今日約左家姐去深水埗買裝飾，帶埋姨甥睇玩具，順便去食酸辣粉。屋企人入面都系得家姐先會陪我食傷心酸辣粉，之前同家姐食開銅鑼灣果間分店。今次就try try 唔同分店，會唔會有唔同feel⋯ ⦁酥香脆豬腩餐 $68家姐見到果脆豬腩好吸引，就嗌左一個set。有齊超脆既豬腩、自選辣度既酸辣粉，仲有一杯白桃烏龍冷泡茶，非常貼心。脆豬腩超級香脆，外皮酥脆，肉質柔軟，一口咬落去肉汁瞬間湧出。餐廳仲配埋甜酸醬，減低油膩感。如果唔食薯粉，可以揀米線，湯底系我最鍾意既酸辣酸辣既味道。 ⦁皇牌特盛飯 $32入面有雞扒，腸仔，芝士豆腐， 款式多樣。醬汁揀咗薑蓉，比我想像中多勁多既薑蓉🤣。跟餐加$10，有個小食同紙包飲品。我地揀左炸花枝丸同蘋果綠茶。岩晒小朋友食。 ⦁秘製蔥油雞飯 $32勁多蔥油聞落好香，雞肉嫩滑，仲要好少骨。都系加左炸三鮮水餃做小食脆卜卜又keep到肉汁，最後揀左烏龍茶解解膩。 ⦁重慶炸醬涼麵 $36可以選擇辣度，小朋友想試，我就揀左唔辣。夏天係街行到身水身汗，入到黎嘆住冷氣，再食碗涼麵，簡直透心涼！ 最後單點幾款例牌小食，包括麻辣肥腸$38、貢菜皮蛋$30、麻辣牛脷$38等。麻辣肥腸冇豬羶味，肥瘦平均，口感煙韌。貢菜皮蛋用左黃金皮蛋，皮好似啫喱咁軟滑，蛋黃係仲有少少流心。麻辣牛脷入口嫩滑一D都唔韌唔乾柴。 我諗下次行開附近都應該會食，因為搵到間好食又味道正宗既酸辣粉好難。好彩尼間滿足到我同家姐，完全係鐵粉！🥰 …查看更多
