無麵不歡 - 中華私房粉麵

全港十八區每區都有它們各自的食街，旺角內最有名的食街莫過於其中一條通菜街即是女人街，中間的通道主要做遊客生意，內則兩旁則可算是一條平民食街，食店不但多樣化，而且價錢都非常大眾化。.旺角雖然多美食，但廣西粉麵店卻不多，所以當發現通菜街內有一間朋友食過都話可以encore的一間成都粉麵店就挑起了我的興趣，趁Happy Friday就飯都唔煮，跟他一齊試下。店舖是威達商業大廈內的一間地舖，非常易找到，入面位置不大，枱也只有八九張，幸好當晚剛好不用等位。一入到去有一陣籠罩住成都柳州螺螄粉既味道，適應了一會便沒有太濃烈，幸好我一點也不抗拒。是坐下再看看餐牌才發現之前在太子已吃過一次，但記錄模糊，亦不防再來一次，餐牌是畫圈圈的，非常環保♻️劃錯了也可以抹走再劃...餐紙上簡單易明亦非常多麵款選擇，每種都好特別，湯麵、拌麵都有，外面真係未見過！小食價錢又相當吸引！都心思思左一會兒。最後選擇點多一兩樣野食開心Share。總共點了一個粉，追加了一個配菜及五個小食！可以試多點不同的味道呀！正！.主食點了柳州螺螄粉 $48外型好討好啊，因為好似眼望有好多唔同既野食，面頭啲料擺得都略顯心機，可以影下相呃下Like！間舖咁大陣味，上枱又冇覺得任何味道怪異，究竟懂異味道從何來呢？配料包括有「螺絲肉、脆腐竹、肉末，脆花生、酸豆角，蔥花，酸辣筍，黑木耳」!入面配料量一點也不少，款款都唔錯，很喜歡它的配料好似特殊醃製的香筍同脆腐竹口感脆脆的！螺絲粉好滑好好食...烹調時間拿捏得啱啱好! 湯底層次豐富好香，可能酸辣一直都好喜歡, 呢碗嘢我食下食下就同朋友食曬了，真係幾惹味！出奇地好吃！加上各種配菜，份量超大份！足夠兩人吃 ，因為麵真的很多很多很多..追加配料 豬軟骨$12椒鹽鍋巴土豆$26土豆，一心以為係一塊塊一片片既椒鹽薯仔又或者是一條條幼身的土豆絲，點知係薯條，雖然都覺得好好食好惹味，炸得通透又夠熱辣辣，調味仲非常惹味，椒鹽十足，但完全跟土豆好有出入，哈哈。三味爽脆魚皮 $48開胃嘅前菜，出面已經唔多涼拌魚皮食了，（ 酸辣、香辣、泡椒）！晶瑩半透的魚皮，整體爽口惹味，爽的滑的脆的夠嚼勁的，少麻少辣吊吊癮。仲可以做得出有三味，個人最喜歡的是泡椒，較為特別。麻辣手撕雞 $38雞肉撕成肉絲，再拌入香濃的醬汁，手撕雞啖啖肉好入味，麻辣醬汁配上嫩滑雞肉非常惹味！ 簡簡單單完成的一道小菜, 鹹辣鮮香都包了!蛋餃 $18用蛋皮包制而成的一種美食，餃皮以新鮮雞蛋製成，真材實料，口感細緻，蛋香十足；肉餡則採用新鮮豬肉，風味鮮美，營養豐富，相信小朋友也很愛的料理。有5隻，都幾抵食。煎出顏色均勻完整不破的，味道唔錯啊，好推介呢！【無麵不歡】24小時通宵營業！真係咩時間都食到！我對麵食既喜愛度好高，呢間對我黎講都合格有餘了， 價錢非常平民化又抵食，全部大份又飽肚，款式又特別！ 老闆特意到廣西學師！所以特色麵條來說應該算係好正宗！呢種風味暫時好難係第二度食到！唔好比門口陣味搞到抗拒了，只要踏誰這門口你就會想不到這巷子竟然有令人驚喜的麵食了。俾次機會試下咁特別既【中華私房粉麵】啦！ …查看更多

朋友想食大陸家鄉味嘅螺絲粉， 但係我自己唔食辣。黎都無麵不歡，驚喜地揀到我心水，而且又好味嘅嘢麵食！1）順德卜卜蜆花甲粉絲 $62 👍🏻裏面有大大粒嘅卜卜蜆、粟米、金菇 ，仲有好清甜的湯（飲晒湯都唔會頸渴），配粉絲真係好正！我雖然唔太食得辣，但加左剁椒，錦上添花啊！2）雞湯娃娃菜 $20 👍🏻晚餐淨係食個麵又好似唔夠，點多個娃娃菜清清地，配雞湯好甜。$20 一D都唔細碟丫🥬🥬🥬3）麻辣手斯雞 $28🐔份量岩岩好，手斯無骨既雞肉，最岩懶人！個辣度仲好親民！如果覺得唔夠辣，原來老闆娘有自家製辣椒醬，個辣椒醬聽聞真係食都會噴火。我見老闆娘每次都有善意提醒食客加少少好喇，食到再加😆4）天地一號 $12 🥤完全係情意結啊，正！小店絕對有驚喜！之後同老闆娘傾計，先知原來佢哋推出左下午茶仲抵。$38就有成個下午茶餐，雖然份量細啲，但係可以揀三款嘢食，可以一次過試多啲唔同嘅餸🤤…查看更多

近排呢間無麵不歡好似好hit咁，晚晚都排哂長龍，所以決定排埋一份睇下係咪真係咁值得食。🍜·叫咗佢地最出名嘅柳州螺螄粉（$48）同宜賓燃麵（$38），同埋一份麻辣手撕雞（$28）。首先要講嘅係佢地嘅麵真係好大碗😂食咗半碗已經好飽！先講下螺螄粉，滿心期待希望可以食到又酸又臭嘅螺螄粉，但結果都幾失望🙍🏻，湯底酸酸地但唔香唔濃；螺螄肉好少好少好少...；如果當佢係一碗普通嘅米線食都唔錯嘅😕。·相反佢地嘅宜賓燃麵好有驚喜😍，燃麵用嘅係蛋麵，滑得嚟充滿蛋香，撈埋佢地嘅汁同肉碎一齊食係幾正😆。佢嘅份量同螺螄粉一樣都係好多，細食嘅人一碗麵加一個小食share食都好夠飽。·至於麻辣手撕雞就無乜特別，同其他地方嘅手撕雞差唔多（覺得厚興x記略勝一籌），不過雞肉稍嚡，勝在性價比高😚！…查看更多

無麵不歡 為麵而瘋👍🏻🤩某日上youtube見有人介紹立即bookmark左 仲即刻約朋友食添🤭未入到去 我已經聞到隻臭臭螺絲粉味不過我無叫到😂 我驚臭呀樣樣小食都好想試呀 所以嗌左幾款試下仲叫左兩款麵食留意返 係兩個女仔食量😂🔥三味爽脆魚皮 $48所謂三味 分別係麻辣 酸辣 同泡椒三種不同風味嘅辣度混合已成估唔到味道都幾夾👍🏻鮮魚皮爽口彈牙 係甘多款小食裏嘅fav. 🔥湖南經典黑臭豆腐 $28香港嘅臭豆腐就食得黑色嘅真係未試過啵🧐味道無香港街邊檔甘臭🤭🔥藤椒炸雞扒 $32呢個雞扒無骨嘅 外脆內軟雖然係藤椒醃製 味道只係微辣😉🔥麻辣手撕雞 味道中規中矩 未見特別 份量頗多的🔥卜卜蜆花甲粉 $62一碗充滿鮮味嘅粉絲卜卜蜆同花甲份量多 而且大大隻💓粉絲索唒海鮮味 好好食如果嫌太清淡 可以加枱面上嘅秘製辣醬👍🏻🔥五榖漁麵 $56麵用左五款穀類做 所以有五隻色🙈麵質感還好 魚湯幾好飲 配料又不少👍🏻好大碗 下次叫一碗share都夠了🤭🔥天地壹號 食辣飲啲蘋果醋 感覺還不錯🤤🍽 無麵不歡 - 中華私房粉麵🔎 旺角通菜街1A -1L號威達商業大廈地下M號舖…查看更多

作為中國人，粥粉麵飯簡直少不了🍜 呢個月要喺廣華番學，自自然然要喺通菜街、豉油街等搵食，咁啱行過見到呢間「無麵不歡」，諗都冇諗就入左去！佢地menu的確幾多麵款選擇，仲要每種都幾特別，有湯麵、拌麵等，亦有一系列小食。我地一人叫左一個麵、一款小食同飲品，再加多個生菜share。上先既係「原創胡椒豬肚雞麵」($68)。見到佢用鐵鍋上覺得好架勢，食到尾都係熱辣辣、出哂煙咁。成鍋都好多豬肚，煮得算腍身。雞件都唔少，不過有啲多骨，但咁既價錢算係物超所值！再上就係我叫既桂林米線，只係$38大大碗好抵食，仲要面頭啲料擺得好有心機，啱哂我影相😂 湯底唔係好辣但好香濃，米線夠彈牙，同啲配菜好夾，好味道！ 小食方面，我地叫左蛋餃、手撕雞同菜。蛋餃喺第二度未食過，有啲油但味道係正既！手撕雞整得好入味，滿足到我地呢兩個辣控！😍 菜則好大份量，仲落左幾粒杞子吊味，好有住家feel👍🏻飲品除左一般汽水外，有啲較特別既選擇。我幾中意我揀左既岩鹽芝士奶茶，甜甜地幾好飲。…查看更多

旺角係出名多好嘢食嘅地方～今日難得放假同朋友行下街，行下行下就見到呢一間叫做「無麵不歡」嘅餐館～咁啱中午又想食下麵，就入去試吓啦～ 入到去架局唔算好大.幾百尺左右. 不過d枱椅都算闊. 坐得都舒服，夠空間感嘅😝打開餐牌 ～全部野都係幾十蚊左右，夠晒貼地。話晒第一次來食. 就叫咗個店長來問下呢度有啲咩推介～佢介紹咗我食一個卜卜蜆花甲粉（個粉我由米粉轉左做貴州絲蕨根粉絲）因為店長話呢隻粉絲好滑， 至於我朋友就叫左個胡椒豬肚雞麵。由於d 小食好平. 全部都係$20 幾＄30. 咁我就叫咗五個小食同個朋友share～ 分別係麻辣手撕雞、 香煎蛋餃、藤椒炸雞扒、香酥排骨、燈影牛肉絲.等左大約5分鐘到啦，我朋友戈個胡椒豬肚雞麵就到咗了. 估唔到仲有個火爐係呢個麵下邊. 咁就唔會食食吓啲面就變到凍哂❤️好細心❤️胡椒湯都夠胡椒味😬豬肚同雞身都好滑～ 而我叫戈個卜卜蜆啲湯就好鮮甜～ 親埋個粉絲真係絕配😋😋冇得頂😋 麻辣手撕雞同出邊食嗰啲好唔同. 麻辣味比較重. 但係但係真係一人份量😂如果大食嘅人可能點多份😂反正都係20幾蚊. 香煎蛋餃就好有驚喜. 因為從來未食過啲餃子係用雞蛋來做😋 而佢入面有d馬蹄喺度,所以咬落去好爽身.配埋佢哋自家製嘅辣醬簡直一流。至於咩係燈影牛肉絲呢. 其實我叫之前都唔知咩來😂抱住試吓嘅心態～ 原來佢係類似肉鬆加牛肉乾嘅味道～ 甜甜地辣辣地. 用來送麵真係幾好❤️ 推介大家可以試吓叫呢個配d麵食❤️食埋個蕂椒炸雞扒同香酥排骨～ 簡直飽到個肚脹晒～ 食咁多野. 埋單都係一人百幾蚊～ 正丫 …查看更多