葵广呢间上海菜小店，成日都经过，好多时都有一班食客，但一直都无谂过帮衬。是日去开葵芳，经过几间餐厅都无乜意欲，去到呢间门口，不如就试吓你啦。精美面餐（$66）六选一面食要咗炸酱面，三选一肉类要咗上海排骨，二选一小食要咗锅贴，送豆浆。炸酱面有一咋酱汁冬菇猪肉碎，调味还可以。上海面份量足，唔算好糊丁丁咬口。汤底接近清水无咩味。上海排骨有四件，即炸够热，颇厚身，无骨啖啖肉，肉质偏实，味道一般。锅贴（2只）系热炉拎出嚟，但唔太热，所以唔够香口，皮偏糊口，馅料满满的猪肉碎。豆浆，味道偏甜。推荐套餐（$67）担担云吞面，担担酱唔得，净系得花生酱味，仲要唔够浓郁。汤底同样清淡无味。四只云吞大只，饺皮正常，馅料满满的菜及猪肉碎。呢碗嘅上海面可能煮耐咗，所以口感糊咗啲。小笼包（4个），唔系平时食开𠮶款，皮薄，肉馅超多超满，但无肉汁，似食紧粒大版嘅干蒸烧卖。豆浆，味道偏甜。PS：今日食嘅锅贴、云吞、小笼包，馅料都系同一只味道嘅猪肉碎，估计生煎包、红油抄手应该都一样。老实讲，唔难食但绝对唔系好食。份量足，够哂饱肚，价钱公道，但味道一般，可惜应该没有下次。…查看更多
