上星期，旧男同事DN约我今日（10-3-2025 Mon）食晏，咁我唔带饭啦，点知佢今朝突然话改听日，咁改啦。于是今日我要自己食街外嘢，食边间好呢？盔匠（https://www.openrice.com/zh/hongkong/r-%E7%9B%94%E5%8C%A0-%E6%B2%99%E7%94%B0-%E5%A4%9A%E5%9C%8B%E8%8F%9C-r807404)嘅烧饼？都系唔好喇，要买返公司食，呢间啦，其实想试好耐，奈何之前有同事话佢好油，有同事觉得唔好坐，所以一直都冇食过，咁趁今日自己食，就嚟呢间。我早啲嚟，嚟到时都冇乜人，店员叫我坐单边位同扫QR code落单，都有好多选择，最后我拣咗$69.00嘅盐酥鸡扒猪扒肉燥饭配餐饮，加$7.00转原味肉燥汤新竹米粉，饮热桂花薏米水。落完单，好快，食物就到嚟，睇见盐酥鸡扒猪扒份量好多，原味肉燥汤新竹米粉有半只溏心卤水蛋，原味肉燥同酸菜。先食新竹米粉，佢系正常幼身，口感腍咗少少，汤就唔知咩汤，我唔识形容，但唔会难食；原味肉燥同酸菜唔多，肉燥唔算好肥，但我竟然食到有骨；酸菜正常，但又系份量太少，唔系好解到腻；半只溏心卤水蛋够味嘅。3.25分睇睇盐酥双扒，右边应该系鸡扒，左边系猪扒，两只都炸到外脆内里juicy，但鸡扒食到似解唔够冻嘅雪藏𠮶阵膻味，系皮下脂肪太厚嘅缘故？ 4分猪扒都系松软juicy，都见到脂肪部份好似占咗一半，所以都觉得腻，而椒盐味都几够嘅，不过见到啲肉带粉红色，而睇咗其他食评，有人反映过，但店员话系正常，我谂，我讲嚟都冇用，就算真系生虫，都冇证据话系佢，自求多福。3.5分至于杯热桂花薏米水呢？味道淡又唔热，淡到根本唔知自己饮紧乜，但见到有好多腍薏米。0.3分我觉得嘢食嘅份量比例唔好，𩠌多米粉少，而且𩠌嘅份量，足够二人同食，最后我要俾$1.00用外卖盒拎走食唔晒嘅双扒。建议调节返份量同价钱，餐饮只系冷／热热桂花薏米水免费，其他，就连普通嘅奶茶，柠水都要加$3.00。抵食系2.6分题外话：我落完单，继续睇佢哋menu，至发觉原来有类似车仔面嘅模式，可以自己拣要饭，米粉等等，要咩𩠌菜，不过我今次第一次嚟，都系试咗经典台湾嘢食先。 …查看更多
