葵

見到黃色門口夠搶眼，而且唔洗等位，所以入去試一試老公點左黑蒜油，我點左柚子雞湯，义燒可自由選豬或雞肉黑蒜油一上枱好香，湯汁算濃，老公咁重口味都話ok.. 味蛋都入味 最正最特別係片狀粟米賣相是幾高分的講到這裡都好似好正咁.. 係咪唔明點解我話不會有下次？！ 因爲拉麵的靈魂：拉麵本身唔得！完全係supermarket買現成拉麵的質素！拉麵無味無口感，個湯同配料都救唔番（而且個雞湯偏淡，柚子味又唔夠清甜，只是黑蒜油湯比較好）真係愈食愈失望…查看更多

朋友話尖沙咀開咗間拉麵店🍲又抵食又好味，今日帶我去試下。店內細細，只有幾張吧檯。拉麵款式唔算多，不過通常好食嘅拉麵店都係得幾款選擇。menu上只有4款拉麵：雞白湯拉麵、柚子雞白湯拉麵、辣味噌拉麵同埋期間限定，見到menu同牆上面貼上期間限定係黑蒜油拉麵，話明期間限定，當然一定要點番碗啦。而因為我哋大家都唔食辣，所以都無揀到辣味噌拉麵，最後揀咗特別少少嘅柚子雞白湯拉麵。呢度落單方式同日本餐廳點拉麵嘅方法都一樣，可以比客人自由選擇配料同調味料。例如：叉燒方面如果揀正常就有兩片雞、一片豬，客人可以自行揀要全雞或全豬。雞油、蔥、拉麵軟硬度都可以自己選擇。柚子雞白湯拉麵湯底清淡，麵上有一團柚子蓉，將佢撈埋落湯，有淡淡柚子嘅香味，感覺清新。兩片雞🐔、一片豬🐖，份量足夠，麵質爽口彈牙， 滋味十足。黑蒜油拉麵非常濃味，濃郁稠密的黑蒜湯，麵質煙韌彈牙，全部都配以秘製厚切叉燒、溏心蛋、 掛湯能力一流。另外本身想叫個小食胸軟骨餃子，可惜已經賣晒！唯有下次再嚟過。飲品方面都有好多款式，除咗各式汽水之外，仲有好多款日本直送嘅梳打，例如：招福貓梳打、完熟桃味梳打、信州白葡萄梳打等等。大家下次去開尖沙咀，不妨可以考慮下去呢度食拉麵🍲。…查看更多

同朋友經過尖沙咀，見到呢間拉麵店入去試吓先我哋叫左個柚子雞白湯拉麵、黑蒜油拉麵和餃子。柚子雞白湯拉麵，個雞白湯幾濃味幾好冇豬骨噤濃，有一種淡淡柚子清新味，拉麵囗感軟硬度適中，幾爽幾彈牙半熟醬油蛋入口嫩滑，內裏好creamy一塊薄薄既大叉燒，入口唔鞋，除左平時食開既豬叉燒，還有幾片用雞肉壓成既雞叉燒，食落腍滑可口，比豬更軟滑，粟米居然唔係用罐頭，而且用鮮粟米起片，睇得出佢哋用心製作黑蒜油拉麵，個炸蒜好脆，聞落好香黑蒜味個湯入口好香濃，適合喜歡濃味既人，之於配料大致相同，只係變左全部雞叉燒有3-4片，聽侍應講呢個麵衹做個幾月，之後唔知會否再出。餃子，入囗皮薄，有d粒粒囗感爽脆，原來佢係用雞軟骨代替豬肉，我覺到呢款餃子冇豬肉噤油膩，俾人另一種感覺想越食越多…查看更多

今日經過尖沙咀，見到有間新開嘅拉麵店本來冇打算入去因店鋪唔係好大，簡約既裝修，還有冇街內其餘兩間拉麵要排隊，而且見到門外既餐牌得幾款食物選擇但睇清楚佢唔係sale平時大家食開既豬骨湯底，而係雞白湯，我在日本最多試過豬骨湯和魚湯，未曾試過雞白湯，本著我既尋食心態，即管入去尋食一番，唔試唔知好唔好我選左個柚子雞白湯拉麵、餃子、富士山柚子梳打和信州白葡萄梳打。餃子，入囗皮薄，食落以為豬肉餡，點知唔係，係雞肉味但有d粒粒囗感爽脆，後來問侍應佢哋話係雞軟骨，我覺到呢款餃子冇豬肉噤油膩，俾人另一種感覺想越食越多柚子雞白湯拉麵，賣相幾靚待應叫撈勻個柚子蓉先食，但我梗係未撈勻之前試吓個雞白湯先，個湯幾濃味幾好，冇豬骨噤濃，可能未試過俾到一種新鮮感我跟住將個柚子蓉撈勻再試，個湯比之前更好飲，多左一種淡淡柚子清新味拉麵囗感軟硬度適中，幾爽幾彈牙半熟醬油蛋入口嫩滑，內裏好creamy一塊薄薄既大叉燒，入口唔鞋，除左平時食開既豬叉燒，還有幾片用雞肉壓成既雞叉燒，食落腍滑可口，比豬更軟滑粟米居然唔係用罐頭，而且用鮮粟米起片，睇得出佢哋用心製作另外見到有個期間限定，係本人既喜愛，見還食得落，就叫多個黑蒜油拉麵黑蒜油拉麵，聞落好香黑蒜味個炸蒜好脆，個湯入口好香濃適合喜歡濃味既人，之於配料大致相同，只係變左全部雞叉燒有3-4片，還有粟米芯，聽侍應講呢個麵衹做個幾月，之後就冇。食完兩個麵都唔口乾但見佢d飲品都幾吸引，所以叫左兩款，其餘下次再試。富士山柚子梳打，入囗好香柚子味，好清甜信州白葡萄梳打，打開蓋已經聞到好香葡萄味，飲落好香甜食完之後店員會問覺得食物怎樣，叫食客比意見去改善原來有d嘢唔試過唔知，唔可以單憑肉眼去判斷，認為裝修簡單，得幾款食物就係唔得，差d錯過左品嚐美食機會，其實只係想做最好既比顧客品嚐，最後從之前待應口中得知，原來佢係其中一位老闆，呢間店係佢哋3位年青人一齊創業，得閒經過一定再幫襯他們…查看更多