去完亚博睇演唱会，出返市区食个点心宵夜做晚餐，夜晚11点半基本餐厅都收得7788，好彩呢间一盅点心有开，比我医下肚😀烧卖王收货，虽然未到好大粒，但食落唔会好柴，亦无好油腻，闻到猪肉烧卖嘅香味。鹌鹑蛋烧卖比较干，可能因为比较大粒，需要确保中心都已全熟，普普通通。蛋散唔错，松化，唔会硬实，都有4旧，够分大家食。牛柏叶都几大旧，好热，条脷差d welldone，无偷工减料，入味。咸水角比较厚皮，肉都偏少，但因为肉少d嘅缘故，反而无咁油，可圈可点。棉花鸡d鸡都系比较鞋身，虫草花基本都似装饰，无咩特别提升到点心，鱼肚软淋。叉烧肠已经系叫做得好少少，肉眼见到皮入面就系叉烧，好似好薄皮，但其实另一面就比较厚皮，平均少少就更好，酱油都经过调味，味道唔系单一咸字，但份量不足，人地普遍足3条，呢度最多得2条。双皮奶最失望，无念住会好食，但唔suppose 水奶分离，似结左冰，再解冻嘅感觉，出晒水，表面仲有结过冰嘅痕迹，亦唔够甜……仲有个云耳蒸鸡饭唔记得影相，几大兜，鸡肉份量都多（少鞋），姐姐落左好几圈甜酱油，可接受范围之内。…查看更多
，还有微辣，十分美味；咖哩鱿鱼内鱿鱼十分大片，咖哩味浓厚；黑椒牛肚十分软滑。另外，服务态度十分友善。总括而言，点心美味。值得再光顾！
