CHOO CHOO

跟友人聚舊，厭倦了油尖旺的繁囂，在openrice找到長沙灣一間比較有特色的小店，決定去試試！看到網友說店名Choo Choo是火車準備開出的聲音，店內裝潢都十分切合這個主題：兩邊牆上裝有螢幕，播著日本的鐵路風景，還有行李架、窗簾，像真度很高。餐牌也很心思，每頁都是剪貼上去，活像一本紀念冊。雖然店內座位不多，但兩位侍應都服務很好，推介了幾款受歡迎菜式給我們：本身很喜歡牛油果和糖心蛋，所以一見到就決定點了，比想像中更好吃，燒雞薄脆，配上芥末和檸檬汁很清新，十分開胃。牛肉厚切夠口感，叫了七成熟但還很軟綿多汁，初時以為面上的是芝士碎，但廚師說是牛油，牛肩點上融化的牛油令牛味更香濃，我們都忍不住不顧膽固醇點了很多牛油LOL 配菜波特菇更有驚喜，切了一小塊已覺很多汁，一大片放進口裡更是爆汁！沾上牛油吃真是超滿足～本身喜歡西班牙海鮮飯，所以一定會試，這裡的很足料，主角黑墨魚厚身爽口，又有帶子、魚蝦、青口，不過小女子偏好軟身一點的飯粒，如果可煮得再軟一點點就更好了。見很多人都點這個燈泡造型的飲品，忍不住也跟著點了，入口先有香蕉味，很快便湧出芒果味，兩種果味都新鮮濃郁，不像坊間那些混了很多水或者人造糖漿，這杯的感覺很天然清新。本來完美的一餐應該以精美甜品劃上句號，但剛巧這晚只有一款是日甜品，沒有我想試的粉紅波波（L.D.K.），加上已經很飽了便沒有叫。總括來說，這一餐非常滿足，下次要試其他菜式呢～------------------------------By alvahana…Read More

周日下午同B仔係長沙灣睇完樓，又熱又肚餓~ 見呢間餐廳門口有位泊車，即刻停低試下~估唔到外面無咩特別，裡面裝修咁有心思!  餐廳係扮在日本的火車理面用餐，牆上的電視扮窗，播住火車經過的風景(仲要係靚靚雪景!)，久唔久又會停低扮到站~ 餐牌都好有心機~ 係依本旅遊日記~ 我地叫左好多野食1) 芥末籽燒雞牛油果沙律配溏心蛋 $88我本身係牛油果怪，所以對呢碟野好有好感! 賣相一流，加埋正宗溏心蛋，齋睇都開心燒雞不錯，有rosemary香~ 芥末汁令人開胃 夠汁~ 沙律菜都好新鮮! 索索聲!2) 黑墨魚筒西班牙海鮮飯 $98我本身麻麻西班牙飯，因為覺得好鹹~ 但B仔鐘意，即管比個機會佢~又OK 波~ 味道岩岩好 好鮮~ 飯一顆一顆，粒粒都入味、有咬口青口大小適中，不會韌蝦蝦剝左殼，啖啖肉魷魚煮得岩岩好!3) 西班牙依比利亞黑毛豬梅扒配迷你甘筍玉米 $178無呃人~ 一食就知係西班牙黑毛豬，因為同我係一田買嘅一樣味!果陣肉味真係好味過和牛~ 無咁肥膩但又諗身無敵正4) Mango Banana Energizer $48比賣相吸引而叫~ OK 啦~ 甜左D~ 整體價錢合理，好味又有得泊車，兼唔洗等位，所以唔洗講我都一定會再去幫襯，試埋其他菜式…Read More

唔駛出國，都可以享受到旅行feel + 美食？今次我同友人就發現到哩間位於長沙灣以「旅行+美食」為主題嘅特色餐廳！一踏入「Choo Choo」，就俾佢嘅裝潢吸引住！店裡嘅裝潢以「火車車廂」為主題。除左一啲層架/ 車廂擺設外，最具心思一定莫過於 牆上模擬車廂窗戶嘅設計！每一個窗戶都設有一個mon，並播放住唔同國家嘅街景片段，就好似置身喺列車上用饍一樣，非常有feel!而menu都係另一超有心思之作設計到好似一本旅遊筆記本咁！每本都代表唔同國家。入面放佐嗰個國家嘅車票或旅行照片，仲有景點推介&心得！淨係欣賞本menu，都用佐唔少時間呀！⭐️西班牙伊比利亞黑毛豬梅扒（全橡級別）— 迷你甘荀 、燒粟米（$178）推介！黑毛豬表面煎得略脆，但內裡仍保持肉汁鮮嫩，一啲都唔un！豬肉油脂分佈均勻，再配埋旁邊甜甜地嘅醬汁，相當美味⭐️黑墨魚筒西班牙海鮮飯（$198）一上枱時，就俾海鮮嘅份量嚇了一跳，沒諗過份量係如此多！！！蝦/帶子/墨魚筒/魚柳都係悉心煎過，所以香味更濃，特別鐘意帶子&墨魚筒！而飯嘅味道都剛剛好，唔會太辣或太濃而搶過海鮮嘅鮮味！⭐️Uji Matcha Latte ($42) 抹茶味跟牛奶比例剛好，味道唔會過甜，仍保留抹茶嘅甘香！今餐有如置身列車中嘅美食之旅，不論環境和食物質素都很滿意，必定會再encore …Read More

同男朋友撐枱腳，去邊好呢？就等我地坐火車，等呢架唔停駛既列車帶我地去有美食既地方啦🚆一入到「Choo Choo」，雖然地方細細，但係比藍妹既感覺好好，音樂柔和🎶，唔會嘈到我地傾計。同時，昏黃既燈光照住每張枱，唔會令人昏昏欲睡。😉 —藍妹最最最欣賞就係佢既Ｍenu，佢係一本充滿旅遊氣息既筆記本，貼滿左旅遊既相🗺。食物分類既方法相當特別，海鮮會寫「FROM THE SEA」，肉食會寫「LONE TRAVELLERS FROM THE LAND」，而每款肉類既旁邊都會有相應既動物小圖案，實在太可愛啦💗唔好睇少呢啲細節位，就係小小既心思，就令到客人有舒服窩心既感覺，藍妹大讚啊❣️ —鋪頭仲整左個Mon播住短片，模擬係火車車箱裡面望出窗既情景，又係小心思💖—我地淨係欣賞Menu都搞左好耐，終於入正題啦！🤣食之前大家要知道一樣野喔，就係佢既食材都係每日新鮮入貨既，保證新鮮唔會成陣雪味👍黑墨魚筒西班牙海鮮飯海鮮既份量相當多，蝦、青口、帶子、魚柳同墨魚筒，可以話每樣鮮味都十足，全部都有煮過／煎過先，令到食材更香更入味😉 。藍妹最鐘意係隻蝦（冇錯啦，藍妹係唔鐘意食蝦既，但都覺得佢最好食），男朋友最鐘意青口，大家唔洗爭😜飯粒比較硬，唔會好似意大利飯咁，粒粒都有咬嚼感。不過藍妹覺得太油啦，一路食一路有層油係面，雖然係好香，令飯粒唔會黏埋一齊，但如果可以少啲油份就更好啦😖—西班牙伊比利亞黑毛豬梅扒（全橡級別）—迷你甘蔗，燒栗米比起個飯，呢個真係好推介💯雖然只係得４舊，但係厚身啖啖肉嫁🤗黑毛豬肉既油脂分佈好好，每一舊食落去，肉既鮮味同膏既油脂味相當配合🤤侍應介紹話旁邊既醬汁係肉汁，偏甜，但係超好味，藍妹可以就咁食啲汁😜本身豬肉已經用鹽醃過，好夠味，可以單食，或者加肉汁食都好正😌—Uji Matcha Latte藍妹次次飲完Ｍatcha Latte/ Green Tea Latte都會訓唔著，今次聽到侍應話呢杯係冇咖啡因，唔知死又叫黎試。🙄畫花係例牌野，靚既。飲落去，始終都係好多綠茶粉，好澀。不過奶味都算濃🙂藍妹到而家都未飲過一杯覺得真係好飲既Green Tea Latte，係咪一定要有少少粉先係正常嫁呢？藍妹唔會放棄，會努力去搵一杯好飲既😤—一晚過後，藍妹除左回味豬肉之外，亦好記得果到既細節心思位。今次乘搭住呢架火車，真係帶比藍妹幾特別既回憶。💖…Read More

陪家人去完明愛醫院覆診，一行入順寧道就被幾個舊喼吸引住，12點多D，襯未多人就入去食晏，細細間形造到好似身處日本火車內，左右各兩部螢幕不停播放行走中嘅雪景，視覺可影響體溫下，响炎炎嘅夏天，都倍感清涼❄️全間餐廳，不論餐牌、每件擺設、洗手間、埋單。。。都有旅行feel，但都唔夠食物吸引👇🏼慢煮手撕豬班尼迪．燒菠蘿．西班牙脆包 $98，手撕豬好棉，與半生熟蛋及自調芥辣醬，放响脆熱西班牙包一齊食，好食指數💯分；黑墨魚筒西班牙海鮮飯 $98，見得到廚師好有心機煮，味道食到海鮮香，只係飯可以軟熟返D就更好；西班牙傳統燒乳豬．燒菠蘿．迷你椰菜 $238，我要讚廚師之餘，都要讚自己叫得好，四分一隻BB豬，燒到脆卜卜，食到皮與肉之間嘅香濃膠質，唔會覺肥膩，醃料好輕，食到靚豬嘅原香味，與燒甜左嘅菠蘿間住食，可以中和滿口膠膠地嘅感覺；當我哋埋單走喇，侍應急急腳攞住兩杯有西柚及薄荷葉嘅凍水出嚟，佢話知道出邊好熱，俾兩杯水我哋路上飲，窩心💕！窩心💕！體貼到令我哋暖入心💗，立時飮返啖降降溫先❣️…Read More

其實好早之前都有諗住黎食，遲遲都BOOK唔到位。見朋友前幾日食過又喚醒了我要去試，終於今次BOOK到位了。店面以橙色色調，顏色鮮豔搶眼，容易搵到。店內以列車作設計，仿似在列車內環境進食。幸好餐牌每項選擇不多，經考慮後終於下定叫既菜式。叫左一份黑墨魚筒西班牙海鮮飯及一份牛肩胛配露荀黑松露波特菇。店員還熱烈推薦我地叫個EXPLORER,因每日會有所不同。所以要由員工解答今日係D咩，而今日係梳乎厘配藍莓雪糕。見推薦得，應該係好野黎，膽粗粗叫左份試試。黑墨魚筒西班牙海鮮飯賣相吸引，海鮮份量多有去殼蝦2隻、帆立貝1大粒、墨魚筒一大件、青口4大隻及貌似鱸魚既魚塊。西班牙飯食落口感豐富帶層次，飯粒分明，每樣海鮮都新鮮無雪氣味，入口彈牙有鮮味。整體品味不錯，值得試試！另外牛肩胛扒選擇左medium熟，配埋露荀黑松露波特菇賣相吸引，加上扒上淋左獨特醬汁，令香味更濃。肉汁味濃，牛味不錯，可惜這塊牛肩胛肉略為有根，影響口感。好彩有隻黑松露波特菇，黑松露味濃，加上勁多煮熟既蒜片配以多汁波特菇，食人食過返尋味，想一食再食。舖內兩側均有螢幕播放著列車行走時既畫面，真的彷如車卡內。甜品壓軸登場，好似花海一樣。七彩繽紛令視覺得已享受。經店員解釋過後得知色彩繽紛內配有梳乎厘、藍莓雪糕、雜莓、用糖炒過既果仁及鮮花。梳乎厘係流心既，口感軟滑，入口實在，唔係一陣風。藍莓雪糕細滑唔會太甜，配搭埋雜莓及用糖炒過既果仁，口感一流。店員無介紹錯，值得推薦，但價錢略為貴左少少，如幾個朋友share食都唔錯。…Read More

早幾日，來呢長沙灣呢間餐廳食飯，野飲野食都唔錯，最驚喜系北京鴨卷同甜品！餐廳裝修好特別，以火車做主題，牆邊仲有螢幕播住風景，模仿火車開動叫左波蘿椰子特飲酸酸甜甜，做凍飲一流，開胃！而且個杯同杯墊都好令，配合火車主題熱朱古力加拉花，賣相取勝！北京鴨卷好似Keba ，不過係本地特色的Keba。厚厚的面皮入面係洋蔥，青瓜，幾舊鴨肉。麵皮經過烘烤，所以有幾香同脆，不過有D過厚。不過鴨肉就好鬼juicy 配埋濃烈的洋蔥同清淡的青瓜，好食又飽肚，正！                        墨西哥辣肉醬配脆酸忌廉牛油果醬，都幾特別，記得以前去外國就成日食呢D。辣肉醬唔係特別辣，配脆脆有D dry 。不過牛油果醬配脆脆就一流，搞到最後D脆脆只能配辣肉醬，牛油果醬如果可添加就更好啦！                        海鮮幾好食，D蝦，青口，食落幾新鮮。不過墨魚筒就可以再香口D，西班牙炒飯好似唔夠火候，飯有D硬。                        個甜品好驚喜，賣相無得彈，睇相就知啦！frozen cheese 夠凍，甜而不膩，切開舊cheese ball 入面流出raspberry soda ，甜甜地，加上底下既mix berry curd同cocoa nubs，酸酸甜甜咁，口感不錯，又幾靚，值得推薦！總結餐廳環境特別，食物亦不錯，甜品尤其出色，值得一去…Read More

呢間餐廳叫 choochoochoo choo 就係火車聲無錯 呢間餐廳係以火車做主題既餐廳既裝修 都以車廂為藍本牆上面係投影機投影外國既風景 而且 每次既風景都唔同而我今日去果陣 窗外既風景係屬於瑞士既成個環境都好好，別出心栽食物既選擇唔算太多 而鋪內既位置唔多 唔會好嘈岩哂同朋友傾計食野我地首先叫左脆皮豚肉配胡椒番茄汁份量唔算太多 不過好有味道脆皮 我諗應該係豬皮黎 扑扑脆而豚肉整得好入味 唔難入口番茄汁同胡椒配合得好 成個味都好香仲有好多雞髀菇 正！之後仲叫左黑墨魚筒西班牙海鮮飯我本身都好少食海鮮但因為見到隔離枱都叫左賣相 香味都極為吸引 所以我都叫左一碟黑墨魚筒非常大隻 而且海鮮都非常足料有青口有蝦 又有辣肉腸仲有少許辣粉呢間飯非常飽肚我地叫左既飲品胡蘿蔔蘋果汁非常清新健康 胡蘿蔔味比較多 蘋果汁既味比較低調好飲菠蘿汁新鮮 有足夠既菠蘿味最最好食既係甜品佢叫做LJK士多啤梨味為主好似一隻雞蛋咁但佢係cream黎入面係空心 好似心太軟咁係士多啤梨汁黎而低層就係雜苺黎呢個甜品真係好食甚至想叫多一個！極好食！！最後去埋個廁所原來廁所係上一層連個廁所都係仿火車去設計好有心思！最後食左差唔多600$ 但絕對係物超所值！！！…Read More