一葉小廚

我本身是广源街坊 已经好耐无光顾呢间餐厅 因为其他就近嘅都爆满 所以至再睇下佢有无改善….. 当然舍得呢堆文字一定系冇啰 如果有得拣都尽量唔会拣呢间每况越下嘅所以谓餐厅对于我个人嚟讲 佢最差嘅系服务同埋卫生 1.入去餐厅开始 如果客多冇服务员理你我唔怪你 但系冇乜客只得两三枱嘅时候都唔会有服务员理你问你几位 全程自助拣位 攞餐牌 攞刀叉 第手想落单都可能要起身埋去叫至行埋黎落单 2.到落单知你食乜餐后系完全唔会因应你个餐内容攞刀叉俾你 枱上有调味架也有个筷子兜 但可能只得筷子又或者多两只匙羹 如果食扒类要切又系要等叫人或者自己起身去攞3.讲到送餐员工们永远只会将D餐碟或饮品放在餐枱边沿 一个唔留神手踭就会批落地 枱面明明系未有任何食物 佢地都系唔会摆中间嘅 永远一个姿态系摆晒喺边缘旨意你哋自己攞嘅态度 唔该都无句4. 到卫生 调味架上𠮶甖辣椒油 我从来冇见过有抹干净过罂外面嘅油渍 因为每次攞都系次次立立 感觉好核突 纸巾盐糖系有refill 但就系唔会抹过罂⋯⋯食市再讲求卫生呢啲咁小事都唔做好 有乜办法啲港人唔走晒北上食饭？讲咗咁多缺点 亦都有个唯一嘅优点就系你用完餐 佢好快收走你D碟其实员工唔够不如学吓人用QR code落单 除咗啲老人家唔识要揾服务员帮手落单 基本上而家大部份港人都会识得用电话扫code落单 客人落单落错单自负盈亏冇得坳 员工可以腾空出嚟做其他嘢咁系咪仲好呢？大快活大家乐美心都行咗好耐啦，点解仲咁落后？…查看更多

今日去食下午茶，落单时阿姐突然拨开我只手⋯原来佢要睇餐牌上面个餐嘅英文字母，其实佢可以叫我拎开只手既。最后落咗个干炒牛河同猪扒面，干炒牛河味道同份量正常，但猪扒面块猪扒就超迷你（鸡蛋都差啲大个块猪扒）同块猪扒有啲干⋯…查看更多

耐冇食过台式野，谂住去叹反个下午茶。早知食大快活都冇咁嬲。入到去冇人理系正常，全个场得两个人做野。叫左个生煎朱扒薯条， 的色到小朋友食唔饱啦！吓话，真系好唔好意思32蚊叫个客食呢啲。…查看更多

好耐冇来过吃早餐，今日经过门口，特价早餐:餐肉煎蛋面$29，屋村内冇野好食，咁就试下，比想像中OK，出前一丁汤底都有一个面底，煎蛋系太阳蛋，餐肉都一般嘅餐肉半圆一块。对于不大食的我，份量尚可。咁嘅价钱在屋村内尚算抵食。…查看更多

依家开咗都几耐嘅一碟小厨，一直都已经好想写过食评。今次试咗一个锅套餐，成个体验一般般。首先落单嘅时候，佢火锅餐上面都好似有好多选择可以拣，但系落单𠮶阵有一大半嘅嘢都系冇嘅。𠮶阵都系夜晚七八点时间，要乜就冇乜，唔讲真系以为拍紧麦兜。最后都系得两三个选择。 最后拣咗呢一个麻辣牛肉锅，非常之辣。入边嘅肉当然唔会好多。 而另外两味就系菜再加少少其他𩠌。 呢间餐厅唯一优点就系晚市都唔会好多人，仲系几阔落。但系人手都系唔多。不过人手问题，成个广源嘅餐厅都一样。…查看更多