8號茶居 (宏業南街)

🛍莎莉終於出現啦！熊妹有幾耐冇見過好朋友莎莉呀？咁耐冇見莎莉，梗係同佢去遠啲地方玩吓啦！元朗夠遠啦掛！同佢飲個茶🍵食個點心🍘，然後再去附近嘅千色匯行吓傾吓偈抖下🗣，絕對係同好朋友一齊的賞心樂事！📌先去咗朗屏行吓，知道有間叫《8號茶居》的點心專門店，價錢幾便宜，一於試吓！📌店舖都幾大，有四人梳化坐卡位🛋，有二人同四人坐嘅木凳位🪑，餐廳感覺好光線，以木係同埋藍色色調為主，感覺好柔和。📌食物都好多款選擇，大路的點心、蒸飯都有齊，有啲款式一蒸兩籠，啱晒二人份量，最特別係有個流心西多士，呢個一定要必試喇。雪山叉燒包， $25熊妹鍾意食叉燒包，因為鍾意食濃味嘅醬汁。雪山叉燒包好大一個，比傳統叉燒包就多一層口感，墨西哥外皮甜甜地好鬆脆，餡料都幾多，甜甜地嘅叉燒醬汁，有粒粒叉燒冇肥肉位。蟹籽燒賣皇， $19燒賣皇后熊妹食點心點會唔點燒賣呀？一籠燒賣有兩大粒，真係超大粒，啖啖肉冇肥豬肉渣，點豉油辣椒油一定一流。鮮蝦菜苗餃， $20比起蝦餃嚟講熊妹更加鍾意食菜苗餃，因為有蝦之餘，仲有一啲菜，好似感覺上清新啲，健康啲。菜苗餃真係超大一隻，好似粉果咁大，入面蝦肉🦐好彈牙，調味好足夠，帶出蝦肉嘅鮮味又能蓋過菜苗嘅草青味🌱，水晶皮超薄，驚夾大力啲都會夾爛，真係皮薄餡靚。老干媽蒸鳳爪， $27莎莉想食鳳爪，《8號茶居》用咗老干媽醬汁調味，味道非常濃郁，鳳爪大大隻，蒸得好淋，醬汁好入味，入口即溶，仲可以咄返骨出嚟，呢個就係食鳳爪嘅滋味。鴛鴦鮮蝦米網腸， $36鴛鴦蝦米網腸幾特別，顏色非常鮮艷，係鮮燈同鮮綠色，表皮腸粉夠薄又嫩滑，內裏網腸好脆口，仲有粒粒蝦米粒，點豉油辣椒油又係味道一流，一碟八件，份量都幾多下。瀑布流心西多士， $31到熊妹最期待嘅點心啦！熊妹不嬲都好好奶黃流心的，鍾意奶黃的奶香同甜味。唔好睇外表平平無奇，嘩！一切開，瀑布嘅奶黃流心真係湧晒出嚟，流心效果做得非常之好，奶黃嘅味道重奶香🥛又唔會好甜，流心嘅質地滲入晒麵包入邊🍞，食落去真係好滋味！呢個咁高卡路里嘅邪惡食物，熊妹都忍唔住食咗大半件。到熊常之好，奶黃嘅味道重奶香🥛又唔會好甜，流心嘅質地滲入晒麵包入邊🍞，食落去真係好滋味！呢個咁高卡路里嘅邪惡食物，熊妹都忍唔住食咗大半件。擂沙煎堆仔， $27食咗咁多鹹嘢，食多個甜品煎堆仔真係圓滿結束啦！一疊有三粒，外皮炸得好乾身粒粒芝麻好香，咬落去，外皮夠厚身又軟糯，入邊有黑芝麻醬，同軟糯嘅外皮一齊食，份量剛剛好，映襯返外皮白芝麻粒嘅芝麻香味，呢個煎堆仔都做得幾出色。📌兩個人七款點心，想食嘅全部都試勻晒，真係頂住個大肚腩離開。價錢親民，連茶介每位$6，埋單都唔使$200，環境又闊落，自成一角，最開心可以大聲講大聲笑，就係同好朋友飲茶食點心的樂趣。…Read More

基本上 我地大約1~2星期 就會黎幫襯一次除左貪佢夠就腳，仲因為夠平靚正，有時想飲下湯 佢都有~雪茄春卷 $15/條第一次試呢款, 估唔到咁creative 真係成支雪茄咁上枱 !!!  XDD份量比一般春卷大 ! 春卷皮內, 竟然係白汁海鮮餡 !幾好食~ 覺得有d fusion感覺 ~鴛鴦鮮蝦米網腸 $36每隔一排 就會想食呢款~ 即叫即炸, 皮夠薄包住雙色既香脆米紙, 中心係大大粒蝦仁, 口感豐富 : )想講呢個價錢 真係良心價 ... 整到咁精美咁香脆 仲有成8舊 先$36...雪山叉燒包 $25次次黎都必食 ! 熱辣辣上枱, 外皮一層帶有淡淡奶香包體鬆軟 ~ 整體又唔太油, 真係好好食蟹籽燒賣皇 $19, 鮮蝦菜苗餃 $20兩款都係勁大粒, 入面又有爽口彈牙既蝦肉 ~ 不錯豉椒排骨蒸飯 $45蒸飯又係每次都會叫 ~ 大約有5-6款飯款今日想食 豉椒排骨, 其實佢款款蒸飯 D餸好足料, 飯又軟熟份量係 兩個人分都覺得有D多 : D茶錢 $6/位, 無加一, 今時今日黎講 真心抵 !仲要佢D服務其實唔差, 好主動加茶同收碟所以 呢度繼續會係我倆既飯堂 : )p.s. 今次無叫到, 佢地嘅紅棗糕其實都好好食! 同埋佢地嘅 燉湯都足料架 !仲有好多人會黎食佢地嘅 瀑布西多士 ~ 我都食過一次 係幾好食但實在太邪惡 ! 只可以偶爾叫黎開心下 : D環境都光猛整潔, 最重要都係近西鐵站 !!…Read More

朗屏站隨着越來越多新樓嘅落成，附近就越來越多新式嘅美食，今日就去食咗間叫做「8號茶居」蟹子燒賣皇—$18兩粒大大粒，食落去好爽口，加埋啲蟹子喺上面，口感豐富😋8號蝦餃皇—$19蝦餃皮，皮薄餡靚😳個皮晶瑩剔透，入邊啲蝦🍤又大，又爽口，口感同層次都好豐富，一個字溫室青瓜叉燒腸—$28碟腸粉啲皮整到啱啱好，好煙韌👍再加上有青瓜係入面會令到口感更好😋鮮蝦菜苗餃—$19隻餃啲皮煙煙韌韌，入邊啲蝦都比較多，配合入邊啲菜，食落去口感層次豐富。鴛鴦鮮蝦網米腸—$35呢碟鴛鴦鮮蝦網米腸～係我本人最愛既點心之一，因為真係好好食😋外邊嫩滑，入邊鬆脆，仲有蝦🍤嘅鮮味，點埋個豉油簡直一絕咁配😊宮廷桂花糕—$22最後甜品桂花糕，超級冰凍，入邊桂花同埋棗分布均勻，甜度適中，賣相精美，一個字總括來講：如果你想食平、靚、正，既點❤️一定要嚟呢間，因為性價比真係好高…Read More

今日陪老爸入元朗搵朋友，未見朋友前想打個底先，但老爸胃口㤿憸，早餐一定要一盅兩件，但唔熟呢頭，兜左個圈都唔見有酒樓，好彩最後搵到呢度，雖然唔係酒樓，但一樣有點心濃茶，算係新式嘅點心專門店啦。 茶位只係$5，已經好少酒樓會做到呢個咁平嘅價錢啦。點心紙除左好多傳統嘅茶樓點心之外，仲有d新式🆕️、有創意嘅選擇，老爸就俾牆上嘅食物相吸引，點左個瀑布奶皇流沙西多士、我就揀左個青咖哩雞粒咸水角。見到鄰枱有竹筒飯食，隔離飯香真係無錯，忍唔住望吓點心紙，原來竹筒飯有幾多選擇喎，最後揀左個比較少機會食到嘅豉汁黃鱔飯。揀吓叫吓，最後叫左6個點心。瀑布奶皇流沙西多士🧇$30切開果吓，真係好興奮，d奶黃係把把聲湧出嚟，估唔到裡邊會夾住咁多餡喎，呢個真係一定要襯熱食，西多四邊金黃，沾滿蛋香、外脆內軟，再索滿奶黃汁而食，甜而不膩。 青咖哩雞粒咸水角🥠$25一般咸水角嘅餡料都係豬肉碎，但呢個係竟然有雞粒，淡香而微辣嘅咖哩配上炸得金黃嘅咸水角，味道原來真係好夾。 豉汁黃鱔竹筒飯🎋$59用上上乘嘅金鳳米，有飯香、粒粒分明，飯底唔錯。黃鱔細細件，一口一啖、無骨，好啱送飯。如果竹筒味可以更香濃，呢個蒸飯就會更抵食。 其他點心:鵪鶉蛋燒賣🥚$27，越嚟越少酒樓有得食嘅點心，最欣賞係每粒燒賣都有大大隻爽口嘅蝦。白灼菜芯🥬$19，上枱時依然翠綠，但唔多油；都幾爽，有一、兩條仲幾清甜。鮮蝦菜苗餃🥟$19，個皮做到晶瑩通透，同樣有大隻蝦。 欣賞呢度嘅原創口味，仲要係好食唔伏嘅，抵讚。…Read More

朗屏站F出口行5分鐘就到，地點非常易搵平日下晝過嚟唔使等位👏🏻環境都非常企理方便點心價錢整體都幾合理，又唔算太貴- 雪山叉燒包 $24 + 鮮蝦菜苗餃 $19兩籠點心都係大大件吃到飽嘅朋友😂餡料好多，菜苗餃皮薄餡靚、蝦彈牙爽口。而叉燒包好鬆脆，一啲都唔油👍🏻大推～- 老干媽蒸鳳爪 $26對於辣度食十小嘅我，呢碟老干媽都幾辣。鳳爪底雖然無花生托住，但有一舊索晒精華嘅豆卜好惹味🤤- 鴛鴦鮮蝦網米腸 $35未食過網米腸，口感幾得意，外皮滑內餡脆，好睇好食- 姬松茸宣骨燉湯 $45飲返碗湯解解油🤪暖下胃咁，燉湯中規中矩，都相當入味，翅骨少啲會更好見主打好似係竹筒飯，但每款點心都大大碟、食得太飽無試到，下次有機會都會再食﹗…Read More

近呢幾年已經愈黎愈少去D大型連鎖茶樓飲茶，反而中意幫襯呢D點心小店，因為覺得質素好又足料啲，服務又殷勤👍🏻今日男友放假但我晏畫要返公司，兩條友就係屋企附近食個brunch再分道揚鑣～黎到岩岩過左十一點無左早晨孖寶，不過我地本身都想飲湯，所以叫左個湯飯套餐加三款點心😊⭐牛肉煎蛋竹筒飯，百合蓮子鮮淮山燉螺頭湯，白灼菜心，跟餐甜品桂花糕 (評分: 4/5) 💰8️⃣3️⃣➕💰8️⃣- 燉湯好足料👏味道偏清淡，感覺好養生😂湯水對我地呢啲外食一族真係好重要🙈- 牛肉煎蛋飯嘅牛肉口感似山竹牛肉球，幾彈牙juicy👍我自己好怕食中式蒸飯啲飯太淋變成一pat野，呢度蒸到粒粒分明👏👏- 跟餐甜品桂花糕爆多杞子😂 口感岩岩好軟硬適中，微微清甜😋❤️雪山叉燒包 (評分: 5/5) 💰2️⃣4️⃣上檯時微暖，外層酥脆🤤裡面叉燒鹹甜味適中，唔會太肥，出色！😋⭐鮮蝦菜苗餃 (評分: 4.5/5) 💰1️⃣9️⃣又係勁足料😍蝦肉爽口彈牙，菜苗唔會有生既草青味得黎又唔會熟到淋晒變黃👍唯獨是塊餃皮黏左少少令到夾果陣容易因為痴得太埋而散開😅❤️咖哩蒸土魷 (評分: 5/5) 💰2️⃣8️⃣蒸得岩岩好，魷魚唔會韌，咖哩味都幾香但唔會過鹹，唔錯😉食左咁多樣野整體都好滿意😙出街食飯最緊要足料好食，點心就更加要新鮮熱辣，呢度都完全做到晒！👏仲要無味精食完唔口渴，大讚！❤️…Read More

搬入大西北後一直搜羅附近各式餐飲☺️今日又搵到一間工業區內茶居😋早起的鳥兒有蟲吃🐛11點前仲可以叫抵食孖寶👍🏻👍🏻$35孖寶A👥-蜜汁叉燒包蒸起熱辣辣，口感鬆軟😋包內唔會淨係得肥豬肉👍🏻-鮮蝦菜苗餃皮薄蝦肉爽口，豆苗好嫩🤤🤤🤤(好耐冇食真正用豆苗整的菜苗餃😢食過好多間都用白菜🥬/翠玉瓜替代豆苗🥺)$38孖寶B-鳳爪排骨飯排骨肉嫩多汁，咬落有實但絕對唔係鞋口👍🏻👍🏻-蟹籽燒賣王燒賣大大粒😍蝦肉爽，豬肉肥瘦均勻😋$19八號蝦餃王🦐薄皮內包住滿滿新鮮純蝦肉🤤超滿意！$26山竹牛肉球⚾️牛肉球爽口彈牙☺️肉質唔會太爛或過實👍🏻$25木魚燒汁茄子🍆茄子釀上墨魚滑🦑好有誠意！加上日式燒汁及木魚絲，成件事變得好日式😋$30香滑鮮蝦腸🍤蝦腸一樣好有誠意😍三大卷滑腸粉包入滿滿蝦肉👍🏻$30瀑布流沙西多士🍞超！邪！惡！🤤🤤🤤🤤熱辣辣炸起外層脆卜卜！！多士入面係全流心奶黃😍😍😍但好滿意好滿足！總括而言，好欣賞佢每份精美點心都係兩粒裝，可以留多啲quota食多幾款點心😋見佢仲有竹筒飯+燉湯套餐一樣吸引😍有機會一定再黎食過🤤茶茗$5/1位唔算貴，員工好勤力收碟加水，仲要唔洗加一😱😱變相相當抵食😋…Read More

男友今日放假我去左返工🙈😪收工後無心亦無力煮晚飯，就返屋企附近同男友去飲夜茶😁我地叫左個$83套餐包燉湯，竹筒飯，菜同埋甜品👏 揀左加$8既川味黃鱔竹筒飯，加$8轉既花旗參燉烏雞湯，跟餐既白灼菜心，另外叫咗鮮蝦菜苗餃，咖哩蒸土魷同埋醬皇鳳爪😋1. 花旗參燉烏雞個燉湯好香好足料，清甜唔油膩，有清熱得黎又補身既功效👍👍 岩晒我地呢啲無湯水兼成日食熱氣野同捱夜既年輕人🤣2. 川味黃鱔竹筒飯見到呢度既蒸飯有黃鱔呢個咁特別既選擇我諗都無諗就叫咗😁 仲要係川味更加香同好送飯，果然無令我失望👏 個飯唔算好辣，飯粒分明，帶啲麻香，黃鱔份量都幾多，肉質唔錯，完全唔腥👍(不過就算腥都俾啲川味遮晒😂)3. 鮮蝦菜苗餃未食已經見到晶瑩剔透好足料👍 外皮煙韌，蝦肉爽口，菜苗都爽口而且無草青味～4. 咖哩土魷咖哩汁好香，蒸得啱啱好，完全唔會韌😋5.醬皇鳳爪男友話個味ok，但略嫌蒸得唔夠淋所以唔夠入味同埋比較爽口，唔係佢食開嘅淋身口感😅6. 桂花糕跟餐甜品黎既，幾清香唔會太甜，仲咬到粒粒嘅杞子，唔會太硬又唔會太淋，口感非常好😊呢個位置夜晚人流應該唔多，但我地一路食一路愈黎愈旺場，7點幾埋單走果陣全場坐滿晒，真西利😂😂 …Read More

元朗已經頗多點心店了，現還要再來新張一間。只是元朗市中心區，自己經常去光顧的已有五間點心店，還未計算那些傳統的中式大型酒樓。究竟是市場需要，還是點心勞力過餘，使區內不斷開立新的點心店呢？新來者「八號茶居」又認為自己憑什麼可以打進這淌混濁的紅海市場呢？有人論點心專門店之興起，在投資者角度成本是非常低廉，相較萬尺傳統酒樓逾五十萬元租金，點心店一個舖位一千呎內，十萬元左右租金。人手方面，傳統酒樓點心部員工各司其職，互不統領，餡料只做餡料，熟籠專守火喉，腸粉只拉腸粉，員工人數多達十多人。但於點心店，一人能分身數角，員工只得三四人左右。還有近期大量傳統酒樓結業，散工又開工不足，造就一群手工嫻熟師傅，幾名拍檔夾錢自已經營。在顧客方面，點心店形式休閒，可一人二人小聚，也可只點一盅兩件便結帳。但你試試在傳統中式酒樓與接待員說一位，保證繁忙時間你輪一兩小時也沒有位置，也會被酒樓侍應白眼。「八號茶居」在西鐵朗屏站下方的住宅朗屏八號對面新商廈之地面。假日來到，泊車倒也方便，可以直接亂泊在工廠區裡頭。點心選擇三十來款，都是大路款式。這反而更考廚師功力。許多點心均是兩件一籠，正好適合現時二人限聚令下的消費模式，可讓客人多嚐幾款點心。傳統老派點心師傅常言道，點心不需花巧，只要正宗便足以行走江湖，用心鑽研做好幾款常見點心，例如燒賣、牛肉、蝦餃、叉燒包、腸粉，便可去英美澳加日大展拳腳，覓到一份高薪工作；反之學弄什麼公仔點心，只要潮流一過，又落得孤芳自賞的田地。以往我聘請點心總廚例考之試菜餐單也以傳統為主，蒸點兩款蝦餃及牛肉球、炸點春卷、及齋腸粉一碟，便知應徵者能力。題外話：曾幾年前聘用一位出身自國際酒店的香港籍點心總廚，他少時香港工作，然後被集團升職至日本旗下酒店工作十年。能操流利日語，離職回港因父母年長，他慨嘆日籍下屬沒有香港人那種巧手。還記得當時他所提交的日本工作證明信是非常特別的，以毛筆字書寫什麼什麼君，在日皇某年起擔任中華料理師長。店家對器皿之選擇極有藝術美感，不知款式是特別訂造，還是直接外購？與其他酒樓點心店，只提供純白色的塑膠器皿與眾不同，別樹一格，甚有玩味。餐廳提供了一系列的中華古典青花纏枝圖騰杯碗碟匙套裝供客使用，繪功纏枝秀麗，牡丹璀璨綻放。雖是印制圖案，但氣質非凡，滲出陣陣古典氣息，正好配合這兒飲茶品茗風格。茶壺同樣玩味性十足，透明琉璃壺，中間不銹鋼茶隔，可惜店家只用茶包而非茶葉。點了鐵觀音，正常中式酒樓味道。【鮮蝦菜苗餃】賣相高質，皮薄透明，餡料飽滿。以澄麵拉出軟軟黏黏的外皮，蒸煮時間掌握準確無瑕，晶瑩通透，能在外望透內裡的厚實餡料。這款點心適宜離火後即食，否則外皮會變得灰白及煙韌難咬。餡料豆苗及蝦仁比例均勻，蝦仁爽口彈牙，配以清翠豆苗，味道清新。【八號蝦餃皇】蝦餃亦名點心之王，成本昂貴，師傅手門亦要熟練，才能成功制作出一粒高質的蝦餃。視乎酒樓檔次，有些選用鮮蝦、有些用急凍蝦仁，刀功亦有切粒與蝦膠之分。個人喜好使用急凍蝦仁制作，因為品質及供應較穩定，工藝技巧在於解凍作法分野。這兒「八號茶居」兩粒蝦餃賣相大小有輕微差異，一粒餡料豐滿，賣相結實。但另一粒卻餃皮與餡肉之間出現空隙，師傅力度掌握似是稍欠拿捏。咬進時，肉質爽脆彈牙，帶有黏黏汁水，餡料緊扣，未有鬆散，吃出是現場制成蝦餃後即蒸制作，不似集團式酒樓再急凍運送貨色。【布粒腸粉】這是非常高質及考驗手門的出品。先用粘米粉溝成腸粉漿，然後盛一湯匙米漿倒進蒸腸粉蒸盤上掃平，再表面上輕輕放上一塊透明細孔通氣白布，蓋上不銹鋼蒸蓋約四十秒開蓋後，師傅需即時在水氣彌漫充斥的視綫下，憑自己多年的造詣，以陰力將腸粉捲成極幼的圓柱狀，再中間切開成兩等份。賣相腸粉沒有任何洞口穿透，粉漿也拉得很薄，可見廚師手們上乘。味道雖然加了花生醬及豉油，但仍能吃出腸粉的幼滑口感。【鵪鶉蛋燒賣】相當費時及難以保存的點心，許多連鎖酒樓已不再作此款點心了。鵪鶉蛋要先以沸水煮熟，以人手除殼。然後打蝦膠連同鵪鶉蛋，包入白色燒賣皮內，再蒸十二分鐘至蝦膠結實。由於鵪鶉蛋熟後不能再冷藏翻蒸，又不易存放。所以凡有此款點心供應的地方，必是即制及即蒸的新鮮點心食肆。此點心大約廿分鐘最後才出場，外表平實不花巧，顏色白雪雪一片。燒賣皮三粒緊貼著，用筷子將它們夾開。先吃面上的鵪鶉蛋，新鮮口感，蛋黃仍是深黃色。蝦膠打得爽脆彈牙，人手包紥不規則形狀，吃落汁液飛射，非常出色。總括而言，「八號茶居」出品精心制作，一絲不苟，連茶具器皿也甚有要求，值得再來光顧。…Read More