Espresso Alchemy (美麗華廣場1期)

放假出尖沙咀行街前，食返個靚早餐。呢間餐廳係美麗華b1層食完岩岩好可以行上去行街早餐時間係9點至11點半估唔到朝早呢度係咁寧靜咁舒服餐廳個設計，空間感十足！餐廳位置比較隱蔽，所以即使坐出邊 都覺得好有私隱。入到去選擇好食物先比錢，再坐低食。可能因為今日平日，所以Walkin都有比較多位置。食物十分高質素Alchemy 精選全日早餐：食all day breakfast就係貪乜都有😆全部野食都好好味，特別係牛油果醬多士，牛油果味好濃之餘入面重撈咗啲蕃茄碎，酸酸地好開胃👍🏻檸檬汁烤雞煙肉芝士意大利三文治三文治送到上黎係熱辣辣，包皮烤脆脆地，而且烤雞煙肉同芝士嘅份量一啲都唔少，每一啖都食到所有餡料Cappuccino 咖啡香味十足，all day breakfast 必配。而我最中意就係Earl Grey Chocolate ，伯爵茶同朱古力嘅味道配合得啱啱好。個人本身就好喜歡伯爵茶，同朱古力配合後，又唔會太甜。既香伯爵茶 味，又有朱古力味，好好飲呀！而且兩杯熱飲 既拉花都拉得好靚，最岩打卡最後仲可以加甜品布朗尼配雪糕😍 食完一個豐富早餐真係啱啱好，美麗華啲舖頭又開始開門，可以去行街😚…查看更多

今日一早約左去尖沙咀整頭髮😆整之前係附近搵間餐廳食早餐😊醒起美麗華呢間cafe好多好評，決定黎試一試😛好耐之前有黎食過Lunch, 感覺都唔錯😋今次10點左右黎到，餐廳得兩三枱客，環境好舒服☺美麗華啲餐廳全部都冇咁早開，呢間既早餐就做9：00-11：30👍選擇都係All-Day Breakfast，Panini，多士同奄列為主唔算好多選擇，早餐set包埋Regular size既飲品‼️飲品反而選擇幾多，而且比想像中大杯😎質素唔錯🤩🥗牛油果莎莎配沙律及多士 Avocado Salsa with Salad and Toast （$93）坐低左睇完餐牌就要出去收銀處叫野食叫完飲品同野食員工會送黎你張枱😊今次揀左呢份估唔到比想像中大份😛厚厚既牛油果搽左上多士，牛油果醬撈左紫洋蔥，令口感更豐富😏多士有啲Nuts好有咬口，如果塊多士烘一烘熱就更好😉沙律菜都有半碟，淋左啲橄欖油，冇其他沙律汁😙所以食落都有啲乾，不過勝在沙律菜既款式都算多🤭☕Earl Grey Chocolate （+$3）伯爵茶朱古力都係第一次飲😋正常size都好大杯，拉花亦好靚💯飲落伯爵茶味都算出，味道好特別😙不過朱古力味唔算好濃郁🤫聽講佢既咖啡好出色，下次有機會再試下🤤/📌Espresso Alchemy尖沙咀彌敦道132號美麗華商場B1層B116號舖/😋食物質素：7/10🍽️用餐環境：7.5/10💰性價比：6.5/10👣回頭率：6.5/10…查看更多

今時今日，要搵間咖啡做得好嘅連鎖咖啡店實在唔容易。位於美麗華商場地庫呢間Espresso Alchemy就係一個好選擇喇。🌟Piccolo Latte $32奶味適中唔會冚晒咖啡嘅香味。咖啡仲有香濃嘅果味，微微帶酸。🌟Earl Grey Chocolate $40Earl Grey加朱古力呢個配搭相當特別，整體配搭令朱古力唔會太過膩。值得推介！🌟The Alchemy All Day Breakfast $128份量相當充足，除咗牛角包仲有份朱古力咖啡三文治，炒蛋炒得非常之靚，薯仔配上香草嘅味道配搭得相當好。最後再加上一杯牛油果，成個餐都變得好健康。…查看更多

今日同男朋友慶祝周年紀念去左海洋公園玩到好鬼攰🙈 所以夜晚想搵個地方放鬆下休息下😅靈機一觸記得美麗華有呢間唔錯既coffee shop就即刻同男友過去，反正今晚係旺角租左晚酒店返去都好近😎我地叫左青醬雞排沙律，咖啡白朱古力西多士， 香煎虎蝦配蘆筍辣蕃茄汁意粉同埋一杯Earl grey chocolate😋青醬雞排沙律係一個非常健康之選，高蛋白質高纖維輕調味兼少油👍 不過外觀同我食開既雞排有啲唔同，我覺得呢個似雞胸多啲😂 好彩佢入口都幾滑，係輕食既好選擇👍咖啡白朱古力西多士賣相十分精美😍 入口好脆兼有香濃既咖啡味，白朱古力既甜味中和左咖啡既苦味，very nice 👏🏻香煎虎蝦配蘆筍辣蕃茄汁意粉面頭有香濃既芝士粉味，虎蝦大隻兼爽口，意粉夠彈牙，不過蘆筍就比較幼～Earl grey chocolate好香Earl grey 味，唔會太甜，幾特別😋食完今晚呢餐聽日再繼續去酒店食好野🤣…查看更多

咖啡店位置處於商場地庫個層，係電梯位後面，但因為設計好似open area 咁，所以好開陽，好岩同朋友黎傾計或者自己一個黎讀書都幾好，張枱好大，唔會好逼夾咁咖啡白朱古力西多士 📍$49雖然個名叫西多士，但唔好以為係平時用牛油炸個種，呢個係用烘嘅方式，比較似多士 🍞 餡料好香咖啡味，甜得黎又唔會太飽，絕對係下午茶嘅必選伯爵茶鮮奶巧克力 📍$39見佢社交平台寫升級咗個朱古力做馬達加斯加朱古力，即刻俾佢吸引咗 😋 馬達加斯加出產好多頂級可可豆，可可味特別濃郁，亦帶有獨特嘅水果香，所以一早已經決定要飲呢個。茶味好甘香，同濃郁嘅朱古力好夾，唔會太甜 ☕拉花都好靚…查看更多

新年流流要搵地方同朋友拜年都好難，因為有好多鋪頭都唔開，今日就嚟到美麗華商場，搵到間靜靜地嘅Café 同朋友聚一聚拜年傾吓計呢度嘅last order係8:00，而坐就可以坐到9:30鐘，我哋一人買咗一個粉，如果星期一至五幫襯，仲可以加杯飲品享有八八折添你杯好似可樂嘅有氣嘅齋啡朋友非常推介，果然夠晒醒神而我呢杯朱古力好少何夜晚會飲到，因為通常夜晚都冇晒朱古力買，今日真係超Lucky，仲可以飲到杯有伯爵茶味嘅熱朱古力，非常暖胃…查看更多

尖沙咀美麗華最近人流較多，但底層的高質咖啡店就人流唔算多，好寧靜舒適。我同友人點左輕食、沙律、主食及飲品，晚上點食品及飲品仲有88折，而且性價比高。精選全日早餐 $128，有炒蛋、牛油果醬、煙三文魚、香草腸仔薯仔、牛角包、甜品之一的咖啡白朱古力多士，真係好豐富。焗至香脆的牛角包，層層脆皮好鬆軟，夾濃郁牛油果醬及肥美油潤的煙三文魚，味道好夾好正。炒蛋份量十足，又嫩滑又多蛋汁，夾牛角包同樣美味。脆皮腸仔同薯仔都散發香草味，腸仔好多肉汁，薯仔粉綿飽肚。多士烘得金黃香脆，餡料是飄出淡淡咖啡香同微甜白朱古力餡，係份輕盈不膩的甜食。香蒜醬雞扒沙律 $78，份量超大好滿，估唔到味道同樣超正。新鮮爽脆的羅馬生菜與微甘火箭菜配兩款醃辣椒及黑橄欖，調味很好，微酸開胃。雞扒真超出預期的好食，可能用慢煮方法，肉質嫩滑無渣，多肉汁有彈性，外層仲有好香的蒜香及香草味，份量十足，真係食唔停口。煙豬面肉薯仔炒蛋 $63，份量唔算好多，但擺盤精美，有肉有麵包都夠飽，係好岩邊食邊聊天的輕食。煙豬面肉咸香惹味，煎出脂肪的油香，有點似軟身版中式的臘肉，配清淡粉綿薯粒同好有蛋香又嫩滑的炒蛋，放上烘至香脆的多士上，口感味道都好豐富。Earl Grey Chocolate (Reg) $39拉花好靚好吸引，伯爵茶獨有的橘子清香及茶甘，配微甜牛奶朱古力，味道唔會好甜，且平衡舒服，而且飲完唔膩。Citron Cocoa $55濃郁朱古力加橙酒 (Orange Liquor)，味道較甜 ，但加左橙酒好香帶點酒甘，配特濃的朱古力，味道好正，多份酒香，感覺特別溫暖順喉。…查看更多

今日晏晝約咗個閨蜜嚟呢度食tea，貪佢坐得舒服方便傾計😁下午茶時間如果一set野食加野飲叫會有88折👍我哋叫咗一個all day加虎蝦辣汁蕃茄意粉，飲品見到有earl grey chocolate咁特別當然要試下啦🤣坐喺近廚房位置，嘢食係即點即整👍飲品好快就到咗，果然如我所想earl grey chocolate就冇平時飲既齋chocolate咁甜，仲多咗份earl grey茶香，幾match幾特別😁 個all day超級豐富！😮 炒蛋好滑，平時我麻麻地鍾意食香腸，但係呢隻香腸佢煎得好脆兼唔會太油膩，中間既牛油果醬配牛角包唔錯👍 但係最令我印象深刻嘅係咖啡多士😋 第一次食，岩岩烘起好脆，裡面咖啡勁香！😮😮虎蝦意粉嘅虎蝦超級大隻！勁爽口😱 都俾到三隻大蝦，感覺幾回本，哈哈🤣 露荀係脆口炒得啱啱好，無渣唔會太老， 辣加埋蕃茄汁更加開胃😁我地兩個對環境同食物都好滿意，以後又多個聚腳點👭…查看更多

來到 Espresso Alchemy, 當然是要喝咖啡。但這𥚃除了供應選擇多元化的咖啡之外，他們的食物也不容忽視，餐廳提供Breakfast Set, Lunch Set, A la carte 亦分有 Light, Medium and Heavy 多種選擇，讓客人在不同的時段都找到適合自己的餐點。煙豬面肉薯仔炒蛋 ($58)👍👍👍👍👍香滑的炒蛋配合鹹香的煙豬面肉粒和炒至香軟的薯仔粒，雖然看似簡單，但味道卻並不簡單。粒粒的薯仔和煙豬面肉令入口增添咬口，香脆鹹香的煙肉跟滑蛋和薯粒，配合烘至鬆脆的多士同吃，讓你一口便吃到多重的味道和口感。煙三文魚多士 ($65)👍👍👍👍多士上先搽了一層忌廉芝士，然後還放了幾片煙文魚，再以洋蔥、火箭菜和紅菜頭醬配合。煙三文魚味道不太咸，口感軟滑，跟香脆的多士和忌廉芝士是最佳的組合，亦是一個非常健康的選擇。精選全日早餐 ($128)👍👍👍👍👍這款全日早餐最適合樣樣都想試的朋友，中間有一杯燕麥乳酪，配合煙肉、炒蛋、薯角、煙三文魚多士、還有一個甜點，是混合了咖啡和白朱古力醬的多士。早餐組合份量足夠，有鹹亦有甜，食完整個早餐，已覺非常満足。香芧奶油汁煎魚 ($158)👍👍👍👍👍魚柳煎至金黃色，外脆內軟，魚肉細緻嫩滑，配合一個鮮黃色的香茅檸檬奶油汁，令味道帶點東南亞的口味，香茅和檸檬清新的香氣亦令菜式增添清新的感覺。伴以多款什菜，令整個主菜成為一個既健康又美味的菜式。Strata Brew ($58)👍👍👍👍👍享用這杯咖啡前，店員介紹多種不同國家的咖啡豆可供選擇，我們選了 Ethiopia washed, 一杯從原粒咖啡豆再磨成粉，慢慢攝取咖啡每滴的精華至一個 short 的份量，味道有點香桃和花的香氣，味道平順並帶點溫和。Earl Grey Chocolate ($39)👍👍👍👍如果不想吃咖啡，這杯 Earl Grey Chocolate 集合了茶與朱古力味道，亦令到愛茶之人，有多一種味道的選擇。內部環境餐牌…查看更多

香港的咖啡店遍地開花，連鎖形式的更是總有一間喺左近，不過很多時都是人來人往，難得在尖沙咀找到這間寧靜的coffee shop - Espresso Alchemy，可以在閑靜一角放放空。餐廳位於美麗華商場較隱蔽的位置，環境舒適開揚，木系裝修甚有型格，可說是忙裡偷閒的的不二之選。雖然這裡是主打不同款式的咖啡，不過都有小食和鹹食供應。煙豬面肉薯仔炒蛋 $58煙豬面肉煎得表面焦脆，而且採用豬面肉特別多汁嫩滑，配上粉糯薯粒和脆口多士，簡單卻美味。我更愛這裡的炒蛋，炒得夠滑溜，不會過老過乾，一入口蛋香即從唇齒間溢出。香茅奶油汁煎魚 $158lunch 不想吃得太heavy，所以main dish就選了相對較輕怡的魚肉，擺盤漂亮富藝術感，端上桌已令人食慾一振。魚柳煎香後面層微脆，魚肉雪白豐厚啖啖肉，多汁不乾身，配上濃滑的香茅奶油汁更能突出魚鮮味。旁邊的配菜色彩繽紛，全是蔬菜增添料理的清爽感。Earl Grey Chocolate $39平時經常都喝熱朱古力，今次就試試加了伯爵茶的朱古力會變成甚麼味，原來一入口散發馥郁而含蓄的紅茶香氣，因此朱古力味會比平時略淡。而且這杯拉花拉到完美得無懈可擊，第一口喝下去時真是感到有點不忍心破壞它呢 XD…查看更多

尖沙咀嘅商店無行一排就已經變晒。今日嚟到美麗華商場地庫發現一間走時尚風格嘅餐廳。就好似發現咗綠洲咁！呢度舒適寧靜嘅環境與外面熱鬧嘅街道形成強烈對比。餐廳內座位與座位之間有一定距離，唔會坐得逼狹。 呢個係港版奶醬多嘅進化版，焗到脆卜卜嘅麵包粒，係自家制！淋上甜甜嘅奶醬，麵包上面仲有粗粒花生醬。淨係個樣就已經靚仔過平時食開嘅奶醬多好多倍。一啖放入口，脆到卡卡聲，一粒接一粒，完全停唔到口呀。一碟闊條麵，入面包含咗幾款海鮮 - 大蝦、青口、魷魚，十分足料。青口飽滿，帶點海水鹹味。 大蝦、魷魚爽口。寬麵紮實彈牙，掛滿番茄同海鮮嘅精華。一般朱古力熱飲都係質重味甜。依個 Earl Grey Chocolate令我完全改觀，第一啖四個字「 細緻絲滑」。濃郁嘅朱古力加入伯爵茶，原來可以大大減低甜膩嘅感覺。而且伯爵茶味道較一般茶類重，特別適合搭配巧克力，互相輝映。…查看更多

The cafe is hidden in the basement of Mira Mall.  It has a laid back atmosphere for you to settle in, and allows you to enjoy a relaxing meal in the bustling area.Apart from the regular seating for couples or 3-4 people, there are 4 big communal tables with wooden chairs, catered for a large group of people.  The set up made the environment rather friendly and casual. Steak Som Tam Salad (HK$118)This is the Thai style salad, the Steak was cooked to perfect medium rare with a nice pink in the centre.  The Steak sliced into bite sized and mixed with fresh veggies, like red bell pepper, cucumber, purple onion, coriander and some fried vermicelli.  For the dressing, I really like the citric lime offering some nice acidity to the dish.Miso Pork Presa (HK$158)The pork Presa marinated with Japanese miso and mirin, it was tender and juicy with a hint of smokiness.  Underneath was the sautéed Mushroom, garnished with rockets and radish as finishing touch, it certainly added the complexity to the dish.Cheeky (Pork) Hash n Eggs (HK$58)The diced pork cheeky was so crispy and flavourful, the smokiness flavour complemented the fried smooth egg very well.  Accompanied with the crispy toast, so filling and delicious.Coffee Ganache French Toast (HK$58)This toast is something new for me, I have never had white chocolate mixed with coffee as the spread for a toast.  The bitter note of the coffee was well balanced with the sweetness of white chocolate.  It is definitely something you would want to try.Latte (HK$36)A staple of the cafe scene, this latte is a combination of finely textured milk, together with house blend coffee creating a smooth beverage.  It leaves a really nice and subtle chocolate and nutty aftertaste.  Earl Grey Chocolate (HK$39)For those who don't  want to have coffee, this is a best non-coffee option.  It is a Chocolate with Earl Grey tea.  The sharp note of the rich chocolate followed by a subtle hint of earl grey flavour,  it was such an amazing blend of beverage!InteriorMenu…查看更多