深井咖喱寶

深井唯一嘅咖哩店，佢唔係開喺大馬路嗰堆餐廳旁，係開喺內街，唔行去真係唔知原來有開鋪😂疫情期間，少左人出外食野，今日我地都成9點先入座，所以餐廳得我地一台客。我地打開餐牌，餐牌入面都有少少圖，唔洗估估下d野食係點嘅樣，好細心！我地三個人唔想諗叫咩，直接叫左個4人餐，由於我地係唔食羊，所以餐廳都好好，比我地轉做咖哩魚！首先黎一個餐前小食-香炸鮮什菜雜菜咖哩角，超大舊，食完都飽左一半！香燒春雞，總共有4舊放喺鐵板上，d肉燒完紅紅地，香得黎又入味，配薄餅或是就咁食都好食咖哩魚，唔會太辣，唔好辣嘅朋友都可以叫印式芝士菠菜，味道有d太鹹牛油雞印度皇飯，一粒一粒嘅米配上獨特香料，完全唔油膩蒜茸烤餅Mango Lassi, 印度餐廳必飲！整體份量適中，我地3個人真係食到超飽，仲打包左d反屋企添😂 所以來深井，唔一定食燒鵝，都可以試下呢間咖哩，完全係獨特喺印度菜，唔係周圍都食到！深井咖喱寶 地址📍: 深井深井村69號地下 .............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️ 抵食💰: ⭐️⭐️⭐️⭐️⭐️…查看更多

在寫這篇食評之前, 我想講講一下感受... 這間餐廳已經在深井開了十多年, 在該區都有地位, 十多年前我時常與爸爸一起到這兒食咖喱, 爸爸算是和老闆相熟, 而且有生意上來往。 這兒的食物尚算不錯, 總比尖沙咀重慶大廈內某些餐廳所賣的印度餐水準略高, 可見一斑 ~ 自從我爸爸在數年前回歸主懷後, 我再沒有回來, 怕 ... 怕觸景傷情 ~ 不知道為何 ... 今天在office做完手頭上的工作後, 忽然回想起與老爸的那些年那些境況, 便立心與太太一起回到深井去吃一次晚餐 ... 在駕車起程前, 我當然要上Openrice 瀏覽一下, 看看餐廳是否存在 ... 世事變幻莫測 ~昔日坐無虛席的場面, 何以今天這麼冷清, 我內心頓時唏噓, 心裏暗暗在想 ... 老爸昔日的朋友是否還健在呢 ~  越想越 ...  太太提示我不要觸景傷情, 那不如點餐吧!Masala Papadam $21: 胡椒餅烤得乾身脆口, 口感鬆化卻又不會"油笠笠", 面頭蓋上新鮮香草、蕃茄蓉、洋蔥碎、香料,  香料的保存亦做得很好, 因為沒有妥善保存香料, 味道是會流失的! 這種餅是一道在印度非常簡便的街頭餅食~   在香港並非所有印度餐館都能吃得到, 因為坊間賣的都是 Papadam而非這款 Masala Papadam~ 確實是好吃, 跟我在印度街頭所吃的沒有太大分別 (我曾被公司派往印度工作有 4年之久)Chicken Tikka $78 ... 雞件醃製得相當入味, 香料的配搭比例非常好, 可見廚師的功力夠強, 烤製的時間掌握得適中, 香料與燒烤的氣息致味蕾應接不暇, 雞肉熟而不嚡, 帶有肉汁, 亦帶焦香, 口感層次豐富 ~Mango Lassi $36 ... 天氣雖然到了深秋, 但是氣溫仍然高熱, 再加上吃過燒烤, 乳酸能有助消化, 醒胃又提神 ~Butter Chicken $79 ... 醬汁的稀杰度適中, 香料配搭得宜, 味道溫和至微辣, 蕃茄味道濃郁, 醬汁煮得相當出色, 口感細緻柔滑, 餘韻悠長, 雞件略帶炭烤氣味, 結合得相當美好 ~Kashmere Mutton $98 ... 中文名叫什果羊肉, 請恕小弟孤陋寡聞, 從未嚐過這道菜(有點fusion), 不過活到老‧學到老‧食到老, 食物的煮法有所改進亦未嘗不好 ... 醬汁溫和亦因為有罐頭什果的緣故而帶甜味, 味道平易近人, 香料味濃卻又未至於霸道, 羊肉煮得軟腍不散, 肉味濃而不臊 ~  今次我又學到新煮法, 下次要在家中煮給孩子們嚐嚐。 Gulab Jamun $32 ... 最後加上這道太太最愛的甜品來完結這餐晚飯, 暖暖的、甜滋滋的... 樹欲靜而風不止, 子欲養而親不待 ... 此時此刻, 如果爸爸都在, 真好! P.S.  這並非試食活動, 而是真金白銀自費去食的, 望君莫誤會!  …查看更多

通常一講深井,腦海浮現的就係燒鵝無錯深井燒鵝真係深入民心.但原來深井不僅只有燒鵝,原來咖哩都好出名架嘻嘻...小懶貓最近就是迷上了印度餐繼西環Clay Oven,早前更踏足深井的正店來一頓印度餐 XD深井咖哩寶 Indian Hot Pot Curry Restaurant深井咖哩寶的裝潢富印度色彩,燈光柔和,蠻有情調的而且可以選擇露天,情侶想靜靜的來撐下枱腳,地方格調就一流深井咖哩寶設有set dinner 由2人至12人餐都有而且價錢相宜,大伙兒來叫個12人餐,每人都只需約$96 就可以gather下吹下水不過set dinner 的質量會否差D呢???小懶貓就試下叫個2人$248 set dinner,另外點了印度皇飯,可樂和mango lassi 看看質素如果 XDMango Lassi 首先上枱,色澤黃黃澄澄的,真係好芒果極其足料唔知既真的以為是落左色素 XD啖落香濃幼滑,芒果跟乳酪完美融合~推介!!正店不愧是正店,呢杯Mango Lassi前所未有咁好飲接著店員有禮的送上免費餐前小食通常都是送胡椒餅,但這塊Masala Papadam胡椒餅卻有驚喜咬落鬆化香脆,配上的蕃茄,洋蔥,香莞等香料,餐前先來舌尖上的微刺激,惹味香口將胃口打開當雜菜咖哩角 Veg. Samosa上枱看到吸油紙上的油漬...嗯...心想....會否油淋淋架?????!!!!即時有些想打退堂鼓讓貓佬吃掉 XD不過本住咩都試既精神,就試一下雖然吸油紙上都是油,可是咖哩角外皮出奇的沒有太油膩感覺串燒雞柳 Chicken Tikka用熱騰騰的鐵板端上,看到也食指大動食前落一點檸檬汁帶出肉香串燒雞柳不知怎的特別香,就好像是炭香味一問之下,原來是傳統印度烤爐炮製而成的,難怪與別不同啦~通常叫親咖哩都不外乎雞,牛,羊肉其實咖哩都有蔬菜類架~薯仔椰菜花 Aloo Gobi Masala乾咖 喱伴椰菜花及薯仔醒胃又健康,是一眾咖喱中的一道清泉印式燴羊肉 Lamb Rogan Josh是克什米爾美食煮調採用"燉"的方式,燉出濃郁肉汁,再搭配香料和克什米爾辣椒唔好以為辣椒一定係椒,克什米爾辣椒是完全唔辣的只取其鮮艷顏色和香味.羊肉腍嫩而不鬆散,沒有羊膻味,令人齒頰留香印式燴羊肉配薑蔥烤餅就簡直係一絕,滋味絕妙!印度皇飯係用蕃紅花,黃薑,孜然,多種香料煮成飯面配有提子乾和椰絲,飯粒粒粒分明,形狀較長身飯香撲鼻,食落較乾身,唔會油笠笠~最後小懶貓因為十分好奇,究竟傳統印度烤爐是怎麼模樣的?可以烤出與別不同的串燒雞柳......小懶貓就膽粗粗的問店員,可否看看烤爐的真身...怎料店員一口答應了,還立即帶我們去睇!這也反映了深井咖哩寶的廚房好乾淨,隨時都可以俾人睇 XD不出所料,真的好整潔,衛生度滿分!!!傳統印度烤爐用泥土做成的甕爐,放進木炭燃燒來燒烤食物不過跟小懶貓想像的有點不同,外表用不锈鋼粉飾得較modern,但這樣看上來就更加的井井有條喔真係勁開心可以有機會見識到傳統烤爐呢 ^0^ …查看更多