氷舍

銅鑼灣Icegreen 氷舍，主打麻糬刨冰、炒冰同各種凍飲糖水，環境簡約清新，座位寬敞又舒服。今日同小朋友食下午茶試咗楊枝甘露、腰果露、粒粒芒果炒冰同榴槤麻糬凍飲，全部都好食，份量足、材料新鮮，甜度適中唔會太膩！楊枝甘露
經典港式芒果甜品，芒果味超濃郁，新鮮芒果粒同西米露混埋一齊，配上酸甜紅柚肉解膩，小朋友食唔停口腰果露
呢款傳統糖水質感幼細滑溜，腰果味好濃郁，面頭仲有幾粒腰果碎，飲落暖笠笠又滋潤。腰果香氣滿滿，健康又養生感覺。粒粒芒果炒冰
炒冰係店內亮點！芒果粒超多，新鮮芒果炒成冰沙狀，口感粒粒分明又creamy，冰涼爽口，芒果甜度爆燈，食落像喺食芒果雪糕。榴槤麻糬凍飲
榴槤控啱曬，用D24榴槤肉，味道濃配上Q彈麻糬，飲落滑溜又咬口。整體來說，Icegreen 嘅甜品材料實在，價錢親民，環境舒服，服務親切。最重要係甜度控制得好好，唔會太甜太膩，帶埋小朋友一齊去食都超啱！天氣凍有熱糖水食，如天氣熱啲會再過來食冰。…查看更多

🥭楊枝甘露麻糬 ($58)
楊枝甘露系列係店內嘅招牌！經典嘅楊枝甘露，芒果香濃郁，椰奶順滑，配上西米嘅Q彈口感，甜而不膩😍特別加入軟糯麻糬，咬落去黏黏地又充滿嚼勁，完美提升整體層次🤩清新嘅芒果味同麻糬嘅口感相輔相成，啖啖麻糬好幸福！💚青提炒冰 ($56)
季節限定✨夏日食個炒冰夠哂清爽😍炒冰以新鮮青提為主角，青提嘅清甜果香加上豐富配料：Q彈麻糬、卜卜脆嘅脆脆珠同新鮮青提粒，口感層次分明，每一啖都充滿驚喜🤣清新嘅味道同多變嘅口感，食完成個人好refreshing😍🍹脆脆珠青提綠茶 ($38)
創意十足嘅飲品，綠茶底清香撲鼻，帶有青提嘅微酸果味，甜度適中，飲落去清爽解渴～加入脆脆珠同青提粒，啖啖都係卜卜脆嘅口感🤣💛D24榴槤麻糬凍飲 ($52)
D24榴槤麻糬凍飲係榴槤控嘅終極享受🥰選用頂級D24榴槤，香氣濃郁撲鼻，入口濃厚又creamy，甜度恰到好處☺️配上Q彈嘅麻糬，增添嚼勁，冰涼嘅口感更加突顯榴槤嘅獨特風味🥰…查看更多

「氷舍 Icegreen」走文青簡約風，主打日式刨冰＋鮮奶麻糬，仲有超多創意口味，今次試咗佢哋嘅 「泰式芒果糯米飯刨冰」同 「D24榴槤麻糬奶昔」真係一試愛上！😍 🥭 泰式芒果糯米飯刨冰🍧一上枱就俾佢嘅 「椰子奶蓋」吸引住！🥥 刨冰真係有包含 **糯米飯**，配埋香甜呂宋芒果肉，每一啖都食到濃郁椰香同芒果甜味，仲有啲脆脆綠豆增加口感，真係超有泰國風情！🇹🇭 我仲追加咗多一份芒果、椰果及小丸子，美味程度100分！最正係佢嘅冰質好綿密，唔會好快溶，食到最後都仲保持到層次感～ 💛D24榴槤麻糬凍飲🥤榴槤控必試！💛 呢杯奶昔真係榴槤味爆棚，用咗D24榴槤果肉打成，仲加咗鮮奶麻糬，飲落去滑溜得嚟又濃厚，榴槤香濃到好似食緊真·榴槤咁！🤤 平時怕榴槤味太重嘅朋友都可能被佢征服，甜度同冰度都可以自訂～ 餐廳亦有人氣高企嘅開心果系列，款款都好吸引，下次一定要去試吓💚…查看更多