢地既飲品好吸引，我地都每人飲了一杯，有我最鐘意既奇異果，又點可以錯過，奇異果既味道好清涼，成杯大大杯好足料，仲可以叫佢少冰添，味道好天然，天然既果糖味道令人覺得好健康，仲有好豐富既維他命C😍😍🍹芝士綠研+ 純茶🍹☺️其他朋友就話要飲呢一款，呢度既茶好清醇，茶味又清新，都睇到好多人飲，呢杯都係呢度既招牌飲料，而佢成杯個包裝都好唔同，真係非常好飲😍😍🍸芝士琥珀+ 牛乳茶🍸☺️呢一杯都仍然有水準，芝士味好香，本身既茶味再加上牛乳，兩種口味一齊又真係幾夾，成個味道都好清新又有芝士味，係一款比較時尚既飲料😍😍🍸鮮芒芒甘露🍸☺️鐘意食芒果既朋友，一定會好鐘意呢一杯，面上仲有粒粒柚子，一齊飲既每一啖，加上少少苦甘味道再有甜甜既芒果，同時又唔會太過甜，真好飲😍😍

今日約咗男朋友喺屯門附近拎嘢，見未夠鐘，就喺附近行吓，跟住見到呢間台式飲品店，有幾個人排緊隊，我就湊熱鬧買來試吓！黑糖珍珠牛乳😎9.5/10 😌口感層次豐富，珍珠軟身有咬口，鮮奶質感厚重，濃郁，同黑糖珍珠好夾。甜度適中，飲晒成杯都唔會飽飽濟濟。飲完發覺一杯唔夠,就叫左2 杯！咁邪惡飲完真係要去減肥喇😳😳 哈哈鮮芒芒甘露😎8/10😊即係芒果加楊枝甘露，好大杯份量好多，直程好似一個甜品咁🥳🥳芒果加楊枝甘露口味層次豐富，一口下去可以感受到芒果的甜美和楊枝甘露的酸爽，令成杯嘢飲更加多樣化和有趣。係一杯非常適合夏季的飲品，帶來清涼又美味的享受！

比路過嘅餐牌吸引，見到水果SMoothies系列，就即刻入去買黎試吓。🧋芒芝芒芝。私心推介，我超鍾意食芒果，就叫咗呢杯”芒芝芒芝”。芒芝芒芝即係芝士加芒果。邪惡嘅芝士奶蓋極濃厚，再加埋香甜芒果，消暑一流🥶🧋 芝士綠研+ 純茶。芝士奶蓋做得好滑，芝士味濃再配埋清清甜甜嘅綠茶，生津解渴，夏天飲就perfect 啦！🫶🧋 一鼎西柚。整體上大大杯非常消暑，西柚味濃！西柚清新嘅酸味又唔會太甜有一種消脂瘦身嘅感覺。喺夏天飲番杯凍冰冰嘅西柚茶🧊，真係好舒服啊。😂🧋香水爆檸。味道清爽，醒腦提神，呢杯飲品由新鮮嘅檸檬汁制成，飲品有濃郁嘅檸檬味，酸酸地同清新，再加埋冰，凍冰冰涼浸浸好爽呀！😙

芝士桂花烏龍+純茶可以選擇純茶或者牛乳茶，講真我未飲過牛乳茶所以就乖乖地揀返純茶😹😹桂花烏龍茶桂花味多幾重下，桂花烏龍茶配上芝士奶蓋都唔會有相沖😺個人甚至覺得係幾夾下！芒芝芒芝——芝士芒果🥭芒果味都好重而且係幾甜下，如果唔太飲得好甜嘅話建議可以少甜！而芝士賴改同樣都係鹹鹹地配上芒果沙冰果然冇錯😽整體來講兩杯都係包含咗芝士奶蓋，個人覺得都係幾好飲，但我會比較鍾意後面嗰一杯芒芝芒芝多啲👊🏻下次可以再試吓呢一個系列嘅飲品。

台灣手搖店飲得多，但好飲嘅就得好少，今日咁啱俾我同男朋友搵到間好飲嘅。呢間手搖店叫一鼎茶🧋位於屯門站B出口附近，好方便🤩而且店鋪環境乾淨企理🧹我鐘意飲D酸酸甜甜嘅野，所以叫左杯香水爆檸，果然冇令我失望，超級大杯，而且好足料，🍋好新鮮，酸得黎唔苦澀，所以好易入口，飲落有陣陣嘅涼爽感，而且味道一流，簡直係高質，推介推介🎖️男朋友就叫左杯鮮芒芒甘露，係鋪頭嘅TOP 3，堅好飲！個賣相好吸引，面頭鋪滿紅噹噹脹卜卜嘅西柚肉🍊好有咬口，而中間有好多芒果蓉，入口即溶，口感好特別，而且價錢合理🌟