今次同朋友食去商场食日式烧肉放题，一般会食美国金标SRF，呢种中价位嘅餐，日本和牛都试过。不过今次拣左最平最少选择嘅澳洲安格斯牛板腱烧肉放题，优惠价$198，连加一只要$225，确实几抵。不过原来除左平，仲有其他好处：牛板腱位于肩胛内侧，肉质结实但有细致的肌纤维，食落落有咬口，唔会太软。而脂肪唔多但分布均匀，中间又有一条嫩筋，烧烤时既有肉香又唔会太油腻，食落juicy，口感有层次，唔会食几块就腻。烧肉以外，我地入座，仲附上一个猪骨汤底火锅，烧肉之前先食菜。火锅汤底清淡，胜在可以补充各种蔬菜，同试下薄切牛肉喺清淡汤底入面，点突出牛味同口感。除左金菇之外，食完嘅蔬菜都可以出去自助区补充，令营养更均衡。正式食烧肉，发现猪牛鸡都有，有原味、烧肉汁、塩盐、蒜香同辛味酱汁。牛肉方面更加除左牛板腱之外，仲有牛肩肉同薄切牛舌。- 牛板腱：结实但有嚼劲，脂肪唔多但分布均匀，嫩筋增添口感层次，适合原味、蒜香、辛味酱汁等 keep 肉味嘅酱汁，系稳定表现嘅热门选择。- 牛肩肉：通常较瘦但风味浓郁，口感会比板腱松少少，但同样容易煎到多种熟度，较易吸收酱汁嘅香气，所以我主要食原味。- 薄切牛舌：口感独特，薄片易入口，肉味浓但脂肪少，煎得适中就会有脆嫩感，今次无韧，适合喜欢牛味但不想太厚重嘅食客。而猪肉系黑豚腩肉，鸡肉系去骨鸡腿同鸡中翼，鸡翼平时食得太多所以今次无叫- 黑豚腩肉：脂肪含量丰富、油脂香气突出，所以我地烧耐啲，等佢有少少焦香。- 去骨鸡腿：较多汁，味道清淡，作为中和其他部位嘅选择，我地都叫左少少。牛油带子一份比较多，但比较细只，牛油香味搭救，而墨鱼仔比较中规中矩。酱料区非常丰富饮品甜品都好丰富，除左一般常见汽水之外，都有部分韩国罐装饮品。甜品蛋糕泡芙一应俱全，虽然雪糕牌子系任食火锅常见CoCoBerry ，不过雪条有明治两款口味，选择唔算超多，不过满足肉食以外其他需要，都算够。…查看更多
