黑門水產すいさん (棉登徑)

今日夜收工，就同老公喺K11附近食宵夜，想食啲高質日本菜，一解思鄉愁。同事介紹，就係K11對面，有間黑門水產出名高質日本菜。雖然已經夜晚9點，但都有唔少食客。環境好有情調，好似日系居酒屋。想食啲特色刺身，就點咗北海道蜜柑鯛刺身。入口有一股好香嘅蜜柑味。刺身新鮮鮮甜。黑門帆立員伴魚籽醬，口感豐富每啖都可以食到帆立貝嘅鮮味，仲有魚子醬同海膽，超正同事大力推介餐廳嘅甲羅燒，就試左海膽蟹味噌甲羅燒。師傅會喺你面前機燒，視覺味覺雙重享受。配威化餅食，溫馨提示如果威化餅唔夠可以問店員拎多一塊。黑門三文魚加州反卷，三文魚好厚切，個加州反卷仲有好多蟹籽包住。黑門令龍蝦湯煮海鮮，龍蝦湯吸晒海鮮嘅鮮味，蝦肉非常彈牙，仲有大大隻蠔。最後重點咗去日本必定要食嘅燒雞皮，雞皮燒到剛剛好，非常香脆。推薦大家一定要去試吓。…查看更多

約好咗每個月兩公婆點都要拍下拖，今日放低女女，拍拖放鬆下！去咗呢間喺K11附近、別具日本特色嘅浜燒餐廳 — 黑門水產！.➜北海道生蠔手掌咁大隻嘅北海道生蠔肉身肥厚、質地滑口，以柚子味啫喱嘅Topping突出生蠔嘅鮮甜味。.➜秋刀魚8月尾、9月頭正正係秋刀魚最肥美嘅時期，難得遇上時令嘅刺身魚，又點可以錯過！口感清爽且帶有魚油香氣，而粉紅色嘅魚肉，更加份外誘人。.➜蔥吞拿魚腩卷唔止卷物有吞拿魚，Topping都有蔥吞拿魚小山丘，吞拿魚腩好Creamy，好似入口即溶，好享受！.➜海膽蟹味噌甲羅燒店員一邊燒、一邊將將海膽、蟹肉、鵪鶉蛋同蟹籽攪勻，除咗就咁食，配梳打餅一樣好滿足！滿滿嘅蟹籽令口感更豐富。.➜黑門令龍蝦湯煮海鮮見到龍蝦湯都心心眼咗，配料仲有蠔、花螺、魷魚、海蝦，更加入芋絲同菇類吸湯，分量睇落啱算好多，仲令人回味無窮。.➜極上大漁貝燒既鮮甜又滿足，有帶子、三文魚籽、海蝦、海膽同廣島蠔，以浜燒將全部嘅鮮味都煮出嚟，而家燒得啱啱好，帶子仲好爽口彈牙！.地點方便、餐廳亦都坐得好舒服，二人世界確實唔錯🤭。.…查看更多

呢間餐廳之前黎過一次，覺得好好食所以今日再黎，依然無令我失望~ 首先推介既係海膽蟹味噌甲羅燒，佢一開始會俾你影相先，見到啲海膽蟹肉蟹糕已經好想食。然後侍應姐姐會喺你面前開個爐燒，不過唔只呢個，係每一樣如果要燒既野佢地都會擺得好靚俾你影左相先，之後再喺你面前燒。望住啲野食慢慢變熟同埋啲香味飄出黎，呢個過程好令人愉悅~ 至於個甲羅燒真係好好食，連埋塊餅一齊放入口，真係一個極大既享受!之後要推介呢個黑門令大漁魚子醬脆脆包, 呢個真係好好味，個包勁脆，而上面既料係會多到跌出黎，而且所有野既味都好夾，如果未飽呢個係會想encore~跟住到個蜜糖芥末火灸安格斯牛肉沙律，呢個有啲驚喜係佢真係配合番水產既特色，喺呢個牛肉沙律入面仲會搵到一粒粒既飛魚子同三文魚片。你會食到蜜糖芥末既香同埋佢又有少少酸，好fresh好開胃。呢個黑門令龍蝦湯煮海鮮都勁好味，佢個龍蝦湯好正，啲海鮮一路燒既時候吸哂個湯既香味，但同時啲海鮮既鮮味又入番個湯入面互相交融，我同朋友唔止食哂啲海鮮，連個湯都飲埋。我覺得呢度每一樣食物都好有heart，除左擺盤靚，所有野都好切合餐廳個主題，用料好新鮮，當然最緊要係真係好好味~…查看更多

日系裝修嘅居酒屋，地點方便，環境別緻，服務員整體都有禮，將食材攞去加工燒嘅時候，會先比原本個樣你影下相！黑門帆立貝伴魚籽醬粒帆立貝非常厚肉鮮甜，加上魚子醬同埋紫蘇葉嘅香氣，口感非常清新！上面仲有海膽作為點綴，食落口大滿足！😚黑門令龍蝦湯煮海鮮湯頭入邊海鮮配料豐富，非常足料，有魷魚、蠔、蝦。將唔同嘅海鮮匯聚成一鍋，所有海鮮嘅味道都濃縮晒喺個湯汁入邊，加上龍蝦湯本身嘅鮮甜，彷彿整個太平洋都在你嘅口中！🤓🦀海膽蟹味噌甲羅燒甲羅燒可以話係黑門水產最出名嘅菜式，早喺嚟食之前已經聽過黑門水產甲羅燒嘅大名，不得了，撈勻之後嘅甲羅燒配上梳打餅，梳打餅吸收晒甲羅燒嘅鮮味。擺入口之後，香氣喺成個口入邊回盪不散！非常推介！👍🏻🍣鐵火卷作為日本人最愛嘅壽司款式，細細嚿一啖放落口，簡簡單單，就已經能夠嘗試到入邊吞拿魚嘅鮮味！飯粒分明，但同時又唔會一夾就散，卷得幾好！而且啲飯唔係普通壽司醋加白飯咁簡單，應該有少少醬汁喺入邊，有啲似係Omakase 個隻壽司飯😉🐓鐵板燒山賊醬蟹蒜地雞呢款簡直係重口味人士之選，山賊將入邊有勁多黑椒，再加埋蟹油、蒜蓉，超級濃味！加上鐵板令到雞肉燒焦脆！非常惹味！磯燒鮑魚一本隻鮑魚非常新鮮，店員攞去燒之前會先俾你影相打卡，影嘅時候，隻鮑魚係仲識郁嘅！鮑魚肉厚鮮甜，配上黑椒粒提鮮！冇過多嘅調味料，你完全可以嘗試得到鮑魚嘅鮮味😛🦪磯燒岩手縣生蠔一本燒生蠔有手掌咁大，食落去非常肥美，肉質嫩滑！🐚蟹油蒜燒帆立貝+ 海膽燒帆立貝同樣係燒帆立貝，蟹油蒜燒就海膽燒濃味得多！蟹油加蒜嘅配合，再配上帆立貝本身嘅鮮甜，層次感非常豐富！再加埋燒過嘅香氣，四種層次互相輝映，味道一絕！但如果唔係重口味人士，海膽燒帆立貝都唔錯，海膽本身鮮甜，正面襯托帆立貝本身嘅鮮味，兩種鮮咪互相疊加，鮮鮮鮮！…查看更多

呢間人氣水產居酒屋，見好多好評，今次終於有時間去試喇～ 特別想試佢哋嘅磯燒水產，由店員即席代燒，生熟度處理得宜。日式居酒屋陳置，猶如置身於日本，咁啱係晚市第一枱客，趁未有咁多客之前，快快手影，影完無耐已經坐滿咗半間舖喇黑門令蟹味噌甲羅燒 $72常見嘅招牌菜，烘烤過嘅蟹膏特別香，個個食過都話正！黑門令龍蝦湯煮海鮮 $98迷你鍋內有蠔丶蝦丶魷魚鬚丶螺丶金菇丶芋絲，經龍蝦湯煮過，味道更濃郁海苔酒燒帆立貝 $88大大粒帆立貝，燒緊時已經好香，燒後鮮甜美味，蟹籽仍然卜卜口感，海苔味亦重花酒漬甘蝦刺身(6切) $128花雕酒浸過，充滿酒香，但唔會搶咗甘蝦本身嘅甜味，唔使再點豉油食已經夠味三文魚刺身(4切) $78三文魚厚切，夠新鮮肥美北海道海鮮丼 $178五款魚刺身丶三文魚籽丶蟹籽丶帆立貝丶海膽丶甜蛋，好豐富嘅刺身丼，兩個人share就啱啱好脆燒白穴子串(1本) $98趁熱食，微脆內軟鐵板燒山賊醬蟹蒜地雞 $138深底之心 $68柚子檸檬梳打 $68…查看更多

前排係日本🇯🇵旅行番嚟 真係好掛住日本啲美食呀😛今日就跟屋企人去位於尖沙咀既黑門水產要食個夠😚由於呢幾日都幾凍下 所以我地都叫左一啲用網燒整熟既熱食🥰首先係 黑門令大漁魚子醬脆脆包😍 非常岩想一口食盡好多美食既人😚脆包上面有爆多豐富食材 😙有吞拿魚、生蝦、蟹絲、刺身、海膽 跟海量魚子😋 所有食材都好新鮮 勁鮮甜 一啲猩味都冇😎同埋個包真心好脆😌一咬入口係多重口感👍第二樣食既野係 岩手縣赤崎生蠔🦪呢個生蠔真係好大隻 勁厚肉！食到lam lam 脷同埋好creamy 又fresh 冇咩猩味😍一啲金屬味都冇！柔軟多汁 😉不得了！第三道菜係北海道海鮮丼🦞當中有 海膽、帆立貝、三文魚🍣、鮮蝦、魚子、 玉子、 油甘魚、吞拿魚 非常豐富😍仲要皆好新鮮鮮甜 啲剌身都係厚切 很肥美🤪第四樣野食係海苔酒盜燒帆立貝呢道菜係餐廳店員會幫手在網上面燒既😉在未燒之前 已經見到個帆立貝好厚肉😜仲配添了啲冬菇跟魚子 同埋一啲紫菜絲 配埋酒香味更夾！ 店員仲好細心咁幫我地剪開帆立貝 跟朋友share嚟食十分方便😋第五道菜係赤鬼蟹味噌甲羅燒 🌶好難得係香港搵到甲羅燒 😙 本身燒前可以清楚見到個醬係由 帶有辣味既明太子、魚子、鵪鶉蛋、蟹肉、蟹子 等在磯燒而成！店員幫手燒好後 可以把熱騰騰既醬塗上香蔥梳打餅上 咸咸辣辣的好惹味🔥第六道菜係黑門令龍蝦湯煮海鮮🦞不要以為佢細細鍋 其實材料都唔少架先有蝦🦐、冬菇、芋絲、魷魚🦑、海螺🐚特別要讚係海螺 好彈牙又大粒😚金菇仲要吸哂啲精華tim!在冬天燒完熱辣辣咁食 十分幸福😏最後係鐵板燒山賊醬蒜地雞🐔店員在呈上前見到佢倒了啲油 然後雞肉在鐵板燒上吱吱渣渣咁跳舞😙加埋啲炸蒜係上面真是滿分💯同埋記得要趁熱食呀 唔係就好易燶底😌至於野飲 呢到好多酒揀 但屋企人未成年未飲得🤣結果我飲左一杯赤子草苺🍓而佢就飲了奇異果梳打🥝呢到啲野食都好新鮮 又多選擇 好似番左日本咁😎…查看更多

適逢老公準備生日 揀左呢間想去好耐嘅居酒屋食餐好嘅🥰門面好地道 相當吸引除咗壽司刺身 仲有鍋物 丼 天婦羅 燒物等等😋超愛漬物嘅我先叫左個花酒漬甘蝦刺身 酒味好出 帶啲鹹香 唔需要再點醬汁 好好味❤️蝦好鮮甜第一次食秋刀魚刺身 9-11月係秋刀魚當造期 所以食落特別肥美 味道濃郁鮮香 油脂豐厚 而且賣相好靚 仲有魚頭魚尾做伴碟😂👍🏻真材實料大愛呢塊脆脆包 內有乾坤😍脆脆包上面有吞拿魚蓉 蝦 蟹肉 飛魚籽 三文魚籽 海膽 魚子醬 口感超豐富食落好滿足反卷沙律醬帶少許辣味 相當開胃 最有驚喜嘅係入面夾住嘅海老係仲脆卜卜嘅🥹再加埋滿瀉嘅飛魚子籽三文魚籽超正北海道刺身丼有5款魚刺身 再上埋甘蝦 帶子 玉子 飛魚籽 三文魚籽 海膽 超級豐富~刺身都好鮮甜肥美 食落好濕潤😋珍珠米上有少許紫菜飯素👍🏻呢度嘅甲羅燒好多人叫 一共有3款口味 我地叫左黑門令蟹味噌😍蟹膏 蟹籽 蟹肉同鵪鶉蛋燒完溝埋放梳打餅上面食👍🏻👍🏻👍🏻蟹膏味特別香濃鮮甜 口感亦好creamy 超唔捨得食😂蠔 帶子 蝦 飛魚籽 海膽 賣相好吸引👍🏻店員會加啲上湯落去一齊燒 食落好鮮 蠔亦好肥美多汁😋呢個睇落冇咩特別咁 但食落一流 佢湯底係龍蝦湯 我地一啖又一啖咁飲唒🥹超香濃嘅龍蝦味 配料有冬菇 芋絲 八爪魚仔 螺等 索唒龍蝦湯湯底味 一試難忘愛琴海甜甜地帶啲茶味 幾清新解渴玫瑰梅酒偏甜 但幾好飲😋啱晒想飲酒又怕酒味苦味嘅人 咁啱影緊呢杯酒嘅時候 突然全場熄唒燈 以為跳fuse 突然店內播起生日歌 原來有客人生日😂嚇咗一跳 唱完店員仲同客人講生日快樂 好溫馨❤️…查看更多

同好姊妹喺K11剪完頭髮，兩條友都餓到暈，就去對面棉登徑搵食，睇中呢間黑門水產。呢度嘅料理都比較特色同幾新穎，我哋完全唔睇價錢隨心乜都點吓，首先每人點一份黑門帆立貝伴魚子醬，帆立貝經過燒烤，上面有三文魚子、海膽同黑魚子，連埋紫菜食非常鮮味。另外仲點咗秋刀魚刺身，平時食秋刀魚通常都係鹽燒，原來做刺身嘅肉質係好香好滑，非常甘香，再配埋佢嘅特製醫汁，以取代壽司豉油，又別有一番風味。跟住我哋就揀咗幾款需要燒烤嘅菜式。黑門令蟹味噌甲羅燒係我哋一致嘅首選，蟹膏醬再混入蟹肉同蟹籽，配上紫菜味梳打餅，真係無懈可擊。混合咗嘅蟹膏醬因為有蟹籽喺入面，所以食起上嚟更加有口感。另一個就係黑門令龍蝦湯煮海鮮，入面包括有幾款海鮮之外，仲有冬菇、芋絲等嘅配菜，索晒龍蝦湯嘅味道真係好味又有益。第三款係蟹味噌燒帆立貝，材料包括有蟹膏醬同蟹籽，仲有一啲配菜。帆立貝加入上湯慢燒，所以帆立貝可以慢慢吸收蟹膏醬嘅味道。鐵板燒山賊醬蟹蒜地雞份量相當多，醬汁味道濃郁，帶點黑椒味，雞肉都嫩滑。最後我哋都揀咗個主食，蒲燒鰻魚飯配有紫菜絲同蛋絲，鰻魚厚身而肥美，飯粒粒粒分明，係我最鍾意嘅味道。愛琴海本身味道比較清香，酒味比較突出。海底之心顏色都已經夠晒靚，真係好有海洋嘅感覺。…查看更多

·黑門水產すいさん 位於尖沙咀日本街——棉登徑🇯🇵無論出面門面定裡面裝修都有濃濃嘅日本風傳統日式浜燒店的裝潢 貼滿日文字嘅海報令人有種飛咗轉日本嘅感覺✈️🥇黑門令大漁魚子醬脆脆包💰88必點之一💁🏻‍♀️底下係一塊脆口的法包，放上幾款新鮮嘅刺身——牡丹蝦、海膽、三文魚籽、吞拿魚蓉、魚子醬，集鮮味於一身，口感同味道都極為豐富💯🥈脆燒白穴子串💰98外皮燒到金黃香脆🤩，肉質鮮嫩綿軟，簡單撒上海鹽同黑椒碎調味，燒出白穴子本身的鮮味及魚油香😋🥉黑門令蟹味噌甲羅燒💰72蟹蓋釀入新鮮蟹肉、蟹膏、蟹籽、鵪鶉蛋、香蔥一齊燒，火候控制得剛好👍🏻，蟹殼完全冇被燒燶嘅嘅狀況。未食已經聞到濃郁的蟹膏味，拌勻後厚厚地鋪在爽脆的梳打餅上，啖啖滿足🥰🦞黑門令龍蝦湯煮海鮮💰98龍蝦湯湯底同廣島蠔🦪、海老、魷魚🦑、海螺、芋絲、金菇、冬菇🍄一齊煮，小小的一煲盡是海鮮的精華，雙重鮮味。龍蝦湯非常香濃，同時帶出其他食材嘅鮮甜💕🐚極上大漁貝燒💰98帆立貝鮮味十足，旁邊放上肥美的蠔、爽口彈牙的鮮蝦🦐、晶瑩通透的三文魚籽、鮮甜的海膽🤤，用貝殼盛著來燒，保留到海鮮的原汁原味，入口仲有滿滿的清酒香❣️🍤赤鬼海老天反卷💰158超級足料的炸蝦天婦羅卷物，有六大舊。海老炸得好香脆，被滿滿的飛魚籽同三文魚籽包裹著🫣，形成外冷內熱多重層次的口感，再配上明太子醬，微辣又惹味🌶️🤌🏻📍黑門水產すいさん (尖沙咀)棉登徑8號地下3-4號舖…查看更多

餐廳嘅門面和店內都好🇯🇵日本風格 ，掛滿貝殼、日文價錢牌、海報等等，即時進入日本旅行feel✈️🔸黑門帆立貝伴魚籽醬大大粒嘅帆立貝好鮮甜，配上味濃海膽和魚籽醬，中間加咗塊紫蘇葉，巧妙地平衡咗各種味道，唔會互搶 👍🔹黑門令蟹味噌甲羅燒將鵪鶉蛋、魚籽、蟹膏一齊燒，未食已經聞到香味。之後將混合魚籽嘅蟹膏，厚厚咁放上梳打餅上，非常香濃而且啖啖有口感，大滿足 🥰🔸黑門令龍蝦湯煮海鮮用小小嘅盤子，以龍蝦湯煮生蠔、蝦、魷魚同螺肉，只靠想像都可以諗到湯嘅濃郁程度🫶🔹蟹油蒜燒帆立貝熟嘅帆立貝一樣甜美彈牙，店員更細心將帆立貝剪細，方便同朋友分享👯‍♀️。不過覺得蒜略多，口味較重🔹長崎伊佐木🐟伊佐木係店員特別推介👐嘅時令海產，以汁煮熱食。伊佐木因為脂肪含量較高，比較肥美。熱食嘅魚肉依然爽口鮮甜，而且魚骨唔算多，所以啖啖肉。配料嘅蘿蔔、冬菇同豆腐亦完全吸收晒燒汁嘅味道💕🔸黑門三文魚加州反卷三文魚新鮮，中心嘅牛油果蓉亦好香滑，裡裡外外都好食🥑🍹赤子草莓🍸玫瑰梅酒餐廳嘅食物真係用料新鮮😋，又有日本氣氛，所以人流不絕，記得一定要訂座!…查看更多

尖沙咀棉登徑好多日系餐廳，今日就揀左上網好高人氣既黑門水產すいさん，佢地好似招牌出名係甲羅燒、仲要係專人在你枱燒👀👀佢地門口貼左好多明星相，平日晚上8點幾都幾乎坐滿左人，但我們好彩，去到就唔駛等，即刻入得，食的期間，餐廳都keep住滿座。坐低就已經有本幾厚既Menu😆😆 打開真係好多選擇。我們二人今晚都order 了唔少種類的食物，當然唔少得有甲羅燒啦先上的是黑門令大漁子醬脆脆包 $168法包係脆版，上面鋪滿了吞拿魚魚蓉、海膽、三文魚子、蟹子、仲有好矜貴嘅黑魚子 Caviar，材料超級豐富👍🏻緊接着上的是蟹油蒜燒帆立貝，帆立貝肉身好厚，咬落口完全唔韌😚😚燒的還有黑門令龍蝦湯煮海鮮，他們都安排了專在我們面前燒，我覺得真係值得為左呢度食物同服務而黎。😉最後，要燒的當然係黑門令蟹味噌甲羅燒：蟹膏配上梳打餅好簡單就已經一流啦即食的還有赤鬼海老天反卷蟹子、三文魚魚子都好多，天婦羅蝦包係中間都好香脆，完全無林到。最後上的刺身盤就係 岩手縣赤崎生蠔 - 兩隻 $156 & 吞拿魚刺身 - 四片 $138生蠔好大隻，好肥美😄😄而吞拿魚厚切，雖然是赤身，但完全無根，同時都好新鮮👍🏻👍🏻飲品方面，我們一人嗌左一支裝啤酒 Sapporo 330ml (5% Alc/Vol) $48 & 人氣No.1 的深海之心 $68Sopporo啤酒小麥味好濃，而調既海底之心就是Vodka 加soda，仲有些果酒在入面，面頭加了株薄荷葉同片檸檬，味微甜、清新。今晚絕對是好感恩的一餐…查看更多

平日8:30pm去到，都要等位，真係好墟冚、熱鬧。呢到好有日本風，好似啲居酒屋咁樣，枱與枱之間都幾迫架。首先我嗌左一杯Orion生啤，好爽。再叫一杯梅酒，酒杯裡有粒好大既冰，飲落好清甜。之後我食左：赤鬼海老天反卷，總共有六舊，有勁多蟹子同埋三文魚子。睇得出廚司真係幾有心機擺/之後有黑門令龍蝦湯煮海鮮🦞，入面有蝦、生蠔、魷魚、螺，龍蝦味唔算太突出，但係啲海鮮超新鮮。人之後真係好驚喜。有隻勁大既岩手縣赤崎生蠔，上面有啲柚子啫喱；仲有活鮑魚刺身，好爽口。跟住到切定要食既 黑門令大漁魚子醬脆脆包Kuromon Rimming Caviar，係mix 海膽蝦吞拿魚等，口味好豐富。不得不試既係 黑門令蟹味噌甲羅燒，侍應會首先拎過黎俾你影相，跟住再走去燒。當然，呢啲咁邪惡既野 緊係好味到不難形容。另外我仲有叫極上大漁貝燒 同埋脆燒白穴子串好滿足…查看更多

每次經過尖沙咀棉登徑都見到唔同日本餐廳，例如串燒店、居酒屋、燒肉店等等。其中居酒屋有至少四間，今日同女友食左黑門水產，我相信係性價比最高嘅一間👍🏻餐廳入面非常熱鬧，不斷播放日本歌曲，而且有我鍾意嘅YOASOBI😍。裝修設計傾向日本漁村風貌，牆身亦貼上不少日本風景照🏞- 長崎本釣池魚成條池魚起曬骨，而且可以「一味兩食」，味道甘甜肉質非常彈牙🥰- 海膽蟹味噌甲羅燒蟹蓋上面有海膽、蟹膏、蟹肉絲、蟹籽、生鵪鶉蛋和香葱🤩。店員會幫客人燒烤，所以生熟程度啱啱好。燒既時侯職員將所有材料拌勻，蟹膏鮮味滿溢，配上梳打餅有另一番風味👍🏻- 蟹油蒜燒帆立貝同樣職員會幫我地燒帆立貝，蒜味非常香濃，帆立貝肉質鮮嫩多汁！- 赤鬼海老天反卷手卷係居酒屋必點首選，因為好多飯夠飽肚🤣。入面係天婦羅炸蝦，炸粉唔厚，蝦仍然爽口彈牙，加入三文魚籽同明太子醬更加惹味。- 黑門令龍蝦湯煮海鮮龍蝦湯口感比較稀身，對比西餐嘅龍蝦湯截然不同🤔。海鮮包括海螺、蠔、蝦同魷魚，龍蝦湯吸收埋其他海鮮既精華，味道超級鮮甜😋- 黑門令大漁魚子醬脆脆包脆脆包猶如一艘軍艦，陣容非常鼎盛，包括吞拿魚蓉、海膽、魚籽、蟹肉、蟹籽、同埋魚子醬😍。美味程度非筆墨所形容，口感非常豐富。- 巨蜂乳酸生啤呢款生啤非常適合女仔飲，味道一啲都唔苦澀，甜甜地容易入口。- 海底之心賣相非常吸引，味道清香，同巨蜂乳酸生啤一樣容易入口👍🏻整體而言，所有菜式都好出色，以後想食日本菜一定諗起尖沙咀棉登徑，而黑門水產絕對係性價比最高既一間！…查看更多

🍣三文魚刺身 四切$58🍣吞拿魚刺身 四切$138刺身好厚身 大大啖蛋白質 紋理飽滿 食起來滑嫩多脂☺️ 解凍得啱啱好 唔會有冰鮮味 係居酒屋既水準💯個人認為三文魚比較抵食 吞拿魚刺身係呢個價錢會希望口感更豐富同鮮🤧🥘黑門令龍蝦湯煮海鮮$88濃郁嘅龍蝦湯 配上多種類嘅海鮮🦞侍應會即場擺係爐上面煮滾🙌🏼 龍蝦湯唔係普通嗰啲罐頭湯味 可以飲得出不同海鮮嘅鮮味喺裏面👍🏻 🍪黑門令蟹味噌甲羅燒$72唔好睇佢好似一坺嘢咁核突 第一次食甲羅燒估唔到咁好味🤤蟹膏 蟹子 鵪鶉蛋 同蔥煮溶埋一齊 同梳打餅一齊食 好嘢味 must try🤩🤩🍣蔥吞拿魚腩卷$88高質吞拿魚腩卷 溫度保持得好 吞拿魚腩多脂😋🍣黑門令大漁魚子醬脆脆包$78 /pc🍣Kuromon Rimming Caviar脆脆包配上大大啖嘅海膽同魚子醬 好好味既組合 海膽亦好新鮮 好幸福☺️☺️…查看更多

之前有聽同事介紹黑門水產，咁啱有日行過又見餐廳有位就入咗去試吓。刺身嗌咗兩款，三文魚同油甘魚，兩款刺身都好肥厚，油脂分佈平均。本來想叫個時令秋刀魚刺身，可惜當日已經賣晒。第一款前菜係「赤鬼海老天反卷」，即係炸蝦卷，上面有足料嘅三文魚籽同蟹籽，隻蝦炸得好香脆，加埋隻醬相當滿足。另外一款前菜係佢其中一款招牌菜式「黑門令大漁魚子醬脆脆包」，喺塊鬆脆嘅麵包上面鋪滿各種新鮮刺身，有海膽、三文魚籽、飛魚籽、呑拿魚蓉、蟹膏、牡丹蝦，全部都好新鮮，咬落好過隱好滿足。主菜叫咗四款，首先係「脆燒白穴子串」，燒到個皮脆卜卜，但仍然keep到啲肉汁。第二款係隻「牛油燒帆立貝」，隻帆立貝本身已經好肥美，落埋啲牛油去燒仲香。個「黑門令龍蝦湯煮海鮮」份量雖然唔大，但係材料非常充足，啖啖都有濃郁嘅海鮮味。呢餐個精華⼀定就係個「黑門令蟹味噌甲羅燒」，影完之後職員就會放上個爐，燒完就將啲醬放上塊梳打餅上面食，好creamy好濃郁好好食，好食到唔記得要影相。整體而言食物水準都好高，餐廳環境亦都好有feel，值得一試。…查看更多