檸檬冰室 (冠天閣)

ʕ•ﻌ•ʔฅ 𝓛𝓮𝓶𝓸𝓷 𝓒𝓪𝓯𝓮 全間餐廳均是以黃色作主題，以配合「檸檬冰室」的店名。以港式茶餐廳來說，裝潢頗為有主題性，燈火通明。食物價錢合理且份量多，十分適合平日想不到食什麼的人士盲入。可惜這天的一口西多伴雪糕售罄，略感遺憾。★ 鮮茄菠蘿焗厚豬扒飯 $60餐廳的必叫菜式一， 大量的芝士鋪滿整個焗飯，趁熱吃會有「拉絲」的效果，豬扒比較大件，且肉質鬆軟，並配有數片蕃茄和菠蘿，再加上最下層的是蛋炒飯，而並非普通白飯，豐富了焗飯的口感。★鮑魚雞煲 $80亦是餐廳黃牌之一，打開蓋面頭有三粒鮑魚、數粒冬菇、還有數量不少的雞塊。鮑魚雖然不是什麼頂級一頭鮑，是普通一口鮑魚仔，鮑魚尚算入味，不會過韌，與冬菇和雞塊亦十分融洽，以不到一百的價錢來說，真是沒有什麼可挑剔了。★松露芝士炒蛋多士 $28因為叫不到「一口西多伴雪糕」，所以轉叫了這個。芝士炒蛋都叫做嫩滑，但松露醬的份量可適當增添。★經典黑牛(朱古力) 跟餐+$16現在很少餐廳可以叫這個，黑牛是指朱古力雪糕加可樂，而它的朱古力雪糕更有朱古力粒，為第一次飲黑牛的我留下一個不錯的印象。★ 椰汁紅豆冰 跟餐+$12非常大杯的紅豆冰，是普通餐廳的兩倍， 紅豆份量充足且軟糯，整體甜度適中，但椰汁味不算十分濃厚。…查看更多

最近同屋企人去咗檸檬冰室食午餐❤️食得好滿足丫😆🍤 <卡邦尼海蝦球意粉> $68意粉份量都多，不過偏乾身><用了洋蔥同火腿等配料製作，口感豐富，但味道較為淡，可以加返少少鹽令到味道再出些🤪🍦 <雪糕紅豆冰> 跟餐+$12超大杯✨好抵飲！基本上有半杯都係粒紅豆粒，加埋雪糕令成杯野飲好濃郁，好正😋🍅 <鮮茄菠蘿焗厚豬扒飯> $60豬扒飯需要即叫即焗，等約15-20分鐘，一上枱撥開表面蕃茄見到成片菠蘿，而菠蘿下面勁多豬扒，豬扒亦都唔會太難咬，而且蛋炒飯幾香口!!!🐟 <吉列魚柳 配香腸、西煎雙蛋、丹麥多士及薯蓉> $45吉列魚柳好大份，性價比好高! 睇相差不多喺成隻手掌咁長，外皮酥脆，肉質嫩滑；而其他配料份量都唔少，丹麥多士重牛油香味，煎雙蛋係流心蛋，流心效果明顯，雖然係下午茶餐，但都好夠食🥳❤️ <黑鑽紅豆冰> 跟餐+$8呢個係椰汁紅豆冰加多咗涼粉，冇雪糕紅豆冰咁濃，但飲落清爽，好襟飲🤩…查看更多

檸檬冰室真係以🍋檸檬黃色做主色。在遠處已經可以見到黃黃的招牌，非常吸晴。檸檬造型嘅霓虹燈牌，檸檬黃色的階磚，卡位和坐位都是用檸檬黃色。與店名非常一致。MENU 的選擇種類非常多，以檸檬為主題的冰室，當然有有檸檬的嘢食。亦都要一試！我地叫左以下的食物1.檸檬牛油雞中翼 （ $50 ）一份有5大隻雞翼,炸得鬆脆，有著淡淡的牛油香酸酸甜甜的檸檬味溶入雞翼中，不太油膩，非常開胃2.冰鎮鮮果咕嚕肉（ $65 ）咕嚕肉炸得剛好，配上冰鎮上，個皮脆身，且有大量的火龍果洋蔥等，非常適合夏天食。3.鮮茄菠蘿焗厚豬扒飯（$60）店內王牌之一，非常大份焗豬扒飯，豬扒厚身，份量多，一大片菠蘿和蕃茄，非常酸胃。5.黑鑽紅豆冰（ $24 ）大大杯的紅豆冷，有幾層，有滿滿的涼粉和甜甜的紅豆，唔算太甜。6.鮮薄荷青檸沙冰（ $24 ）成杯都綠色,以為係莞茜🤣夏日炎炎，非常消暑！如果你非常鍾意薄荷，一定唔可以錯過，薄荷味超級超級濃郁…查看更多

📌 檸檬冰室📍 觀塘康寧道11號冠天閣高層地下☎️ 26388809🔹🔹🔹🔹🔹🔹🔹🔹🔹🔹🔹🔹行經裕民坊，離遠已經見到一間新開嘅冰室，成間餐廳用上檸檬黃色🍋好eye catching，仲要大膽到用「就係好檸正」做招牌，就睇下幾檸正啦！入到去，好好彩有卡位。餐廳環境好新淨，檸檬黃嘅配色好sharp 醒光猛。仲有啲靠窗嘅高櫈位望番落裕民坊，好開揚。如果一個人靜靜地望住條街食都好舒服。💫鮮茄菠蘿焗厚豬扒飯（$60）有驚喜！完全無視成本咁爆多芝士🧀鋪滿整個焗飯！焗嘅時間拿捏得啱啱好，芝士味濃郁仲識拉絲，上面塊原片蕃茄🍅好新鮮多汁！菠蘿並不是切粒碎上而係好豪氣咁成塊鋪在焗飯上面。飯底係蛋炒飯，飯粒粒粒分明，軟熟又有飯香，即使焗咗，一啲都唔硬唔乾柴。豬扒好厚身，口感鬆軟香口又唔靭，肉質juicy，配合埋甜酸度恰恰好嘅鮮茄汁，味道層次非常豐富。💫咖喱雜菜蛋飯（$52）以為素🥦嘅咖哩會好單調？咁諗就錯喇。呢個咖喱雜菜材料一啲都唔馬虎。除咗蛋，仲有薯仔🥔、西蘭花🥦、雜菇、蕃茄仔🍅、茄子🍆。茄子仲食得出有炒過，絕對係誠意之作。咖哩夠香辣又帶少少甜味，送白飯真係一流。💫無冰奶茶（原價$24 / 跟餐+$12）每日都要啪杯奶茶嘅我，去茶餐廳毫無懸念會叫奶茶飲。呢間冰室有無冰奶茶特飲，啱晒今日要同朋友傾耐啲嘅我。奶同茶嘅比例剛剛好，茶底都滑，叫咗少甜都有少甜到。強烈建議用餐時間比較長嘅話加多少少$轉特飲。💫華田紅豆冰（原價$24 / 跟餐+$12）杯華田紅豆冰上枱果陣真係嚇一跳，個分量係mega size! 比杯奶茶大一倍！目測一定超過500 ml 。原來阿華田同紅豆個味係夾架喎，飲落去係沙冰嘅質地，都算幾多粒粒紅豆，紅豆好甜有開花好夠淋，仲有啲紅豆係打碎咗落杯特飲度，所以飲落口感好沙不單調。阿華田本身都係甜，呢杯特飲好甜人士一定不能錯過。💫檸檬牛油雞中翼（ $50 / 5隻）呢間冰室叫得檸檬冰室，點可以唔叫個檸檬小食。呢個檸檬牛油雞中翼賣相好吸引好colourful ! 上枱果陣熱辣辣，雞翼外皮炸到好脆口，食落肉質保持到夠嫩滑，一啲都唔乾。雞翼有醃製過，所以雞肉好入味。雖然係油炸，但用咗檸檬汁佐住，檸檬嘅酸甜味做到解膩又開胃嘅效果。另外職員們態度親切友善。疫情期間都會溫馨提示食客嘟同量體溫。食落安心又放心。總括都真係好檸正嘅。👍🏻😋整體好食指數：🌕🌕🌕🌕🌕🌕🌕🌕🌕🌗（9.5 / 10）🔹🔹🔹🔹🔹🔹🔹🔹🔹🔹🔹🔹…查看更多

-呢期觀塘開左間成間都係黃色既冰室🤣真係離遠都見到佢😂😂最估唔到既係佢地啲燒味竟然係自己燒 唔係岀面攞貨👍🏼———————————————————🍴鮮茄菠蘿焗厚豬扒飯($60)平時食快餐都通常嗌焗豬今次就試下佢有無啲咩特別😏一上碟 就見到原塊菠蘿係面🍍豬扒仲要勁厚😍食落就知係有煎過先焗而且唔會好柴 仲幾”淋”添☺️最欣賞既係佢地焗飯係炒飯底😆而個汁方面 係偏咸既汁 無乜酸味份量都幾多下😂我都食唔晒———————————————————🍴燒味四寶飯($68)呢個四寶飯入面有燒肉 叉燒 紅腸同油雞四款入面 大推佢地個燒肉😍燒肉皮係勁勁勁脆🤤而且又唔太咸果然自家燒係唔同啲👍🏼叉燒都唔算硬 幾好~紅腸同油雞都正常———————————————————🍴黑牛(跟餐+$12)估唔到佢地啲特飲咁大杯😂而且已經無乜餐廳有黑牛飲呢啲兒時回憶有得飲真係趁手飲😂佢地既朱古力雪糕入面仲要有朱古力粒👍🏼正啊…查看更多