一禾

星期六係紅橋一帶揾餐廳 意外地見到呢間日式餐廳 整體不錯 服務員態度熱情 叫咗兩set午餐一杯飲品 性價比高 店內裝修有日式feel日式三文魚茶漬飯日式咖喱炸雞飯希望下次有機會試吓佢哋嘅串燒!…查看更多

小店, 但幾舒服..平日去食咗個lunch, 照燒雞扒咖哩飯, 好食;雞煎得香, 又唔柴; 咖哩都好食.食完覺得唔似其他comment講到咁伏啫.出餐的確去耐小小, 但我等咗十分鐘到, 可接受.覺得ok, 試埋個Irish Coffee, 畀想像中細杯. 夠酒味, 鐘意咖啡夠酸度, 但多cream 左d. lunch set唔包, 但飲品減$10, lunch又冇加10%, overall ok…查看更多

一入到去店員已經話 無牛舌 無鰻魚全部串燒必吃的食材都無 已經好失望 仲要等勁耐先有野食重點係 d串燒係苦 同埋 食得出係 行貨完全沒有誠意 又難吃個炒飯 完全沒有炒開 仲係白色一舊舊勁失望 …查看更多

✔️呢間係屯門紅橋嘅餐廳，平時經過都有留意到，門面陳列咗好多唔同嘅酒類，不過我對酒呢家嘢唔了解，亦興趣不大，所以一直無幫襯。今日經過就試下佢嘅午餐。一入門，就發現裡面酒架上都擺滿咗各式各樣嘅酒品，氣氛唔錯，但座位唔多，人多應該要訂位了，整體都算乾淨企理，服務態度都好好。我叫咗一個1️⃣自製肥牛丼飯，等咗一陣之後，侍應話要等多約15分鐘，因為啱啱開門飯未煮好。反正我唔趕時間，就決定繼續等。不過從另一個角度嚟睇，證明咗飯係新鮮煮出嚟，都係好事。等咗大約半個鐘，牛肉飯終於上枱，除咗主菜，仲有一碗2️⃣麵豉湯同一碟仔3️⃣螺肉。麵豉湯裡面仲有隻蜆仔，味道唔錯，亦好夠熱，螺肉都好味，至於牛肉飯，食得出是用心之作，食材好新鮮。不過分量就唔多夠，我食哂成個餐都唔夠飽。自制肥牛丼飯68蚊，另外跟餐叫飲品可減10蚊，但我發覺飲品價錢都唔平，所以都係等食完出去買😁。最後，師傅話因為我等得耐，所以免收加一。👍…查看更多

屯門某角落的一間日式小店，只能容納大概十個人，賣相幾精緻，性價比都okay, 味道較為普通，不算太出彩。入到去環境都幾乾淨，不過地方有點少，午餐時間都滿座。點了兩個中午套餐，另外加兩杯飲品，而套餐包括了味噌湯和前菜。值得一讚係佢杯茶係冰的，夏天飲真係透心涼。自家製肥牛丼飯滿滿嘅肥牛，再加上鮮蛋，拌在一起食，口感不俗。三元吉烈豬扒咖哩飯豬扒份量都大塊，咖喱較為淡口，但都算可以，賣相算幾吸引。碟豆花檸檬梳打味道偏淡，有點點酸味，消暑開界之選。香橙乳酸梳打香橙味冇乳酸咁出，但都唔錯，不會太甜。這裡可以間中再嚟，不過需要改善上菜速度～…查看更多

好耐之前食過一次覺得一般 睇OpenRice啲評價話轉左班底 咁啱同朋友唔知食咩 膽粗粗入去試吓一個字 伏！食物及飲品選擇的確比以前多 但味道上又係一般 由於朋友係做廚師 食完覺得大部分都係行貨（即是叫貨整好一串串或調好味） 叫貨加上調味加上師傅烹調功夫 都一般般 同埋食物要等好耐平均20分鐘先出一碟 受難咁！食到食物唔太新鮮 小店加上太多選擇 如果散唔到貨 會變唔新鮮（朋友廚師講）愈食愈嬲！總結：睇唔到小店特色 完全冇自己風格 要食行貨 同圍都食到 另外位置好鬼逼坐得唔舒服 嬲到單都唔影！…查看更多

踩入餐廳門開始，由裝修到職員態度都感覺非常舒服，職員會介紹餐牌，又會建議人數食物分量，係一間好有人情味既餐廳，比起一般連鎖式餐廳，別樹一格，好值得去幫襯，食物以日式串燒為主，都係即叫即煮，所以出餐時間比較長，如果叫飯類，會比較快d出餐，食物質素不錯，特別係擺盤，睇得出有安排過，打卡一流（可惜我影相技術有待改進）上次係同男朋友黎食，今次係朋友生日，一班人邊食邊飲2杯，成班人食到抱住個肚走，好滿足推介食物豬軟骨飯…查看更多

今日同屋企人共8人嚟到呢間餐廳食飯，聽聞已經換曬所有廚師樓面班底，所以特登嚟試下，叫咗蟹肉蟹籽沙律，一禾日式炒雜菜，雞膝軟骨串，脆雞皮串燒，鹽燒白鱔串，五花腩串燒，燒阿波美雞扎，月見免治雞肉棒配生雞蛋醬汁，手羽先串燒，牛舌串燒，西冷牛扒定食，燒安格斯肉扒，禾風鰻魚炒飯，蟹籽蟹肉炒飯，鮮橙乳酸梳打蟹肉蟹籽沙律蟹柳搭配蟹籽及青瓜的沙律，沙律醬剛好掩蓋青瓜的腥味，唔鍾意食青瓜嘅人都會食得到美味指數⭐️⭐️⭐️⭐⭐一禾日式炒雜菜炒椰菜，入口不油膩，亦不太鹹，適合減肥及健康人士，由我本身唔太鍾意食蔬菜，所以美味指數會比較中間美味指數⭐️⭐️⭐️雞膝軟骨串及脆雞皮串燒軟骨不硬，十分香，雞膝熟透程度剛剛好而脆雞皮燒得十分脆，調味亦不太鹹美味指數⭐️⭐️⭐️⭐鹽燒白鱔串 （圖中最上面）強烈推薦！白鱔外脆內軟，用鹽調味，亦不會過熟，入面軟滑，必食之選！美味指數⭐️⭐️⭐️⭐⭐五花腩串燒（上面圖中的最下面）入口一層肥肉一層瘦肉，瘦肉部分有豬扒的口感美味指數⭐️⭐️⭐️⭐燒阿波美雞扎店員介紹來自日本的阿波美鬥雞串燒，雞肉不鞋口，十分軟滑，調味剛剛好美味指數⭐️⭐️⭐️⭐月見免治雞肉棒配生雞蛋醬雞肉入面搭配了雞軟骨，配上日本生雞蛋調制的醬汁，非常好食！必食推介！美味指數⭐️⭐️⭐️⭐⭐手羽先串燒未食已經芳香撲鼻，有炭燒的的味道，雞皮表面烤焦，外脆內軟，咬開表皮，入面有肉汁，十分香滑美味指數⭐️⭐️⭐️⭐⭐厚切牛舌串燒由於我本身身麻麻地牛舌，而咬落去亦略為煙韌，所以比2星佢美味指數⭐️⭐️西冷牛扒定食切件的牛扒配上燒汁，並非西餐傳統的鐵板燒，而牛扒溫度略為不足及入口微酸，十分清新，而口感就略為煙韌美味指數⭐️⭐️⭐️燒安格斯肉扒簡單啲來講，就係牛扒界入面嘅叉燒！肥瘦適中，而味道亦似叉燒，熟透程度剛剛好！美味指數⭐️⭐️⭐️⭐⭐禾風鰻魚炒飯日式燒汁鰻魚配上微濕的炒飯，鰻魚熟透程度剛剛好，不鞋口，味道接近日本人的口味，略嫌缺乏中國菜特有的鑊氣，由於我本身比較喜歡鑊氣炒飯，所以呢度扣減了分數美味指數⭐️⭐️⭐️⭐蟹籽蟹肉炒飯一上菜，蟹肉芳香撲鼻，入口充滿蟹的鮮味，而炒飯有少許鹹魚的味道，炒飯亦比鰻魚乾身，喜歡炒飯乾身的人建議選擇呢個美味指數⭐️⭐️⭐️⭐⭐鮮橙乳酸梳打入口有橙香的味道，而乳酸梳打亦十分清甜，甜而不膩，由於我本身好鍾意乳酸梳打，所以一定會俾5星美味指數⭐️⭐️⭐️⭐⭐順帶一提，炒飯十分足料，叫了2款炒飯，8人每人食完仲有剩，好抵食環境：燈光光猛，裝修十分日式，現場音樂十分chill，令人搖搖欲睡，十分放鬆，臨走時可以順便攞日本的的白桃糖，都幾好食…查看更多

未食過一間餐廳要等咁耐 等左成半個鐘先有野食 至於食物方面 叫左個二人餐 本來對個蟹膏蟹子蟹肉飯好有興趣 點知蟹肉同蟹子都好腥 醋飯又唔似一般壽司店既味道 難食⋯串燒又冇乜特別 有一串雞肉同牛舌都臭臭地⋯唯一好少少係清酒煮蜆環境我覺得還好 只不過唔似西餐又唔似日本餐廳 怪怪地咁 食過兩三次 一次比一次難食 心諗比多次機會佢點知⋯唯一好少少記得廚房有個大大份師傅 果次食物就好食 不過經過今次都冇下次總括又貴又唔好食 下次行前啲大把選擇…查看更多

叫左碟咖哩牛舌飯，件牛舌就咁用水整熟再加咖哩磚就上碟，件牛舌仲有雪味，又切得唔靚，唔新鮮，食落完全冇味，收成$8x，似港式日本料理真係完全唔得個味增湯又冇乜味唔明點解咁都有人幫襯，依個價大把其他選擇…查看更多

三個人黎食 唔講以為食緊omakase 啲飯逐個上 每個飯等成差唔多半個鐘先有下一個 我食曬 啲frd先啱啱拎到個飯 然後嘢飲 叫咗三杯嘢飲 又係同飯一樣一杯一杯慢慢上 到最後所有嘢食曬 仲差一杯嘢飲 我去問 店員一臉不滿咁同我講「我知」 然後就走咗 ？？？？明明黎嗰陣鋪頭係冇乜人既 真係唔明點解上菜可以咁慢咁慢 態度又可以咁西希望老闆會睇到呢個食評 然後真係用心去改下你地啲廚房個運作模式 如果唔係就算你啲嘢食好食到識飛都好 都唔會再黎…查看更多

轉左經營模式 由早餐店變左一間餐廳 緊係要黎試下咩料叫左個二人套餐蟹膏蟹肉蟹籽拌飯好多個蟹字😂鍾意食蟹既人絕對要叫勁足料 勁鮮 仲有粒蘭王蛋黃個飯一d都唔乾都唔濟🙆🏻‍♀️好好食😋串燒有4款照燒雞肉串 勁滑勁淋 又夠燶味 厚切粒牛舌芯同極上一口牛兩款都勁淋唔係搵d好差既牛黎敷衍醬燒大啡菇 勁爆汁蟹肉田園沙律沙律就覺得比較苦😂加埋好似係柚子汁既沙律覺得仲苦😅日式清酒煮蜆個汁唔同平時出面既汁淡淡既酒香 但係個汁又好濃味😂味醂魚乾冇張相咁少份量 食食下先記得影相😂最鍾意食雞泡魚乾 所以個人覺得好好食送酒一流唐揚池魚仔炸到勁香炸有骨可以成條食 所係個個 送酒一流😂總括黎講 係好有心既餐廳 小店預左價錢唔會太優惠但係用料實在又新鮮值得再黎…查看更多

由舊店食到新店，今日試了日式咖哩慢煮🐔扒配蘭王滑蛋（+$15）配熱Long black(跟餐半價）。滑蛋嫩滑，蛋味香濃，配咖哩白飯，在寒冷天氣的中午，簡直係窩心之選，吃後全身回暖擴充後地方大了，環境更舒服，飯後配杯long black，休閒的聖誕午餐。😋😋😋…查看更多

上星期五適逢朋友生日，選擇左呢間新開嘅日式居酒屋為朋友慶生。餐廳唔大，只有幾張檯，好在有預先訂位，因為我滿座。老闆知我哋為朋友慶祝生日都預先留左入面較舒適嘅位置👍因為朋友鐘意日式菜，所以想試吓，估唔到有驚喜！餐廳亦有好多款生啤選擇，最正係連沖繩Orion啤酒都有！不過如果有埋冰杯會更正😌我哋嗌左華味鳥手羽先，送酒一流！味道幾夠，炸得岩岩好👍我哋點左4人餐，起初驚唔夠食，點知好飽🫣漬物三食，正常中規中矩。主食揀左蟹肉蟹籽蟹膏拌飯，一見到已好驚喜，好足料！（呢間店所有蛋都係用蘭王）呢個好想再encore😍另一個主食揀左火炙牛肉拌飯，啲日式牛好嫩滑，燒得岩岩好！另外，老闆特別推介呢味自家制免治雞肉棒，沾上蘭王蛋汁，配上鮮嫩彈牙嘅雞肉，好好味🤤老闆果然冇介紹錯👍串燒燒得唔錯，火喉夠，送酒一流清酒煮蜆，啲蜆隻隻都好大隻，新鮮👍但個湯酒味略重。整體黎講，呢間小店全部都用高級日本食材，以呢個價格黎講CP值好高👍👍希望黎緊發掘多啲新菜式，下次一定會黎試日式早餐！Btw, 老闆如果在場會同客人傾計，好親民，氣氛好好👍…查看更多

$98 Allday breakfast 窩夫：淋同微微暖（可能驚人多做唔切？明明冇人落單都做定放喺度，至少有5分鐘以上）加上放喺沙律側邊，浸哂柚子醋，超酸好難食👎🏻吉列豬扒、薯餅：控油失敗，成個碟都係油。豬扒上碟都係微熱，粉漿殼勁硬，肉好實蕃茄、焗大菇：完全冇落鹽調味淡茂茂，煎唔夠時間，蕃茄芯係硬既、菇一壓就好多水滲出嚟--------------有同侍應反應左，隔左5分鐘左右得一句同左老細講唔好意思。開放式廚房所以其實廚師都肯定聽到但完全冇回應，感覺其實冇咩心做lor…查看更多