古今二 (觀塘工業中心)

今日收工同同事去咗觀塘嘅「古今二」食飯，之前去過其他分店，知道餐廳有好多特色卷物，今次決定再試一試。我哋嗌咗龍卷風沙律、三文魚牛油果卷、蜘蛛、野菜天婦羅同埼玉網燒牛舌。沙律入面有蔬菜、海藻、蟹柳、蟹籽同脆片，份量好大碗，啱晒幾個人分享一齊食，蟹柳有少少辣味，撈埋沙律菜一齊食好開胃；三文魚牛油果卷食落去普普通通；蜘蛛係其中一款特色卷物，入面有炸軟殼蟹、青瓜、牛油果同蟹柳，賣相幾特別，幾款材料捲埋一齊食充滿口感；野菜天婦羅有茄子、金菇、冬菇同一口番薯，味道清淡但食到食材嘅鮮味，經天婦羅炸過之後，入面嘅食材仍然保持到水份；牛舌係偏厚身，唔會燒到好乾身，咬落去係滿滿嘅肉汁同油分，配埋個重麻油同醋味嘅汁，食落去非常香口。仲有其他地方嘅分店，下次有機會再試吓去其他特色卷物！📍觀塘觀塘道436-446號觀塘工業中心4期1樓B室位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊…查看更多

可能唔少人都聽聞過呢間主打特色卷物 連改名都好有心思好得意地佢哋嘅menu系冇價錢架😳用QR code落單 所以menu嘅作用就淨系for睇啲大張啲嘅圖only🤣畢竟齋睇個名絕對估唔到佢系乜🤣好似煙花呀火山呀等等唔通真系同你放煙花整個火山爆發咩😂唔講咁多廢話 入正題👍🏿龍捲風沙律 $78本身覺得$78一份沙律系頗貴嘅但佢真系好大份 系大大碗滿嘅成坐山咁😳Menu上面寫住有菜 海藻 蟹柳同脆片沙律菜夠新鮮 食落爽脆😚個sauce帶微辣 味道有少少似芝麻醬+蛋黃醬而海藻同蟹柳真可以吸到好多sauce🤣所以將重味啲嘅海藻蟹柳同生菜一齊食咁味道就啱啱好啦😆而且佢哋每樣嘅口感都唔一樣 食落幾有層次感🥰幾appreciate啲sauce唔會落太多啱啱好調到味又唔會太膩即使用嘅系肥仔醬料😂做到清爽開胃嘅效果👍🏿另外表面舖咗唔少蟹籽 卜卜脆嘅口感點綴咗成個沙律🤭不過史努比覺得啲脆片可以唔落都得其實佢就系碎薯片 撈咗入去淋咗又冇乜存在感似系gimmick多啲🤣即使唔落佢都唔會點影響當然啦落咗都唔會令佢唔好食嘅 因為佢都冇乜存在感😂但史努比會prefer佢落多啲蟹籽就唔落脆片囉😂味道: 7.5/10性價比: 7/10👍🏿海老天婦羅卷 $46對比其他特色卷物 呢款嘅價錢平好多🤣咁當然啦佢冇乜特別配料飯同頭先嘅一樣啦 都系比較黐稠😗雖然中間淨系包住炸蝦 但都唔會話覺得好monotonous食落依然夠脆 蝦尾嘅部分當然更加酥脆啦🤭佢仲加咗少少沙律醬 呢樣就不嬲都同炸蝦好襯架啦🥰調味方面亦好足夠 同樣唔需要點豉油或其他嘢整體唔差 只系飯嗰度爭咁啲🤏🏿味道: 7/10性價比: 6.5/10👍🏿火焰金龍卷 $108金龍卷即系三文魚+炸蝦+芝士一份有8件 賣相幾靚仔有普通金龍卷揀 而火焰呢款就系經過炙燒嘅~為咗可以試到佢呢個combination史努比嘅櫻桃小嘴都要變血盆大口😂一啖食一件!🤭雖然其實佢一件size唔算好大但習慣細啖食嘅史努比突然一舊塞入口即系塊臉都脹咗🤣成口都系嘢食添😂😂飯嘅質感比較黐稠 醋味都幾突出好嘅系夠實淨唔會好容易散 唔好嘅就系口感上爭咁啲~三文魚雖然唔算好厚 但燒完之後逼咗啲魚油出嚟 帶少少油香~炸蝦依然keep到少少香脆🤭Cream cheese幼滑帶淡淡嘅奶香On top唧咗沙律醬同醬油成件卷物味道同口感都好豐富唔需要點任何嘢已經好夠味🤭不過主角似乎落咗喺炸蝦同芝士度相反三文魚就冇咁突出🤣味道: 7.5/10性價比: 7/10👍🏿鹿兒島豚肉露筍 $45價錢方面貴咗啲🥲但幾好食嘅表面落咗啲鹽去燒豚肉燒到好香 帶微脆口感被逼出嚟嘅油分滲透入露筍令原本爽脆清甜嘅露筍多咗一份油香🤪調味亦系啱啱好嘅😚不過史努比覺得如果豚肉可以用啲肥瘦適中嘅會更好呢個就有啲太肥😬味道: 7.5/10性價比: 6/10👌🏿秘製蒜香牛油燒帆立貝 $38帶子裙邊燒到微微香脆😳食到明顯嘅蒜味同牛油香🤪鹽好似灑得唔夠均勻🤔某啲部分略鹹 但系可以接受嘅但可能燒嘅時間太長 帶子嘅肉質唔夠嫩中間稍為韌咗啲😗呢個史努比唔太推薦🥲味道: 5.5/10性價比: 5.5/10*另設加一服務費*Overall史努比覺得唔差 都可以一試嘅😙會推介大家試啲人氣款式卷物同埋沙律🤭卷物嘅size就唔算好大 但有返咁上下飯量 夠飽嘅🤣不過見到隔離枱不停追加落order佢哋系卷物壽司刺身炸物樣樣嗌啲 好刷得😂價錢屬中上啦 咁佢又未至於話好貴🤔史努比覺得唔系太抵食因為用料冇話特別靚 都系三文魚炸蝦咁但味道唔伏嘅 只系值唔值得食由你決定啦🤣整體評分：味道: 7/10環境: 7.5/10服務: 7/10衛生: 7.5/10抵食: 6.4/10…查看更多

古今二 一直都以日式卷物聞名佢地嘅卷物創新得黎仲好好味今次二訪觀塘總店決定試下其他日式料理估唔到以居酒屋黎講都唔錯喎～𓈒𓂃 𓈒𓌉◯𓇋𓂃 𓈒❀ 龍捲風沙律 ‣ $𝟟𝟠♡日式居酒屋成日都有呢款沙律 蟹柳蟹籽份量超多特別鐘意佢地特製嘅醬汁有少少辣 比起普通蛋黃醬更惹味❀ 宮崎黃金炸豆腐 ‣ $𝟞𝟠♡豆腐外面炸得酥脆得嚟裏面非常滑配上木魚絲同埋醬汁 好有傳統和風味道❀ 古今日式煎餃 ‣ $𝟝𝟞餃子就相對比較普通 不過$56有5隻性價比都幾高 而且每隻都脹卜卜又唔會太厚皮❀ 黑豚豬頸肉串燒 ‣ $𝟚𝟠@1豬腩肉燒得香口又唔會太乾 燒烤味亦都好足鐘意食肥肉嘅朋友絕對可以一試❀ 超級龍捲風 ‣ $𝟠𝟠♡黎到點都要嗌一款卷物嘅(*´∇｀*)呢款就有有鰻魚 海老 芝士 青瓜 脆片餡料豐富味道夾之餘炸蝦都非常脆口…查看更多

日日落雨，同幾個同事決定食好西，開心吓，所以就嚟咗古今二。我哋叫咗：火山 $128一上菜，個擺盤已經好靚，之後個侍應點火，靚到不得之了，絕對係打卡美食！不過唔止好睇，仲好好食，有濃郁嘅芝士，絕對係好夾嘅Mix and match！超級龍捲風 $88炸蝦配上芝士，再加上薯片碎，脆上加脆，一試難忘！龍捲風沙律 $78大大碗超足料嘅沙律，超多蟹柳青菜海大，醬汁帶有微酸，好開胃！古今日式煎餃 $56底脆皮滑，餡內有肉汁。日式冷麵 $ 92蛋絲加埋蟹柳絲，配上爽滑彈牙嘅面，好有清新嘅感覺。日式炒烏冬 $ 98好有鑊氣嘅炒烏冬，配上大阪燒汁，正！櫻花蝦茄子 $68茄子控必食推介，上面嘅櫻花蝦，令到燒茄子非常惹味，真係想一食再食！…查看更多

今次係我第二次食古今二因為我鍾意食飯又鍾意食日本嘢佢喺菜式係有啲fusion 風格主菜係卷物亦有好多唔同嘅選擇全部都超級有特色賣相都好吸引我見menu有不下十幾款卷物仲有串燒/天婦羅/沙律/壽司/刺身/飯麵我地得兩個人真係好難揀🥲🥲火山🌋用一個石碟盛載一上枱就點火好有儀式感😂佢喺材料有帶子/青瓜/牛油果/蟹柳材料舖滿喺砌好嘅飯團上面外型十足一個湧緊溶岩出嚟嘅火山舖喺上面材料都有炙燒過味道清新得嚟又帶點惹味推介😍😍😍龍捲風沙律🥗份量超級大！！！大到我有啲埋怨佢令到我食唔到其他嘢🤣沙律菜/中華沙律/蟹柳/脆片/蟹籽食得出材料係好新鮮色彩鮮艷開胃🌈配埋自家製嘅特色醬汁同埋醬油撈撈口感爽脆豐富味道亦都富有層次👏🏽唔會好似普通雜果沙律咁得草青/酸/甜正！！昭和豆腐煎▫️賣相平平無奇但係真係好好食😻外皮係用粉漿包裹再煎炸過個脆皮脆得來又帶點煙靭豆腐切開鮮嫩滑溜有黃豆味淋上個燒汁真係一絕簡單的美味就係咁樣😌櫻花蝦茄子燒 🍆原條茄子燒上面海量櫻花蝦🦐🦐🦐🦐🦐條茄子好juicy 調味啱啱好又無太鹹我哋成條清連啲皮都食埋🤣(平時啲人淨係會撩裏面啲白色茄子肉嚟食)總括嚟講二訪係無令我失望🤣我俾💡8.5/10 …查看更多

三文魚腩刺身 ($69)三文魚腩好新鮮，肉質鮮嫩，口感好滑。刺身切得好薄，食落好爽口，一啖就入口即溶。而且，味道亦好純正，唔加味精同埋其他調味料，真係可以品嚐到三文魚嘅原汁原味。配上啲醬油同芥末，味道更加突出。火山($128)火山壽司側邊會有火燒住，啲魚子同蟹柳鋪得好滿，仲有啲青瓜同牛油果裝飾，色彩繽紛。食落口感好新鮮，魚子爆裂嘅口感同蟹柳嘅鮮味好突出，加上青瓜同牛油果嘅清爽，真係好開胃。壽司米粒都好緊實，唔會散開，令味道更加濃郁！龍卷風沙律 ($76)呢個龍卷風沙律真係好有驚喜！大大兜嘅蟹柳同生菜經過混合，加上啲醬汁同芝士，真係好好味！啲蟹柳好新鮮，口感好彈牙，同埋啲生菜好脆口，令人一啖接一啖！不過佢分量好多，唔會好快食曬！…查看更多

日式既卷物十分出色! 地點方便! 鄰近觀塘地鐵站! 三人飯聚叫咗9款食物, 好滿足! 先嚟個火山, 加咗火焰效果好似真既火山, 打卡一流, 再嚟個青酒煮蜆, 有洋蔥有菇蜆肉新鮮, 甜甜的, 很喜歡! 點咗龍卷風沙律份量足! 可以慢慢坐慢慢傾, 好地方👍🏻 …查看更多

今日係觀塘開工，朋友話想食日本菜，話要帶我去試新野，一於試下係咪咁正先餐廳位於官塘工業中心第四期一樓，餐廳門口放滿了餐牌，可能今日早到，唔駛等位就可以入座這裡座位闊落，Menu多選擇，壽司都幾創新，最後我們點了沙律和卷物超級龍卷風 | $88以鰻魚、海老、芝士、青瓜和炸蝦做餡，加上脆片，呢個卷物都係大大舊，賣相吸引，炸蝦脆口，加上芝士鹹香，青瓜清甜脆爽，口感層次非常豐富忘不了你 | $98以芒果、炸牛肉、芝士做餡，而係卷物上面有海量嘅芥末醬、蛋黃醬和照燒醬，卷物中間包住炸牛肉和免治肉碎，咬落去係脆卜卜，上面嘅芒果每一塊都好甜，中和返芥末醬嘅辣味和芝士的鹹香味，食落相當有口感龍捲風沙律 | $76份量超大，加入大量蟹柳絲、生菜和脆片，最正係有好多蟹柳、蟹籽和海量沙律醬，可以撈得晒生菜和沙律菜，每一啖都食到多層口感，加上中華沙律汁酸酸甜甜，非常開胃煎豆腐 | $58又係大大舊，送上來時個豆腐仲彈下彈下外皮煎得香脆，外面嘅和風醬汁令到成件豆腐一啲都唔單調；豆腐中間好嫩滑，這個價錢有兩大豆腐，抵食…查看更多

觀塘工廈咁多美食，今次就同朋友去咗一間主打卷物嘅日式餐廳～龍捲風沙律💰$76頭盤先來一客沙律，為炎炎夏日降一降溫，面層嘅蟹柳絲堆搭成一座小山丘，造成龍捲風嘅形狀，創意十足！與底下嘅中華沙律、生菜、蟹籽攪拌一齊食，口感豐富，開胃清新午夜牛郎💰$95饀料有忌廉芝士、三文魚、牛油果，外層炸至金黃色，脆卜卜，好似食緊飯焦，每一口都發出卡滋卡滋嘅酥脆聲，最後加上頂層嘅明太子醬作為點綴火山💰$128熊熊烈火何其壯觀🔥朋友們都即刻攞出手機不停打卡！面層放滿海量明太子蟹籽沙律，店家絕不吝嗇！卷物係牛油果蟹柳絲，牛油果軟腍，與卷物醬汁不謀而合！日式冷麵💰$92配料有叉燒、蕃茄、青瓜絲、鳴門卷、蛋絲，冷麵採用咗拉麵作為麵底，麵質煙煙煙韌韌，好啱我胃口，夏天食冷麵，夠晒清爽…查看更多

同朋友都係住喺觀塘附近 所以就約咗收工去觀塘食嘢 呢間卷物想食好耐因為睇相好吸引🤣叫咗個龍捲風沙律 $76 份量超大 最鍾意係佢有好多蟹柳同埋蟹籽 同埋夠多沙律醬 可以撈得晒生菜同埋沙律菜 然後每食一啖都食到蟹籽同埋蟹柳 佢個中華沙律汁酸酸甜甜好開胃🫶🏻另外仲放咗啲燒汁 味道撈埋又夾wor！午夜牛郎 $95 佢係將牛油果忌廉芝士同埋熟三文魚做餡 外皮用炸麵包糠包住 外脆內軟食兩件就好飽肚🤣 整體來講三文魚芝士同埋牛油果好夾 完全冇違和感～ 飯嘅口感就係比較軟綿 好特別☺️ 綠野仙蹤$ 98 個人比較鍾意呢個嘅fresh 上面係一層芒果同飛魚子 中間一層牛油果醬 入邊係八爪魚蘋果蟹柳 成個感覺好清新 唔肥膩 感覺可以食多幾舊！ 豚肉泡菜鍋 $138 好足料 豚肉鋪晒喺面 味道偏辣 （比一般辣所以唔食得辣 可以叫小辣） 辣味似食緊韓國部隊鍋 成個底都係我鍾意食嘅娃娃菜 超級入味 🥳👍🏻 燒茄子 🍆茄子燒得非常軟綿 配上日式燒汁 唔會好似平時燒烤店烤太燶🤣 …查看更多

講開日式卷物🇯🇵，當然不得不提近年分店越開越多嘅「古今二」🏮將食材演變到出神入化，推出各式各樣創意卷物，不論視覺味覺都帶來一番衝擊✊🏻.🍣金龍卷💰$98混合黑白芝麻嘅壽司米包裹著炸蝦🍤&忌廉芝士🧀，再鋪上三文魚🐟刺身，加點點沙律醬🥢入口首先係三文魚刺身嘅魚油香👅再來就係炸蝦嘅香脆，加上芝士奶香creamy😚口感層次豐富，味道亦相當夾，絕對令你一口接一口停唔到😆.🍣午夜牛郎💰$95原諒🐻嘅膚淺，真係純粹因為個名而叫😂甚至連食材係咩都冇仔細睇，所以開頭以為牛係指牛肉😅但原來係將牛油果🥑、忌廉芝士、已煎熟三文魚🐟卷上，再將整條飯卷油炸🔥香脆可口嘅外層，內裡柔軟食材，口感豐富😍煎熟後嘅三文魚魚味更突出，加埋芝士鹹香好好味😋.🍴龍捲風沙律🥗💰$76堆到成座山咁高嘅沙律，色彩繽紛見到已經好開胃😍喺沙律菜上放滿大量蟹柳絲、蟹籽、中華沙律，再淋上特製醬汁😙沙律菜新鮮爽脆，蟹籽喺口腔中爆開嘅感覺超過癮🤣整道菜式令人非常清爽開胃😉.🍴煎豆腐💰$58將豆腐香煎後再淋上燒汁，做到到付愛情脆卜卜，內裏超軟滑😆豆腐本身比較淡味，加埋甜甜地嘅燒汁調味就啱啱好😌.🍴櫻花蝦茄子燒🍆💰$68茄子燒好後再放上超多櫻花蝦&燒汁🔥茄子口感軟腍，帶極濃櫻花蝦🦐鹹香味，醬汁亦非常入味😚.食完絕對會令你想回頭嘅餐廳😆今次人少少所以叫唔到好多菜式，仲有勁多卷物想試🤪好適合同朋友一大班人聚會，然後每樣都可以試啲😎…查看更多

今次過來里間吃得好滿足👍👍樣樣野都好吃 沒有中伏😋雖然細細間舖 但裝修很特別 很有日本feel🇯🇵👉🏻龍捲風沙律🥗$76滿滿的沙律菜 加蟹柳絲 蟹仔同啲脆脆 口感很豐富 不過沙律醬可以再多少少就更加好了😁👉🏻日式冷麵拼卷物$98+特飲百香果益力多$15杯百香果好好飲 淡淡的百香果味 甜度岩岩好 一杯根本唔夠喉😂👉🏻卷物盛$98鰻魚卷 蟹柳卷加三文魚卷 中間係蟹柳火山🌋料足加埋少少醬汁 味道岩岩好一個拼盤吃曬4種味道 好抵👍👉🏻豚肉泡菜鍋$98不得不說 這個湯底我實在太愛了👏豆腐 青菜 豚肉 泡菜加埋一齊煮 少少辣 熱辣辣好好飲 如果可以追加公仔麵就更加好了 或者加碗白飯撈來吃 哈哈哈 建議建議😁👉🏻最後的龍蝦卷$228+雜錦天婦羅$88這個龍蝦卷真係冇得輸 份量十足 塊頭都大過其它壽司 中間滿滿的材料加上面的牛油果 味道很有層次感 確實貴啲係有貴啲的道理😋…查看更多

之前到過銅鑼灣店，這週末到觀塘挑選聖誕禮物，決定到它們的調整網紅總店朝聖一下餐廳位於觀塘一工業大廈內，門面以鐵皮包圍，門外有一部懷舊老虎機店內各處也可找到懷舊玩意，計設有心思，樓頂擺放多款酒來到居酒屋當然要一試串燒！椒鹽雞腎爽脆入味，下酒必備豚肉蘆筍配搭清爽，蘆筍脆嫩的口感帶出豚肉香濃味道招牌卷物即點即做，源用日本空運新鮮吞拿魚！相撲力士卷著蟹柳及芝士，舖上刺身，再用醬汁畫出麻繩扭紋圖案，霸氣十足！辣妹以芝士、炸蝦及吞拿魚蓉製成，加上薄脆片，色彩繽紛必食推介龍捲風沙律以新鮮爽口的蔬菜作底 ，加上海藻、蟹柳絲及脆片，伴上祕製醬汁，口感豐富 三文魚頭湯鍋份量十足，有大量娃娃菜，湯底鮮甜…查看更多

𝙞 𝙡𝙞𝙠𝙚 𝙩𝙤 𝙧𝙤𝙡𝙡 𝙞𝙩 𝙧𝙤𝙡𝙡 𝙞𝙩💃🏼 𝙬𝙝𝙤 𝙚𝙡𝙨𝙚 𝙡𝙤𝙫𝙚 𝙨𝙪𝙨𝙝𝙞 𝙧𝙤𝙡𝙡𝙨?🙌🏽 𝙞𝙛 𝙮𝙤𝙪 𝙝𝙖𝙫𝙚𝙣'𝙩 𝙗𝙚𝙚𝙣 𝙩𝙤 @kokon1010 𝙮𝙚𝙩 𝙮𝙤𝙪'𝙧𝙚 𝙢𝙞𝙨𝙨𝙞𝙣𝙜 𝙤𝙪𝙩 𝙖 𝙡𝙤𝙩! 𝙣𝙤𝙩 𝙤𝙣𝙡𝙮 𝙙𝙤 𝙩𝙝𝙚𝙞𝙧 𝙨𝙪𝙨𝙝𝙞 𝙧𝙤𝙡𝙡𝙨 𝙩𝙖𝙨𝙩𝙚 𝙞𝙣𝙘𝙧𝙚𝙙𝙞𝙗𝙡𝙚, 𝙗𝙪𝙩 𝙖𝙡𝙨𝙤 𝙩𝙝𝙚 𝙨𝙠𝙚𝙬𝙚𝙧𝙨😋.成日都突然癮起想食鬼佬壽司roll，古今都食咗幾年水準都一直keep到，觀塘分店都算近地鐵站，壽司薄餅其實就係將壽司飯整做餅底再炸，上面嘅三文魚粒再加埋沙律醬同薯片碎真係冇得輸，黎到又撕點可以唔食壽司卷，黑龍卷將牛油果同鰻魚卷住芝士同炸蟹柳夠晒豐富！另外龍捲風沙律估唔到70幾蚊係大大兜，仲有海量中華沙律同埋蟹柳絲勁滿足🤤 另外網燒牛舌驚喜地好食，燒得岩岩好仲有肉汁同油脂味好出，個醬有啲沙薑味同牛舌幾夾！整體來講抵食又好食～…查看更多

古今二 (官塘工業中心)觀塘觀塘道436-446號官塘工業中心4期1樓B室冇幾耐之前係ig見到呢一間卷物非常精美，決定拉埋附近返工嘅朋友仔一齊嚟試吓先，見到呢間餐廳係觀塘都好hit，去到見到真係好多客，好彩我我地有book位！Menu見到選擇好多，亦有10幾款自創卷物俾我哋揀，由於我哋好肚餓，所以好快就揀好咗，另外亦都點左幾款小食龍捲風沙律🥗（$68）一入到黎見到隔離枱都嗌左一份龍捲風沙律，好靚好啱打卡所以我哋都叫咗一份，入邊有蟹柳，中華沙律，脆片，蟹籽同生菜，再撈埋千島醬食真係超開胃辣妹🌶（$95）我哋第一款點嘅卷物就係辣妹，面頭有一大匙辣味吞拿魚蓉，入邊有吉列蝦同埋cream cheese，吞拿魚蓉好新鮮，面頭鋪滿脆片碎，加埋入邊軟滑嘅芝士，令到口感昇華三文魚壽司薄餅🍕($88)面頭鋪滿大量沙律三文魚碎，非常肥美，薄餅就係炸好咗嘅飯餅，喺面頭再加左蟹子同埋日式照燒汁，脆卜卜好香口，同朋友都不停爭住食網燒牛舌🥩($58)牛舌每塊都好大片同埋厚肉，另外會配咗酸酸哋嘅汁俾我哋沾，牛舌用咗鹽燒，好多汁juicy！我哋認為唔洗沾汁已經好夠味豚肉蘆筍🍢($29)除咗牛舌，燒物我哋仲叫左串豚肉蘆筍試吓，豚肉燒得好脆，配埋多汁冇渣嘅蘆筍食好夾，不過相比牛舌就冇咁出色日式冷麵🍜（$88)去到最後我哋嗌多一個冷麵食，冷麵好大份，除咗平時冷麵嘅材料，餐廳仲用紅薑同子薑撈埋食，酸酸甜甜咁真係好正除翻每人都係大約$200左右，但係已經食到好飽，下次會再試埋其他卷物…查看更多