極尚大喜屋 (鱷魚恤中心)

好鍾意試吓唔同嘅日式放題，第一次試「極尚大喜屋」嘅午市放題，午市都好爆場。餐廳環境寛敞樓底高，坐得舒服。我哋大部分都用QR code落單，另設有自助區：熟食、冷盤、飲品、甜品任飲任食。店員上菜同執枱有效率，無漏單，二百幾蚊食足三個鐘好滿足，長者仲有八八折優惠，性價比極高。除咗放題，仲有午市定食都好抵食。⊙刺身刺身款式好多，油金魚、三文魚厚切肥美，松葉蟹腳海水味濃，赤貝、馬刀貝、赤蝦、甜蝦、帶子全部鮮甜，當日我嘅MVP係原隻粒貝，平時啲放題唔多覺眼，即係海螺刺身，原隻切片上，極度爽脆鮮甜。⊙壽司壽司款式多：卷物、軍艦、火焰，仲有創作壽司，試唔晒全部。⦿海膽魚籽拖羅蓉中餅用粉紅色心形中餅裝住好可愛，一口一啖。⦿芝士飛魚子鰻魚玉子漢堡呢款壽司係無飯嘅，用玉子當飯糰，一啖咬落去裡面有芝士魚子夾心，同鰻魚味道好夾。⊙一品料埋⦿古法鹽焗蟹用鋪滿粗鹽嘅瓦煲仔上枱熱辣辣，爆晒蟹膏，軟滑甘香，蟹肉飽滿，鹽焗更能提升鮮味，蟹迷不能錯過。要到1:30先推出，記住要更新一下個頁面先會出現。⦿花雕醉鮑魚都唔細隻，鮑魚爽口彈牙，花雕味濃厚入味。⦿鐵板鵝肝大件厚切鵝肝煎得外脆內軟，入口有即化嘅口感，口腔內充滿油香，配埋塊多士真係返唔到轉頭。⊙燒物⦿金蒜炭燒廣島蠔炭燒蠔燒得剛好，蠔肉入口飽滿多汁，加入大量金蒜，重蒜香味襯晒蠔嘅鮮味。⦿ 西京燒比目魚沾上西京醬汁，燒得表面金黃，魚肉滑，魚油好香帶點淡淡的甘甜味。⊙自助區多款前菜、沙律、生果、冷盤、熱湯、熟食：藤椒爽魚皮、翡翠螺、凍蝦、青口、麻辣小龍蝦。⦿飲品區一排雪櫃放滿飲品，汽水、茶類、冷泡茶、啤酒類。自由斟冷熱清酒、梅酒，自助生啤區有嘉士伯同1664全部任飲，啱晒鍾意豪飲嘅朋友。⦿甜品區凍櫃放滿甜品：大福、馬卡龍、乳酪、豆腐花，雪糕雪條款式都唔少，仲有自助爆谷機、軟雪糕機俾你自己整。#極尚大喜屋地址：觀塘開源道79號鱷魚恤中心3樓…Read More

❤️💛🧡放題就係啖啖肉🥩每星期都好期待食放題，將悲憤化為食量真係講得冇錯！🥹心情點都好，安排一餐放題，咩煩惱都冇晒！😛依間放題有好多分店，今次就食觀塘分店！😚❣️晚市放題❣️ $2982個鐘足夠食飽飽，依度食品咁多🤣淨係睇都已經一飽眼福！食埋落肚仲幸福！❤️刺身❤️刺身係每次放題第一步驟！新鮮又開胃，選擇仲好多添！咩款都嗌啲，好食嘅再encore！🤪赤蝦、甜蝦，爽嫩又鮮甜！三文魚依然係首選，厚切更能食到佢嘅魚油香！🤎鹽燒牛舌🤎串燒牛舌爽脆，肉味都好濃！🍢少少嘅鹹香，令牛肉更鮮香！🩵醉鮑魚🩵原隻鮑魚真係好吸引！花雕酒嘅味道並無覆蓋鮑魚鮮甜，食落去味道更豐富！🍶肉質爽彈，仲好juicy添！😍🧡王牌燒乳鴿王🧡自從依度更新咗餐單，每次都會嗌乳鴿！🤤大大份，啖啖肉！趁熱食 肉汁豐富又鮮嫩！越食越上癮！😏🤍甜品🤍自助區有好多甜品，雪糕、泡芙、小蛋糕、慕絲杯等等！🧁雪糕仲係Häagen-Dazs！作為泡芙女孩👧🏻最愛就係爆餡小泡芙！想食啲香口嘢都可以選擇爆谷呀！🍿💚沙律及小食💚如果想解膩，可以喺沙律吧夾啲菜菜 小食🤭過下口癮又解到膩！🥗依間放題嘅食品選擇真係太多啦！一次係唔會食得完㗎！睇嚟下次都要再嚟食🥰建議大家提早幾日訂位！我都係預早訂先有位咋！walk-in 可能冇位或有排等呀！BTW記得save post，方便向店員查詢有關放題套餐啦❣️📍極尚大喜屋📍觀塘開源道79號鱷魚恤中心3樓…Read More

同朋友去觀塘行街，好肚餓，超級想食放題，樓下見到極尚大喜屋傳單覺得都幾抵，於是試下😄😄呢間放題選擇真係好多，炸物，刺身，壽司，串燒等等，包羅萬有。而且每樣都做得好有誠意，真係好好食，以下是一些精選推介😋😋😋😋😋極上花膠盛宴😋😋😋😋😋花膠好厚肉又大塊，好入味，有五星級中式酒店飲宴嘅級數蒜蓉粉絲蒸扇貝😋😋😋😋😋鮮味嘅扇貝，上面有脆卜卜嘅炸蒜，一啖食落去真係好享受燒香草羊鞍😋😋😋😋😋好大件，啖啖肉，肉質鮮嫩，外面焦香，裏面仲有肉汁天婦羅蝦😋😋😋😋😋新鮮炸起脆卜卜，唔會過火，好大條，炸漿唔算太厚，剛剛好海膽山😋😋😋😋😋新鮮海膽配上薄薄的青瓜，一啖咬落去感覺好清新，鍾意食海膽嘅朋友一定要狂食！！王牌燒乳鴿王😋😋😋😋😋呢個真係好驚喜，充滿肉汁嘅乳鴿，脆卜卜嘅外皮，絕對係高級酒樓嘅質素，竟然在放題可以食到，真係好超值燒溫室甜菠蘿😋😋😋😋😋燒菠蘿用嚟消滯啱晒，食嘅時候小心啲，真係會爆汁鹽燒牛舌😋😋😋😋😋唔會太鹹，味道剛好，燒得夠火喉，充滿焦香，好大塊黑松露油甘魚壽司😋😋😋😋😋意想不到的美味，一入口先有濃郁的黑松露味，然後油甘魚的甘香慢慢滲出來，正！蒜香青蔥燒牛肉壽司😋😋😋😋😋燒牛肉一啲都唔會韌，配上青蔥同埋炸蒜，很好的配搭，真係要試下總括嚟講，呢間放題真係高質素，性價比很高，絕對會回頭再食😋😋😋😋😋😋😋😋…Read More

周末，沒戴口罩年代是花不起時間等位的apm 附近的知名放題。午市12點，約廿人在鱷魚恤樓下等𨋢，無訂位，排住一條不停郁動的短龍，直入。樓底夠高，類近一般酒樓大的場，全場交談也不覺吵耳，冷氣超凍，18度左右，通風相對夠爽。好處：食足3小時，hea 吃躺平吃的慵懶，2:30 last order。最重要是這陣子：有開！任飲罐裝asahi 。酸菜魚始終非放題專科，不夠酸辣，只剩鹹味，但魚夠滑也值得一吃。黑椒蜜汁一口牛炒得夠香黑椒味。刺身等品不多介紹，新鮮度也毋庸置疑。軟雪糕機左掣是海鹽、中掣是扭紋、右掣是朱古力，第一下按壓得空氣，第二下出少量水，到第三次按才出正常軟雪糕。有青蘋果、蜜桃、士多啤梨果醬及朱古力醬；另針狀碎糖、數款橡皮糖供累加。…Read More

刺身拼盤，點選了三文魚，油甘魚，北寄貝，北海道帶子，象拔蚌，赤貝，八爪魚，赤蝦，甜蝦。魚肉刺身片片足15mm，口感超滿足，而且選材新鮮，油香肥美。另外赤蝦超大隻，個蝦頭無黑，證明非常新鮮，而且好鮮甜。壽司小卷都有好多選擇，而且味道好特別。我返叫了兩次和風黑松露吞拿魚，真係好香松露味，同吞拿魚非常之夾。燒物方面，必點西京燒比目魚。比目魚嫩滑，魚皮香脆。另外燒牛舌都非常出色，牛味濃，配上鹽燒，一D都唔會肥膩。炸物必選芝麻雞翼，炸得香滑Juicy!! 餐廳地方寬躺，也有自助熟食，小食， 飲品，甜品。最鍾意係有梅酒，冷熱清酒🍶，而且酒精類飲品不用額外收費，真係非常抵食。另外，飲品櫃有超過50種以上的飲品，選擇真係非常之多。仲有二人同行，即減$100😍唸超又想去食！…Read More

唔知點解近期愛上左佢，好嘅嘢一定要再三回味今次就除左食剌身，還試吓佢d特式壽司和煮物刺身拼盤：除左有三文魚、油甘魚、北寄貝、北海道帶子、赤貝、螺片、甜蝦、赤蝦，今次還有象拔蚌和虎蝦，款款都好新鮮美味鹽燒牛舌：調味幾好，入囗唔靭:)蒲燒鰻魚：肉質嫩滑，甘香肥美壽司：細細粒唔會食到飽，特式壽司之中，柚子胡椒左囗魚邊，左囗魚入口油份充足，加上柚子既清新，剛好中和返個魚既油份，呢個我比較鐘意蒜蓉牛油芝士焗開邊蝦和極尚咖喱炒蟹：聞已經好香，食落非常惹味食放題居然有花膠食，呢個一品花膠盛宴：隻花膠幾厚幾大塊，食落啖啖肉，滑lulu最後食返件燒溫室甜菠蘿，解返d肥膩…Read More

朋友聽過我講話有好嘢食、又好味又低食，即刻約我一齊去食今次就選左去呢間觀塘分店食個午市日式放題先，呢間環境更加靚入到去坐底我哋兵分兩路，我朋友負責網上落單，我就出去自助bar睇吓有乜食物和飲品，可以攞返去品嚐吓，呢間分店嘅自助bar食物都比沙田分店多，不過有d都係出一次就比人攞晒，好似蜆和青囗，好快就清光放題既好處就係一個價錢唔使想，乜都有得食，最正就係刺身任食，而且質數唔差三文魚、油甘魚，件件都好厚，味道甘香赤貝、螺片、北寄貝和象拔蚌，爽口彈牙帶子、甜蝦、虎蝦和赤蝦，鮮甜美味鹽燒牛舌：肉嫩彈牙:)蒲燒鰻魚：肉質嫩滑，肥美甘香壽司：都有好多特式壽司，而且細細件，唔使食到好飽，可以試多幾款池魚王、海膽山、鵝肝帶子、汁燒牛肉壽司和柚子胡椒左囗魚邊都唔錯，尤其是左囗魚超蒜蓉牛油芝士焗開邊蝦：聞到陣陣蒜蓉香，入囗非常惹味極尚咖喱炒蟹：咖喱味香噴噴，入囗非常濃郁一品花膠盛宴：一大片厚厚花膠，味道幾好燒温室甜菠蘿：超甜多汁冇楂二佰幾蚊一位有噤多嘢食，算係唔錯…Read More

極尚大喜屋(鱷魚恤中心）Deluxe Daikiya Japanese Restaurant (Crocodile Center)#觀塘 #日本菜 #日式放題 #咪嘥嘢食店嚟呢度之前一定要記得book枱再嚟 咁先唔使等！入到去環境好闊落，右邊就已經係自助區域，入座之後可以手機落單，餐廳仲好貼心內設咗Wi-Fi提供俾食客。除咗壽司 刺身或者係一啲熟食料理，其他都係自助式，俾你揀自己想食或者飲嘅嘢。飲品位不同飲料應有盡有，仲有唔同小食、小菜自取，甜品位有得用唔同配料及裝飾DIY自己心儀嘅雪糕，想簡單啲都有雪條、糯米糍、乳酪、小甜品食，實有一款一定啱你心水。一入座就已經急不及待嗌咗唔同款嘅壽司食，包括有香蒜牛油帆立貝、醬燒帝皇蟹棒、芝士大阪燒玉子、火炙鰻魚、鹽燒三文魚腩、三文魚腩、芝士鰻魚玉子燒、花之戀、香桃吉列蝦卷、芝士軟殼蟹卷、鰻魚忌廉芝士。嗌完一輪嘢食之後，就可以出去自助區域攞嘢飲同埋小菜嚟食！邊食邊等嗌咗嘅壽司！另外亦都嗌左唔同款嘅小食，包括有黑椒蜜汁一口牛、鮑汁雜菌西蘭花、蒲燒鰻魚、蒜蓉牛油芝士焗開邊蝦。除此之外，仲嗌咗一啲炸物食，例如有天婦羅蝦、紫心香芋丸、吉列牛乳炸鮮奶，仲有鹽燒牛舌同埋鹽燒雞翼，食之前一定要用埋塊檸檬，加啲檸檬汁酸酸地先好食！如果想食啲暖笠笠嘅嘢食 呢度都仲有唔同嘅熟食可以揀！平時食會揀牛肉鍋嚟食，不過係二人份量所以可能有少少多，如果同多幾個朋友一齊食就可以share！而今次就買咗個 黑蒜油豬軟骨拉麵，食落清清淡淡，唔會太鹹而口乾，而且份量啱啱好，唔會太多搞到食唔到其他嘢食 又可以暖下個胃！另外都嗌咗少少刺身食，有三文魚(片)、北海道帶子(片)、蜜汁仿鮑魚片、赤蝦、甜蝦，其餘甜品例如糯米糍(拎左朱古力味同芒果味)、泡芙或者小甜品都係要出去自助區域拎。另外仲拎咗一啲薯格同章魚燒食，食親就梗係要配翻一罐酒精飲品黎食啦！💘小小個人評分(Total:10)😋味道：8💲價錢：8✨環境：8🕺服務：8🔆人均消費：~ $201-400…Read More