一期一會

呢间已经食过好多次，老板好有礼貌，好用心做寿司每次有客人光顾或者赞赏，都好由衷咁多谢客人虽然店铺细细，但系竟然都可以有咁好食既寿司系度！今次点左焦糖三文鱼腩手卷，听讲仲未系餐单上面收埋左系个新餐牌到收银姐姐都好醒目，亦都有礼貌，又会推下客人食焦糖脆脆果然有令到三文鱼腩提升左。第一啖食既时候，好似食紧甜品咁，三文鱼腩入口即融感觉好新奇，个味道亦都唔需要再沾酱油或者其他，已经多味食完一旧之后，再追加左焦榶帆立贝同加州手卷睇图都知好味喇，唔多讲推介，路经旺中必食…查看更多

有好多朋友都同我推介呢一间嘅手卷，所以就试咗呢一间喺旺中入边嘅日本小店一期一会，老板娘同老板都非常热情，咁同我介绍菜单，本来唔系手卷爱好者，但呢一个手卷却令我开始对手卷钟情。第一啖咬落去嘅紫菜系脆卜卜，之后就系脆脆地嘅黄瓜同埋焦糖三文鱼嘅焦糖甜味同三文鱼嘅咸味完美配合，焦糖味惊邪恶好浓郁，甜甜地但又唔会系死甜，同三文鱼简直系原味配合，三文鱼食落超级新鲜，三文鱼质素好嫩滑仲有上面嘅沙律汁嘅甜甜地，三文鱼仲要暖笠笠食完劲温暖好幸福，唔单止咁样，仲有第二层口感就系蟹籽，佢嘅蟹籽粒粒分明，每一旧都好有口感，佢嘅咸甜配合系超级正，食一啖已经好似飞咗上天咁好食，仲要佢啲料系多到成嚿手卷食到最尾都一定会有三文鱼，每一啖都满满的幸福，仲要佢个样生得好靓，设计同味道都好用心，只眼同个口都满足晒，净系咬咗一啖都已经感觉超级足料塞满晒个口，口感劲丰富，呢间嘢仲要劲隐世，喺网上好少人评价，但系真系超级好食，令我每一次嚟旺中第一时间就会嚟食！…查看更多

见到呢间小店评分几高所以顺路经过试下真系出乎意料地高质🫨叫咗秋刀鱼刺身，赤贝刺身，左口鱼手卷，鹅肝手卷，穴子寿司，炸海胆，焦糖炙烧三文鱼寿司全部都好高水准！必试佢哋嘅招牌鹅肝手卷💯完全估唔到旺中有呢个质素呢间隐世高质小店，其他人冇介绍错👍🏻秋刀鱼一定系秋天嘅主角😋新鲜肥美！配埋柚子醋啫哩加姜蓉💯价钱公道，直头想即刻食多条😂招牌鹅肝手卷，超级香👍🏻肥而不腻💯炸海胆同焦糖炙烧三文鱼寿司👍🏻两款都几特别，平时唔多地方见到穴子寿司加海胆👍🏻依间绝对系会推荐比朋友同埋自己再嚟食嘅餐厅！…查看更多

利申：熟客仔，都几常去食嘅一间小店。除左大路嘅三文鱼，虾，带子外，仲有拖罗，鹅肝等等，软壳蟹即叫即做，非常好食。最爱蟹子沙律，剑鱼刺身同埋甜到爆三文鱼！！推介比各位晚上系旺角一个人想食好野又唔介意企嘅朋友仔…查看更多

每年8月开始都会番黎食秋天先有既名物，秋刀鱼。已经连续食左4，5年，每次食都系新鲜既食材，加埋海胆，拖罗，三文鱼，油甘鱼每样每样都系肥美，甘甜又好食。秋刀鱼唔会有个种令人讨厌既苦味而系肥美既甜味搭配老板整既酸汁啫喱令到味道更加升华。海胆系唔会有明矾味只有鲜甜味道，如果黎货唔够新鲜老板系唔会要，所以之前有次都食唔到海胆。鹅肝每次都烧得恰到好处，d鹅油令人垂涎欲滴。食佢地既寿司刺身加埋老板自家制既海胆豉油真系物超所值。老板人nice又对食材有深切既了解，点整系好食，点搭配可以令食材互相辉影，令客人回味无穷。…查看更多