陵發潮州白粥

陵發位置方便, 一連三舖 (中間舖為廚房), 顯眼易找。店舖光猛企理, 食物價格相宜。四周貼滿餐牌, 方便食客點單, 其實餐牌只有2頁, 貴精不貴多。鵝片 $180鵝片肉嫩味濃, 以煎過的豆腐墊底, 可避免鵝片長時間浸於醬汁中, 保留鵝肉味道。蠔仔肉碎粥 $120蠔仔肉碎粥一上桌, 芫荽味撲鼻, 不喜芫荽的也接受到。蠔仔脹卜卜, 粥底鮮甜, 如米飯比例高些會更好。煎蠔餅 $105煎蠔餅煎得脆口, 入口不會太油膩。蠔仔脹卜卜, 相對於蠔仔粥, 煎蠔餅予人的感覺不太實在。鹵水三拼: 鵝腸, 腩肉, 豬頭肉 $100鵝腸爽口, 腩肉偏瘦, 搭配油脂感和膠原重的豬頭肉, 十分合襯, 重要的是鹵水汁不會鹹, 齋食無問題。鹵水三拼: 鵝腸, 生腸, 墨魚 $100因為鵝腸太合胃口, 再次encore。生腸與平時街邊吃的橙色生腸不太一樣, 沒有染色且開了邊, 部份爽口部份偏腍, 口感不一, 感覺新鮮。而墨魚份量略少, 質感偏腍。炆春菜 $55首嚐炆春菜, 貌似芥菜, 但沒有芥菜的苦澀, 反而有種甜甜口感, 與肉同炆, 蠻不錯。青島啤酒 $25/支…查看更多

呢間野好過癮，名字叫白粥，但我諗無乜人喺度淨係食白粥。佢嘅菜牌兩版睇晒，少得驚人，不過舖位就有三個，仲未計閣樓嗰度。今晚兩個人嗌咗四樣嘢：蠔餅、蠔仔粥、鵝片同埋手春菜排骨。蠔仔粥嗌咗$55最細嗰隻，兩個人每人都有三碗仔，啲蠔新鮮兼肥美，啲方魚好香。蠔餅啲蠔梗係同蠔仔粥一樣新鮮肥美啦，佢呢個蠔餅係無薯粉同埋係炸嘅，盛惠$85。滷水鵝片唔太肥，幾好，不過個滷水汁就一般啲，得個咸字，無乜香味，我地嗌咗最細嘅$140。最後就係春菜排骨，春菜同排骨嘅質素都好，而且春菜份量都多，兼且都幾新鮮，唯一缺點就係鹹，所以臨尾要叫支可樂飲下先掂。…查看更多

陵發。呢個名字，是從很多人口中得知。香港打冷必定要到 陵發。聽從那麽多人都訴說這裡，讓我不禁對這個地方充滿幻想，滿著期待。早幾天終有機會一試這間傳說中的餐館。滿帶著興奮與好奇去之前當然要做好功課，看看各位兄弟姊妹意見，看看有什麼東西好吃，不竟今次只有2個人食，當然要食得精，重質不重量。我們約6點去到，我們是第一枱食客吧…哈哈！菜式也上得快。後來也越來越多人來食。蠔仔粥方面，可以叫一碗 或 一鍋。2個人當然一碗已經好足夠，因還要試其他菜式。味道方面我覺得沒太大驚喜，正常水準。味道夠，但如果可以味道更濃更重會更加好。(但意思不是要咸) 所以只有3粒煎蠔餅，聽說是混合了鴨蛋加雞蛋。出來味道與別不同，有獨特風味。所以有4個鵝片，開頭想叫個拼盤要鵝片+腸 或其他。但不能，只能獨立單份叫。沒關係，那就試試究竟為何。鵝片比較薄片，入口有種像溶化的感覺，肉質很嫩，味道均衡。真的是必試菜式有5粒腐乳通菜，有肉當然也要有菜。腐乳通菜雖然簡單，但也不是每間都做得出色。越是簡單的菜式要做得出色越是困難，這間也不例外。沒有多大驚喜，不入味。只有3粒總結，食物質素滿意，可再翻食。但不是那種人人說得那麼瘋狂的好吃。我個人會俾 6個 (10個為最高)。…查看更多

朋友知我中意食蠔，所以經常係我面前話陵發果度既蠔餅唔止蠔大而且仲好大份終於，我受唔住佢既誘惑...黎見下佢既盧山真面目兩個人，叫左蠔餅同鵝片，再加兩碗飯等食物上枱果陣，我望一望附近既人會叫乜幾乎每枱都會叫蠔餅；另外仲有潮洲粥，真係大大碗，感覺似好多料。不過我唔中意食粥所以無試等左十分鐘左右，先上鵝片。鵝片下面有豆腐同花生墊住，岩哂我，可以一次過食到幾樣唔同既野。鵝片切得好薄，而且唔係肥鵝，再點埋個酸酸地既汁，開胃又唔膩，食哂成碟都得，讚!!終於，蠔餅熱辣辣送上!! 等到頸都長埋真係大大份，而且D蠔真係好大粒，有手指公咁大粒好有蠔味!讚!!個蠔餅炸到金黃香脆，真係食唔停口..兩個人食左二百蚊，只係每人一百蚊就可以食到咁好食既蠔餅，可以加入Encore食店呢度唯一既缺點就係所有食物都唔寫價錢，雖然佢個餐牌寫住歡迎問價，但講真邊好意思問架...如果唔係朋友帶我黎既話, 我真係唔敢行入去…查看更多

朋友隨意係openrice 搵潮州野食，search左呢間，抱住咩都試下既心態去食，食完明白點解咁多人係出面排隊。好彩book左枱, 但都要等一陣。雖然walk in都應該唔洗得好耐，不過大熱天時係出面等都幾係野。坐低嗌左鵝片、大腸同蠔餅。蠔餅不消幾分鐘就上台! 新鮮熱辣辣的，蠔仔粒粒都有番咁上下，仲要係肥嘟嘟的，很豐滿。點埋魚露十分好味。最鐘意係鵝片同大腸。鹵水鵝片嫩又淋，個鹵水味岩岩好，唔過鹹，仲有豆腐花生墊底，想再encore多一碟呀，但嗌左好多野食，驚食唔晒呀!!!!大腸都好正，冇臭味及屎味，又係個句，鹵水味岩岩好，唔過鹹，仲有芽菜係底，撈白飯一流呀!!!蠔仔粥好大兜，d蠔仔又係肥嘟嘟的，很豐滿，連莞茜，蔥等料，幾好味，但我嫌落得太多胡椒。韮菜花好嫩，用豉油炒得幾好味，較為驚喜的。通菜同蜆一樣都係淨恰，腐乳及豉椒另上，所以係冇乜鑊氣。由於會食豬紅的朋友唔多，所以冇嗌，唯有下次有機會再試。餐牌選擇唔多，例如冇糖醋麵，香芋鴨，水昌包，反沙芋等甜品，而且冇價錢，當然可以問啦，不過咩都講個信字。食完平均每個人都係$120，都幾抵食。快、靚、正。…查看更多

位於太子新填地嘅呢一間「陵發」打冷真係唔野少, 收工時間六點幾嚟到只有兩三檯人, 之後愈坐愈精彩, 因為愈來愈多客人...最後全場爆滿! 見到牆上貼有OPENRICE嘅海報, 原來呢間食肆拎過2015年嘅開飯熱店! 今次到此一遊都係由朋友帶嚟, 試一試睇下佢個熱店指數究竟有幾高先~打冷小菜上檯效率特別快, 因為好多都係凍食, 同好多都已經預先準好, 客人一落單, 轉個頭小菜已可以擺上檯面!碟嘅size好大, 但小菜份量並唔會因為碟大而睇落去少左, 反而係大大碟! 韮菜豬紅 – 好味! 韮菜好新鮮, 唔使再沾其他調味料已經夠入味, 因為已經索晒個醬汁精華, 豬紅就一定要沾辣椒油一齊食, 呢個係一個唔可以遺漏嘅步驟, 因為豬紅同辣椒油係絕配, 識食一定係咁食! 炒蜆 – 本身就咁食個蜆係冇問題, 肉質都幾鮮甜, 可惜個醬汁累事, 打茨重手左, 變成太濃太杰身, 令到蜆肉好咸, 完全蓋過蜆肉本身嘅清甜味道…失敗! 而且吐沙處理得唔太乾淨, 唔受大家歡迎。 蠔餅 – 好足料, 勁多蠔, 麵粉反而比較少啲, 成個餅所以變得外脆內軟! 好味! 腐乳通菜 – 真係好大碟, 其實通菜冬天唔當造, 但呢碟菜卻好嫩, 而且灼嘅時間啱啱好, 保留爽口多汁。 蠔仔粥 – 蠔仔都係多多, 雖然細細粒, 但漲卜卜, 令到個粥好鮮甜~ 滷水類 – 滷得好入味, 特別一提個鵝片, 肉質軟淋淋, 啖啖肉,好味! 唔錯唔錯! 絕對係一間值得推介而且好專業嘅潮州打冷店舖!…查看更多

女人愛cafe, 我哋麻甩佬就愛大排檔. 不過而家cafe總有一間喺左近, 大排檔就誇幾區先搵到檔仲要未必掂. 要就腳方便又有風味, 我就推介太子既陵發, 主食打冷, 環境嘈雜, 個個隊住啤酒un un腳粗豪地大講大笑, 係一個室內大排檔, 其實現場都不乏有女性, 無他既, 全因食物有水準.  雖有3間鋪位, 但晚晚都旺場, 早去都要等一等先有位座得好親密好熱鬧主要食打冷佐酒食物, 喺度食嘢真係唔好問價錢, 總之埋單伙計話幾錢就幾錢, 餐牌上除啤酒有價錢外, 其他係得個餸名.煎蠔餅, 炸得卜卜脆又大件, 蠔仔夠大粒乾淨.南乳豬手, 夠稔夠骨膠軟, 南乳味香, 連花生都入晒味韭菜豬紅, 豬紅大件夾起無散開, 一定要配潮州辣椒油, 個汁仲可撈潮州粥食鵝片, 厚切滷水汁入晒味, 唔沾白醋都夠味…查看更多

今日一行三人，約出黎聚下順便攞手信。例牌。又係我負責做搵食個個。。年尾聚會食得太多西餐，有啲悶 ，所以就揀左呢間潮州打冷店。呢間打冷同其他食店好大嘅大分別就係餐牌冇價錢。。。。好彩之前上網睇過，知道價錢都合理唔會開天殺價，都可以放心叫。。。睇人地啲食評話蠔仔菜式必食，所以以諗都唔洗諗就叫左蠔仔粥同蠔餅。另外更係有叫滷水鵝片，仲有韮菜豬紅。餐牌只有菜名。份量都冇得揀。店家應該係睇人頭俾份量嘅。。我地三個人。。佢上左一窩蠔仔粥，每人都有兩碗。。同一個我覺得都幾大份嘅蠔餅。。鵝片應該就stsndard..都有十片嘅,下面有好多豆腐(我至愛 )。韮菜豬紅一碗。得我同另一個朋友食。。最後食唔曬。味道方面，以我呢個好少食蠔仔粥嘅人來講，味道不錯。有好多大大粒嘅蠔仔同方魚(應該係).我食左兩碗。蠔餅，都係好多蠔仔，但呢間冇俾辣椒醬蘸，好似爭啲野咁，正常味鵝片，夠入味，薄薄地，食落唔會韌，但我對佢墊地個啲豆腐更有興趣 韮菜豬紅，啲豬紅唔係車仔麵個啲咁細細粒，係大大舊嘅，味道我覺得正常，但我個朋友話有啲腥。。。最後差不多都是我食……我地仲叫左支獅威埋單295.唔貴。。。。下次同為食屋企人再食過 …查看更多

太子新填地街既三個鋪位, 以大排檔陳設,十分旺場既太子陵發打冷平時晚市好多人, 我地宵夜時段去先剛好有位一行8人點左鹵味併盤, 有墨魚,豬腩, 大腸,等,全部醃得好入味,尤其係大腸同豬腩肉鵝片,大塊得黎切得好薄,好香鹵水味,鵝肉比較煙UN蠔仔粥, D蠔好大隻,粥都幾鮮甜雞腳,呢味醃得好正,雞腳好大隻而且出面仲有豆豉同蒜蓉香烏頭,呢個一般冇乜黃油春菜豬肉,吾係個個啱食既潮州菜,出面有林林既憫春菜,入面有肥豬肉,口味比較重咸腐乳通菜,夠大碟菜夠新鮮韮菜豬紅, 豬紅吾易爛而質感比較彈牙 咬落爽口, 韮菜新鮮而吸哂入面微辣既醬汁, 好味煎蠔餅,聽講係師傅自創將傳統既鴨蛋換成一半既雞蛋煎成, 所以甘樣先煎到甘厚既蠔餅出黎,雖然厚但口怠酥脆不滯,且入面既蠔亦都非常大隻,蛋漿同蠔中間既茨亦厚度適中, 正!雖然佢個餐牌係冇價錢,我地叫埋單佢就自己喺度計, 但食物價錢真係幾平,而且十分好味!…查看更多

因為呢間之前食過..本來諗住去新泉發試下..點知叫勁多次寫單都無人理..結果走左黎返呢度唔駛睇價錢點菜..因為無標價牙姐好好笑..話揀左隻最靚既比我送粥必備因為炸既關係蠔仔唔會好熟..所以唔食生蠔既佢食左兩啖就叫我清左佢好味好味..切薄d會更好生腸我以為係橙色果d..點知失望左5碗ar痴左線…查看更多

記得幾年前友人帶我到此處食出名的蠔仔粥及蠔餅，成日向同事推介，今晚終於有得再去了，記得這店特色係餐牌冇價錢，埋單全你講，有趣！今晚四個人點了：一窩小蠔仔粥：蠔仔大隻而漲卜卜，勁飽滿！蠔仔多，但胡椒粉略為重手了，應該胡椒粉另上比較好！凍烏頭：好大條，肉質夠實，好味！韭菜豬紅：韭菜爽口，豬紅大大件，配上香蒜，如配白飯應該不錯吧！煎蠔餅：外表勁脆，但蠔仔又夠滑，好手藝！紅腸墨魚雞腎：麻麻地鵝片：很愛吃，因為啖啖肉，不需要吐骨，很合適我這懶人吧！鵝肉夠軟滑，帶少少肥，點上醬汁，很滋味！加上三支大啤，兩支可樂，都只是450，真的物有所值！ …查看更多

去潮州店食得多...今次來這店試下...很地道的風味...鵝片汁可咸味點, 鵝片得薄, 鵝不肥又不太瘦, 很好. 很久無食過韮菜豬紅... 做得不錯, 韮菜略嫌不夠嫩. 招牌菜炆鳳爪真的好淋好入味...這個真的值得推介. 肉碎蠔仔粥不過不失...蠔都幾大仔....應該叫中蠔粥呢 ...以這種街坊式的食店來說, 服務算是很不錯. 坐位亦可以接受.食物很好味, 一定會再來食.…查看更多