帝樂 - 德國餐廳 (美麗華廣場)

美麗華商場自從增設了食四坊後，BeautySearch 每次來到附近，都會心郁郁，想前來這裡覓食，這夜也不例外。不過，今次不是來到4-6樓的食四坊，而是位於商埸3樓的《Prost by King Ludwig》，這店子的外牆實在太吸睛了，紅磚外牆加上巨型的窗戶，仿如城堡般神秘、吸引！ 店內的燈光略帶昏暗，室內設計以紅磚及木材為主調，加上獨特的烏絲吊燈，水喉通的裝飾，令店內注入工業風味。店內還有一個大大的酒吧櫃，同場還陳列了不少啤酒杯，充滿德國餐廳的氛圍。 而 BeautySearch 最愛餐廳的戶外部份，除了空間感十分外，最重要是這裡放置了一架野餐車，四周還擺放了餐桌，在這裡進餐，感覺猶如來到外國享受露天餐旅，十分寫意！享受寫意人生，先來品嚐一杯「Sapphire Punch」，這是一杯芒果 Punch，這款夏日特飲，為為夏日添上冰涼感覺，以芒果為主調，搭配上 Blue Syrup, Pineapple Juice, Lime Juice，質感略稠，味道很酸酸甜甜，很 fresh。杯邊加插了一片菠蘿，令特飲更添加夏日色彩！不知道德式風味的脆烤餅是甚麼!? 我們點選了一客「三文魚德式風味脆烤餅」來品嚐，上桌時給我最大的感覺是 - 『方形 PIZZA』！四四方方的烤餅，舖滿了煙三文魚，濃郁惹味並帶有點點鹹香，餅底烤得香脆，咬落脆卜卜的，搭配上芝士、煙肉、車厘茄等配料，口感豐富，非常滋味！德國菜中，香腸可算是數一數二受歡迎的美食之一，勝在款式味道夠多，而今次我們點選了「德國腸拼盤配酸椰菜及燒薯、薯仔沙律」 一次過品嚐多款不同風味。款式太多，其實 BeautySearch 不太懂得辨別，加上，友人很體貼地把所有腸仔切片，方便進食，那就更難辨別喔！不過，當中有幾款我的印象較深。好像放在最左邊，腸身較粗，表面以交叉式切開的是「德國 "金裝" 牛肉豬肉腸」，不吃牛的 Foodie 要注意喔！但 BeautySearch 卻甚為喜歡，加入牛肉的香腸，肉味更濃、更香，份外滋味。腸身偏淺色帶點燶燶的是「紐倫堡馬祖林粗豬肉腸」，油香豐富，味道濃郁，腸衣亦帶煙韌，口感不錯。還有外形像波波的肉腸，內藏了芝士，當然也是 BeautySearch 的心頭好！餐廳還提供了兩款醬汁， BeautySearch 怕辣，所以只蘸了點點蜜糖芥末醬來嚐嚐，微甜，也不錯喔！壓軸出場的，當然是德國有名的豬手「脆皮燒豬肘配酸椰菜及薯仔」。店員先把原隻脆皮燒豬肘揣上桌，讓食客相機先食。接著，店員便會在旁展示他的刀功，店員非常熟練，手起刀落，三兩下就把豬手切好，再上桌。外層燒得非常香脆，入口咬開時，脆卜卜的發出清脆的響聲；肉身呈粉紅色的，感覺非常嫩，入口肉汁豐富。味道剛剛好，不會太鹹。如果嫌豬手油份重，還有大量酸椰菜伴碟，可以中和一下喔！甜品時間，是久違了的「火焰雪山配鮮果」，店員把雪山揣上桌後，隨即用火槍燃點火焰，火勢不算猛烈，卻持續近數十秒。雪山外層口感與味道都與半熔的綿花糖非常相似，帶點點酒味，內裡是果仁雪糕，外暖內冷，口感層次非常豐富，搭配上新鮮什果伴碟，太美滿了！…查看更多

有時真喺好奇，有啲地方菜式平日好少食，唔喺唔鐘意，只喺朋友少揀，就好似德國菜，其實過往幾年都無乜點接觸，繼年初嘅生日飯及三月初嘅好友聚，點知今年一而再，再而三，幾個月內就食咗第三次德國菜。地點就喺美麗華商場新開嘅Prost by King Ludwig，多得好友安排，再嚐德菜。晌商場轉兩轉就搵到餐廳，門面以紅磚配黑色木框，趟開嘅木窗，甚有歐陸風情。入到店內，更有氣氛，啤酒屋常見嘅大型木枱，天花黑色工業鐵通，昏黃帶有油燈感嘅吊燈，好有一種德國嘅工業風感覺。坐在其中，甚有悠然自得之感！而入門口就見到一個開放式廚房，部份菜式就喺晌度製作。再直行，有通道走出露天花園，未出去之前，酒吧區就設晌室內用餐區及露天花園之間，而且，裝修得美輪美奐，單單嚟飲番杯都唔錯。至於講到個露天花園，真喺別有洞天，地方好大之餘，更有架大型快餐車，就算唔喺真喺有嘢食賣，都已經喺一種養眼賣點。據店員介紹，架快餐車遲啲真喺會提供服務，主要喺應付露天花園食客嘅需要。無論室內、室外都咁好氣氛，好啱一大班老死嚟食飯。既然喺德國餐菜，豬手、香腸就唔使講喺店中主打，此外，菜式仲有惹味佐酒小食、什錦輕食、沙律、頭盤、麵包、德式風味脆烤餅、傳統德式麵條、德式意粉、湯、特色主菜、德國手工薯餅、烤扒，以及多款配菜，睇見都流晒口水。講到德國菜，又點可以唔介紹埋啤酒，飲品餐牌中，除多款德國啤酒外，仲有非常多選擇，雞尾酒、香檳、紅白餐酒、烈酒、啡酒、汽水……等等。Sapphire Punch $65可惜，酒就唔多啱我，不過，非酒精嘅雞尾酒小弟就幾喜歡。店中最近新推出嘅夏日雞尾酒，就有一款喺非酒精類。以菠蘿汁、青檸汁、芒果汁打成嘅賓治，入口以芒果味為主，細嚐慢慢就會有菠蘿嘅清香，味道酸酸甜甜，讓人感覺好醒胃，質感有少少以奶昔，準備踢走炎夏。Berry the lover $50純粹睇個名就知喺乜，以幾款野莓製作，兩位老友都鍾情乜莓物莓，佢哋話個味道都唔錯，莓味天然唔會好假，酸香清新。Banana Split $50依個可以講喺介乎沙冰與奶昔之間嘅特飲，入口冰涼透心，香蕉味好濃郁，不過，此外就似乎再唔覺加入咗乜嘢。脆皮燒豬肘配酸椰菜及薯仔 $225咁大隻鹹豬手以依個價錢，喺抵食價。豬手送上枱，晌燈光光照下，份外金黃，店員好醒目，俾我哋影完張「全相」，再幫我哋切為細件，期間更講解佢哋豬手嘅製法。豬手嘅外皮蠻脆口，食落又唔覺肥膩，肉下脂肪猶如食下骨膠原，肉質又幾軟腍，配蜜糖芥末或單單英式芥末都唔錯，稍嫌唔知點解層皮食落雖然脆，卻有種韌嘅感覺。此外，酸椰菜及薯仔都好好食，尤其前者，可以幫助消滯，後者就絕對令大家更飽肚。不得不提，餐牌話喺1-2位用，外國人嘅話都可能喺，但我就覺得夠4-5人用，食落無咁滯，除非你真喺打算只食一客豬手，加杯冰凍啤酒。德式風味脆烤餅配黑森林風腿 $125 + $40方形嘅脆烤餅有啲似意式薄餅，餅底配以酸忌廉、洋蔥及煙肉，亦可加蕃茄醬，既然想食得德式風味啲，就唔好加蕃茄醬。另外有5款配料供選擇（$30-$60），我哋依個就加上黑森林風腿，嚟到似喺巴馬火腿，入口油潤甘香，而脆烤餅口感有啲薄批與厚批之間，外層有啲脆口，食落又有啲麵包嘅感覺，由於混入酸忌廉、洋蔥，所以，味道較輕盈。烤德國雞配新奧爾良焗飯 $195以原隻煎盆，半隻烤雞配焗飯上枱，再伴有珍珠筍、秋葵、檸檬及焗蒜，非常有睇頭，個新奧爾良焗飯好好食，帶有少少燴飯嘅效果，唔會太濕，又唔會過乾，微辣惹味；至於件烤雞，睇佢焗到咁焦香已經好期待，簡單一句皮脆肉嫩都絕對無講錯，當然，啲雞肉未至好細滑，但做得算好出色，唔喺又乾又嚡嗰種。Prost by King Ludwig所賣嘅菜式絕對稱得上外國人份量，咪睇佢成日話1-2人，查實3-4人都夠，份量大堆頭，味道又唔錯，夠氣氛，招呼到位，一大棚老友嚟就實開心，就算三幾個，一樣可以食得悠然自得。…查看更多

美麗華商場經過一輪翻新之後，多了一些新開的食肆，今天跟一大班朋友經過，發現這間德國菜在此開了分店，地方又大，便決定在這裏來個啤酒豬手之夜。新店的名字Prost by King Ludwig和舊店有點不一樣，但其實都是同一個集團的。入面裝修頗為新穎，帶少許工業風，有開放式的廚房以及吧枱，設有大型屏幕可以觀賞球賽，另外還有一個夾band的地方，每逢星期四至六更有現場樂隊表演。除了室內座外，還有室外座，店內設有大型露天花園，足以容納180人，無論室內室外都很有情調。室外還設有Food Truck，將來會為室外客人提供食物，令我想起電影中的美食之旅。Sapphire Punch $65Summer的限定飲品，見外表幾吸引，又不想喝酒精飲料，所以叫番杯試吓，飲落似飲緊沙冰，有菠蘿、芒果同檸檬既味道，味道有點甜。匈牙利牛尾湯 $80光看色澤已經知道很濃郁，內有牛尾、洋蔥、紅椒、蘿蔔及薯粒等等，入口帶陣陣牛味，一面喝一面吃到一粒粒的牛尾，牛尾腍身容易吃，湯帶微辣及微酸，喝後令人很醒胃。煙三文魚德式風味脆烤餅 $175是一個薄批，餅底鬆脆香口，上面配有煙三文魚、煙肉、洋蔥及各種配料，煙三文魚的份量很多，每人淺嚐2片已經很滋味。巴伐利亞煙肉及芝士碟 $175好大盤，確實的芝士名稱不太懂，左手邊有三種芝士，最左的是瑞士芝士，切下去呈半熔狀態，配搭着合桃，芝士味濃郁，而最前方的是徳國芝士，味道是三者之中最清淡的，可輕易切開一粒粒，而最後的都是瑞士芝士，熔熔的狀態，用它來點麵包最適合不過，因為味道最濃。芝士旁邊的是牛肉腸，入口煙煙韌韌的。德國豬手卷的感覺很像午餐肉，但入口帶豬手的鹹香。而旁邊Hams的鹹味亦頗濃。最後放在杯子內的是豬肉腸，比較硬身，很有嚼勁。這是用來配搭芝士的農夫包烤徳國雞配新奧爾良焗飯 $195德國烤雞很嫩滑，而且很多肉，入口雞肉還是軟綿綿的，焗飯的味道很突出，不過味道頗為濃郁，感覺有點鹹，不太適合我，但飯粒硬度適中。徳國腸拼盤配酸椰菜及燒薯、薯仔沙律 $280因為人多的關係，我們選擇了德國腸拼盤，每樣都試吓。拼盤內有五種來自德國的腸: 法蘭克福珍寶腸、巴伐利亞白香腸、德國幼牛肉腸、紐倫堡馬祖林粗豬肉腸及慕尼黑幼牛仔肉豬肉腸。左手面的是法蘭克福珍寶腸，入面帶有芝士香，而且珍寶腸的皮帶點煙韌。最頂白色的是紐倫堡馬祖林粗豬肉腸，帶有豬肉及香草味。最右手面的白色腸是巴伐利亞白香腸，味道不算很突出，不過腸肉很嫩，是豬肉腸。尾二的那條是德國幼牛肉腸，外型有點像平時吃的廚師腸，不過肉味較濃郁。最底的那條是慕尼黑幼牛肉豬肉腸，外層都是很脆，腸內肉汁豐富。旁邊還有酸椰菜及燒薯、薯仔沙律，薯仔沙律煮得夠腍身。脆皮燒豬肘配酸椰菜及薯仔 $225好大碟既豬手，本身冇特別鐘意豬手既我都被吸引住。店員會在旁邊表演切豬手，切的時候聽到豬手皮分離的爽脆聲音，店員很輕易便切完豬手，用叉叉起豬手，層次分明。食後更加難以忘記佢既味道。豬手既三層:皮，脂肪同埋肉一樣咁出色。先講皮，脆而不硬，一般豬手最難控制既就係皮，好容易因為過左火喉而變得硬，但呢度嘅豬手皮好脆，詢問之下原來用啤酒醃過，怪不得如此出色。脂肪本身自己最唔鐘意食，但係呢個豬手既脂肪位係令我入口覺得好舒服，冇肥既感覺，好重骨膠原！最後係豬手肉，肉煮得夠淋，肉嫩，味道不會太鹹。旁邊有黃芥末同埋蜜糖芥茉可以揀，個人喜歡蜜糖芥茉，令豬手更香口更惹味。旁邊還有酸椰菜及薯仔以中和豬手的肥膩，酸椰菜酸度適中。火焰雪山配鮮果 $105好靚又好巨型，上枱之後店員會為雪山點火，點火後雪山在燃燒，吸引了不少人圍觀，火焰熄滅後從中間切開，可見入面分開一層層，有士多啤梨雪糕、雲呢拿雪糕同朱古力蛋糕，配上生果非常美味。…查看更多

說起德國菜，相信所有人都會說得出德國腸、鹹豬手及啤酒。但若然問起香港的德國菜餐廳，似乎十居其九都是講不出聲來。這夜來到美麗華，吃的正正是德國菜。到訪的餐廳名字與尖東站附近的King Ludwig相似，相信是同一集團的呢！大概是平日關係，雖然位於商場，但仍有一份用餐的寧靜。格調的裝潢還有一些音樂設備，難不成偶然會有Live Band的表演？若然不想困於室內，不怕熱的話其實也可以選擇室外雅座，而且還可看到一架野餐車呢！匈牙利牛尾湯 $80傳統的匈牙利Goulash一般是用牛肉、洋葱和蔬菜煮成。這裡換成煮得腍熟的牛尾之後，湯頭盡是香料的微辛及濃厚肉香，不錯喝！烤德國雞配新奧爾良焗飯 $195曾經在King Ludwig所屬集團的另一家餐廳吃過他們的新奧爾良焗飯，這次再有機會品嚐，入口仍是那股醒胃的香辛及帶嚼勁的飯粒。至於焗飯所配搭的烤德國雞挺香口，雞肉夠厚卻不失嫩滑。吃起來啖啖肉的口感，食肉獸不能錯過。德國腸拼盤配酸椰菜及燒薯、薯仔沙律 $280吃德國菜，德國腸固然是重點環節。雖然問過店員各款腸的名字，奈何金魚上身，記憶中只有最上的紐倫堡腸及最下方的金裝牛肉豬肉腸……紐倫堡腸算是在下最喜歡的香腸之一，喜歡它是因為那小巧的外型，短得來又夠香口，兩三啖便一條，很容易會吃到上癮。說回這裡的紐倫堡腸肉味香濃，入口沒有很多脂肪而衍生的油膩感，蘸著芥末醬同吃，腸味更突出。若然覺得吃腸始終很油，可以試試伴碟的酸椰菜，有助降低油膩感。酸得來帶點爽口，追吃度其實也挺高？賣相與司華力腸相像的金裝牛肉豬肉腸，想不到平平無奇、內裡卻包含了雙重的肉味。輕輕一咬香脆爽口的腸衣，感受到肉汁的流溢，美味！軟嫩多汁的金裝腸，在香濃的豬肉味下滲出絲絲的牛香，肉味的交織令人回味！至於忘了名字的那三款腸，比較喜歡較粗身那款的結實口感與鹹香！(對，重口味就是我)香腸拼盤的賣點豈止香腸，薯仔沙律倒是給人驚喜。切成細細粒容易入口，軟稔的薯肉吸收了調味後滋味十足！脆皮燒豬肘配酸椰菜及薯仔 $225吃完德國腸，怎少得燒豬肘？外皮燒得金黃的燒豬肘，比想像之中來得大隻了點。先搣了點外皮來吃，入口香脆之餘，連著外皮的脂肪更是入口即化！至於豬肘肉味香肉腍，大大舊啖啖肉吃得份外滿足。Non Alcoholic Sapphire Punch $65這夜我們並沒有試德國第三寶，反而喝起沙冰來？這杯以芒果作主打，混比青檸及菠蘿汁，入口盡是熱帶風味~Alcoholic Emerald Cooler $75在我喝沒酒精的飲品時，我家那位卻嚐起酒來！這杯有Rum、青檸、蜜瓜、青蘋果及青瓜的飲品，多款青色蔬果合起來的味道只是普通。德國菜，最適合三五知己一起喝喝啤酒，大大口的吃著腸、吃著豬手。這夜雖然因為是平日而不沾酒，但那恬靜的環境裡，吃著味道豐膄的美餚，實在教人很舒服。…查看更多

上星期去了美麗華商場行逛, 發現這裡經過裝修後, 增加了不少新的食店, 好多間我也未食過, 決定來這間選擇一間試一試先.友人見到這裡有德國菜食, 相對較為小食, 決定去位於三樓的Prost by King Ludwig食晚飯.店內環境相對較為昏暗.而每逄星期四至六仲可以欣賞到Live表演.坐低後, 我先點了一個飲品.由於我唔飲酒, 所以揀了一杯Mocktail, 叫Sapphire Punch, 當中有blue syrup, pineapple juice, lime juice and mango.上枱時已覺得這杯飲品好靚, 而且同相中一模一樣.入口甜甜酸酸, 幾醒胃, 好適合依加的天氣飲, 感覺透心涼.食物陸續上枱.先來一客湯, 我選了薯仔忌廉湯配慢煮德國豬肉.個湯加入忌廉, 所以夠滑身, 入口時帶有香濃的薯仔, 特別之處是湯裡加入了慢煮的德國豬肉.豬肉夠腍身, 有帶點咸香味, 幾好味.接着點了蒜片蝦德式風味脆烤餅.薄餅就食得多, 這種整法的脆烤餅, 我還是首次食, 而且佢地旗下集團, 只在這間店先有得食這個菜式.上枱時已香味撲鼻.烤餅夠薄而且脆身.烤餅上的蒜片蝦肉質幾爽口彈牙, 配上帶脆的烤餅, 兩者幾夾, 又好味.現場Live表演開始, 令氣氛提升, 這是不錯, 不過就略為大聲咗一點, 這樣就較難傾計.食德國菜, 怎能少得我最愛的德國豬手呢.點了脆皮燒豬肘配酸椰菜及薯仔.豬手都好大隻, 足夠三四個人食.食豬手, 當然第一時間是食番豬皮.塊皮相常脆口, 感覺好似食薯片一樣, 令人食不停口.而豬手肉也夠腍身, 完全不會覺得乾身和硬, 味道調教也適中.配菜不少得酸菜和薯仔, 我自己鍾意食薯仔多一點.最後, 甜品點了珍寶黑森林蛋糕.個蛋糕真係好大份,足足有半磅, 若有朋友生日, 來這裡點這個就好啱.一層一層的朱古力蛋糕和忌廉, 配合得宜, 我自己最鍾意中間的朱古力慕絲, 甜度適中, 朱古力夠香滑.…查看更多

好久沒約朋友相聚了，其中一個朋加在尖沙咀工作，她說美麗華最近新開了不少餐廳所以早前就去美麗華那試一試新的餐廳，最後決定去Prost by King Ludwig因為之前和男友去過赤柱 King Ludwig 的分店，食品質素很不錯的然後發現室外停了—輛 Food truck，八卦的我們問了一下店員原來是Food truck將會變成一個迷你廚房，直接為室外客人服務Sapphire Punch HK$65一坐下直接先點飲料，點了杯沒有酒精的入口有濃濃的Pineapple味道，不錯Brown Beer and Seafood Soup海鮮德國啤酒湯 HK$90啤酒湯內有不少海包括藍青口、三文魚及大蝦聞下去有濃濃的酒香，但很喝上口卻沒有，只有麥味可是個人卻覺得有一點點咸Dennete - Black Forest Ham黑森林風腿德式風味脆烤餅 HK$165配料不算多，餅身薄身香脆，配上Ham的咸香，很好吃又不膩Fish Platter - Smoked Salmon, Matjes Herring, "Nordsee Shrimp" and Pencil Asparagus煙燻三文魚希靈魚拼盤 HK$180一上桌還以為那麼快就上甜品了，主菜都還沒吃完原來不是，中間很像蛋糕的原來是紅菜頭+雞蛋做成的清新又健康，所以我吃了不少(因為我都沒吃魚XDD)Crispy roast German Pork Knuckle with Sauerkraut and Potatoes脆皮燒豬肘配酸椰菜及薯仔 HK$225吃德國菜，當然不能缺少豬手了豬手會先給客人相機食先XDD，才由店員即場切開入口皮脆肉嫩，配上黃芥末或蜜糖芥末醬也很好吃配菜中的薯仔和酸菜味道也很好另外還叫了兩個甜品大家一起Share食Fresh baked Brownie with Vanilla Ice Cream鮮焗特濃朱古力配呍喱拿雪糕 HK$95Brownie口感較實而且有不少果仁"Marillen" – Apple Strudel with Vanilla Sauce德式焗蘋果卷伴呍喱拿醬 HK$95酥皮很脆，內有大量的蘋果所以清甜不膩…查看更多