居食屋「和民」 (皇室堡)

和民我並不是第一次食, 居酒屋形式並不突出. 但在皇室堡新概念店打破傳統形象, 由裝修到餐牌亦重新設計, 聽講不少料理更是此店限定版, 有理由要來試下啦! 店內環境開揚，可挑望維園的景色，店員服務又殷勤夠好, 第一感覺蠻不錯.鹿兒島和牛壽喜燒鹿兒島牛肉都有名的啊! 全無污染的地方生長，肉質鮮嫩, 肉味濃郁, 加入了特製湯汁十分惹味, 配菜亦吸盡精華所在, 滋味無窮~ 所以每次都會點這個壽喜燒. 追加了烏冬, 因湯底實在太好味, 變成簡簡單單的牛肉烏冬, 一樣回味啊~~特選壽司拼盤甜蝦, 帶子, 北寄貝, 三之油, 油金魚, 魷魚, 魚子, 蟹柳和日式疍9件只$88真係好抵食. 質素亦不差, 鮮甜味夠的芝士烤廣島蠔蠔食落多汁, 嫩滑程度剛好. 面上舖了煙肉和芝士, 底層是菜莖, 整体層次豐富蜜糖芥末脆雞翼雖不是貴價嘢, 但值得推介喔! 炸得皮脆肉嫩, 蜜糖芥末醬十分惹味, 讚!天婦羅盛合大蝦, 魚, 冬茹, 青椒, 南瓜和茄子脆漿皮薄, 食時還熱烘烘, 不油不膩, 不容錯過之選其實今天來這裡是蠻不錯的選擇。 讓我們可以吃到出色的食物, 煥然一新的升級版體驗啊! …查看更多

和民相信大家一定去食過唔會陌生, 但近期新開了一間新派和民, 位置相當好的在皇室堡, 七時差不多已經很多人在等位, 還好之前訂了(如果是AEON和民咭便可以訂位!!), 入內環境比平時的和民更WARM, 因為用了很多BAMBOO木的顏色, 然而燈光也很明亮及悠和, 位置也是比較多卡位, 比較坐得舒服及PRIVACY度高, 空間感較大感覺不錯~~~今晚的座位還在大玻璃的卡位, 對著維園吃晚餐, 真係好爽啊~~~看看餐牌好像精美好多, 也跟平時的有點不同, 無論分類還是食物, 真的是新概念的感覺, 兩個人唔算太肚餓, 所以叫了幾款…….自家製鰻魚厚燒玉子 ($68)~~~我覺得是必試的一款, 因為小妹我好鍾意食鰻魚同蛋, 所以這個真的好岩我, 鰻魚好新鮮同滑又JUICY, 加上自家製的燒汁好好味, 仲有包住佢的厚玉子, 蛋好滑又嫩, 總之一句就係好YUMMY!!!石鍋鮭魚魚子飯 ($68)~~~有驚喜的一款, 本來以為同平時的無咩分別, 但原來附了有多片的三文魚及紫菜配料外, 還有粒粒狀的牛油, 仲有好多大大粒的魚籽, 跟住朋友同我就混埋眾多配料一齊, 吃著有多重的感覺, 加上我唔太鍾意吃生野, 有這個石鍋就可以令三文魚有半生熟嫩嫩的狀態, 好味!!鹿兒島和牛壽喜燒 (小) ($108)~~~壽喜燒是以牛肉為主要食材配搭各種不同的野菜而成的火鍋料理, 今次想試高級的鹿兒島和牛, 一上枱看到雖然薄薄的但紋理好好, 還有多樣配料, 如豆腐、菜、菇、粉絲、紅蘿蔔及大蔥等, 牛肉唔駛滾好耐就食得, 吃落口有即溶化的感覺, 非常嫩仲有壽喜燒的少少調味, 加埋蛋漿更能配嫩牛, 之後再吃其他配料, 尤其喜歡入味的粉絲, 雖然價錢唔算平, 但質素成正比!!!精選串燒大盛 ($88)~~~和民串燒選用多款優質野菜、海鮮和雞肉等, 更新增多款自家創作的卷物串燒; 今次便試了這個精選的串燒, 有雞肉, 雞軟骨, 煙肉蕃茄及煙肉蒜芯, 有鹽燒及汁燒選, 我們選了後者, 雞肉幾嫩加上有燒汁, 仲有少少甜甜地野味, 另外兩款煙肉卷, 配蕃茄那個好MATCH, 因為能中和那肉味及肥膩味, 一咬落去茄汁就爆出來了, 哈哈~~喜歡吃串燒的朋友是一個不錯的選擇……..宇治抹茶芭菲 ($28)~~~一餐內怎能沒有甜品那一環?? 不過我就覺得這裡的甜品選擇不是很多, 而且也只是抹茶類, 可能想專注某類那樣會較出色, 不過價錢也很化算, 我是抹茶控當然岩啦, 於是我便點了這個, 貪佢什麼也有樣樣齊, 有綠茶雪糕、生果、紅豆、丸子、慕思、CREAM、果凍粒等, 好綠茶味, 丸子好彈牙, 加上黑糖漿去調味, 紅豆稔稔綿綿的, 慕思那個好好吃啊, 入口溶化了, 真係一次過滿足好多願望呢, 最後喝一杯暖暖的綠茶, 有CREAMY甘甘之感, 十分喜歡的甜品, 抹茶控不要錯過啊~~試過全新概念店後, 相信之後也會過來, 因為也在上班的附近, 而且環境、食品及服務都很不錯幾新穎, 所以還會跟朋友再來再試其他美食款式!!!…查看更多