一甜糖水

【西贡区】【一甜糖水】同美女朋友喺调景岭，佢话有间新开嘅糖水舖喺都会駅，有时间就去食吓。等我有时间就蚊都瞓喇，𠮶吓就去食啦。佢话开张初期好多人排队，正常香港人操作啦，新茅坑三日香吖嘛，𠮶段时间嘅排队，就并不反映真实食物质素呀，唔好被个假象 fake 到呀。佢叫咗个「一甜芒芒」里面 $36 嘅「芒芒芋圆白玉金露」，佢话好难食，我就觉得芒果味系淡啲，未算难食吧。反而我叫北海道3.6牛奶底系列 $35 嘅「冻莲子香芋西米」，我就觉得几难食，佢又话正常㖞，喂，个奶冻底完全冇奶香味㗎㖞，咁都得㗎咩。之后我叫多个中式养生系列 $39 嘅「馥绿开心果露」，呢碗就几香浓喇，绝对对得住个价钱，有坚果糊类嘅口感。最后见佢哋门口喺度力推鸡蛋仔，就食埋一甜駅鸡蛋仔系列 $20 底嘅「原味鸡蛋仔」，普普通通啦，又唔贵。埋单 $130，系碗开心果似样啲。。。（地址：调景岭景岭路8号都会駅232号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am西贡区 #调景岭 #一甜糖水 #芒芒芋圆白玉金露 #莲子香芋西米 #馥绿开心果露 #原味鸡蛋仔 #1am1867 #1ambackup…查看更多

唔好去买佢哋嘅朱古力雪糕鸡蛋仔 店前有show朱古力雪糕鸡蛋仔嘅模型show 俾人睇个食物系点样嘅，明明模型上面有两球雪糕同有朱古力粒，点知出到嚟得一球雪糕仲连朱古力粒都冇。咁我就问个商家点解得一球雪糕同无朱古力粒，点知佢反问返我系咪冇嚟过佢呢度买嘢？ 系咪搞笑？ 梗系第一次买先问你啦，同埋你而家系咪净系做熟客啫，问埋我啲咁嘅问题。同埋重点系你摆得出嚟俾人睇你个范例就应该要图文一样啦，如果唔系你就唔好摆出嚟。你呢啲叫欺骗消费者，我可以告你架。都算啦，当你真系得一球雪糕，咁我问你嘅时候你第一句系咪应该同我讲唔好意思先啊，而家系你图文不符㖞，仲要够胆死第一句就问我系咪冇嚟过呢度买嘢。呢个系我第一次喺呢度买嘢，都系最后一次。…查看更多

朋友新屋入伙，搬完屋见佢屋企就楼下有间糖水铺就试试佢✨铺头唔大但一半座位都系一家大细同后生仔女，睇嚟系街坊生意多，个个都熟口熟面咁同老板倾偈。🍑 桃胶蛋白杏仁茶 $38热辣辣上台，杏仁味香浓得嚟唔刺鼻，饮落顺滑冇渣。桃胶份量十足，煮到透明Q弹，仲有大大块雪白蛋白浮面。甜度调得啱啱好，暖笠笠饮完成个人都舒服晒，好适合最近转凉嘅天气！🥭 杨枝金露 $34传统糖水但做得有心机！芒果肉香甜唔酸，果肉都吾少，西柚肉粒粒爆汁，仲有超多西米同柚子丝。椰汁底浓稠度适中，唔会稀得像水，冻食清新解渴～🥚 双拼鸡蛋仔（海苔肉松＋黑糖麻糬）$35创新配搭！鸡蛋仔即叫即制，外层脆卜卜，咬开软熟有蛋香。一边洒满咸香海苔粉同丝丝肉松，咸甜交织好过瘾；另一边就藏住烟韧黑糖麻糬，拉丝效果十足，黑糖味浓郁唔死甜。一底有齐两种口味，满足晒贪心嘅我！见到隔离枱嘅公公婆婆食紧麻薯小丸子红豆沙超吸引，我朋友已经将呢间铺头bookmark左话要成日黎！…查看更多

麻糬香芋紫米✨口感丰富，紫米软滑，香芋粉糯，麻糬不像有些地方那般韧性难嚼，而是质地软滑，用勺子轻轻一碰就能分开。莲子香芋西米✨西米爽滑，莲子也煮得松化，没有苦味。榴梿白雪冰✨榴梿味道浓郁自然，与奶味十足的冰底搅拌均匀后，每一口都充满果香，喜欢榴梿的人会很满意。鲜杂果仙草✨凉粉配牛奶底则显得清爽，新鲜水果搭配嫩滑的凉粉和3.6牛奶底是解腻的好选择。一甜仙草✨料非常足，桃胶、莲子、红豆、芋圆和麻糬齐聚一碗。仙草本身带有淡淡的草本清香，各种配料的不同口感一次满足。原味鸡蛋仔✨外脆内软，蛋香朴实，没有多余的花巧。…查看更多

调景岭街市重开之后，揾食的确多好多选择。不过要食糖水，我会拣佢。小店经营，多款糖水，中式西式都有。讲真，调景岭应该得呢度有咁齐既糖水食。朱古力酱雪糕球鸡蛋仔一大球朱古力雪糕劲吸引，再加埋朱古力酱，朱古力味够突出。鸡蛋仔外脆内软，享受冷热滋味。芒芒白玉金露芒果、白玉，西米全部都好足料，入口香甜又清凉。姜汁桂花汤圆姜汁同桂花都系暖胃，汤圆咬开黑芝麻馅流出浓郁香气，桂花点缀添上花香。多芒紫米 3.6牛奶Q软紫米，芒果又多又甜，3.6牛奶口感浓郁。招牌桃胶蛋白杏仁茶蛋白滑，杏味浓郁，又有丰富桃胶，滋补又暖笠笠。姜汁撞奶好够姜味，辛辣香甜，暖胃，口感嫩滑。…查看更多