夜貓。燒

营业中

休息中

好多人聽到我住元朗，都會話好羨慕呢區好多餐廳開到好夜，隨時食宵夜都可以😋今日做嘢做到好晏，夜晚11點嚟到朗屏站附近嘅「夜貓燒」食串燒🥰聽講老闆每日一早去街市揀食材同海鮮，咁有heart嘅小店，身為元朗人一定要嚟幫襯吓💪🏻嗌咗好多串燒，有牛舌芯串、雞皮、燒菠蘿、豬頸肉、牛肋條同秋葵等等…如果鍾意食辣嘅，建議嗌中辣會惹味好多🤤夜貓大雞髀 先嚟一隻店舖推介大雞髀，有我成塊面咁大都只係$35😍雞皮燒到脆卜卜，但係雞肉keep到嫩滑同埋多汁！黃立䱽但係呢度其中一個原因係想食燒魚🐟黃立䱽多肉而且冇乜骨，用嚟做燒烤一流！魚皮上面灑滿辣粉，加埋少少檸檬汁更清新👍🏻脆蒜茄子每次食燒烤必點完條大茄子，呢度嘅茄子加入脆蒜，蒜香味濃濃咁滲入茄子肉入面，超級惹味之選❣️麻辣花甲粉估唔到呢度有花甲粉，花甲乳酸大隻但係肉質飽滿，加埋入晒味嘅粉絲，味道同喺國內食嘅差唔多，好正！

位於朗屏站附近串燒種類好多款，海鮮、豬牛雞羊、特色串燒大部分我點小辣都好夠味-真。一夜乾馬友超大條呀，啖啖肉冇咩魚骨烤得剛剛好，外皮香脆肉質細嫩配搭泰式酸辣醬好有異國風味-蜜燒雞中翼一份有2串，甜甜地好滋味-海苔墨魚膠串墨魚膠好彈牙有口感，加埋面層海苔粉提升味道-爆蒜生蠔好大隻，面層勁多蒜好重口味-玉子燒好厚充滿蛋香，面層焦糖甜甜的-蟹肉蟹膏甲羅燒味道可以媲美日式居酒屋鮮味十足，好想配一碗白飯-燒賣烤燒賣世一！一定要點！一串唔夠食-蒜蓉粉絲扇貝粉絲好入味，扇貝好大塊-夜貓大雞髀雞髀好大隻！外皮金黃色脆卜卜內裡肉質好juicy充滿肉汁-麻辣花甲粉少辣都好夠，花甲份量多仲有粉絲和蔬菜-芝味茄子較少地方有芝士烤，通常都係蒜烤茄子超大片仲有2片芝士可以拉絲！-大啡菇面層是滿滿芝士仲加左ham，味道更豐富豬頸肉串、五花腩肉、魚腐和香脆豆卜都不錯在元朗想食宵夜飲啤酒便不要錯過了

元朗站📍 夜貓。燒-放工完元朗食返個燒烤🍖驚訝發現呢度既雞髀🍗幾得✨夜貓大雞髀（$35）呢個雞髀皮脆肉嫩😋😋皮好薄很香口，食落唔會好油膩，而且雞髀事先醃製過，好入面，配埋燒烤粉好滋味。蒜蓉粉絲貴妃蚌（$50）、蒜蓉粉絲象拔蚌（$53）、蒜燒生蠔（$48）海鮮配埋重量蒜同粉絲😍😍😍好惹味，海鮮都好鮮甜！生蠔🦪燒完都有咁大隻，同樣好鮮味😋豬大腸串（$25）、煙肉蘆筍串（$26）豬大腸都燒得好香脆，仲有辣汁附送，成個感覺冇咁寡👍🏻麻辣花甲粉（$35）花甲粉正正常常，湯汁都幾惹味，要左少辣。麻辣燙($58)呢個係$58蚊包一個粉麵同四樣餸。要左薯粉、午餐肉、蝦滑、肥牛同娃娃菜。份量對得著價錢，餸量都多，呢個叫小辣但食食下都幾麻，叫返兩枝王老吉下下火😂😂不過可能食左花甲粉，呢個又係粉麵，覺得少飽，如果唔叫呢個反而叫幾串串燒會balance d😙芝士年糕（$30）芝士年糕放到最後食，咬落煙韌，芝士濃稠少流心🫶🏻jenggggg餐廳有汽水同埋茶飲可以order，建議賣埋啤酒🍻，食串燒飲啤酒一流。環境方面，餐廳新開冇耐，座位算好多，但同埋之間空間感都足夠。室內燈光光猛，成個感覺幾舒服。

假日5點和朋友來到呢間位於元朗朗屏岩岩開門的小店，小店用雲石紋枱同金色靚碟，可以俾客人食住打卡。店舖用QR code落單，可以每樣串燒獨立揀小中大辣同唔辣，十分方便。小店即點即燒，所以要耐心等一陣上枱。麻辣燙（小辣）：$58可以揀4個餸，蝦滑、豆卜、蓮藕、生菜配紅薯粉，滿滿一碗，好豐富配料，小辣不太辣，下次可以大膽地點中辣。雞軟骨雞腎係串燒必食，原條魷魚串同墨魚咀串夠彈牙。而韭菜嫰綠爽身，蒜蓉娃娃菜切到細細塊方便進食，蒜蓉包好香脆。海苔蝦膠串：蝦膠份量足，大大一粒，惹味爽口彈牙~脆香茄子：真係好好味，鋪滿蒜蓉辣椒醬，撒埋蔥花。茄子肉輕易一撕就開，飽滿多汁，絲絲茄子肉沾滿惹味醬料。最愛所以忍唔住加點左一條，後上果條店員用心地問過我哋，知道朋友嗜辣愛重口味，特意加重口味俾朋友，朋友食到果然讚不絕口~麻辣花甲粉：好耐冇係香港食過花甲粉，香辣惹味~焦糖菠蘿：好獨特地表面撒上焦糖去燒香，更突出菠蘿香甜味，食一件都可以解辣，清清口腔燒烤味~當然要來一枝淳茶去解解辣，呢間咁出色燒烤店開到凌晨12點，岩晒為食夜貓！

因為假期加上消費卷，成個商場人頭湧湧，喺無訂枱嘅情況下，同老公決定早啲食晚飯費事有排排。5點幾食完就返左屋企。點知夜晚到左9點幾我地一齊想搵嘢食，我就提議左食串燒，即慶openrice 睇下，見到依間新開嘅串燒仲可以直接book 11:00就諗住試下。雖然元朗唔係好近我地但為左食無計啦。10:30到左，店面唔大只有3張4人枱，店員話可以開張枱俾我地坐室外，我地都無所謂，不過天氣麻麻有d 落雨，佢都好細心話如果入面一有枱就幫我地調返入去。我地即刻scan code 落單，嘢食未到就已經轉返坐室內，雖然店面唔大但抽風系統非常好，完全唔會覺得好大油煙。整體食物都幾OK, 可惜想試埋個麻辣燙但冇晒。而且店員service 都好好，雖然佢地好busy, 但係都唔會冷落食客。臨走我問下佢地平時幾點Last order, 廚房個哥哥就話就算11:59 （佢地收12:00) 都可以照whatsapp 佢地落單，所以覺得佢地真係好有heart，疫市創業唔容易，希望佢地保持依份熱血同水準👍🏼雖然只有3張枱但聽到其實不停有人叫外賣，所以希望大家想食好嘢記得要耐心d。