荳子 (大埔超級城D區)

今日OT到攰攰地，時間都有d晏，因為太餓嘅關係，決定係大埔食埋個晚餐先返屋企。呢間Beans 其實平日經過都想試好耐架啦，不過每次門口都排滿晒人，懶得等嘅我唯有pass。難得夜晚有個窗口位吉左，自己靜靜地食個飯都幾岩！今日叫左個黑松露什菌意大利飯($98)，賣相就認真唔錯，表面鋪滿什菌，亦睇得出黑松露落得幾重手下。意大利飯最怕就係太濕，呢個又做得幾好，食落有個種綿身口感，幾creamy滑口，黑松露味亦突出，但又唔會完全蓋過什菌香味，幾balance！餐廳環境幾寧靜，係度食個飯都幾relax，岩晒今日咁攰嘅我，好好咁叉一叉電！…查看更多

周未搵食又有好選擇喇！人氣咖啡店Beans Cafe，店內佈置以木為主調，坐係窗邊望住人來人住嘅街景嘆住美食，俾人一種治癒嘅感覺，講到食物味道賣相同樣咁出色！黑松露什菌意大利飯 - 軟硬度煮得啱啱好，什菌又多又creamy份量唔算好多👍🏻👍🏻之後俾我發現可以追加車打芝士薯條就立刻order，芝士薯條最怕就係薯條🍟淋晒，不過荳子冇呢個問題，炸脆咗嘅薯條上面再淋上熱辣辣嘅車打芝士醬真係唔錯😋，見到旁邊甜品櫃擺放多款好靚甜品，忍唔住又叫件拿破崙試下，酥皮鬆脆而且又唔太甜，custard又香又滑😍最尾又點少得叫杯咖啡做結尾呢，hazelnut mocha 味道唔錯又有拉花可惜唔夠熱，另一杯premium chocolate特濃朱古力，雖然有層朱古力粉係面，但都係唔夠濃完全唔講得上係特濃，可能熱嘅會好啲啦！…查看更多

想當初這店甫開張初期，不論假日閒日任何時候，門外總有一條人龍等候，想吃可要碰運氣呢可是熱潮過後，除了早餐，早段晚飯時間，其餘時候大多不用等候即可入座了然而，可能是公司政策關係，晚上光顧時，都獲安排非常門口位，即使內裡有空位，職員都不太願意安排調枱的，要注意一下喔All Day Breakfast 吃多了，多好吃都會膩所以決定試一下其他的東西這個pulled pork帶BBQ 風味，甜甜的開胃惹味，上面的蛋是半熟的，切開混入豬肉更添濃郁薯條稍厚身，內裡有薯泥不會過乾沙律菜配醋汁，混著肉吃更清爽不過個人感覺是女生份量，大胃口人士留意了十分香滑濃厚的菇菌口味什菌份量充足，米飯煮得剛好，放涼了也不減美味其實是蘋果金寶變奏，成了宇治抹茶紅豆口味抹茶的點點甘味令這甜品減膩之外，更添層次上面的雪糕口感軟滑也是一個亮點朋友相聚自然話多，當然要點甜品作結沒什麼期待的焦糖布丁，卻意想不到的濃郁結實布丁質地綿密緊緻，吃入口中奶香芝士味散發旁邊的莓果以酸味將味道再提升因為點了兩道主菜，所以送兩杯指定餐飲不好咖啡的朋友，強烈建議點熱檸蜜一小杯但喝下去，味道紮實天然，確實不錯雖然此店以all day打響知名度，可是本人覺得其主餐單更有驚喜值得一讚是，店內一名帶眼鏡男侍應，不時留意顧客需要，服務態度也很貼心…查看更多

前陣子好友生日，但由於各有各忙沒有在生日前或正日成功約出來慶祝。是日大家偷了一個夜晚來小聚補祝，便約在附近簡簡單單吃個飯。荳子Beans在荃灣已經非常具人氣，特別是他們家豐盛的All day breakfast和抹茶甜品。前陣子在將軍澳開了分店後，現時又在大埔擴充了業務，我們更加不能放過這麼好的契機，帶壽星女兼抹茶狂魔一試加慶祝。7點半到，我們差一步踏進商場，透過玻璃門，眼看餐廳外沒有人群，心想：「今天運氣真好！雖是星期日但不用排隊，可以馬上入座醫肚～」下一秒入到商場，再看清楚，OMG!!!!餐廳10米外，有條長長而整齊的人龍，原來潮聖的熱潮還未減退。在等候時，他們大大個招牌前面放了個雲石高枱，擺放了兩張餐牌，但只是甜品或飲品類。可能餐廳轉放主菜餐單讓食客在等候時搶先閲讀並能更快選擇，食客既能快人一步點好菜，享受到美食，餐廳又能縮短每枱turnover rate，一舉兩得！環境光線充足，牆身怖置擺放了一些綠色植物，帶點小溫室感覺，而椅桌均以木製及黑色素色為主，整體感覺令人舒適放鬆。最特別的是他們安排了我們坐在雲石流水枱，設計是雲石枱中間開鑿了一條窄窄的流水道，點餐後侍應會放置木製托盤，用來放我們點的食物，整個設計別具一格，帶點日式氣息，感覺十分具創意而帶玩味。餐廳中間還設置了開放式廚房，主要是做來弄弄咖啡和陳設各式令人心動的邪惡甜品。黑松露什菌意大利飯意大利飯的份量不太多，只是碟子大，但意大利飯的醬汁較杰身而飽肚，所以份量部分還可以接受。口感濕潤，帶香濃黑松露味，什菌味突出，但單吃菇菌時，個人覺得會有點點鹹。可惜欠缺牛油忌廉汁的香氣和細滑口感，而且飯身煮得較硬，看似未能充分吸收雞湯便上菜，需要更多加嘴嚼才能咽下消化，所以口感較粗糙。小失望啤酒燒雞（半隻）燒雞烤得入味，肉質頗鮮嫩，食落帶微微蜜糖甜味，卻不太吃得出他們餐單上寫的Hogaarden的啤酒微醺香。薯條較幼身，口感普通，略嫌中間薯芯不足😥😥整碟燒雞，我最欣賞伴碟的車厘茄，烤得外皮微微脆，緊緊鎖住水份，輕輕一咬，蕃茄汁頓時溋溢口腔中，Good~~~千島醬蟹棒蟹子帆立貝薄餅友人玩味的說：「知道你一定會拍照，已經預先幫你擺好架步，拉起薄餅啦～」（心想真懂得什麼酸我🙄🙄😂) 但真心拉起芝士絲的效果好好，可見餐廳不惜工本的放下多麼芝士！！！薄餅烤焗得很新鮮暖和，完全不會燙口，可以大啖大啖咬下，嘴裡的薄餅具豐富的口感，一時又彈牙帆立貝和絲絲蟹肉，一時又香脆微酥的餅身，配上鹹香的濃郁芝士和千島醬，滿足滿足～～紅豆抹茶窩夫甜品主角出場了！！！壽星女點的是紅豆抹茶窩夫，她說她想吃格仔窩夫，飽飽肚，令我們都以為他們家的窩夫是格仔形狀的，來到才發現是「可愛外星小UFO生物」。賣相可愛，窩夫雖細，但口感扎實綿密，配上抹茶雪糕，一凍一熱，吃的眼咪咪的～另外窩夫底下有不多的紅豆蓉和粒粒紅豆，加上煉奶，出奇地不會過甜，可能是我們四人分這個細細窩夫，分薄了甜感，幸好幸好....整體餐廳環境舒服，但人手有點過於充足，常在我們附近堆在一群，帶點點壓力給我們，而主菜水準不過不失，甜品外貌吸引但沒有太過驚喜。 如有機會，可能只會點All day breakfast一試😅😅…查看更多

係荃灣出晒名既荳子BEANS終於係大埔開左分店!明知新開一定要排隊...都係禁唔住好奇心要一試!店內環境有悉心佈置過有一part似咖啡弄既植物牆有一part就係相對既bar枱之間留左一道流水道雖然係幾有新鮮感 不過個張枱上面既食物都要另加一個高身托盤放係流水道上面...感覺係玩緊d侍應多d.....XD而位同位之間又逼 應該都食得幾唔方便XPP好彩我地今次被安排坐係卡位~~黑松露什菌意大利飯 $92 (味道:7/10, 份量:5/10)聞就聞到好香松露味~ 食落陣松露味就唔見晒lu...不過勝在佢成碟既醬汁都幾濃厚, 而菇菌都好足, 所以都唔錯不過齋講食物質素就唔係好值$92呢個價...意大利芝士菠菜雲吞 $88 (味道:4/10, 份量:5/10)呢碟真係少得好可憐呀咩事T_____T食過咁多度既意式菠菜雲吞, 都係第一次見到咁細隻既@@份量少都算... 最估唔到係可以做到一D味都無@_____@菠菜呢....? 芝士呢....? 我剩係覺得自己食緊一D皮...唔知咩材料既皮.... so bad....千島醬蟹棒蟹子帆立貝薄餅 $88 (味道:7/10, 份量:6.5/10)Pizza既水準係最正常既~ 厚餅底, 唔會焗得過火上枱時已經係分好左4件~ 每件上面都有一粒帆立貝+蟹子食下食下又會食到有蟹柳係芝士入面, 千島醬味唔算太過份, 唔會cum晒其他材料既味, 幾好!啤酒燒雞(一隻) $178 (味道:7.5/10, 份量:7/10)食食下發現D碟頭咁細 唔掂... 所以就加多左隻燒雞啦~~~燒雞反而唔細隻! (令人刮目相看=PP)而且因為用左啤酒一齊整, 底層既雞肉會因應啤酒蒸發出黎既水份而變得柔軟同充滿水份~~所以呢份整得唔錯呢! 什至連薯條都無平時食到既咁熱氣配埋燒雞汁唔使點茄汁都OK~野飲方面, 每款主食會免費配一杯檸檬蜂蜜/黑糖姜母茶/Americano, 如果想試飲佢其他特色飲品(例如Rainbow Latte個d...)叫主食可以以減$8既優惠享用...由於減得太少, 我地都無轉到上面兩杯係檸檬蜂蜜&黑糖姜母茶前者無味, 後者唔錯!最後, 黎得BEANS, 一定要試佢既甜品既~~Green Tea Combo (左起: 抺茶白朱古力流心蛋糕,流心抺茶芝士撻,抺茶雪糕) $88 (味道:8/10, 份量:6/10)呢份甜品可以話係拉返高晒成餐既評分!流心蛋糕(即係心太軟)熱辣辣, 一叉開見到濃厚既抺茶漿流晒出黎好滿足XP 不過隻碟無邊邊 佢好快就流到落枱/___\抺茶味好濃! 唔會過甜過膩, 好令人回味!!中間既芝士撻 唔知係咪放耐左先食既關係 已經冇流心效果了...不過都夠暖粒粒 芝士味唔會太過 搶抺茶味撻皮硬淨 中心幼滑 口感都唔錯~最右邊係抺茶雪糕配十勝紅豆, 香濃幼滑~~ 唔夠食 ;D4人食既晚餐, 覺得唔係幾抵...除左最後個甜品同燒雞外, 其他食物其實都係普通質素但係價錢就唔係普通價錢服務方面更加係有待改善, 唔係態度差 而係比較多係新人 唔熟手如果仲要排一大輪先有得食 真係唔會有下次~下面影低左佢地既Menu比大家參考~Drink menuessert menuessert menu 2:All day menu:All day menu 2:All day menu 3:…查看更多