一鍋雞

今日专登排队，排了20分钟，点了花胶鸡锅，鸡比擦子胶更鞋，比些意见佢哋，只回应「我地系咁架喇，师父切好晒架」胡椒猪手亦是一样，猪手硬过石头，完全冇味，全程汤捞饭，好失望，下次未搅，虽然唔贵，食到一肚气。都系一句，支持港人北上消费。…查看更多

老公话好耐之前已想食，但次次经过老排长龙。今次见落雨，少人啲，不过都排咗一阵先有得入座。我哋第一次嚟，餐厅唔算大，一坐低职员已准备定炉仔。原来佢哋嘅汤底会兴住食，个米线就分开上。放心个面底系已煮熟咗先上菜嘅。我哋2大2细去，点咗3个餐。可拣米线/米粉/粉丝/薯粉/白饭我哋叫咗米粉、米线，嚟到先知米线、米粉系超大碗！三份餐我哋点咗竹笙椰子浓汤鸡、必食推介嘅招牌花胶浓汤鸡、虫草花药膳鸡。竹笙椰子浓汤鸡个汤底超鲜甜，椰味好香甜。鸡好嫩滑、有甜粟米同椰子肉。招牌花胶浓汤鸡个汤底又系好正，花胶好淋！鸡一样好嫩滑。除咗有花胶同鸡，入面仲有菜，个菜好索汤，真心好食！虫草花药膳鸡，药材好足料！另外我哋仲加咗手拍青瓜，正常发挥都好大碟。份量都大，所以真系好抵食！…查看更多

晚饭时间要排队，排左半小时左右。餐厅系普通茶餐厅格局，卖点应该系有个火炉热住鸡汤，keep 住暖。👌🏼招牌花胶浓汤鸡 $68汤底香甜，比平时认知嘅鸡汤味道，多了一点奶味和甜味。鸡件未算特别滑，好处系仲有菜，够晒营养均衡。主食选择都多，可以拣饭，米线，仲有粉丝。汤底系好味嘅，但又未至于系惊为天人。自己嘅口味prefer 冇呢种奶味。不过睇埋价钱，咁嘅味道，咁嘅份量，劲抵食啦！👌🏼白胡椒猪肚浓汤符合预期嘅白胡椒汤底，唔系鲜甜嘅鸡汤味道，胡椒味重，味道浓郁。材料都颇丰富。想食胡椒味嘅朋友会满意。配合埋粉丝，再索味一d。不过夏天来食，开住火炉来食，汤底keep 住又热又辣，食到一半叫佢熄火。…查看更多

之前系公司都叫过佢既外卖觉得好好食，汤底都好浓，好味！外卖份量都好够，每次食完都劲饱！但自从唔知几时，外卖平台上显示不能送达我地公司区域，就一直心心念佢既米线！直到今日放工后有时间就同同事直接去佢门市堂食吧😁我地都3点先去到但竟然都要等左阵位！哗！估唔到堂食佢有个炉热住个鸡，几特别！我地分别叫左招牌花胶鸡米线同胡椒猪肚米线，另外一个素食同事就叫咗菇菌蔬菜米线！所以汤底都好浓，食完都冇好口渴，重点系佢堂食同外卖份量都好足，要赞👍🏻我地另外仲加左个椒盐豆腐做小吃，个皮冇好厚，外脆内软，啱啱炸完里面仲热辣辣好正！希望佢外卖方面可以送返去我公司个区啦！…查看更多

呢间位于长沙湾天悦广场B1嘅一锅鸡，最吸引系佢嘅椰子鸡汤米线🥥🍜。先用新鲜椰子同三黄鸡慢火炖9小时，汤头金黄清透，带淡淡椰香，入口甘甜不腻。米线跟住落汤滚一滚，即刻吸饱汤汁，弹牙爽滑，每啖都饮到浓浓鸡胶原蛋白。仲有大片椰肉同竹笙一齐食，好有口感层次。每锅$58，仲附炉仔keep住热度，冬天食最啱！店铺装修简约有氛围，够晒亲民又温暖，啱晒一个人嚟chill或者同朋友打边炉式叹住食。强烈推介汤底控试一试啦劲正啦！🔥…查看更多