好燒式串燒專門店 (砵蘭街)

今晚同朋友仔去到旺角好燒式食晚飯，油麻地A1出口行2分鐘就到都幾方便。今晚大家都每人寫自己想食既，寫左以下食物：蒜蓉燒茄子（原條）,菠蘿，鹽燒白鱔，西班牙黑毛豬肋串，雞腎串，馬友魚，陰公豬，七味魚翅，枝豆，多春魚，翠玉瓜，燒日本甜心蕃薯，蒜蓉燒蠔，特色蒜蓉包，香蒜白酒沙白扁意粉，雞皮，Sapporo,加多寶。蒜蓉燒茄子（原條）：蒜蓉燒茄子係非常之夾，茄子清甜蒜蓉香味融入當中。菠蘿：菠蘿燒得香口又多菠蘿汁。鹽燒白鱔：即燒即食鱔厚身口感好好，又充滿鱔香味。西班牙黑毛豬肋串：黑毛豬肋肉質好味道佳。雞腎串：雞腎口感好。馬友魚：馬友魚大大條，燒得時間剛剛好，唔會過熟，肉質好夠鮮甜，連個魚皮都係脆而不燶。陰公豬：泰式口味，豬肉肉質好味道夠入面。七味魚翅：夠香口，有少少辣配合啤酒一流。枝豆：咸咸地 邊食邊飲下啤酒簡直一流。多春魚：燒得時間剛剛好，又唔會過乾過燶。翠玉瓜：外面燒好，入面個汁就鎖住，清甜好味道。燒日本甜心蕃薯：蕃薯夠晒甜，燒脆個表面更加香口。蒜蓉燒蠔：蒜蓉辣椒加入蠔中燒令到蠔鮮味提鮮不少。剛剛燒起既蠔熱到飛起。特色蒜蓉包：整個大大蒜頭原隻燒夠香口，蒜蓉包燒到香脆又有埋蒜蓉入味又唔會太乾。香蒜白酒沙白扁意粉：沙白大大隻冇沙夠鮮味，香蒜白酒在煮完後揮發完都仲融入扁意粉中。雞皮：隱藏系列，香脆又夠薄沒有多餘既脂肪油膩感。Sapporo：原來今期做緊推廣，買一送一。夠凍先至好飲，同埋泡既比例都幾好。加多寶：清熱之選，燒烤加配。食完野意猶未盡仲整兩個甜品去滿足埋個甜品胃。黑芝麻豆腐奶凍：黑芝麻夠香濃，而個豆腐奶凍個豆味都幾香又夠滑。法式焦糖燉蛋：焦糖脆口，燉蛋蛋味香濃。同店員傾開先知原來宵夜時段營業到凌晨3點，咁下次宵夜又多一個好選擇了。…查看更多

今日到旺角同朋友食串燒，大熱天氣梗係叫野飲啦。今日叫左蘇格蘭聖子王，清酒煮沙白，七味魚翅，龍蝦汁大蝦意粉，鹽燒白鱔，特式蒜蓉包，蒜蓉燒茄子，蒜芯，菠蘿，燒日本甜心蕃薯，頂級安格斯牛小排，多春魚，雞中翼，西班牙黑毛豬肋串，雞腎串，豬仔脾，竹蔗茅根，朝日啤酒，青島啤酒。蘇格蘭聖子王：蒜蓉金菇底完美吸左聖子鮮甜味道，聖子新鮮好味道。清酒煮沙白：沙白冇沙夠鮮味。七味魚翅：魚乾燒得香口，配合七味粉岩岩好味道。龍蝦汁大蝦意粉：好香龍蝦汁，加上炒意粉，大蝦味道鮮好味道。鹽燒白鱔：燒得剛剛好，鱔香十足。特式蒜蓉包：主角係燒左既原粒蒜蓉，搽落蒜蓉包食更加好味道。蒜蓉燒茄子：茄子開邊加大量蔥同蒜蓉去燒，味道好好。蒜芯：燒得香口仲保到蔬菜汁。菠蘿：外脆內充滿菠蘿汁，香口好味道。燒日本甜心蕃薯：甜甜既蕃薯，味道好。頂級安格斯牛小排：牛小排香牛味道。多春魚：外脆內熱，香口好味道。雞中翼：燒得岩岩好，香口好味道。西班牙黑毛豬肋串：燒得香口，味道好。雞腎串：味道入味燒得香口。豬仔脾：揸住食，燒得香口味道好。竹蔗茅根：食串燒飲清熱。朝日啤酒，青島啤酒：串燒飲啤酒係絕配。…查看更多

今日難得跟朋友出來飲酒收工鬆一鬆，梗係要食番少少串燒墊下個肚先，平時成日排長龍，我地一於都試一試！鹽燒牛舌芯/燒雞胸軟骨串（2串）/西班牙黑毛豬/冬菇/雞髀菇牛舌芯好好食，大大塊勁厚切好有口感，而且每一塊油脂分佈均勻，超香濃牛味，爽口彈牙，配上鹽燒吊味，必食！雞胸軟骨好少機會食，依度燒到金黃色，軟骨十分脆口，特別之處係佢連少住許雞肉真係補充骨膠原兼蛋白質之選！西班牙黑毛豬名不虛傳，豬味十分濃郁，油脂比例合適，師傅手勢好好，燒到滲油但不會燒焦。冬菇非常多汁，外層十分乾身，令胡椒味十分突出，冬菇新鮮爽彈，抵食之選！雞髀菇菇外層乾身，撲滿孜然粉，爽彈之餘仲好有菇香味！ 牛油栗米（原條開二）/秋葵/串燒豆腐栗米粒粒鮮甜多汁，搽上牛油好好食！栗米要燒得好食實在唔易，有時內裡未熟會硬骨骨同埋好乾，但餐廳燒得十分好，仲要大大條保證食得過癮！秋葵每一條都好新鮮多汁，脆身之餘唔會有太多黏液，貴為健康之選！串燒豆腐外脆內軟，豆味濃郁，灑上少少胡椒粉好惹味！雞腎串/厚燒玉子/泰國露筍/鹽燒白鱔雞腎串撲上少許孜然粉好好食，肉質爽口彈牙，每一顆都大大顆，師傅燒得一點都不馬虎，外面少少焦香脆口，內裡剛剛熟還保留了好多汁。厚燒玉子甜甜地中和了肉類嘅鹹味，雞蛋好軟熟又有蛋香，金黃色好吸引！泰國露筍嫩口無渣，每一條都翠綠色好多汁，仲帶少少甜味。鹽燒白鱔係燒烤必食之一，好喜歡皮脆肉嫩，白鱔好新鮮彈牙，又厚肉，師傅好細心挑晒骨，保證食得過癮！ 蒜蓉燒茄子（原條）茄子燒得好軟熟，肉質鮮甜，蒜蓉味濃，鋪滿成條茄子，老闆好大方，俾左條特大嘅我地過癮，而且上碟熱辣辣，食得好滋味！ 低溫去骨燒乳鴿首先，擺盤一流，即使去骨仍見到原隻乳鴿，慢煮後肉質鮮嫩，有點點煙燻嘅香氣，乳鴿無骨真係啱晒唔鍾意整污糟手指嘅大家！呢個真係大驚喜，必推！ 墨西哥薄餅芝士雞肉薄餅煎到好脆，但內裡幾煙韌，餡料有三色椒，所以會有少少辣，芝士味都好濃郁，會有拉絲嘅效果，整體十分開胃嘅小食。 ~~~~~~~好燒式串燒專門店 (砵蘭街)  砵蘭街110號地舖推介菜式：鹽燒牛舌芯、鹽燒白鱔、雞腎串👍出色味道👍地點方便👍環境熱鬧…查看更多

係旺角搵左一間串燒店食宵夜🍢，環境唔算好大，但乾淨坐得舒適，適合2人同行。一入到去職員就好熱心推介有隱藏menu，所以都試左幾款，其他員工服務態度都好好，餐廳仲收凌晨1點，食宵夜必去！-✨✨串燒可選走辣/小中大辣，另有蜜糖/孜然/辣粉/麻辣/泰式酸辣汁💕橘子鴨 $98👅好味指數：9/10店長推介隱藏menu ❗️創新+造型感💯❗️ 好似平時餐廳食牛小排咁😂。伴碟菠蘿粒造型好cute🍍😍，而鴨胸底面都放左橙片同橙絲，食落味道就好清新好fresh，橙味唔會太突出，而又減低到煎鴨胸個油膩感，值得一試🩷💕爆炸蟹 $128👅好味指數：8/10也是隱藏menu之一❣️依個係避風塘軟殼蟹🦀，炸蒜炒得好香，味道好香辣🌶️，大概中至大辣程度，軟殼蟹都脹卜卜又多汁！💕龍蝦半隻(芝士)$78👅好味指數：8.5/10好大隻好多肉😳❗️龍蝦🦞肉片厚肉肥美，依個價錢真係好抵食🥶‼️可選芝士味or蒜蓉燒，芝士份量適中，燒到微微焦香，唔會放得太多而蓋過龍蝦味，蝦肉彈牙有膏🥰，蝦膏味鮮甜帶甘。💕<新>日本和牛串 $42👅好味指數：9/10必食❣️和牛好嫩腍😍腍到唔洗點咬就化了🤣，加上香甜醬汁，好食到想encore😋！💕鹽燒白鱔 $49👅好味指數：9/10鱔肥美多汁🥰燒到外皮焦脆，肉質好彈牙，又唔算多骨，就咁鹽燒真係最好食的！💕魷魚鬚 $28👅好味指數：8.5/10彈牙好爽口，配蜜糖味🍯好夾！💕燒日本甜心蕃薯 $18👅好味指數：9/10好香甜，口感綿密😍💕燒日本芝士年糕(2件) $26👅好味指數：9/10同平時食到既唔同，外皮同內面都係軟腍的，芝士味極濃。💕蔭功豬 $30👅好味指數：8/10好泰式風味！用上五花肉，味道酸酸辣辣，中意食正宗泰國菜必食！💕<新>厚燒玉子 $22👅好味指數：8.5/10玉子香甜，配蜜糖好正！💕蒸餾水 $8-環境：8/10服務：8/10整體味道：8/10回頭率：8/10…查看更多

週末起身找食篇 去了旺角油麻地附近的串燒食物選擇多 串燒加西餐 除咗串燒 仲有意粉 小食 薄餅 乳鴿而且串燒價錢好合理 店員亦好親切介紹解釋得很清楚=蒜蓉/什菇露筍 燒扇貝=好大隻扇貝 肉厚又爽口有兩種味 最常見到的蒜蓉味 燒得好香什菇露筍 感覺清清地幾清甜=鹽燒白鱔=同出面燒鱔比 又平份量又合理鱔皮燒得脆 鱔肉彈牙 最近要係無泥味=炭燒牛舌串=一串有四五塊 牛舌肉厚燒得好香口 但又好淋身=串燒豆腐=外脆內軟 燒時加了燒醬汁甜甜的 我覺得幾特別幾好味=雞胸軟骨串=有嚼勁又入味=秋刀魚= 串燒調味十足 實在好想試佢其他食物但實在唔太餓 我已經諗定下次要試咩…查看更多

記得以前細個見到車仔檔有串燒，媽媽都會買一串兩份食，現在車仔檔絕跡，街邊檔即使有串燒都以快熟的魷魚、腸類和丸類為主，要吃有質素的串燒，通常都要去日式居酒屋。好燒式算是少有走平民路線的串燒店，串燒大部份$20以下有交易，即使較為貴價的海鮮或扒類，都不過百元，而且燒物也不馬虎，會因應不同食材用不同的調味料，如孜然粉、七味粉、胡椒、醬油等等。＊＊＊＊＊＊＊＊＊＊＊＊是晚跟朋友在附近晚飯後意猶未盡，本想食糖水，但見這間串燒店幾多人幫趁，而且價錢大眾化，即管試試。好燒式走平民路線，店面不算大，座位間距離亦較近，但尚算乾淨整潔。點菜式一張A4紙兩面睇晒，食物款式非常多，主要分為海鮮、肉類、蔬菜、小食、意粉、廚師推介和飲品。食串燒點都要叫野飲，首先每人點一枝飲品，加多寶($14)和鴻福堂涼茶($15)，價錢合理。每兩位有一碟泰式酸辣汁，侍應介紹是自家製，味道有點像泰式生蝦汁，酸酸辣辣好醒胃。串燒豆腐($16)豆廚燒到外面脆脆地，但不會過硬，好味。魷魚鬚($16)魷魚鬚有嚼勁之餘不會過韌，麻辣汁辣辣地很惹味。泰式燒豚肉($38)豚肉都有成隻手掌咁大塊，燒得夠乾身，不會過油。黑松露什菇墨西哥薄餅($42)這個薄餅主要是用墨西哥薄餅包著芝士和冬菇和黑松露來燒，黑松露味不算突出，但薄餅很薄很脆，加上半融芝士很好味。牛油金菇包($34)金菇用錫紙包著來燒，所以不會過乾，食落有淡淡牛油味。茄子(切片)($32)茄子是厚切，食落很juicy亦很夠味。燒海蝦－3隻($58)燒蝦最怕燒得過乾，蝦肉黏著蝦殼，但這個海蝦燒得剛剛好，蝦殼脆卜卜但不會很難剝，蝦肉亦彈口。炭燒牛舌串($26/串)牛舌不嬲唔平，但這裡$26/串都幾有睇頭，一串有六塊而且不會過薄，食落彈口得來鹹鹹香香。鹽燒白鱔($42)白鱔皮燒得微脆，白鱔亦夠厚肉，加上甜甜的醬汁，味道不錯。燒物味道不俗，最緊要價錢大眾化，日式居酒屋食串燒要食飽人閒閒地人均燒費都三四百元，這裡一半價錢已經可以食飽，非常抵食。…查看更多

好燒式已來過不只一次, 這天同事說想吃串燒做宵夜, 第一時間想起的是吃過質素最高又化算的好燒式. 愛來這裡的原因, 除了是串燒的質素高外, 店內整潔, 座位之間不擠逼, 都是吸引之處. 只是9點前的人流較多, 要宵夜時段才較容易入座. 來過這裡幾次, 一般都是點原粒蒜頭, 這次店員介紹可點蒜蓉包配蒜頭, 便點來一試. 上桌的蒜蓉包烤得剛剛好, 鬆脆又不會燶. 原個蒜頭還是一如以往像是芝士般柔軟味濃. 只是蒜頭的份量要來夾麵包就有點不足了, 要一塊麵包夾上3,4粒才夠過癮. 墨魚丸是朋友的至愛, 一般我不太喜愛在這裡點這類加工好的丸類. 意想不到地彈牙厚肉.  安格斯牛肋串, 點這類肉串時, 自然不可能要求生熟程度. 但燒至全熟的牛肋串入口仍頗有肉汁, 而牛味又十足. 值得推介. 羊肉串沒有過多羊騷味, 肉質鬆軟入味, 不錯. 雞中翼是串燒的必點之物, 雞翼燒的火候剛好, 配上孜然粉尤其惹味, 不禁要多點兩串. 一向與人不同, 習慣還是用紅酒配串燒, 這次沒帶酒只好點這裡的啤酒. 朋友說這裡的藍妹啤酒$28/支價格合理. 韮菜燒得不錯, 但最出色的仍是翠玉瓜, 一份翠玉瓜的份量極多, 而每塊均是厚切啖啖多汁, 配上少許辣味及孜然粉, 超級惹味. 這次的多春魚, 雞腎串, 鹽燒牛舌串水準可以, 但不太突出. 雞中翼則是加點之選. 本來厚身的雞脾菇切薄後, 較易把菇烤得較乾身, 口感出奇地更好咬口, 味道亦較濃郁. 不錯.  白鱔是我最喜愛的串燒類的頭三位. 烤得焦脆的魚皮而肉質仍保持彈牙有肉汁, 這裡的燒功真的不能不讚. 在街市買白鱔的價格已是貴得嚇死人, 所以這裡收$42/串完全不過份. 埋單的價格大約$300, 已足夠兩人有個豐富的宵夜, 環境給滿分, 以串燒店來說座位間相對寬闊, 而且冷氣充足. …查看更多