コメダ珈琲店

這裏很適合拿着手提電腦然後叫個餐慢慢享受一個下午。今日同朋友帶了小朋友到附近玩，選擇了這間做我們的早餐☺️我們叫了芝士咖喱多士、雞蛋蕃茄薄餅、燒賣、炸雞薯角和芝士忌廉蛋糕🍰，每份都大大碟，真係要開心share🤭多士外脆內鬆軟，點上芝士咖喱很好吃！炸雞也很不錯，但薯角就略嫌遜色。而芝士忌廉蛋糕奶香味很重，芝士香濃，口感順滑，也很不錯！這裏有單人座位，亦有四人枱，亦有書籍區供大人小朋友閱讀，等待餐點的時候可以拿來攝時間。…查看更多

Komeda’s Coffee環境舒服，裝修有日系感覺，坐位寬敞，適合慢慢傾偈。不過食物方面真係一般，肉醬意粉味道普通，份量偏小，唔太足夠飽肚。沙律新鮮但份量都少，芝士蛋糕同咖啡都係標準水準，冇咩驚喜。最唔滿意係價錢，整體消費比想像中高，以呢個價位期望會有多啲選擇或份量，感覺唔多抵食。優點係環境好，如果只係坐低飲杯冰咖啡、歎冷氣就OK，但如果想搵飽肚又高性價比嘅地方，Komeda’s就未必係首選。適合朋友間想輕鬆坐吓，但食物及價錢未必能吸引我下次再光顧。…查看更多

黃埔Komeda’s Coffee食評：日式喫茶店的悠閒時光** 今日專程到訪黃埔的Komeda’s Coffee，這家來自名古屋的連鎖喫茶店，裝潢復古溫暖，木系桌椅搭配紅磚牆，瞬間有種置身日本昭和時代咖啡店的感覺。店內座位寬敞，適合朋友聚會或獨自工作，服務生態度親切，上菜速度合理，整體氛圍令人放鬆。 ### **食物細評** #### **追圳炸豬柳件 ($39)** 推薦度：★★★★☆ 豬柳外層酥脆，裹粉厚度適中，肉質紮實多汁，搭配微酸的日式豬排醬很開胃。附贈的高麗菜絲新鮮爽口，淋上芝麻醬更添風味。唯一小缺點是份量偏精緻，男生可能需加點其他主食。 #### **凍檸檬紅茶 ($20)** 推薦度：★★★☆☆ 茶味清新，甜度固定但不會過膩，可惜檸檬香氣稍淡，若能附上新鮮檸檬片會更完美。 #### **明太子意粉 ($65)** 推薦度：★★★★★ 驚喜之選！奶油醬汁濃郁但不厚重，明太子鹹鮮味突出，每條意粉都裹滿醬汁，加上紫菜絲提香，口感層次豐富。份量足夠，女生吃完會很飽足。 #### **凍豆乳咖啡 ($65)** 推薦度：★★★☆☆ 名古屋特色的豆乳咖啡，豆乳味溫和，與咖啡苦香平衡，喝起來順口。但個人偏好更濃郁的豆乳香，這杯略顯清淡，適合喜歡輕盈口感的人。 #### **忌廉芝士蛋糕 ($30)** 推薦度：★★★★★ 蛋糕質地綿密濕潤，芝士香氣濃郁但不會過膩，表層微酸的忌廉芝士霜完美平衡甜度，底層餅乾碎增添口感。搭配黑咖啡或紅茶絕對是下午茶的完美組合！ #### **紅酒燉牛肉 ($95)** 推薦度：★★★★☆ 牛肉燉煮得極為軟嫩，紅酒香氣深邃，醬汁濃郁帶微甜，搭配燉煮入味的胡蘿蔔和蘑菇，風味層次豐富。附上的麵包可沾醬汁食用，但若換成飯或馬鈴薯泥可能會更滿足。 ### **總結** Komeda’s Coffee的甜點和主菜同樣出色，忌廉芝士蛋糕絕對是芝士控必試，紅酒燉牛肉則適合喜歡濃郁風味的人。雖然價位不算便宜，但質素對得起價格，加上舒適的環境，值得偶爾來享受慢活時光…查看更多

我好鍾意叫佢個拿破崙意粉，久唔久都去食。今次碟意粉攞出嚟，我先發現原來一直都係食緊微波爐叮叮意粉，因為佢連個微波爐容器個型都仲喺度，你有冇見過啲意粉係一餅咁有四隻角啲汁都冇撈勻？！ 仲要一撥開就爆煙，完全就叮叮意粉咁嘅樣🥺 講真，依啲日式cafe都係食賣相，咁都keep唔到，可以直接叮完個意粉就攞俾客人…. 我其實真係好鍾意依間嘢，想佢做好啲，所以俾錢嘅時候同經理反映，佢答我話個汁轉咗(?????)，完全係雞同鴨講，依間餐廳個Management真係好有問題🤨…查看更多

今日去左黃埔食lunch,見到餐廳嘅外觀好似幾靚,所以就入左去食,但係除左甜品之外,其他食物都唔太滿意。我叫左個明太子意粉,一上檯已經留意到啲明太子無同啲意粉拌好,一pat pat咁,然後個味又麻麻地,有啲腥,未食過咁差嘅明太子意粉。唯一滿意嘅係綠茶tiramisu，幾好食,幾濃綠茶味，同埋個tiramisu好似幾新鮮咁。…查看更多

舊年聖誕節🎄，有移居海外嘅朋友返嚟香港探小編～ 由於朋友返嚟有超多人約，約無可約之下，最後約咗一早食名古屋早餐 🤣🌭 雞蛋沙律潛艇堡 😋😋😋😋😋巨大潛艇堡已切好兩半，中間塞滿晒雞蛋🥚沙律，多到幾乎望唔到麵包 😲 望落好簡單嘅食材，食落好滿足 😚蛋白同蛋黃味好足，內裡仲有沙律菜🥗，酸酸甜甜沙律醬份量撈得啱啱好，麵包食落濕潤，依然挺身而又軟熟 🤗☕️ KOMEDA咖啡 (大) 😋😋😋😋😋咖啡十分香濃，有咖啡豆深烘焙味道 😊 飲完順喉而唔會乾涸～早餐 💵💵 約港幣$90/人💁🏻‍♀️ 小編喺香港好少專程出門食早餐，不過朋友返嚟，食早餐約會就當然冇問題啦！😉 成日見到依間名古屋咖啡屋，依次有機會食佢哋嘅早餐，而又可以靜靜地同朋友喺入面傾偈，的確好開心 🥳🙆🏻‍♀️ 最後，喜歡嘅話，歡迎follow @foodirectory.hk！…查看更多

衛生情況欠佳。身為日本餐廳，一拉開櫈，成張紅色絨櫈充滿麵包碎，檯面都係。咖啡杯癡笠笠，明明我杯嘢冇糖架⋯⋯今日叫左下午茶Pizza包，日本果個好食，一開始Komeda係香港開時都好好食，點知質素係保持唔到。伴碟沙律好大份，沙律汁開胃好食。個份量冇少到。包極厚極大方，但厚得滯，唔脆，芝士比之前少咗好多，成個Pizza包咬落去太厚實呆板，個質素有啲似屋邨麵包屋。咖啡反而保持到水溝奶嘅水準。本來仲想叫冰與火，日本好好食，但諗起上次嚟果時已香港冰火都唔太好食，都係作罷。食完個Pizza，好慶幸自己冇一錯再錯。Overall有啲失望，短期都唔會再嚟。…查看更多

之前從未喺香港光顧過呢間咖啡店， 嚟之前睇過一啲負評，主要都係講服務態度同質素問題， 心裏面打左底， 最後決定試下係咪真係咁差劣。我係早上10點半後到達，當時冇人等位，我照襟左飛，只見有位服務員幫緊幾位排隊既客人埋單， 而另一位服務員就捧著餐行過，返嚟行過果陣就叫我等陣， 之後就call飛號，帶我入座。 成個過程我覺得ok， 都冇話被冷落，如果要挑剔既話，就係少左份熱情同笑容， 呢樣對一間老牌日式咖啡店嚟講的確係有啲格格不入。11點前只可以叫份三選一既早餐，我㨂左美式咖啡配烚蛋、多士搽草莓醬， 追加$10燒賣。烚蛋稍為過熟左少少但可以接受，多士味道不過不失，美式咖啡還好， 燒賣細細粒ok夠熱。食完已經過11點，我又點多個漢堡，味道唔差，份量足夠，食完可以唔駛食午餐埋單果陣等左一陣先有服務員過嚟，問題應該都係唔夠人手？ 呢樣真係要正視一下，服務質素好唔好係會影響客人仲選擇嚟唔嚟光顧，服務唔夠好，就算啲野幾好食，都會令人卻步！ 況且Komeda食物雖然夠大份，但係價錢唔夠平民化， 希望服務質素可以提升返，咁先可以取得平衡。…查看更多

情人節那天忽然想起這間的甜品，於是就專登千里迢迢去紅磡呢一間，疫情時及疫情後都時常幫襯。一直都覺得除咗樓面職員唔夠之外，食物質素非常好。一直有食開佢嘅拿破崙意粉同埋雞蛋三文治，仲有冰與火甜品，同咖啡，於是就點咗呢幾樣。點知等咗超過半個鐘先至有一碟意粉上枱，但其實我哋點咗兩碟相同嘅拿破崙意粉，只來一碟。個賣相真係嚇死人，好似食剩嘅意粉。我記得以前係用長方碟右邊有意粉，左邊就係沙律同麵包，而家係用一個圓形細甜品碟裝住一堆非常肉酸嘅意粉。感覺就好似加錢換購嘅一樣，㩒枱面鐘仔搵職員，成間餐廳有百幾個座位，但係眼見得兩個樓面，所以好耐都冇人理我哋。個職員話佢哋轉左Menu，而家個意粉係咁樣，減咗價只係60幾蚊，如果想要沙律就要加$20。個問題唔係我想要沙律，係一間日本西餐廳個意粉咁嘅賣相，真係茶餐廳都不如，衰過學校canteen。之後再嚟雞蛋潛艇同埋冰與火甜品，甜品唔記得俾個糖漿我，又係因為太少職員，職員太忙，所以忙中有錯。個職員回應左我之後要跑去收銀，收完幾位客人錢先有時間幫我去攞返個糖漿，個雪糕都溶晒咁滯。老實講所有食物質素都keep到水準，樓面職員都有禮貌，有耐性，呢個值得一讚。俾人投訴都有禮貌回應，只係可能管理層有問題。最終嘅原因會唔會係減人手？出餐咁慢，賣相又差，係咪因為嚴重唔夠人手？前線職員最慘。明明係一間好好嘅餐廳，而家又搞成咁，唔好怪人唔消費，我消費都俾返一定質素我。一個咁樣衰又冇料嘅茄汁意粉加杯黑咖啡加埋一已經成舊水，雖然價錢唔算真係好貴，但係都唔好搞到自己連canteen都不如。…查看更多

相信就快貼走一閒外資餐廳! 嘩，今日去食飯真係嬲爆😡！叫咗兩個意粉，竟然用茶杯碟上，真係當我哋係乞兒咩？！😩 收咁貴，份量又少，真係好侮辱人！😠 香港🇭🇰好多餐廳都好好，但呢間真係搞唔掂👎。以後都唔會再去！…查看更多

要服務，無服務，當晚現場客人真係唔算多，我地襟左飛，企左成3分幾鐘，門口果位先生先出現，帶住口罩，都覺佢臉燶。等左一陣，放底張QR order紙，就即刻彈開，想問下野都唔得，轉頭柸coffee到，放低包花生，即閃，連隻碟仔都無，碟意粉仲誇張，present到好似食剩咁既款（味道係ok)，之於甜品算合格，但無下次。總括黎講，有點買難受既感覺。…查看更多

住近黃埔，都已經交叉❌咗呢間餐廳好耐。嘢食冇特色都唔係致命傷，最差係啲服務! 茶餐廳都好過佢！Anyway, 因為約咗設計師大家要攤開啲圖嚟睇，所以唯有選擇呢間餐廳因為六人卡位枱面比較大。入到去又係貫徹冇笑容冇打招呼冇服務。其實連鎖店來自日本，為何冇基本 training?! 嘢食就越嚟越細碟，$68一碟意粉兒童餐咁嘅size伴碟都冇 + 鮮奶咖啡例牌開水咁。都冇辦法啦因為需要佢張枱面。講返佢個嚴重致命傷，服務態度💢 問攞熱水冇熱水！叫我哋自己埋去個櫃嗰度攞個熱水壺自己斟。但係個熱水壺裏面啲水係凍的！食完嘢叫佢收碟，收咗兩隻其他全部唔收，真心唔明！撳鐘叫佢唔嚟，行過問佢嘢唔想答你！全間餐廳得五份一嘅枱有客，亦都唔忙，就係唔招呼你！但係員工自己三五知己就企埋喺度傾偈。完‼️…查看更多

公司應該管理不善，還是香港現在就是這個模式，人手不足，明明入便有很多位但門外就擠了很多人在等一個人施施然做嘢安排座位。食物越來越難食，薯角凍嘅林既軟既都算仲要係無味既。檯面立痴痴，都唔知幾時有認真抹過檯。唔係女兒話想食都唔想入去，次次都無好過。…查看更多

這次到訪紅磡的客美多，餐廳環境依然舒適，食物的水準仍然高，但份量則中規中矩，比以往細小了一點。照燒玉子漢堡玉子漢堡既亮點係玉子，蛋係留心嘅，與麵包漢堡搭配後，提升咗層次感。漢堡肉質非常嫩及多汁，肉質唔嚡。麵包嘅外型很大，顯得餡料有啲少，但整體都好食拿破崙意粉第二次食拿破崙意粉，意粉依然出色，意粉嘅煙靭口感令人印象深刻，酸甜味都好突出，非常開胃炸雞點咗小食炸雞一份，炸雞外皮酥脆薄身，雞肉紮實鮮嫩，每一啖都感受到肉汁冰與火呢款甜品係由抹茶牛奶雪糕搭配丹麥麵包，甜中帶鹹，非常搭配。麵包鬆軟而雪糕口感絲滑，食落非常滿足。…查看更多

2024.9.16係好幾年前見到一份新聞提起日本某咖啡店既三文治逆照騙，就係コメダ咖啡店，之前係日本有食過大得驚人既豬排三文治，返到黎香港睇YT先知香港都有！見到評價比較好既黃埔店，所以今日自己比錢黎試！店內係用手機落單📱📲我就點左份蛋三文治配炸雞+飲品既套餐🥪+☕後加左份咖啡啫喱雪糕既甜品🍧☕☕飲品我係+6蚊既加大咖啡歐蕾。咖啡歐蕾既咖啡味偏薄，反而奶味偏重我幾鐘意哩個香味😊😊😊（其實歐蕾係咩黎😂？latte？味道係咪咁既？）🥪🥪三文治既雞蛋饀量較多，味道有少少芥辣味，口感好棉，有蛋香。唔肯定蛋黃醬有冇落，有既話都應該落得好少。🍞🍞麵包鬆軟，生菜蕃茄同青瓜都好新鮮，食落清甜爽口，配上コメダ既特制沙律汁，味道有少少似日本酸梅粉，加上蛋黃醬調教出黎既味道咁樣，食落好開胃😃🍧🍧後加左份咖啡啫喱雪糕，牛奶味雪糕好夠凍，好香奶味，下面個層咖啡啫喱有淡淡既咖啡甘香，苦味唔重，口感軟硬適中。最下個層係切件既香蕉，長度約3～4cm，我自己覺得切細少少會比較方便食用🤔我到步個陣啱啱下午4點，人流唔多，我照網上提及過既做法，係門口拎飛先，1分鐘左右，男店員就帶我入去單人坐位，位置係有分隔，而且係木制，全店枱櫈裝潢都係木制風格，我最鐘意啦😍😍而且枱上有插頭同USB頭提供，枱面乾淨整齊，坐位闊落，張櫈好舒服，就係コメダ最有特色既紅色絨布既櫈，真係坐係度可以做功課做文件真係幾好。👎👎缺點方面，就係幾乎肉類既食物都冇曬，出名既甜品都冇曬……明明先下午5點左右，店鋪開到晚上9點，晚巿入到黎幾乎要客人食素啦？！😱另外一樣野就係，明明下午茶既三文治套餐係比炸雞但變左薯角，起碼要同客人講聲，我用手機諗住落小食個陣先見到售罄……😨唉，仲諗住落份炸蝦小食試下……😢💸💸價錢方面，我就算係日本食都係比其他咖啡店較貴少少，三文治+飲品既套餐，飲品加大後共75蚊。咖啡啫喱雪糕就45蚊，哩一餐我消費左120蚊。的確貴既，而且有啲食物賣曬都係有啲失望😟係op睇又話服務態度差，我今日冇遇到😗反而我覺得店員態度有善🌝🌝上菜收野都有同客人講聲🌝🌝結帳個陣都有講多謝，仲提我拎齊野😃👍希望食材方面要好好預購多少少，特別係肉類食材，好想食炸蝦😭😭😭下次黎希望食得成啦😟😟😟P。S：忍唔住拎埋コメダか珈琲店既食玩 同粘土人黎影相😻😻😻😻…查看更多