マヌル屋

最近见到唔少人推介呢间牛头角鸡白汤拉面店《マヌル屋》，话系日本人主理，加上店入面贴满猫猫画🧡 即刻被吸引到，约咗朋友一齐嚟试！我哋平日黄昏7点到达，门口已经有2个人等紧，但翻枱速度好快，大约等咗10分钟就有位👏🏻 仲要赞下店员，见天气热，会主动奉上冻水，好贴心💦店内大约得十几个位，全是 bar 枱位，坐位格局高度还原日本拉面店风格～墙身贴满各款猫咪画作，好疗愈😻 望住猫猫食面，心情都好啲！🍜 拉面只有三款，分别为系玛瑙瑙面、黑蒜鸡白汤拉面以及辣味噌鸡白汤拉面。可选粗身有咬口嘅黄面或幼身弹牙嘅白面～😽玛瑙瑙面（$89）* 追加溏心蛋（$10）+ 紫菜（$10）｜配黄面汤底用鸡白汤打到起泡，入口清甜香滑，配黄面啱啱好。叉烧肥瘦适中，鸡胸肉嫩滑无柴味。加埋溏心蛋同紫菜，成碗面更丰富！🧄 黑蒜鸡白汤拉面（$89）* 追加溏心蛋 x2（$20）｜配白面黑蒜香气扑鼻，混合鸡汤后味道更浓郁但唔腻，白面弹牙够挂汤。💡P.S. 面量唔算多，建议加配料会更满足；半熟溏心蛋值得加，流心蛋黄超好味👍🏻…查看更多

之前朋友推介过这间拉面店，今日经过见唔使排队就决定试试。第一次来，点咗玛瑙瑙面同黑蒜鸡白汤拉面，仲加咗糖心蛋。面就有黄面同白面选择，咬口各有特色，所以我哋都试晒。落单后，厨师即场烧叉烧，香味扑鼻，令人食欲大增。拉面上枱时，d酱藏喺碗底，要捞匀先食。黑蒜鸡汤浓郁香滑，入口层次丰富，叉烧炭香十足，肉质软嫩，糖心蛋亦恰到好处。面条烟靭弹牙，配汤非常合拍。以价钱同质素而言，绝对超值，味道同体验都令人满意，必定会再访！…查看更多

今日第一次嚟试呢间拉面佢哋主打系食鸡白汤拉面一入间舖头就觉得好日式店入边嘅座位唔多12个座位全部对住吧枱入边有两位厨师喺度整嘢食有一位似系日本人嘅老板佢做事好认真好注重清洁两个人一齐合作煮完做其他准备功夫另一位就应该系本地人因为佢识讲广东话间店入边好多猫猫嘅装饰我谂老板系一个爱猫之人碗面一拎到埋嚟，觉得个画面好靓鸡白汤上面铺咗一层泡沫好似泡沫咖啡嘅感觉系老板煮面嘅时候再整到佢起泡泡既然佢出名系鸡白汤当然第一啖就系饮汤哗 好浓味 好好味 好出色佢有两种面可以拣 有黄色嘅面同白色嘅面我拣咗要白色嘅面啲𩠌亦都好好味，好够淋👍🏻食拉面当然要配返饺子啦饺子一客有六只个底煎得好脆两样都咁出色 呢一餐好满意舖头离牛头角地铁站大约5分钟路程真系好食到连汤都饮埋清晒碟，清晒碗👍🏻👍🏻👍🏻舖头嘅食物种类唔多下次再嚟试埋其他嘢…查看更多

今次专程嚟到观塘区一间专食鸡白汤拉面店，位置系近牛头角果边有少少隔涉，两点几去到，可能过咗岩岩lunch繁忙时间，所以等一阵好快就有位。第一次到访，冇特别谂就即刻拣咗佢嘅玛瑙瑙鸟白汤面，面条可拣黄面同白面，同店员查询，原来白面系比较顺滑爽口，黄面比较弹牙，比较多人拣黄面，于是就拣咗黄面，另外再加钱加埋溏水蛋。个面除咗慢煮鸡胸外，仲有鸡叉烧，店员会即场将汤打泡同埋烧叉烧。第一啖饮嘅汤系好浓鸡汤味，汤身质地唔算浓稠，但饮落系浓滑而不腻，黄面唔算挂汤，食落系有少少偏碱水嘅面，煮果时见系现成拆包装倒入去煮类似即食嘅面，感觉冇咩特别，反而鸡胸嫩滑，而且烧叉烧食落比较好香口。整体嚟讲，鸡肉同汤底系出色，如果再花功夫喺面条上应该会更加分下次会想试埋白面同埋其他汤底…查看更多

マヌル屋系香港牛头角一间日式拉面店。主打鸡白汤拉面，汤底浓郁绵滑，配嫩滑鸡胸、面条可选黄面/白面。マヌル「兔狲」，又名「玛瑙猫」，系一种西伯利亚既野生猫科动物，店名同招牌拉面都系用玛瑙猫命名，形象非常可爱特别，一定系吸引到老板啦 😆✨玛瑙瑙鸟白汤面 $89我地配左白面，偏幼身，口感软绵丝滑，比较挂汤佢地既拉面配料主要有慢煮鸡胸、鸡叉烧、荀、洋葱、京葱、青葱，加糖心蛋加$10就有啦~ 鸡白汤打到好绵密，泡泡口感好舒服，鸡汤鲜甜清爽唔油腻✨黑蒜鸡白汤拉面 $89黑蒜油版本价钱一样，配料相同，多左一层超香既黑蒜油系面头，闻落劲香，饮落唔会太浓太呛，同佢地既鸡白汤配搭得好#manuruya #拉面 #ramenhk #鸡白汤 #玛瑙玛面 #牛头角餐厅 #牛头角美食 #牛头角好去处…查看更多